Mihring Rin Ai Chuan LALPA-a Rinna Nghah Hi A Tha Zawk A Ni

"Mihring rin ai chuan LALPA-a rinna nghah hi a tha zawk a ni."(Sam 118:8)

LALPA A RINNA NGHAT TE CHU, A TAWP AH AWH RAWN AN NI LEH THO THIN.

Mirhing rin awm zia tak chu" Minister, Secretary, Director, Principle etc. kan hnaivai te lawm a lungngaih thlak loh tih ang chi te, ka thianpa chu chutiang khatiang alawm tih ang chi te, ka pa/ka nu in a nei alawm ka dil mai ang tih ang chi te, hna tha a nei a emaw an chhungkua an khawsa thei a nupui pasal ah a tha tih ang chi te," a tam awm e.

Hetiang anga mihring a innghat reng, Lalpa a an innghah loh vek pawh a, mahni a puitlin tumna nei lo mi chu, kum 10 chhungin an che buai viau hman a rinawm. Kan chheh vel a, hnam thenkhat te hi chu ringlo mi ni mahse, an mahniin midang ring loin puitlin an tum em em a chuvang chuan an damkhaw chhuak thin a. Mahse, an beih nasat ang huin, an tam dan ngaihtuahin dingchhuak an tam lo hle ani.

Ringlo mi kan chheh vel ami te hi, kan tluk lo an ti fo thin a, ni e kan tluk lo. Isua Ringtu Inti Si mahse Thatchhe leh Bawk Si Chuan, Tumah A Tluk Lo Reng Ang. Mahse, Lalpa Neitu, Lalpa A Innghat Tak Tak Chunga Taima Taka Thawk emaw, Zir emaw chu, Ringlo Miin An Tluk Tak Tak Thei Lo Ani. A tirah emaw, hun engemaw laiin Lalpa A Innghattu Chuan Midang A Tluk Lo Ani Thei E, Mahse A Tawpah Chuan Tu Mahin An Tluk Tak Tak Ngai Lo Ani.

Abrahama kha engmah nei lem loin Lalpa ah Innghat Hmiahin a pa in atang a chhuak a, a lian tual tual a, Lota nen ram an insem dawn pawh khan, RAM THA EMAW, THIANTHA EMAW kha a dinchhuahna ani lo tih a hria a, a thuhnuai a awm zawk Lota kha Ram Tha Zawk a kian anih kha.

Lota Ram Tha Leh Mihring a innghat, Thiantha leh Sumdawnpui tha a inngat kha, a Innghahna ber Lalpa anih loh avangin "Vawi Leh KHat Ah A In Leh Lo A Chhe Rup Anih Kha." Vawi leh khata chhiat rup hi a nia, "Khawvel leh Mihringa Innghah Man Chu," kum eng emaw chen Lota pawh hi a tluang em em, a hausa em em, mahse Vawi Leh Khat Ah A Chhe Rup Mai Ani.

KAN INNGHAHNA HI KAN FIMKHUR AVA NGAI TAK EM.

Abramhama ve thung lah, ran chaw tur hnim leh tui tlemna, ram chhengchhia ah khan a awm a. Mahse, Lalpa nen an in hnaih tlat zel a, "Vawi Leh Khatah A Dawk Thut Lem LO." Tichuan, zawi muangin a hausakna a thang tial tial a, "A THAN A TAWP THEI Lo" ani, nakin ah phei chuan Ram Pakhat Lal Meuh Pawhin A Hlau Ta Hial Anih Kha.

LALPA A INNGHAT BAWK TE HI, A TAWPAH CHUAN, A DING CHANG ZAWK LEH A CHAN THA ZAWK ANNI LEH NGEI THIN ANI.

Lalpa Ah Innghat Tlat La, I Tih Tur Apiang Lalpa Hnenah Tawngtaiin Thlen Zel La, I La Dingchhuak Ngei Ang.
"MI THIL TI THEI TEN KALO TIHSAK ANG CHE AN TIH PAWHIN, NGAWI RAWH! LALPA KAN RAWN PHAWT A NGE." Tih Hi Hreh Lo Ang Che.

Lalpa a kan innghah chuan "Kan Nunah Lalpa Chu Keimahni Ai A THU Zawk Tihna Ani."

Pathian Chu A Thu Ah A Awm A, A Thu Thil Ti Thei Lo A Awm Lo.

"I thu hi ka ke atânte hian khawnvar a ni a, Ka kawng atân eng a ni."(Sam 119:105)

PATHIAN THU THIL TI THEILO A AWM NGAI LO A, HMAN DAN DIK A HMAN A NGAI THUNG ANI.

Pathian hi a thu ah a awm thin ani, chu Pathian thu avang chuan damlo ten damna an chang a, rethei te an dingchhuak thin a, misual te mifelah a thu chuan a inthlak tir thei thin a, khawvelin a theih loh a tih hi Lalpa thuah a theih anih chuan a theih ngei thin ani.

Lalpa neitu hi harsatna an tawh hian an chak bik thin, tiin mi tam tak chuan an sawi fo a, a chhan chu" An Harsatna Ah Khan, Lalpa Thu An Thinlung A Awm Tawh Kha, Lalpa'n A Tih Nun Sak Thin Vang Ani." Chu chuan a ti chak thin a, Lalpa thu pakhat pawh hian mi hi a tichak takzet thei thin ani.

Harsatna ah Lalpa THU i thinlungah, tichak tur che a, a awm thin anih chuan, Mi Vannei ber te zing ami i nih bakah, Lalpa nen a Inkungkaihna nei i ni tihna ani a. Lalpa THU tichak thin tu tur che, I neih loh erawh chuan, nei turin theih tawp chhuah la, Lalpa hnenah bang loin dil thin ang che."

Lalpa Thu HI, Kawng Min Kawhhmuh Tur A Kan Mamawh Ber Ani A, Lalpa Thu A Chakna Atang Hian Mi Chuan Khawvel An Lo Deng Chhuak Thin Ani.

Ram ropui leh hlauhawm a, an sawi te chuan Ral Thuam Tam Tak An Nei Thin A, An Nei Tha Bawk A, Hman Dan An Thiam Bawk Thin Ani."

Kei ni pawh hi, "HNEHTU kan nih theihna tur chuan kan RALTHUAM PATHIAN THU HI." Kan Hre Tam Tur Ani A, Kan Hriattam Bakah Kan Hrethiam Tur Ani, Chu Mai Bakah Kan Hmang Thiam Tur Ani.

Kan Hriat tam dawn chuan CHHIAR TAM LEH NGAIHTHLAK TAM A NGAI A, Kan Hriatthiam dawn chuan" TAWNGTAINA NEN A KAN CHHUI THIN A NGAI A, Hrilh fiahna bu chhiar thin leh Rawngbawltu rual u zawk te rawn a tha bawk awm e, Kan Hmanthiam theih nan chuan"KAN NUNPUI A NGAI A, MIDANGIN ENGTIN NGE CHAK NAN AN LO HMAN THIN DAN" kan chhut tel fo a ngai awm e.

Pathian thu Hriat a, Hriatthiam leh Hmanthiam khawngah hian, Rawngbawltu hmasa te kamchhuak ngaih pawimawh a tul thin a, a chhanchu THLARAUTHIANGHLIMIN an hman thiam theih nan alo puih tawh thin vang ani a. Chu bak ah, tu TESTIMONY pawh hi uluk taka ngaihthah lo a, chhik taka Ngaihthlaka Chhui zel a pawimawh awm e.

A pawimawh ber chu THLARAUTHIANGHLIM ani, Pathian thu hriat kan duh chuan keimahni thawhrimna a kan Chhiar tam bakah kan Ngaihthlak tam a ngai a, kan Hriatthiam dawn chuan Thlarauthianghlim'in min hriatthiam tir a ngai a, kan Hmanthiam dawn pawhin Thlarauthianghlim'in keimah ni ah a TIH NUN a ngai ani.

THLARAUTHIANGHLIM puihna dawng tur erawh chuan, "INNGAITLAWM TAKA LALPA BIA A TAWNGTAI TLAT" a ngai ani.

A tawp ber ah chuan " Pathian thu hi thil ti thei loin a chhuak thlawn ngai lo a, vawi lehkhatah a thawk nghal zawt zawt lo ani maithei, mahse thil a ti thei ngei ngei thin, chuvang chuan " TAWNGTAI FAN FAN ZEL LA, PATHIAN THU THLAHTHLAM NGAI SUH ANG CHE." 

Pathian Thu Hi THLAH Lo A, I Vuan Tlat Anih Chuan, I Hlawhtlin Pui Ngei Dawn Ani.

Kan Nihna Ang Ang Hian, Isua'n Min Pawm Vek Ani.

"Tin, tirhkoh sawm leh pahnihte hming chu heng hi a ni: A hmasa berah chuan Simona (Petera an tih) leh a unau Andria te; Zebedaia fapa Jakoba leh a unau Johana te; Phillipa leh Bartholomaia te; Thoma leh chhiahkhawntu Matthaia te; Alphaia fapa Jakoba leh Thaddaia te; Kanana mi Simona leh a mantirtu Juda Iskariota te hi."(Mathaia 10:2-4 )

ISUA'N TU PAWH A HMANGAIH A, A RAWNGBAWLTU ATAN TUPAWH A DUH VEK ANI.

Kan Lalpa hian, tu pawh hi a thlang duh ani tih a chianna chu, a zirtir te hi an zia leh an chawr chhuahna a hran danah hian a lang awm e.

Kum thum vel kha Isua hian rawng a bawl niin an sawi a, chumi chhung chuan a zirtir sawm pahnihte chu chhungkua angin, a kalna apiangah an kal ve a, chhungkua ai pawhin an in hnaih zawk te pawh a rinawm ani. Chutianga, ze dang em em te, eizawnna leh chawrchhuahna dang theuh chu, a kianga awm tlat turin a thlang ani.

Isua khan sangha mantu te, chhiahkhawntu te leh mi chi hrang hrang te kha "AN NIHNA ANG CHIAH KHAN A PAWM ANI." Isua'n keini pawh "KAN NIHNA ANG CHIAH HIAN MIN PAWM ANI."

Kan Thin a chhia emaw, Insit reng mi kan ni emaw, Chak loh rukna kan nei emaw, Mipat hmeichhiatna ah kan buai emaw, Ba kan ngah emaw, kan Rethei emaw, Kut hnathawk kan ni emaw, Thluaka eizawng kan ni emaw min pawm vek a.

Chu min pawmna-ah chuan min dah sang bik lo a, min dah hniam bik lo bawk a, kan nih ang angin leh midang pawh an nihna ang angin a pawm bawk ani.

Mi hrang hrang hi, kan Dinhmun ah theuh te, kan Hnathawhna hmunah theuh te, kan Chhungkuaah theuh te, kan Thiante bul ah theuh te, kan Kawppui leh kan Inngaizawn pui ah theuh te, kan lehkha Zirna ah te nen, kan awmna apiangah hian a rawngbawl turin min koh ani.

MI DANG TE PAWM LO VE NGAWT THEI KAN NILO, ISUA'N MIN PAWM VEK MAI SI A.

Hmeichhia emaw Mipa emaw ani si a ka pawm lo, an Eizawn dan leh an Khawsak dan he tiang hi ani si a ka pawm lo, a Fing lutuk emaw a A lutuk ka pawm lo, lo ti ve ngawt thei pawh kan ni lo. Min kohthu leh min thlangtu Isua a inang a, inang chiah in min hmangaih bawk ani.

MIN HMANG DUH LO ANG PAWH KAN TI THEI LO, MIN HMANG DUH VEK ANI.

Mahse, kan nihna leh kan phak ang tawk zelin min Hman duhna leh Min Kohna Hmun erawh a in anglo mai thin zawk ani.

Kohhranah emaw, Mission field ah emaw, Ministry leh Evangilist team a min koh hi chu kan hrethiam em em a, kan pawm thlap thin. Mahse, KAN HNAAH TE, KAN LEHKHA ZIRNA AH TE, min koh hi kan hrethiam lo a, Isua neitu chu kan awmna apiang a rawngbawl tur kan ni vek hrim hrim ani.

Tin, Isua kan neih hian "Kan CHHUNGKUA leh Kan NGAIHZAWNG LEH Kan KAWPPUIAH" rawngbawl tur kan ni ngei ngei bawk a.

ISUA'N MIN THLANG VEK A, MIN KOH VEK A, MIN THLANNA LEH MIN KOHNA NI, TUMAN KAN NGAINEP TUR ANILO A, RINAWM TAKIN A RAWNG KAN BAWL TUR ANI.

Ngaihdam Theih Loh, Nei Lo Isua Krista

"Tin, ani chuan, “Lalpa, tuman mi chantir lo ve,” a ti a. Tin, Isuan, “Kei pawhin thiam loh ka chantir lo va che; kal la, tun hnuah tisual leh tawh suh,” a ti a."(Johana 8:11)

KAN LALPA ISUA ANG RENG HI AN AWM LO! AMAH ANG RENG A NGAIHDAM THEIHNA NEI ZAU AN AWM LO ANI.

Ka ngaihtuah thin a, eng chen nge mi hi ka ngaihdam theih le tih te, eng chen nge mi ngil nei ber hian a ngaihdam theih tih te, eng cheng nge mihring hrim hrim hian kan ngaihdam theih tih te hi.

Hmeichhia sual a lut thuk em em, a uire lai tak an man, vawi tam tak pawh lo awm khaw lo tawh, a chhungte pawhin tihngaihna tak an hriat loh te pawh, he hmeichhia hi anih a rinawm.

Mi kan han ngaidam a, an that hun kan nghak ngar ngar a, mahse an tihsual zel avangin keimah ni, hmangaihtu lak atang an han in la hrang thin hi chu tihngaihna avang ani. Um zui mah ila, min tlansan si, min mamawh hun ah enkawl mah ila an theih ve leh min hlat leh zel si, a ngaihna hriat ava har tak em.

Mahse, chutiang ang a, sual pawh chu, "kan Lalpa Isua hi chuan a Hmangaih cheu a, ala Ngaidam duh zel si." Sual A Tlu Eng Ang Pawh A Thuk A Suala Lut Pawh Hi, Kan Lalpa Isua Hi Chuan Chanchhuahna Kawngah, A Ngaihna A Hre Khawp Mai.

Isua Hnung Zuitu Leh Isua Thlang Tu Kan Nih Chuan, Keini Pawhin Kan Ngaihdam Ve A, An Tan Khawvel Lama Kan Tih Theih Zawng Kan Ti Tawh A, Tih Theih Dang Kan Nei Lo Anih Pawhin, TAWNGTAI SAK KAN BANG TUR ANI LO.

Sual ah keimah ni ngei pawh hi kan tlu a, kan sim hlei thei lo pawh ani thei e, hei hi kan hriat a pawimawh "ISAU'N MIN LA HMANGAIH CHEU A, MIN CHHANCHHUAH DAN A HRIA" tih hi. Chuvang chuan, kan theih ang ang in ISUA KAN HNAIH TUR ANI.

Isu min kalsan suh o! Nang lo chu Beisei dang ka nei lo, Nang lo chuan tumahin min chhanchhuak thei lo, min awmpui ang che, i ta ka ni, i hnenah ka inhlan e. Amen, tiin tawngtai fo ang che.

He Kan Sual Kan Tih Duh Tawh Miah Loh, Kan Tih Leh Mai Thin Hi! Isua'n a hria a, kan dinhmun pawh a hre thiam a, min la Hmangaih Cheu bawk a, A THISENA A LEI KAN LA NI TLAT BAWK A, A KUT ATA SUAL IN MIN LAK BO A PHAL LO A, Min Chhanchhuah A Duh Ani.

KAN SUAL LAK ATA ISUAN MIN CHHANCHHUAH THEIH NAN, A HNEN A KAN INKAWL TIR A, A THIL TIH THEIHNA KEIMAHNI A, A LANNA TURIN, A TAN KAN THINLUNG KAN HAWN TLAT A NGAI ANI. 

LALPA THUTIAM CHU ALA DING RENG

"Tin, mumang dang a nei leh a, a ute chu a hrilh leh a, "Ngai teh u, mumang ka nei leh ta a; ngai teh u, nî te, thla te, arsi sâwm leh pakhatte khian chibai mi lo bûk zuk nia maw le," a ti a." (Genesis 37:9)

LALPA'N A THU TIAM A HLEN NGEI THIN.

Josepha hnenah khan Pathianin a hma hun a lo thleng tur a ruat sak chu mumangah a hmuh tir a, Lalpa vek chuan a tih hlawhtlin sak ani.

Keini pawh hi, Lalpa'n kan tana a ruat chu mumangah kan hmu ve ani thei e, kan hmu lo anih pawhin "Lalpa Ka Zui Tlat A Ka Vawn Tlat Chuan Chu Chu Ka La Ni Ve Ang." Tih te in kan thin lungah Lalpa'n kan hma hun tur te a rawn dah thin a. Hetiang lo pawhin, " Lalpa Hnun Ka Zui Tlat Chuan Eng Emaw Ni, Eng Emaw Ber Ni Tur Tlat A In Hriatna." Ang zawng te pawhin kan hma hun Lalpa'n min hmuh tir pawh ani thei e.

Lalpa hnung kan zui tlat chuan, eng emaw tha chu kan chungah leh kan chhungkaw chungah ala thleng ngei ang. Lei Hausakna a thleng thei, chung ang zawng a athleng lo anih pawhin Kristian Chhungkaw Hahdam em em min la pe thei, anih Loh Pawhin Kawppui Tur Kristian Chhungkua Dinpui Tur min la pe thei bawk. 

A pawimawh ber chu " A Harsa Emaw, A Harsa Lo Emaw, Sualah Kan Tlu Palh Pawh Ani Thei E, Kan Tlu Anih Chuan Thawh Leh Vat A Ngai A Nga," ENG PAWH THLENG SE LALPA KAN VAWN TLAT HI A NGAI ANI."

Josepha pawh kha, a nun ah thil tha lo ava thleng tam em, a u then Khuarkhurum ah an thlak a, Salah an hralh leh a, Dawt a puh anih vangin Tanin ah a tang leh a, Tanin a, a tan pui hnenah khan i chhuah hun ah min hre ve rawh o! A ti lawm lawm a, mahse a hre fuh ta hauh lo a, Josepha hian chung zawng zawngah chu a nun a, an thlen lai chuan Lalpa A Vawn A Thlah Ngai Lo Ani. 

Thik vanga Harlh ani emaw, Dawt a puh ani emaw, Mihring Theihnghilh ani emaw, A Lalpa A Vawn Reng A Chuan Josepha Chu A THEIHNGHILH NGAI LO A, A HUN TAKAH A DIN HMUN ATAN A, A BUATSAIHAH CHUAN A DIN TIR TA ANI.

Kei ni pawh hi kan hmahun tur riruang chu Lalpa'n min hmuh tir ve tawh a, mahse Josepha ang chiah hian a kalkawng a Bumboh a, chu kalkawng Bumboh ah chuan Tundinhmun ah hian kan ding ani maithei e.

Josepha ang chiah hian Lalpa ah RINAWM TLAT ILA,  Josepha angin "A HUN TAKAH KAN DIN HMUN ATAN LALPA'N MIN BUATSAIH SAK, RINNA A KAN HMUH LAWK TAWHAH NGEI CHUAN MIN LA DIN TIR VE ANG.

BEIDAWNG SUH!

I Tal Buai Viau Anih Pawhin "LALPA THUTIAM CHU ALA DING RENG."

Hmangaihna A Mi Hnehtu Isua

"Tin, a vawi thumnaah chuan a hnenah, “Simon, Johana fapa, nangin kei mi ngaina em? a ti a. Tin, a vawi thumnaah, “Nangin mi ngaina em?” a hnena a tih avang chuan Petera a lungngai a, a hnenah, “Lalpa, engkim i hria a, ka ngaina che tih i hria e,” a ti a. Isuan a hnenah, “Ka beramte chawm rawh."(Johana 21:17)

HMANGAIHNA A HNEHTU ISUA KRISTA.

Petera kha, Isua a thih hnu khan len a deng leh ta mai ani, mi then khat chuan ze nghet lo mi ti thawt thawt ah an ngai a, mahse bible a, a thu ziah en hian chutiang mi anlo tih hi a hriat a. Pa nghet tak Isua pawhin a zirtir anih bakah a thian ang a, a en anih a rinawm zawk a. Zirtir dang te pawhin hotu angin an en ani te pawhin a hriat a, len a den dawn pawhin an zui ve zel bawk ani.

Petera khan ka phatsan lo ang che, i thihna ah ka thi ve ang tiin a Lalpa Isua hnenah chuan a intiam a. Mahse, mihring mai Petera a huai zo ta lo, Getsemani huan ah pawh a hriam hrei te a lek a, mahse Isua'n a mamawh ber laiin a phatsan ani. Petera chuan tum pawh a tum, Isua an man chu a, zui ru ve ngar ngar mahse, a phatsan lo ngam ta lo ani.

Thlarauthianghlim Chenchilhna Tel Lo Chuan, Mihring Hi Chu Kan Nep Em Ani.

Petera tan hian, len den leh loh chi pawh anilo, Isua phatsantu ani kha, hreawm a ti em em a, Isua Zui tlak ah pawh a inngai tawh lo hial ang.

Kan Lalpa Isua chuan Petera a va pan zawk a, Lalpa'in  a hnungzuitu amah phatsan tawh tu, ngaidam tur leh kawngdik zawk a hruai kir turin ava pan zawk ani. 

Petera hi a mi bik, a nia a pan alawm, kan ti maithei, mahse hei hi kan hriat a ngai "Nang Leh Kei Pawh Hi Isua'n, Ami te Leh A Kohhran Ho Hmangin Min Pan Reng Thin Ani.

Petera chuan Isua kha ka hmangaih che pawh a ti ngam tawh lo, ti ngam tur pawh ani tawh lo vawi thum ngawt a phat a. Mahse, Kan Lalpa Isua Chuan A Hmangaih Tlat A, A Rawngbawl Tura Hman A Duhna Ah Pawh, Petera Chungah  A Rilru Ala Thlak Lo a, Petera Chak Lohna Pawh A Hre Sa Ani.

Petera chak lohna hmaah chuan kan Lalpa chuan a Hmangaihna alan tir a. Tichuan, Petera chu Lalpa'n a hmangaihna in a hneh a, kawngdik ah a hruai leh ta ani.

Kei ni pawhin, Hmangaihna in midangte, mahni Inring zo lo mite, kan unau kan nu leh pa kan kawppui sualin a tih buai te, kan khaw tlanga sualin a hliam te hi, Hmangaihna hmangin kan Hneh ve tur ani.

Isua chuan Hmangaihna in hriamhrei leh hremna aiin thil a ti thei zawk tih a hria a, Hmangaihna in a bei a, a hneh a, a la chiang em em ani.

Keini pawhin,"Hmangaihna a kan beih hian kan hneh thei ber dawn ani."

Pathian Ram, Kan Chhungkua a alo Thlen Theih Nan, Beidawng loin Bei Zel Ang.

"Tin, ani chuan an hnenah, "In tawngtai chuan heti hian ti ang che u, ‘Kan Pa, I hming zahawm rawh se. I ram lo thleng rawh se."(Luka 11:2)

PATHIAN DUH BER CHU, MI ZAWNG ZAWNG CHHANDAM A, A RAM DIN ANI.

Israel hnam ah khan a ram din a tum a, Pathian chuan thei mahse Israel hnam te zawk chuan an thei lo a. Tichuan, A Fapa Kan Lalpa Isua Krista atang in, Ram Chu A Din Chhoh Zel ta ani. 

Pathian chu a hlawhchham ngai lo a, a ram chu hmun tin ah, a din zel a, khawvel zawng zawng pawh hi ala la vek ang. Khawvel a lak hunah chuan, a ram mi ni duh lo te chu, engtin tak awm ang maw?

Kan Vanneihna Leh Kan Chan Hi A Lo San Zia Mai Chu, Lalpa'n A Ram Dinpui Turin Nang Leh Kei Min Thlang Ve Mai Hi!

Pathian chuan min thlang alawm nih leh khawiah chuan nge a ram din tur chuan kan thawh ve ang? Tih hi zawhna ani.

KAN CHHUNGKUAAH TE, KAN HNA THAWHNA AH TE, KAN KHAWTLANGAH TE, KAN RAWNGBAWLNA AH TE, KAN KALNA LEH KAN AWMNA APIANG AH, Pathian Ram Dinna Hna Hi Kan Thawk Tur Ani.

Kan Chhungkua hi kan bi tum hmasak ber a pawimawh a, I Thei Lo Emaw In Ti Suh, nangmah chauh chuan a theih loh ani mahna! Isua Nen In Thei A, Anin A Awmpui Ang Che, Lalpa Thu Zawm A, HMANGAIHNA LEH INNGAIHTLAWMNA Hmanrua a Hmangin, mahni hreawm pawisa loin i din ngei ang.

Chhungkua a pawimawhna chu, chhungkaw thawhpuina tel lo chuan, hmun dangah hian Pathain ram din tur a Thawh A Har Em Em ani. Theih loh ani lo a nga, Lalpa nen phei chuan a theih tehreng ang, mahse chhungkua kan hnunga min dawmtu a awm loh chuan a sak hle a rinawm.

Min chhandam turin kan Pathian chuan a fapa min pe a, kan Lalpa Isua duh zawng chu a pa duh zawng ani a, min chhandam chu kan Lalpa Isua duh zawng ani. Min chhandamna tur khan, kan Lalpa Isua Krista kha ava kal THUI tak em, ava KALNA tak em, TUAR kha ava in huam tak em.

LALPA RAM LAKNA A THAWK TUR HIAN ENG CHEN NGE KAN IN HUAM VE LE!