Kan Sual Te Ngaidam Turin Isua A Rawn Kal

"“I kain Isua chu Lalpa a ni tih i tan a, Mitthi zing ata Pathianin a kai tho tih i thinlunga i rin chuan chhandamin i awm ang,” tih hi."(Rom 10:9)

KAN SUAL TE NGAIDAM TUR LEH MIN CHHANDAM TURIN A RAWN KAL.

Kan Lalpa Isua hian, Pathian laka thiamchanna hi keimahni mihring theihna in kan nei thei dawn lo tih hi, khawvela a rawn kal hma pawhin a hre sa tawh a. Tumah in Pa lung an ti awi zo dawn lo tih hi a hria ani.

Mihring theihna in a phak loh vangin," RAN THLENGAH MIN CHHANDAM TURIN A RAWN PIANG ANI."

Khawvela a rawn kal hma pawhin"Kross A Nasa Taka Tuar in, Chhandamna Min Thawhchhuah Sak Tura Ruat Ani Tawh Ani."

Isua'n Kan Tan Kross A Thiin, A Thisenin Min Tlan Ani, tih ring apiang te chu CHHANDAM  an ni thei ta ani.

Kan Tih Sual Tawh A Pawimawh Lo A, Isua Chu Pathian Fapa Ani Tih Ring A, Lal Leh Chhandamtu Ah Pawm A, A Tana Nung Tura In Hlan Te Chu, Pa Pathian Hmaah Leh Van Rorelna Hmaah Thiam An Chang Thei Ani.

Chu mai chu ala nilo leh zel a, kan Lalpa Isua Krista Hmangaihna chuan, kan tihsual thinte pawh hi min ngaidam thei a, SIM A, A LAMA KIR LEH TE CHU ENG ANG PAWHIN LO TISUAL TAWH MAHSELA A NGAIDAM ZEL THIN ANI.

Chutiang a, Kan Sual Te Ngaidam Tur Leh Min Chhandam Turin, Kan Tan Isua Krista Hi Alo Piang Ani. 

Kristmas Ah Hian, Isua Lawm Ang U, Mahni Lawmna Zawng Lo

"Vawiinah hian in tan Davida khuaah Chhandamtu a piang ta, Lal Krista chu."(Luka 2:11)

KAN LALPA ISUA, VAN ATANG KAN TAN LEI A RAWN CHHUK HI LAWM AVA PHU EM.

Kristmas hi Isua pian cham a nia kan ti sa tliah a, mahse chu mai chu a nilo a, a ril em em a, a lawmawm em em bawk a.
Vanram Lal kan Pathian, chuan khawvel mihringte kan boral tur min Chhandam turin a fapa Isua Krista chu kan tan a rawn tirhna champha ani a.

Isua Krista chu, a tir atang Pathian ani a, min hmangaih avangin a siam mihringah a rawn chang a, van lal thuthleng kalsanin khawvel bolhhlawh ah, ran thlengah a rawn piang ani.

Remna Lal, remna thlentu anih theihna turin, mihring pianna hmun pangai ah pawh piang lo in, ran inah tlawm takin a rawn piang ani. Kan Lalpa Hi, Chawimawi Ava Phu Em.

Kristmas ah hian mahni leh mahni lawmna zawng kan tam ber awm e, keimahni lam ani lo, Isua lam ani zawk, Isua lawmna turin atan nung ang u.

Isua chu Pathian famkim vanrama rorel mek anih avangin, keini mihring tan chuan, eitur emaw thawmhnaw emaw, kan pek phak ani lo a. Mahse, a hming avang a, kan mihring pui te chung a thatna kan chhuah hi, atana kan tih chu ani.

Isua kan lawm dan tur chu, Inkhawm ani thei, chanhai zawk te puih te, midangte hnen a ngilneihna lan tir te, ani thei a, a bak pak pawh a tam awm e.

A pawimawh ber chu, kan tih niloin kan tih chhan ani a, mahni in Lawm Ni Lo In, Kristmas Neitupa Lawm Kan Nih Theih Nan, 
Kristmas Ah Hian, Isua Lawm Zawng Theih Tawpin I TI Ang U.

Thinglun zawng zawng a Beisei tu, Khawchak Mifing te leh Berampu ten chibai an buk.

"Tin, in chhungah an va lut a, a nu Mari hnena naute chu an hmu a, an bawkkhup a, chibai an buk a; tin, an ro bawmte an hawng a, a hnenah chuan lawman – rangkachak te, beraw te, murra te – an pe a."(Mathaia 2:11) Khawchhak Mifing te
"Tichuan an kal thuai thuai a, Mari nen, Josefa nen, ran chaw pekna thlenga nausen mu nen chuan an hmu a."(Luka 2:16) Beram Vengtu te

THINLUNG ZAWNG ZAWNG A, ISUA BEISEI TU TEN, ISUA AN HMU THIN.

Isua a pian tirh khan, van lam khan, mi chihnih te hnenah Isua a pian tur thu kha an hriat tir a. Pakhat chu, mi hausa leh ropui Khawchhak Mifing te an ni a, anni hi an ropui thawkhat a nih a rinawm, Lal Heroda pawh awlsam takin an va hmu thei anih kha, Isua bokkhupin chibai an va buk a, tichuan a hun lai a thil hlu tak tak Beraw, Mura leh Rangkachak Isua an pe ani.

A pakhat leh ah chuan, mi hnuai hnung em em, beram vengtu te an ni a, thlasik lai pawhin mahni inlumah pawh, awm pha lo a beram ven ngai khawp a, kawsak harsa leh hniam te an ni. Tichuan, thipek hlu pek tur pawh an nei lo a, mahse Thu hlu em em, Mari Isua nu vawn reng tur khawp a hlu leh midang pawhin an ngaihven khawp a thu hlu chu an va thlen thung ani.

Pathian chuan mi a thliar lo a, mi an dinhmun a tha emaw a chhia emaw, Thinlung Zawng Zawng A, Amah Beisei A, Zawng Tu Te Hmuh Turin An Ban Phak Ah A Awm Duh Thin Ani.

Kan Thinlung Zawng Zawngin Isua Beisei Ila, Zawng Bawk Ila, Kan Hnenah A In Puang Ngei Dawn Ani.

Kan dinhmun a en lo a, kan Thinlung a en zawk a, kan Thinlung a dik chuan, kan dinhmun a puih kan ngaihna lai ah min pui dawn ani.

Khawchhak Mifingte Kha, Heroda tlawh tawh lo turin a hriattir a, an dinhmun leh an hun tawn ah a awmpui a. Berampu te kha, mi beram an veng a, Isua chibai buk turin an kalsan anih kha, tichuan an beram te kha, Lalpa'n alo vensak anih a rinawm, hlim takin an hna ah an kir leh thei anih kha, chu mai bakah an dinhmun hnuaihnung leh an hna hreawm thawh hre chang loin, Hlimna a pe a, an hlim em em bawk ani.

Kan Thinlungin Isua Lam Hawi Tlat Ila, A Nin Kan Nun Min Relfel Sak Ang.

Lalpa Avang A Engkim a Thatna Zawngtu Chu, Lalpa'n A Awmpui Thin.

"In nun theih nan that lohna zawng lovin, thatna zawng ula: tin, in sawi angin, LALPA sipaihote Pathian chu in hnenah a awm ang."(Amosa 5:14)

THATNA ZAWNG THINTU CHU, A CHUNGAH THATNA VEK A THLENG THIN.

Thatna zawn a, pawimawh ber chu, Lalpa thatna zawn hi ani a, a dawt ah chuan Lalpa'n kan chung a Thil Tha a tih te zawn chhuah a hriat reng hi ani a, a dawt leh ah chuan mahni Dinhmun a that zia zawn chhuah hi ani a, a dawt leh ah chuan Engkim thlengah hian a thatna lai zawn hi a ni a, a dawt leh ah chuan Midang thatna an that lohna ai a zawn hi a pawimawh leh a, Engkimah Leh Thil Zawng Zawng Ah Lalpa Vanga A Thatna Zawn Zel Hi A Pawimawh Ani.

Bible thu a kan hmuh ang hian, "Thatna zawng ula, in sawi angin, Lalpa sipaihote Pathian chu in hnenah a awm ang," a ti a. In sawi ang a tih awmzia hi, "A theih ang Lalpa'n min awmpui dawn alawm," kan tih ang chi hi anih a rinawm a. 

Chutiangin awlsam lo mahse, nun a kal ngai chiah angin kal se, harsatna leh thatna pawh a ngai ang chiahin kal pawh ni se, chungah chuan Lalpa Thatna Kan Nun A, Engkim Thleng a, Kan Zawn A, Lalpa'n Min Awmpui Dawn Anih Chuan TUNGE HNAR PHAL THEI ANG LE?

Lalpa awmpuina changtu te nun Thlamuan Thin Zia Leh An Nun A Ngheh Thin Zia Hmuh phei hi chuan, Lalpa Awmpuina Hi A Thlakhlel Awm Em Em Ani. 

Lalpa awmpuina changtu Lal Davida chuan" Seol-ah mutna siam ila, ngai teh chutah chuan i awm bawk si a,"(Sam 139:8b) a ti ani. Seol hi mithi khua ani a, thihna hmunah pawh ni mai lo, Mithi Khuaah Pawh Lalpa'n Amite Chu A Awmpui A, An Boral A Phal Ngai Loh Mai Bakah A Thlamuan Zel Thin anih chuan Lalpa Awmpuina, Engkima Kan Chan Theih Nana Engkim Thleng A Lalpa A Thatna Zawn Hi NGAIHPAWIMAWH NGAWIH NGAWIH CHI ANI.

Engkim a,Thatna, Lalpa Vang A Zawng Tur Chuan Tawngtaia Lalpa Kan Pawl Tam A Ngai A, Bible Chhiar Tam Leh A Thu Ngaihthlak Tam A Ngai Bawk A, A Thu Kan Ngaihthlak Tam Theih Nan Inkhawm Tam A Ngai Bawk Ani.

Inkhawm hi Pathian thu ngaihthlakna tur hmun emaw kan ti satliah a, chu mai chu ani lo a, kan inkhawm hian Pathian Thlarauin kohhranho min awmpui a, chu Thlarau chuan min tichak thei thin ani. Lalpa avanga kan intawh khawmna apiangah Lalpa a tel thin ani.

Thatna Zawn Hi, Lalpa Awmpuina Channa Ani A, Theihtawpin Lalpa Avangin Engkim Ah Thatna I Zawng Zel Ang U.

Lalpa Ngaihtuahna Chu Mihring Ngaihtuahna In A Phak Thei Lo Ani.

"Van khi lei aia a sâng zawk angin, ka awm dante hi in awm dante aiin a sâng zawk si a, ka ngaihtuahte pawh hi in ngaihtuahte aiin a sâng zawk bawk a ni."(Isaia 55:9)

LALPA'N KAN NGAIHTUAH PHAK BAKIN ENGKIM A NGAIHTUAH A, A KUT A INNGHAH HI A THA BER ANI.

Mihringte hi hriatna tha tak nei kan ni a, kan hun kal tawh kum 30 pawh kan la hre thei a, kan hmalam hun pawh hi thil tam takah kan chhut dik thei bawk a. Amaherawhchu, za ah za chuan engmah kan chhut dik thei ngai lo a, kan hre dik thei lo bawk a, ngaihtuah theih phak tawk kan nei ani. He kan ngaihtuahna hi Lalpa'n kan hman a phal a, kan hman a phal zia tilang chiang em em tu chu min pe hi ani, mahse Lalpa ngaihtuahna chu a tluk theih loh avangin Lalpa a innghat chunga Ngaihtuahna Hman hi a tha ber awm e.

Lazara thih leh kaihthawh chungchangah pawh khan, Pathian ngaihtuahna chu mihring ngaihtuahna in a pha lo anih kha. Mihring te chuan, a thih tawh avangin lungchhe takin an thlah fel tawh a, a dam leh an ring pha lo a, an ngaihtuah phalo bawk ani. Lalpa'n engkim ti thei anih zia leh, thih leh dam chungchangah thu a neih zia a ti lang zawk ta ani.

Khawvel awm tirh atang a tawp thlengin engtin nge a awm dawn tih hi Lalpa chuan a ngaihtuah zo tawh a. Amah tih tu te tawp dan tur te leh amah hnawl tu te tawp dan tur te pawh.

Amah Tihtu Te Tan Hian Thil Tha Ber A Dah Sak Thin A, Chuvang Chuan, Thil Tha Ber Nei A Nun Dan An Thiam Theih Nan A Zirtir Thin Ani.

Keini ai Lalpa ngaihtuahtuahna a tha zawk tih hria ila, Engkimah Lalpa I En Tlat Ang U.

Engkim a Lalpa thu kan zawm chuan, "kan kawng tur takah" Lalpa'n min kal tir zel a nga, min hruai zel ang.

"I kawng zawng zawngah amah hre reng la, I kawngte chu a kawhhmuh zel ang che."(Thufingte 3:6)

ENGKIM A, AMAH HRETU CHU, LALPA'N ENGKIMAH A HRE LET VE THIN ANI.

Engkim a Lalpa hria tih hian, chaw bar lai vel te, Bazara kal lai te, zawm tho em em a awm lai a "Pathian chu a awm tih ka hria" tih ang vel lek kha ani lo a. Engkim a Lalpa hria chu "Engkim Kan Tihna A Lalpa Duh Dan Ngaih Pawimawh Hmasak A, A Thu Zawm" hi ani.

Biak In a Lalpa hriat hi chu a awl viau awm e, Kan Thinrim lai te, Ngaihzawng nen a awm fal lai te, Sum awlsam leh dik lo lak luhna remchang leh zep mai theih tur kan ban phaka a awm lai te, Chaw ei khawm nikhua a zu in mai tur a awm lai te, examna a copy mai tur a awm lai te, kan mawhphurna chhungkua ah leh hmundang ah pawh Beidawn san a zalen taka awm a remchan lai tak te hian, Lalpa chu hriat a har ta ani. 

Heng hun zawng zawng ah hian Lalpa kan hria anih ngat chuan, Lalpa'n min hlamchhiah lo ang. Lalpa vanga thinrim kan insum te hian Lalpa'n ralmuanna min pe thin a, zu leh ruihhlo leh mipat hmeichhiatna a thlemna kan hneh hian Lawm Rukna Lalpa min pe thin a, Dik taka kan tih te hian kan thinlung ah Hausakna min pe thin a, mawhphurhna Lalpa duh ang a kan hlen te hian Chak Tharna min pe thin ani.

Kan nun ah hian, Lalpa hi a che duh ani, Lalpa hre reng a, a duh dan ang a kan tih chiah hian Lalpa chuan kan nun ah, chetna tur a nei thin, tichuan a chak zia a ti lang thin a. A hmangaihna dai ngai lo mahsela, Diklo leh Sual ti a kan nun kan hman chuan Lalpa chu kan nun ah chetna chhan tur kan pe lo thin ani. Fa in Pa thu a zawm loh hian, Pa in fa lawmman pek chhan tur a nei lo ang hi ani thei awm e.

Kristian chhungkaw hlawhtling te hi an hunkal tawh ah chuan sual vanga chhungkaw hahthlak tak te an ni thin a, mahse pakhatin an chhungkaw tan Lalpa a hre tlat a, chu mi vang chuan an chhungkua in alo dam phah thin ani, zirna ah pawh examna a dik taka ti thin te hi vawi lehkhatah lang nghal lo mahsela, an nun pumpui thlirin mihlawhtling ber ber an ni thin.

Engkim a Lalpa thu kan zawm chuan, "kan kawng tur takah" Lalpa'n min kal tir zel a nga, min hruai zel ang.

Lalpa'n Min Hriat Reng Nan Engkim ah, Amah I Hre Reng Ang U.
  

Beisei Loh Dan Leh Beisei Phak Bak Ti Thin Tu Isua.

"Tin, a hnenah an va kal a, an kaitho va, "Zirtirtu, zirtirtu, kan boral dawn hi le," an ti a. Tin, ani chu a lo harh a, thli leh tuifawn chu a hau ta a; tin, a bang a, a reh ta mai a."(Luka 8:24)

LALPA TI MAWI LEH ZUAL TU CHU, BEISEI LOH DAN LEH BEISEI PHAK BAK A, A CHE THIN HI ANI.

A thawnthu chu kan hre tawh a nga, Isua leh a zirtir te kha lawngah khan an chuang a, lawng mei lamah Isua alo muhil a, thlipui leh tuifawn chuan lawng chu a ti pil lek lek a, zirtir te chuan Isua an kaitho a, an kaihthawh dawn lai chuan zirtir pakhat chuan "Zirtirtu, Kan Boral Dawn Hi Le" a ti ani. Isua chu, a rawn tho a, Thlipui leh Tuifawn chu a rawn hau reh ani.

Zirtir te khan Thih an in ring tawh ani, "kan boral dawn hi le" tih awm zia tak chu, kan tih vek dawn hi le tihna ani.

Harsatna kan han tawk a, Lalpa kan chhungkua a chhiat dawn hi le, tiin kan rilru a beidawng thin. Eizawnna ah kan buai a, Lalpa ei leh bar tur nei lo khawp a kan awm dawn hi le? tih mai te, Ngaizawngah kan han buai a, Lalpa tumah kawppui tur nei loin, mal takin ka awm mai dawn hi le, tih te. Hna kan zawnga hna kan hmu hlei thei lo a, Lalpa hna thawh tur min pek loh chuan eiin tur ka neih loh dawn hi le a? Nupui pasal inkar, buaina ah leh thil dang dang ah pawh, "kan boral dawn hi le" tih mai hi ava awl thin em.

Lalpa chuan Zirtir te Boral a phallo a, thlipui a hau reh ang hian, Kan Boral Hi A Phal Lo A, Kan Nunah A Chak Zia Lan Tir A Duh A, CHU TIANG TUR CHUAN KHAWVEL A KAN BEISEINA LEH KAN LAWNG KARNA, KEIMAH NI THEI KAN IN TIH VE NA HI PAIH PHAWT A NGAI ANI.

Thlipui leh Khawpui a hau reh a, Zirtir Ten A Chak Zia An Hmuh Ang Khan, A CHAK ROPUI ZIA KAN HMUH THEIH NAN, BORALNA KOTLANGAH KAN LO AWM MAI ZAWK ANI.

Zirtir te khan, Isua'n engtin emaw, tuifawn atang khan a chhanchhuah chu an ring a, a chhanchhuah dan tur te pawh an lo duang ve viau maithei ani, mahse thlipui leh tuifawn a hauh reh hmiah kha an ring hauh lo. An beisei ai, Isua khan alo chhanchhuak thei mah mah kha mak an ti a, "He mi hi tunge ni le? Thli leh tui lam pawh thu a pe a, an awih hi?" an ti anih kha!

Kei ni pawh hian Isua chhanchhuahna hi kan ring a, min chhanchhuah dan tur te pawh kan lo duang fo thin. Mahse, Lalpa A Chet Hunah Chuan, Hnehsawh Takin Min Chhan Chhuak Dawn A.

KAN BEISEI PHAK BAK AI NASA IN MIN CHHANCHHUAK ANG.

Mahse, hei hi a pawimawh ta chu ani, Chutianga A Chhanchhuahna Kan Chan Theih Nan Chuan, Lawnga A Awm Ve Ang Khan, KAN NUN AH ENGTIK LAI PAWH A, A AWM A NGAI ANI.

Kan nun a a awm reng theih nan hmun siam ang u. Lawngah Isua Kha Chuang Lo Se, Thlipui leh Khawpui Kha A Hauh Reh Lo Ang. Lawngah A Awm A, Tui A Fawn Nasa Tih Kha A Hria A, A Hau Reh Anih Kha.

Pathian chuan engkim a hria a, mahse a mah ngai pawimawh lo tu chu, a ti lui ngai lo ani.

Chuvang chuan, kan nun a, a awm loh chuan, kan nunah Tui A Fawnin, Engtin Nge Min Puih A Nga, Engtin Nge A Hauh Reh Ang.

Lalpa Hi I Nun Ah Awm Tir Reng La, I Nun Hruai Tu Nih Tir Ang Che.

Tawngtai Chhang Theitu Chu Lalpa Ani, Kan Tih Theih Ve Lam Tawngtai Hi Bang Lo Ang U.

Davida chuan a chiahhlawhte hnênah, "Naupang chu a thi ta elo?" a ti a. Tin, anni chuan, "Thi ta," an ti a. Chutichuan Davida chu lei ata chu a tho va, a insil a, hriak a inthih a, a puante a inthlak a; tin, LALPA inah a kal a, Pathian chibai a bûk a; tin, a in lamah a kal leh a, tin, chaw a han lam a, ahmaah chuan an hlui a, a lo ei ta a.(2 Samuela 12:19b-20)

LALPA HNEN A KAN TAWNGTAINA HLAWHTLIN NA TURIN THEIH TAWP CHHUAH HI A PAWIMAWH ANI.

Mi thenkhat chuan Ka Tawngtaina Ah Ka Thlen Tawh A, Lalpa'n A Hre Tawh, A Thu Thu Ani Mai, an ti a an awm vel mai mai thin ani. Ni e, harsatna kan tawhin kan buai chung chung tur chu ani lo a, A CHHANNA LEH HLAWHTLINNA KAN HMUH HMA CHU LALPA HNEN A THLEN, KAN CHAWL TUR ANI LO BAWK.

Davida khan Uria nupui Bedsebii duh lo chung a uire a, tichuan Pathian in an inkara naute piang tur chu ka la dawn a ti a. Tichuan, Davida'n Lalpa zahngaihna dilin naute Lalpa'n a laksak lohna turin Pathian hma ah tlawmtakin a tawngtai a.

Davida chu vut ah ni sarih ni a, naute a thih thleng, chhun leh zan a mu a, chaw a nghei bawk a, Lalpa hnenah chuan naute dam na turin a tawngtai ngar ngar ani.

Kan Dilna Chhanna Kan Hmuh Mai Loh Nei Tura, Kan Tawngtai Ngar Ngar Na Ah Hian, he kan dilna KALKAWNG zawk ah hian. KAN ZIRTUR TAK CHU KAN LO ZIR CHHUAK ZAWK THEI THIN ANI.

Davida kha a tawngtaina Lalpa'n a chhan sak lo a, naute a thi tih a hriat khan, DAVIDA CHU LALPA AH CHAWLHNA A NEI A, a thi tih a hriat veleh khan biak in ah a kal a, Pathian a bia ani. Tichuan, a haw a, chaw a ei a, a in ti fai a, "a henah keimah hi ka kal a nga a, nimahsela ani zawng ka hnenah a lo kir leh tawh lo vang" tiin dam takin a fa thihna chu a dawngsawng thei ani.

A Tawngtaina Lalpa'n a chhan loh khan, Davida chu LALPA AH  A VUI LO, LALPA CHU PATHIAN NGILNEIHNA A KHAT ANIH CHUAN TINGE KA DILNA MIN CHHAN LOH? A TI LO. A Chawl Mai ani, mi thenkhat chu Pathian Hnen a an Thlen Ai Lalpa Laka An Vuina A Tam Zawk Awm E.

A tawngtai ngar ngar na ah chuan Lalpa nen INPAWHNA tha zawk an lo nei a, Pathian pawhin Davida chungah a khawngaihna a lan tir ta a, Naute nunna chu la mahsela, Bathsebii nen an inkarah chuan mi chungnung bik Solomona a pian chhuah tir anih kha.

Lalpa Kan Beisei Ngar Ngar Chuan, Chu Kan Dil Bik Tak Chu, Min Hlawhtlin Tir Lo Mahsela, Kan Beisei Ngar Ngar Na Vangin, A Khawngaihna Kan Chungah A Lan Tir Thei A. KAN DIL LOH MALSAWMNA CHUNGNUNG BIK CHU MIN PE ZAWK THEI ANI.

Kan Tawngtaina hi min chhansak lo pawh ani thei e, min hmangaihtu ani a kan tana tha tur zawk a hria a, chu vang chuan amah Lalpa ah hian innghat tlat a pawimawh ani.

Kan Tawngtaina hi Lalpa'n min chhang thei a min chhang lo thei, kan thu ani lo ani. Mahse kan tih ve theih leh kan thu a awm chu"BEIDAWNG LO A, NASA TAKA, A HNEN A THLEN MAWLH MAWLH HI ANI."

Lalpa A Rinna Nghat

"Aw, i thatna, nangmah tihtu tana i khawl khawm chu, a va ropui em! Mihring fate mithmuha nangmaha rinna nghatte tana i tihsak chu."(Sam 31:19)

LALPA A RINNA NGHATTE CHUAN, AN NUN AN SIAMTHA THIN A, LALPA'N THIL ROPUI TAK TE A TIHSAK THIN ANI.

Pathian a RINNA NGHAT kan tih hian, Pathian awm rin ringawt lam anilo a, Pathian chu ei leh in chungchangah te, mamawh zawng zawng chungchangah te, thih leh dam chungchang ah te engkimah Lalpa a innghahna hi ani.

Mi thenkhat chuan "ka tawngtai a min chhang lo a" an ti thin, tawngtai ringawt a, a thu zawm leh chuan loh pawh hi, Lalpa A Rinna Nghat ala ni pha lo. Lalpa a Rinna Nghat Tak Zet Tu Te Chuan Lalpa THU AN ZAWM THIN, Israel te kha thilsual an tih a, Lalpa'n a hrem thin laite pawh khan, Israel fate khan maichamah Lalpa tan thil hlan an hlan reng thin a, mahse a thu an zawm loh avangin an dilna a chhang lo mai ani lo a, a hrem hial anih kha.

Lalpa a RINNA NGHAT tak tak te chuan, ENGKIMAH LALPA DUH DAN AN NGAI PAWIMAWH HMASA THIN A, LALPA THU AN ZAWM THIN.

Tawngtai a kan dil te hi, Lalpa'n min chhan theih nan, kan nun uluk chung a, Lalpa duh ang a kan nun a ngai a. Kan Tawngtaina Hlawhtlinna Hmanrua Kan Nih A Ngai Ani, Kan Tawngtaina Lalpa'n A Chhan Dawn Hian, A Hmanrua Hmasa Ber Chu A Diltu Hi A Ni Thin Ani.

Lalpa a RINNA NGHAT tur chuan, sual engmah neih loh a, tha famkim nih a ngai lam ni loin, mahni phak tawk a, Lalpa thu zawm a ngai thung a. Lalpa'n kan phak tawk a hria a, kan phak loh chinah chuan, a Khawngaihna A Rawn Ti Lang Thin A, Chu A Khawngaihna Chuan Kan Phak Bak Chu Daih Zo Em Em Ani.

Lalpa'n Amah Tih Tlat A, Amah A Rinna Nghat Te Chu, Lawmman A Khawlkhawm Sak A, Nasa Takin A Pe Thin Ani.

Lalpa Puihna In, I Chhanchhuak Thei.

"Tin, Davida chuan, "Chungho chu um ila ka la umpha ang em le?" tiin LALPA a zawt a. Ani chuan a chhâng a, "Um rawh, i umpha ngei nge ang a, i chhanchhuak vek ngei ngei ang," a ti a."(1 Samuela 30:8)

LALPA A INNGHAT CHUNGA MIDANG TE LEH MAHNI CHHUNGKUA TE CHHANCHHUAH TUMTU CHU LALPA'N A BEIHPUI ZEL THIN ANI.

In Chhungkua Leh I Mi Chhanchhuah Duh Te Chu Hmelmain Salah Alo Man Tawh Em?

Davida kha ral bei tura a chhuah hlanin, an awmna Ziklag chu hmelma ten an lo hal a, an nupui fanaute pawh SALAH an lo hruai ani. 

Davida leh a ho te chu nasa takin an tap a, tap hleithei tawh lo khawpin an tap a.

Davida chu Lalpa ah a INTICHAK a, Lalpa a rawn ta a, Lalpa'n va um la, i umpha ang a, in nupui fanaute chu in chhanchhuak thei ang tiin a hrilh a. Davida leh ami te chuan an um ta a, an umpha a, an hneh bawk a, an nupui fanaute pawh chu an chhanchhuak ta ani.

In Chhungkua Leh I Mi Chhanchhuah Duh Te Chu Hmelmain Salah Alo Man Tawh Ani Maithei e! Davida Ang Hian Lalpaah INTICHAK La, Sual Bei Turin Tho Rawh, LALPA'N A PUIH DAWN CHE HI! 

Sual I Do Loh Erawh Chuan Lalpa'n Puih Tum Che Mahsela, Puihna Dawngtu Turin I Beih Loh Chuan, Lalpa'n Puih Tur A Nei Dawn Lo Asin, I Beih Miau Loh Avangin, I Hnenh Lo Ang.

Tichuan, Davida chuan ava bei ta a, Lalpa'n a do pui bakah, an  hmelma te chuan rallak tamtak an neih avangin ruai an lo theh a, an sihhnip lai takin Davida leh a pawlte chuan an zuk nangching a, tichuan Lalpa puihna vangin hnehsawh takin an zuk hnenh ta a. Mi zali sanghawngsei chunga chuangin an tlanchhia a, chuang a tlan chhia te tih loh zawng chu an thi vek ani.

Rilru na in i tap hial pawh ani thei e, Sual chu Lalpa CHAKNA RING A i do chuan, I Hneh Theihna Turin Lalpa'n Engkim A Relfel Sak Ang Che.

Davida Ang hian Tapin Lungngai mah la, Sual Do Turin Lalpa Ah INTICHAK La, Sual Chuan Sal Ni Turin I Chhungkua Leh I Mi Chhanchhuah Duh Chu Lo Hruai Tawh Mahse la, Lalpa'n A Awmpui Che A Nga, I Hneh Theih Nan Engkim A Relfel Sak Ang Che. 

Lalpa i CHELHTLAT chuan, mi Zali Tlanchhia te ang khian, Sualin a TLANCHHIAT sang zel bawk ang che.

Lalpa Ah INTICHAK La, Sual Chu Hnehin I Chhungkua leh I Mi Chhanchhuah Duh Te Chu I Chhanchhuak Thei Ngei Ang.

Engkim Pathian Tana Tih Ang A, Dik Taka Ti Te Chu Lalpa'n Lawmman A PeK Hmaih Ngai Lo.

"In tih apiang chu mihring tan anga ti lovin, Lalpa tan anga ti zawkin, chak takin ti rawh u; Lalpa Krista rawng in bawl a nih hi."(Kolossa 3:24 )

KAN NUN ENGKIM HI A TANA HMANG TURIN LALPA'N MIN DUH ANI.

Rawngbawlna kan ti a, kohhranah te, leh kohhran hnuaia sub committee leh fellowship Thalai pawl, Hmeichhie pawl, Pavalai ah te chauh hian rawngbawlna rilru put tur emaw kan ti thin.

Pathian chuan kohhranah chiah rawngbawl rawh min ti lo a, mission field ah chauh rawngbawl rawh min ti lo bawk a.

Kan Lalpa Isua pawhin Samari mitha chunchang min zirtir ah khan, Puithiam leh Levia chi te kha temple a rawngbawltu an ni. Samari ve thung erawh kha chu, temple a rawngbawltu ani lem lo a, an en hniam pawh ani zawk ani. Mahse, rawngbawlna tur a hmuh veleh khan a tlan chhiatsan lo a, puih ngai kha a pui anih kha.

Kohhrana rawngbawlna hi ani ber lo a, kohhran pawn a rawngbawlna hi a ni ber zawk kan tihna lam ni lo in. Kohhran a rawng kan bawl bakah hian, kan nun zawng zawngah kan Chhungkua ah te, kan Hnathawhna ah te, Puih ngai kan hmuh hun a puih a rawngbawlna te, kan Inngaihzawnna a rawngbawl te, kan Lehkha zirna a rawngbawl te, Gas kan lakna leh Ration kan lakna a rawngbawl te, kan Kalna apiangah leh kan Awmna apianga rawngbawl hi kan tih tur ani.

Kohhranah chauh rawngbawl a, hmun dang a kan nun kan hmanna zawng zawng a, Pathian kan theihnghilh leh hmak si chuan, Lalpa'n a rawngbawltu ah min chhiar a rin awm loh ani.

Paula phei chuan, "in tih apiang chu mihring tan anga ti lovin, Lalpa tan anga ti zawkin" engkim hi tih tur a ti ani.

Kan thil chin thin Pathian tana tih atana tlak loh kan nei em le.

Chu bakah, Mihring ka ni a ka tlin bik lo tiin, kan thinrim tawn tawn a, thil dik lo te kan ti ve hmiah hmiah em.

Kan eizawnna ah pawh, a dik theih vek loh tiin thil dik lo kan tih theih theih kan ti ve hmiah hmiah em. Chutiang mi kan nih chuan "Aman Kan La Tel Khawp Ang."

Chutiang nilo a, kan tih apiang"Lalpa Tan Anga Tiin, Hreawm Leh Chhanna Ah Pawh Rinawm Taka Lalpa Duh Ang A Kan Tih Chuan, Lalpa'n Lawmman Tha Bik Min La Pe Ngei Ang."

Kan Pathian Hi, A Thu Awi Te, Lawmman Pek Hmaih Ngailo Pathian Ani.

Lalpa Zirtirna Dawn Hi A Lawmawm Ani.

"LALPA i thununa i dan i zirtirte chu an nihlawh e."(Sam 94:12 )

LALPA ZIRTIRNA DAWN HI THIL LAWMAWM TAK ANI.

Lalpa zirtirna kan dawng nge kan dawng lo hi kan inchhik a ngai fo ani. 

Lalpa mi hman tu emawin kan mamawh tak te min hrilh thei a, Galatia 2:11-12 ah Paula pawh in Petera Jentailte(Israel ni lo hnam) leh Juda te a enkawl dan chungchang ah a zilh a.

Zaidam emaw, Dawhtheih emaw, Taimak emaw, Huisen emaw, a Hun taka thil tih emaw, Lalpa a Innghah emaw, Rinna emaw, Beisei tlatna emaw kan zirtheihna turin kan nun engtin emaw tak Lalpa'n a khawih thin ani.

Josepha leh Davida kha mite ber atanga mi lian ber te chunga rorel an thiam theih nan harsatna nasa tak a paltlang tir a.

Mari, Marthii, Lazara leh Zirtir te kha, Lazara thih chungchangah khan Hun chungah leh Thih leh Dam chungchanga roreltu anih zia a hriattir a.

Mipui sangnga a hrai dawn khan, mipui kham khawp eitur zirtir te khan an nei lo phawt ani kha. Tichuan, Isuan Chhangper panga leh sangha pahnih kha a tipung ta a, mipui sangngain khamkhawp a an ei bakah a bang pawh tam tak ala awm a. Tah khan, amah ah innghat a, ei leh inchungchang a buai lo turin a zirtir ani.

Thlipuiin leh tuifawnin lawng a nui a, mangang em em in an awm phawt a, Isua an khai tho a, tichuan thlipui leh tuifawn chu a hau reh ta a. Amah nen chuan engmah hlauhawm a awm loh zia, leh engkim chunga roreltu anih zia a lan tir ani.

Lalpa'n min zirtir hian, tinge kan mangan phawt te, kan buai phawt te, kan tlakchham phawt te a ngaih le? A chhanchu, Mihring hi kan Dinhmun a that lai hian kan Thinlung kan Hawn Theih Loh Vang Ani.

Min zirtir duh lai chuan, kan nun hi buai deuh thin mahse, Lalpa'n Kan Chhiat Der A Phal Ngai Lo A.

A Enkhawlna Nen Min Zirtir Thin Avangin, Lalpa Hi Ava Tha Tak Em.

Lalpa Zirtirna Dawng Thintu Tluka Mi Vannei An Awm Lo Ang.

Lalpa Zirtirna Dawng A, Zir Thiam Tum A, Zir Thin Te Chu, Lalpa'n A Chawimawi Thin Ani.

Isua'n Atana In Pe Te Chu, A Ngaipawimawh Thin.

"Tin, ni sarih ni hmasa ber zinga a thawhleh chuan Mari Magdalini, a kawchhung ata ramhuai pasarih a hnawh chhuaha hnenah khan a inlar hmasa ber a."(Marka 16:9 )

ISUA CHELH TLAT TU CHU, ISUA'N A NGAIPAWIMAWH THIN ANI.

Mari Magdalini, hi Isua a zui hma chuan hmeichhe awm khaw lo ni tur a ngaih ani a. Isua'n a nun a thlak ta a, a rawngbawlna ah a kal ve thin a, kross a Isua an khenbeh khan Johana tih loh zirtir dangte kha chuan Isua an zui ngam tawh lo a, mahse Mari Magdalini hi chuan Isua a zui tlat ani.

Mari Magdalini hi Isua zuitu rinawm em em ani a, Isua tan chuan theih tawp a chhuah thin a, Mari Jacoba nu leh Salomi nen a ruang rimtuia chulh turin Isua thlan zing khawvar hmain an pan anih kha.

Isua'n Mari chu a ngaih tah lo a, a thawh leh hnu khan Mari hnenah hian a in puang hmasa ber ani. A zirtir sawm pahnih zingah Mari hi a tello a, chu mai bakah an hun lai hian hmeichhia an dah hniam em em a, pakhat leh ah chuan Mari hi hmeichhe awm khawlo thin ani a chutiang hmeichhia te phei chu an hmusit em em ani. 

Mari hian, eng ang dinhmunah pawh ding se Isua hi a dah pawimawh em em a, a tan a in pe zo thak a, Isua pawh hian a Ngaihthah bik lo a, thihna hneh a, a thawh leh hnuah, Mari hnenah hian a inpuang hmasa ber ani. Messia mihring anihna bak a, a Pathianna thawmhnaw a, a awm hnu a, a inpuanna hmasa ber chu Mari Magdelini hi ani.

Keini pawh hian kan nun engkim ah Isua ngaipawimawh ila, Dah hmasa ila, Isua tan in pe ila, ani pawhin min Ngaihthah lo ang.
Isua chuan tupawh a ngaihthah ngai lo a, misual te chhanchhuah duh tu leh amah hawisan tu te pawh sawm tlat thin tu ani a.

Ama Tana Inpe A Theih Tawp Chhuah Tu Te Phei Chu, An Nun Engkimah A In Lan Thin Ani.

Engang sulhnu pawr nei pawh nise, Midang en hniam an ni emaw, Mi neinung leh dinhmun tha tak pawh nise, Isua dah hmasa tu chu, Isua'n a ngaihthah ngai lo ani. Amah thlangtu leh a hnung zuitu te awmpui rengtu Pathian ani.

Lalpa'n a Rel Fel Vek ang, min Zirtir duh a neih vang mai ani.

"LALPA tihna chu a fai a, kumkhua atân a awm thin: LALPA rorêlnate chu a tak a, a fel vêl vek a ni."(sam 19:9)

LALPA VAN A ARSI KAN LEI LET MAKTADUAI A LIAN CHHIAR SEN LOH KHAWP A TAM, SIAMTU HIAN A ROREL KAWNGAH LEH MIN ENKAWL KAWNGAH HIAN A TISUAL VE NGAI LO ANI.

Kei ni chuan, Thleng thuai thuai se, Nei teuh teuh ila, Kan Chak zawng apiang ti thei ila, kan duh chu kan Hmuh Rualin nei nghal ila kan ti thin a. Mahse, chu chu Lalpa min enkawl dan ani lo a, a hman takzet duh te phei chu hreawmna ah leh harsatna hmun ah te a zirtir zawk thin a, tam zawk a pek theih nan tlemte neih awmzia te a zirtir thin ani.

Lalpa hian, nei takah min siam hi ka beisei lo, mahse hei Tal Hi Chu min tih hlawhtlin sak se o, kan tih thin te hi, a hlawhtling mawh khawp mai. A chhan chu, kan nungchang hi min siam that sak a duh hmasa thin a, Nghahna hmunah leh Channa hmunah te, Lalpa'n ami te chu a zirtir thin ani.

Chung hun a, Lalpa'n min zirtir lai pawh chuan, ami te chu a Enkawl tlat thin a, Tho Leh Lo Tur A, An Tluk Der A Phal Ngai Lo Ani. 

Lalpa a innghah fumfe loh chuan, beidawn a awl em em a, beidawn a, tawpsan phei chuan kan chan tur zawng zawng kan chan vek zawk dawn ani. Chuvang chuan, kan thinlunga Lalpa'n min la Tihhlawhtin sak ang ti a, kan ngaihtuah thin kan Chhungkaw dam tlan hun emaw, kan Dinchhuah hun emaw, Nasa zawka rawngbawlna a Lalpa'n min hman hun emaw, Kawppui min pek hun emaw,  thil dang dang te pawh kan Thinlungah Lalpa'n ala ti hlawhtling ang ti a, kan hriat tlat te hi. Beidawngin Thlauhthla Lo Ang U, Lalpa Min En Tlat Tirtu Ah Hmang Zawk Ang U.

Lalpa kan Nghah chhung hian Lalpa'n nasa takin min zirtir thin a. Hmangaihna taka amah kan Hmangaih Thiam Theihna tur pawhin min zirtir thin a, Mi Dang Te Chhanchhuahna Hmanrua kan nih theihna tur tein min zirtir thin bawk ani. Chutiang taka min zirtirna hmanrua atan a hman thin avangin, Lalpa Kan Beisei Chhan Chu Engtik Lai Mahin Thlah Lo Ang U. Tin, Lalpa'n a hun a tih ah chuan a thleng ngei thin ani, mahse, chung Beiseina te chu kan thlah chuan zirtir nawn kan ngai leh thin a, hun Rei Zawk Zir nan kan hman bakah, kan Beisei Thil Thlenna Tur Chu A Hlat Phah bawk thin ani.

Lalpa a innghat tak zet te chuan, Dawhtheihna te, Insumtheihna te, Beih Hram theihna te, heng hun harsa ah hian an zir chhuak thin a. 

Heng an ZIRCHHUAH ATANG HIAN, MI ROPUI BIK AN LO NIH PHAH THIN ANI.

Kan Duh Em Em Chu Tawngtaiin Kan La Dil Hlawhtling Lo Pawh Ani Thei E. Hei Hi Hre Reng Ang U, "LALPA'N A REL FEL LEH VEL VEK ANG, REL FEL LOH A NEI NGAI SILO A," tih hi.

Ni e, mangang takin, "aw, hei hi chu Lalpa'n min chhang se," kan ti pawh ani maithei. Tin, a tlai dawn tak ngialin kan hria pawh ani thei e, lungngai lo ang u, LALPA'N A REL FEL LEH VEL VEK ANG.

Heng huna Lalpa'n zirtir duh min neih te chu, zir thiam ngei tumin, Lalpa lam i en tlat ang u.

Mahni Inenfiah Leh Insiamthat

"Mi tinin mahni thiltih fiah theuh zawk rawh se, chu mi hunah chuan mi dang chung ni lovin, mahni chung chauhvah chhuan tur a nei ang."(Galatia 6:4)

MAHNI NUN ENFIAH THINTU CHU, KAWNG DIKAH A KAL THEI THIN.

Mahni in enfiah loh chuan, thil tullo tam tak kan lo ti thin a. Sual tamtak ngai zam takin lo tih mai te a awl a. Sum leh Pai lamah pawh thil tul lo a khawhral a awl a, in daih a har thin, chu chuan kan khawsak a ti har thin ani.

Lal Davida kha zawlnei in i tisual e tiin, thu an hrilh chang a awm a. Tichuan a in enfiah a, a insiam tha leh thei zel thin a, tisual mahse Lalpa Ngaihdamna A Chang Leh Thin. A INFIAH FO A, A INSIAM THAT FO THIN avang chuan lal ropui ber ani ta ani.

Kan Inenfiah em? Inenfiah ta ila insiam thatna tur kan nei a nga, a chang chuan kan lo thinchhe mah mah a, a chang chuan hun kan khawhral tam a, a chang chuan thil kan lo ei nasa mah mah a, a chhang chuan mahniin kan awm tam mah mah a, a chang chuan hna kan lo thawk mah mah a, a chang chuan hna kan thawk tlem bawk a, a chang chuan chhungkua kan lo ngaihthah mah mah bawk awm e.

Inenfiah ringawt a INSIAMTHAT leh si loh chu awm zia a nei lo a. Inenfiah A Insiamthat Theih zel hi mitin mamawh ani.

Engtik hunah nge kan Inenfiah ang tih hi zawhna chu ani ta ani. Mi ropui thenkhat te chuan nitin a, an hun hman chu an mut dawnin an thlir let thin a, ni thar lo awm turah chuan, insiam thain nun an hmang thei thin ani. Pawl tha leh kum tamtak kal thei tawh te pawh hian, Thlatin emaw a pawimawh lai bik emaw, kum khat chhunga an chet velna te nen an Inenlet thin a, insiamthat an ngaihna laite leh hmasawn an ngaihna lai te an chhut ho a, tha zawkin an kal theih phah fo thin ani.

Hawh U Inenlet Ila Insiam THA Ang U.

Lalpa'n Inenlet A Insiamtha Thin Te Chu A Hawisan Ngai Lo Ani.

Lalpa Chuan, Kan Tawngtaina Min Tih Hlawhtlin Sak Lohna Phenah Malsawmna Ropui Tak Min Butsaih Sak Thin Ani.

"Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria."(Rom 8:28)

LALPA'N KAN TAWNGTAINA A CHHAN LOH HIAN, THIL THA ZAWK A CHHUAH TIR DUH THIN VANG ANI.

Kan Lalpa Isua ngei pawh kha, Pa Pathianin Getsemani a, a tawngtaina kha a chhan sak lo anih kha. Isua kha mihring angin alo pianga, a tawrh tur kha a hre bawk si a mihring angin a hlau tawng a, tichuan Pa Pathian hnenah a tawrh tur pum pelh a dil a, mahse a tawngtaina chu Pa Pathian chuan a chhang lo ani.

A chhan loh chhan chu, nasa taka a tawrhna atangin a Hmangaih fa te chhandamin kan awm dawn vang ani. Isua chuan Pa Pathian thu awi takin min chhamdam ta a. Isua tawngtaina chhan anih loh avangin keini pawh chhandam kan lo ni ta ani.

Isua Chhandamna atang chuan Thlarauthianghlimin ringtute min chenchilh a, hun ngai ah chiah pawh he khawvel hmun hrang hrang ah Thlarauthianghlimin nasa takin hna a thawk reng thei a. Lalpa'n ram nasa takin a lak theih phah ta ani. Pathianin ram a lak a, a zauh hian, a fa ten, hamthatna tam tak kan dawng thei thin ani.

Tin, Isua hming kan lamin ramhuai hoin an hlau a, natna tuar te pawh Isua hmingin an dam theih phah thin ani, kan Lalpa Isua hmingah chuan, thilhtihtheihna nasa tak a awm a, heng zawng zawng hi tawngtai chhan lohna phen atanga lo thleng ani pakhat ani.

Kan Pathian Chuan, Kan Tawngtaina A Chhang Emaw Chhang Lo Emaw A Thil Tih Hi A HRIA Ani!

Davida fa, Betsebii nen a an fa hmasa ber kha a thi lek lek a, Davida chu vaivut a thuin, Pathian hnenah ni sarih chhung chhun leh zan a tawngtai a. Mahse, Lalpa'n a tawngtaina a chhang lo ani, Lalpa'n Davida chu zirtir a duh vang leh a tana thil tha zawk pek a duh vang ani.

Naute chu a thi ta a, Davida chuan Betsebii a khawngaih em em a, a hmangaih bawk a, Betsebii hnem turin a kiangah a awm a. Tichuan, Betsebii leh Davida inkarah chuan lal ropui leh fing em em Solomona alo pian chhuah phah ta ani.

Pathian Chuan Kan Tawngtaina Tam Zawk Chu Rang takin emaw, Rei Tak Kan Nghah Hnuah Emaw Min Tih Hlawhtlin Sak Thin A. Mahse, a chang chuan Thil Tha Zawk Min Lo Buatsaih Sak Reng Avangin Kan Tawngtaina Chu Min Chhan Sak Lo Thin Ani.

Kan tawngtaina hi Lalpa'n a chhang emaw chhang lo emaw, Lalpa vuan tlat ila, min chhan loh pawh a kan vawn tlat chuan, a Khawngaihna Kan Hmuh Phah Thei A, Chu A Khawngaihna Atang Chuan Thil Ropui Leh Tha Zawk Min Tih Sak Thei Ani.

KAN TAWNGTAINA A CHHAN LOH PAWHIN, LALPA RING TLAT ILA.

THLAH LOIN LALPA CHU VUAN TLAT ANG U.

Lalpa A Kan Lawm Chhan Tur.

"Lalpaah chuan lawm fo rawh u: ka ti leh pek thin ang, lawm rawh u."(Philippi 4:4)

LALPA AVANGA LAWM TE CHU MI VANNEI BER ANNI.

Lalpa a kan lawmna chhan ber tur chu Isua Krista min CHHANDAMNA hi ani a, Isua Krista Chhandamna ropui zia hi hriat thiam mai pawh a har bawk ani. 

Isua min chhandamna atang hian Thlarauthianghlim chenchilhna kan nei thei a, chu Pathian chenchilhna kan channa atang chuan Pathian aw kan hre thei thin a, Pathian in ti tura min tih leh tilo tura min tih te hi kan zawm zel chuan mi ropui tak kan lo ni thei dawn ani.

Isua Krista Chhandamna atang hian, Van Finna leh Hausakna hi, Kan Chan tur leh kan Ta ani thei a, kan Zawn erawh a ngai ani.

Kan inngaihtuah ve rawi a, Lawmna chhan tur hi kan hre lo thin, keimahni ai a vannei te, hausa te, hmeltha te, hrisel te kan hmu a lawm a har kan ti a Lalpa remruat dan hi hriat thiam ava har em kan ti thin ani.

Tuna kan dinhmun hrim hrim pawh hi chhut ila, vannei ber leh dinhmun tha ber chu kan ni lo ang, mi tamtakin awmna tur an neih loh laiin in, a te emaw a lian emaw a chhia emaw a tha emaw kan nei hrim hrim mai a, eitur nei lo an awm lai in chaw eitur te kan nei a. Kut leh ke kim te kan nei a, kan mit te a var a, kan tawngthei a, kein kan kal thei a, Hna Hah taka kan han tawk mai thei te hi a lawm awm em em ani.

Cancer a na te chuan, Darkar khat chiah hi hrisel vek vawkin awm thei tal ila aw, chaw tui ti takin vawi khat tal hi ei ve thei ila an tih ngawih ngawih laiin. Keini chuan a hlutna pawh hrelo in Lalpa A Lawmna Chang Kan La Hre Lo Cheu Anih Chun Tu Thiam Loh Mah Ani Lo Anga, Kan Thiam Loh Ani. Kan awm mai mai pawh hi, damlo tam tak awh ngawih ngawih dinhmunah kan ding reng ani.

Khawvel khawsak lamah han lut leh ta ila, Dinchhuah te kan duh a, tum sang tak hlen te kan duh a, nupui pasal tha tak kan duh a, kan theih kan ring lo anih loh vek pawhin a thleng har tawh kan ti maithei ani. Tah tak hian alawm Isua Krista min chhandamna hlutna chu, Van Finna hi kan chhan phak a a awm hi. Chu Van Finna Nen Chuan, Lalpa Rem Tih Zawng Anih Phei Chuan, Kan Tum Apiang Kan Ni Thei Ani. Chu Bak Ah, Kan Tum Apiang Kan Thlak Thei Bawk Ani, Chhukaw Dinhmun te, Suala Tlute Dinhmun te, Midang Nen A Kan In Kar Te pawh. Van finna chu lei finna ai a sang zawk em em si a.

Isua Krista Min Chhandamna a, Kan Lawmna Ber Tur Chu, VANRAMA MIN LUH TIR TU TUR ANIH NA HI ANI.
Isua chu kan dam chhunga min hruaitu tur tha ber, ama hruaina tluka fel leh tha awm thei lo, hruai tu tha chungchuang ani bawk ani.

ISUA NEITU TE HI MI MAI MAI KAN NI LO, ISUA ZARA MI THIL TI THEI KAN NI.

Mahse, kan thiltihtheihna hi hmang thiam turin, Isua ah kan awm duh lo tlat a, khawvel mite angin, kan chhehvel a thil kal dan leh mihring ah kan lo innghat zawk thin ani. Entir nan, football khelthiam em em, mahse inkhel duh miah lo, inkhelh nachang hre mih lo, inkhel se chuan mi ensan rawn leh mi lar tak ni tur leh sum tam tak thawk chhuak tur chu, a inkhelh duh miau loh avang a, engmah ni talo ang hi kan ni ve thei ani. Midang Ensan, Mi Hriat Hlawh, Sum thawh chhuah theihna te leh Thiltih theihna tin reng te hi, nei thei tura Chakna Leh Finna chu, Isua Krista Min Chhandamna Atang Hian Kan Ta Ani.

Kan Lawm Rengna Tur Chu, Isua Krista Engkim Tithei A Chuan, MIN HMANGAIH EM EM A, A LAM HAWI TURIN MIN VUAN RENG HI ANI.

I Rin Aiin I Hnaih Tawh Ang.

“Nang hi ka chhungte chungah hotuah i awm ang a, ka khua leh tui zawng zawng hi i thu ang zelin an awm ang: lalthutphaha thut thu-ah chauh hian i aiin ka lal ang,” a ti a. ( Genesis 41:40)

LALPA'N AMAH TIH TLATTU CHU, A INNGHAH THLAWN TIR NGAI LO, LALPA HNENA I THLEN THIN TE CHHANNA CHU, I RIN AIIN I HNAIH TAWH ANG.

Josepha, hi ava chhel tak em! Unaute'n an hua a, khuarkhurumah an thlak a, Sal a sumdawng hnenah an hralh a, chung sumdawng te chuan an hralh chhawng leh a, Potiphara te in ah chhiahhlawhin a awm ta a, Potiphara nupuiin dawtin a hek a, Tanin ah khung ani. Tichuan, Pharoa chhiahhlawh pahnih chhang leh uain petu an rawn lut ve leh, an mumang a hrilh fiah a, Uain pe tu hnenah chuan min rawn hre ve reng rawh o! A ti lawm lawm a, mahse kum hnih teh tawp Josepha hi a hre duh lo anih chu, Josepha chan hi ava chhe tlawk tlawk em.

Mahse, engtik lai mahin Josepha hian a Lalpa a thlah ngai lo, Lalpa chuan amah vuan tlattu chu, a ngaihsak reng a, a thlauhthla ngai lo ani.

Uain petu khan a hriat chhuah a, a ngaihsak vut kha a ngai lo, Lalpa'n Josepha kha a ngaihsak khawp mai. Keini pawh hi "Lalpa Kan Vawn Tlat Phawt Chuan,"thiltithei te hmelhriat emaw, an duhsak emaw kan nih a ngai hranpa lo. Lalpa'n A Hun A Tih Ah Chuan, Kan Tan A Ruat Chu Min Pe Ang.

A pa in a thi emaw ati, a u ten an duh lo, Potiphara'n tanin ah a tan tir, Uain pe tuin a theihnghilh ve leh he leiah Beisei tur a nei tawh lo. Chu tak chu Lalpa tum ani, Uain pe tuin Tanin Ata A Lak Chuah Chuan Lalpa Lak Chhuah Ani Nang, a pa in a dam tih hria se, u ten hralh lo se, Potiphara hnen a thleng nang, Potiphara nupuiin dawtin puh lo se, tanin ah a lut nang, tanin ah lut lo se uain pe tu kum hnih Josepha hre duh lo tu kha a tawng lo bawk ang.

Uain petu chuan, a hre chhuak ta, a hriat chhuah chhan chu TUMAHIN AN THEIH LOH KHA LALPA'N JOSEPHA A THEIH TIR THAWH THIN TIH A HRIAT VANG ANI. Uain petu khan, Pharoa a lal kha ala tih lungawi theih chinah chuan Josepha a theihnghilh a, A THEIHNA IN A DAIH TAWH LOH VE LEH JOSEPHA A HRE CHUAK TA ANI.

Khawvel hian, an theih chin ah chuan an theihnghilh ang che, mahse maw! I neih Isua in engkim a thei a, a theihnghilh ve ngai lo che. Chu Isua Chuan, Tar Lan Hun Che  A Hre Khawp Mai, A Tar Lan Hun Duhna Lai Tak Che Chu, Khawvelin A Theih Tawh Loh Chin Ah Ani Ang.

Khawvel chuan, a theihnghilh che ani mahna, mahse I Neih Isua'n An Theih Tawh Loh A Theih Tir Thei Che Tih An La Hre Chhuak Ang. Chu Hun Ah Chuan, Zahna Chibai An La Buk Ang Che.

Josepha, kha tanin ah, eng eng emaw alo ti fel ani maithei ani, chu tih lai tak chuan, Pharoa'n a koh ta a. Josepha chuan a mumang chu ava hrilhfiah ta a, Zing A Thawh A, Tanin A La Tang Kha, Ni A Tlak Leh Dawn Meuh Chuan Aigupta Hotu Pa Ber Ani Ta.

Mihring duhsakna dawng lo, Mihring lakchhuah pawh nilo, LALPA LAK CHHUAH CHU A HNIAM THEI LO A, BEISEI PHAK BAK A KUM THIN ANI.

I RI AIIN LALPA'N A THLEN TIR TUR CHE CHU I HNAIH TAWH ANG.

Eng ang pawhin Harsa mahse, Lalpa duh angin nung tlat la, Lalpa vuan tlat ang che.

Josepha pawh khan, kha tiang Thut Khan Lalpa'n A Chawimawi Ang Tih Kha A Ring Lo. Tlai Ngailo, Lalpa Hi Nghah Ngai Khawp A, Chet Mai Loh Hun A Hria A, Chu Mai Chu Ani Lo, A Tul A Tih Hun Ah Chuan, Hmanhmawh Hun Pawh A Hria Ani.

A Thu Thiam Hlen Thin Tu Lalpa, Chuan A Thu Tiam A Thlen Tir Hmain Min Buatsaih Hmasa Thin Ani.

"Tin, a vawi sarihnaah chuan, heti hi a ni a,"Ngai teh, tuifinriat atangin mihring kut tiat lek chhum a chho nel nel e," a ti a. Tin, ani chuan,"Han kal ta la,  Ahaba hnenah,'I tawlailir buatsaih la, chhuk tawh rawh, ruahin a dang dah ang che,' ti ang che," a ti a."(I Lalte 18:44)

LALPA'N KA TI ANG A TIH CHU A TI THIN A, MAHSE FIAHNA MIN PE THIN, CHU MIN FIAHNA AH CHUAN ZIRTIR DUH MIN NEI BAWK THIN ANI.

Lalpa hian thu tiam min pe thin a, a chang chuan Midang hmangin min hriattir a, a chang chuan kan Thinlungah a rawn dah a. Mi tamtak zawhna awm tur chu, miin thil tamtak min hrilh a, ka rilru ah thil tam tak ka ngaihtuah bawk a, engtin nge Lalpa'n Thu Tiam Min pe tih ka hriat hran theih ang? Kan ti ang tiro, Thil tam tak chu kan hria ang, Thil tam tak pawh kan ngaihtuah ang, mahse Lalpa'n A Thu Min Tiam Anih Chuan, Chu A Thu Min Tiam Kan Neih Theihna Turin A Kawngah Min Dah Nghal Thin. Chumai bakah hre tura min tih hi chu kan hriat theih nan, a Tichiang Bik Thin ani, kan thil tawn te, kan thil hriat te, kan lo ngaihtuah tawh te pawh hi kan han chhui let leh a, kan Ngaihtuah Chuah Apiang Hian Kan Hriat Chian Ngei Nan, MIN KHAWIH NGHAL ZAK MAI ZEL THIN ANI.

Elija hnenah, ruah ka surtir dawn a lal Ahaba va hmu rawh a ti a, ava kal a. Chumi hnuah Baala zawlnei sawmnga leh Aseri zawlnei zali, Karmel tlangah tunge Pathian tak be zawk tiin Elija hian a cho leh a. Baal leh Aseri zawlnei te chuan mei chu an au thla thei lo a, Elija lah in, mei a auh hmain maicham awmna tur chu a laikhuar tir a, lungin maicham a siam a, a chungah sa a dah a, tui a leih tira, a leih nawn tir bawk a. Maicham hnuai khuar zawng zawng chu tuiin a khat a, tui te chu luang dul dul khawpin, maicham chu tuin an leih ani.

Elija hian Lalpa'n a chhang dawn tih a hre chiang khawp mai, Lalpa chu a au ta a, van atang Lalpa'n mei chu a rawn tlak tir a Lung te leh Vaivut thleng a kang ral vek ani. Lalpa Hi A Hunah Chuan Nasa Taka Che Thin Pathian Ani.

Elija khan ruah a sur tur chungchanga lal Ahaba va hmu mai tur kha ani a, va hmu se Lalpa'n ruah sur tir mai se, a tawk mai tur ani a. Mahse, Lalpa chuan Ruah A Sur Tira Malsawmna A, Israel Te A Vur Hmain A Lam Hawi se A Duh Hmasa Ani. Chu chu Israel tan pawh a tha a, a chhan chu Lalpa'n Malsawmna A, A Vur Hmasak Chuan A Lam An Hawi Mai Lo Ang. Tichuan, an mahni ti tlu thintu Baala zawlnei leh Aseri zawlnei te chu a that hmasa vek phawt bawk ani.

Kan Dilna Te Min Chhan Hma Hian Lalpa Hian Kan A Lamah Min Hawi Tir Phawt A Tum Thin A. Kan Sual Tih Thin Te Leh Kan Ze Tha Lo Te Min Huat Tir Thin A Tum Hmasak Bakah Min Dah Bo Tira Min Tih Hlum Tir A Tum Hmasa Thin Ani.

Heng Zawng Zawng Hi a kual tawh viau  a, mahse, Elija Hnena Lalpa'n A Thu Lo Sawi Tawh  RUAH A SUR TIR DAWN  Chung Chang Nen A Inkaihhnawih Vek a, Elija Chu, Chu MI KAWNGAH CHUAN A KAL TIR NGAR NGAR ANI. 

Chung zawng zawng chu a zawh hnuah Lalpa'n ruah ala sur tir mai lo, Elija nun ala khawih duh hmasa leh zel ani. Elija chuan, Ahaba hnenah "Ruah sur tur thawm a awm a nia" a ti a, tichuan Elija chu tlangchhip lamah Lalpa be turin a chhiah hlawh nen an kal a. 

A hmai a kap karah a rawlh a, Lalpa a dawr ta a, Lalpa a biak lai hian thawm dang hriat a duh lo a, a Thinlunga Lalpa aw chauh hriat a duh ani. Lalpa kan dawrh lai hian Thawm dang hriat tel kan duh fo thin, kan Dikna te, kan Fel zia te, Kei Mahni nilo Midang zawk Thiam loh anih thu te, kan Rinhlehna aw te, kan Chapona aw te, a tam awm e.

Elija Rinna Leh A Beiseina Chu Lalpa'n Ala SIAM THAT Sak Te Te Ani. Elija chu vawi khat a tawngtai zawh hnuah, a chhiah hlawh chu Tuifinriat lam a en tir a, chhum pawh a hmu lo ani.Tichuan, Lalpa a dawr leh ngar ngar a, a chhiahhlawh chu a entir zel a, vawi nga a en tirna ah pawh engmah ala hmu lo, a bei leh ngar ngar a. A vawisarihna ah chuan, mihring kut tiat chhum a hmu ta a, chu ve leh a chhiahhlawh chu lal va hrilh turin a ti a. Tichuan, nasa em em in Lalpa'n ruah sur tir ta ani.

Elija hi a Beidawng duh lo khawp mai, Lalpa Aw Ka Hre Lehlo A Niang A, pawh a ti lo. A Tawngtai Ngai In A Tawngtai Ngar Ngar Mai ani, tichuan Lalpa'n Elija'n a Beisei Zia Leh A Rin Zia Chu A Hmu a, Ruah Chu Nasa Takin A Sur Tir Ta Ani.

Keini pawh, Lalpa'n Engtin Emaw Takin Min La Dinchhuah Tir Dawn Tih Min Hriat Tirna Te Kan Dawng Em, Kan Chhungkua Kan La Dam Dawn Tih Te, Kawppui Tur Tha Tak Min La Pe Dawn Tih Te Kan Dawng Em? Kan dawnga mahse, a thleng mai silo a, kan kual kan kual a, kan beidawng mai em.

BEIDAWNG LO ANG U, LALPA HNENAH THLEN NGAR NGAR ANG U. Tunah pawh khan han in chhut chiang ila, engtin emaw tak A THU MIN TIAM KAWNGAH CHUAN MIN LO DAH RENG ANI, tih kan hre thei awm e.

Isua Hnenah I Thinlung Pe Ang Che.

“Nangni keimaha in awm reng a, ka thu nangmahnia a awm reng bawk chuan in duh apiang dil rawh u, in tan tihin a awm zel ang.”(Johana 15:7)

PATHIAN THU HI HRE RENG CHUNG PAWHIN, I THINLUNGAH HMUN I PE NGE I PE LO.

Pharisate leh Puithiam ho khan Isua a thi a, a tho leh tih kha an hre reng a, sipai te khan an hrilh ngei a. Mahse, sipai te thu sawi kha zawm a hnek in, sipai te khan midang an hrilh a nga, midangin Isua an ring ang tih an hlau a, sipai te kha pawisa an pe a ngawi turin an ti zawk a.

Isua tan an "THINLUNGAH HMUN CHHE TE PAWH AN PE DUH LO ANI," Isua a tho leh ta tih kha Isua zirtir te ai mahin an hriat hmasak pawh a rinawm ani.

Kross a Isua dinglama an khenbeh kha, misual ani, a sual tih thin pawh a sim mai lo ani ang, kross a khenbeh ngai khawp khan a awm a. Kha misual kha'n Isua tana nun hun pawh a nei tawh lo, Isua tan pawh a nung ngai lo, thil tha pawh a ti ngai hran lo anih hmel.

Mahse, "A THINLUNG KHA ISUA A PE ANI, Isu I Ram I Thlen Hunah Min Hre Reng Ang Che" a ti a. Chak lo chungin, Isua'n Pathian Ram A Sawi Kha A Thinlungah A Pawm Tawh A, A Ngaihven Hle Pawh A Rinawm.

THINLUNGA AMAH HNAIHTU Te Chu, ISUAN A HNAWL NGAI LO ANI. He misual dilna pawh hi a dilna bakin a chhan sak a, vawin ah ka paradise ah i chawl ve ang Isuan a ti anih kha.

Pharisate leh Puithiamte ang hian hre reng chungin Isua hi kan hnawl em le. Chumai bakah RINGTU nun hi a tha tih hre rengin kan hnawl em le? Pathian hnen a Tawngtaina hian mihring theih loh hi a ti thei thin tih hre rengin kan tawngtai duh chuang lo em le? Inkhawm leh Kohhranho inpawl khawmna a, tel tam hi Pathian hnaihna anih mai bakah kan mihring nunna atan pawhin, a tha tih hre reng chung pawhin kan inkhawm duh chuang lo em le?

Kross dinglama an khenbeh ang hian, rem lo leh harsa chung pawhin Isua tan zawk ang u. Hman loh vangin Chaw nghei pawh ngai se emaw, Awm nuam lo chung chung pawhin Inkhawm ang u. Chhungkua inhauh buaina karah emaw, Rilru leh Taksa a hliam vangin mittui pawh thla hial mahse, mittui tlachung pawhin Chhung Inkhawmna nei tlat ang u. I Tawngtaina kha Lalpa'n a chhang lo, chhang nise he tiang hian i Dinhmun a chhe lo ang emaw, I Na lo ang emaw pawh midangin min ti mahse, Dinhmun chhia leh Na chung chung a tawngtai hi, Dinhmun tha tawngtai duh lo ai a tha zawk tih hriain tawngtai tlat ang u.

I Din Hmun A Tha A, Mifel Leh Mi Zahawm Ah Miin An Chhiar Che A, Chu Chu Duhtawkin, Isua I Thinlung I Pe Duh Tak Tak Chuang Lo Em?

Nge ni a, I Din Hmun A Chhia A, Mi Nuih Zat Leh Hmuhsit I Ni A, Isua I Thinlung I Pe Tlat Zawk.

Mahse, hei hi hriat a tha kan Thinlung Hi Isua Pe Tak Tak Ni Ila, Kan La RUI A Ngem, Ruk Kan La Ru A Ngem, Mipat Hmeichhiatna Lamah kan la tlan a ngem, Sum Dik Lo Kan La Zawng A Ngem. ISUA NEITU CHU ISUA  A THINLUNGAH A LAL BER AVANGIN SUAL A KALSAN THIN ANI.

Awmzia A Nei Dawn A, A Lan Loh Hnu Ah Leh At Thlak Mai Anih Dawn Hunah Pawh, ISUA THLANG TLATTU CHU,  Isua'n An Dilna A Thlawn A Phal Ngai Chuang Lo Ani.

ISUA THLANG ILA, A THU ZAWM TLAT ANG U.

Thinlung Thlak

"Tin, Elisa chuan, "Jordan luiah vawi sarih va inbual la, i tisa ngai i pu leh ang a, i lo thianghlim tawh ang," tiin mi a tir a."(II-Lalte 5:10)

LALPA THU AWI TURA THINLUNG THLAK TE CHU, AN TI SUAL NGAI LO ANI.

Naamana kha a phar a, Israel a ram hneh tawh atanga, a sal man khan Elisa rawn se a ti a, hman lai hian sal te hi an hmusit thei khawp mai a, sal thu chu a damna tur chuan inngaithlawm takin a awi a.

Naamana chu an ram lal hnenah Elisa hmuh a tum chungchang thu a thlena, an lal chuan Israel lal hnenah lehkha kalo thawn a nge a ti a, Israel lal chuan Suria lal lehkha a hmuh chuan a puan a pawt thler a, in dona a chhuak lek lek hial ani. A SANG ZAWNG A IN SIAM THAT TUMNA HIAN, BUAINA A THLEN DUH HLE ANI. 

Elisa in chanchin alo hria a, Naamana chu ka hnenah rawn tir rawh a ti a. Ava kala Jordan luiah vawi sarih inbual turin alo ti a. Naamana mi lian dinhmun sang, sipai lal kha a thinrim ani, KAN Damna Tur Chu KAN IN DAH SANNA ATANGA CHHUK ANI. Tih hi, miin min hrilh changte hian Pawm a har a, Thin a rim duh ani.

Naamana chuan "A THINLUNG THLAKIN LALPA THU CHU A ZAWM TA A" a dam phah ta ani. Lalpa thu a awina kha Jordan lui a inbual ani a, lui an hmuhsit, a ram hneh tawh Israel lui serh ah ngei chuan vawi sarih a in bual ta ani.

Naamana hi sipai hotu ropui tak ani a, an hunlai khan lal dawttu ang a ngaih an ni a, hmun thenkhat ah chuan Naamana te ang sipai hotu hi lal ah te an kai chhoh hial thin ani.

Chutiang ang mi ropui chu a Damna tur khan ava Inphah Hniam nasa em, a damna kalkawng kha a Hniam zawng Hlir ani. Zawlnei rawn tura titu kha, a Sal hawn ani, a damna tura ava rawn kha a ram hmuhsit a lak tawh Israel rama Zawlnei ani, Zawlnei Elisa lah chuan hmuh pawh alo hmu hranpa lemlo a, a bawih a tir a, a lui a hmuhsit Jordan ah in bual turin a ti a, a in bual ta ani.

Naamana hi a damna turin a chhuk rawng rawng ani ber mai awm e. KAN DAMNA TUR LEH KAN CHHUNGKUA DAMNA TUR HIAN, KAN CHHUK VE EM LE.

A Cho Zawng leh Indah Sang Zawng A Dam Tum Chu, A Pathian Thu Lo Te Pawh Ani A Nge, Naamana Pawh A Chho Zawnga Dam A Tum Kha Chuan, A Buai Phah Anih Kha.

Kan Thinlung Hi Thlak Ang U, Lalpa'n Chhuk A Ngai A Ti A Nih Chuan Chhuk Mai Ang U.

Sang Ar A Nun Dam Lo Ai Chuan, Hniam Taka Dam Hi A Tha Zawk.

Lalpa Kan Ring Anih Chuan, A Takin Kan Rinna Chu Kan Nun Chhuah Pui Tur Ani.

"Chutiang bawkin rinna chu thiltih nei lovin amah chauhvin a awm chuan thi a ni."(Jakoba 2:17)

LALPA CHU KAN TAKSA, KAN RILRU, KAN THLARAU A, KAN RIN A NGAI ANI.

A TUL HUN A "LALPA CHET HUN NGHAH HI" RINNA HMANCHHUAH DAN PAWIMAWH BER ANI.

Kan Taksa, a bik takin kan KA hian kan ring thin khawp mai, Lalpa ringtu te chu! Han tih liam puat pawh kan ching ani, miin an sawi a, sawi ve hluah mai thei pawh kan tam ani. Sawi chauhah emaw, Mi sawi ngaihthlak chauh duh tawk mai kan tam awm e.

Mi Chik deuh chuan, kan RILRU ah Rinna chu kan seng lut a, kan ngaihtuah fo thin ani, ngaihtuah mai pawh ala tawk lo a, kan Thlarau a kan rin a ngai ani.

Thlarau a rin awmzia chu, Rilru a kan Rinna kha Lalpa hnenah Tawngtaiin kan thlen a nga, tichuan kan Thlarauah kan rinna chu a in tuh dawn ani. 

Thlarau a Rinna Chuan Lalpa Nen A, In Pawhna A Siam Thin Ani.

Chu Inpawhna Atang chuan, kan dilna chhanna (Intruction/ Tih dan tur) kan hrethei thin ani. Lalpa chhanna hi kan hre mai lo thei a, a chang chuan a chhanna chu A Aw ten a hriat theih a, Midang kaltlangin a bikin Pathian mi atang te min hriat tir thei a, Bible Thu hmangin min hrilh thei a, Kawng engtin emaw rawn inhawng a tang te in a hriat theih thin a, Kan Tawngtaina Chhanna Hi Chik Taka Kan Ngaihven Reng a ngai ani.

Chu a CHHANNA chu a taka NUN CHHUAH PUI LEH TIH TAK TAK NGEI A NGAI ANI.

Taksa a Rin dan tur kan hriat kha, Rilru in kan ngaihtuah a, Tawngtaina in kan Thlarau ah kan rinna chu a thawk a, Lalpa atang, a remtih zawng anih leh nih loh a Chhanna kan dawng a, A Taka kan han tih Chhuah Chhiah hian kan rinna chu Rinna tak ani.

Entir nan, Lo neitu pakhat hian, Lalpa nen a hnathawh a that zia a hria a, uluk takin a Ngaihtuah a Lalpa nen a hnathawh chu a duh ta a, tichuan a tawngtaina ah a hlan a, Lalpa henah chuan engtin nge kan thawh dun theih ang a ti a, "Lalpa chuan ka thu zawm la" kan thawk dun ani mai a ti a. Lo neitu chuan e nge i thu chu a ti a, dik takin Hlawhfa chungchangah leh Ramri chungchangah ti la, i Lo i thlen ve leh min be thin ang che a ti a. Chung chu lo neitu chuan a zawm lem lo a, a Taksa, Rilru leh Thlarau a, a rinna chu a taka a tih chhuah loh avangin hma pawh a sawn lem lo. 

Hun a liam zel a, Pathian a rawn leh thin a, Lalpa chuan a ngai te bawkin a chhang leh thin a, Lalpa Mi te an rawn chang pawhin an sawi an sawi a, chhanna a dawn tawh ngai te bawk chu a chhar chhuak leh thin. A tawp a tawpah chuan, Lalpa'n a chhanna ang chiah chuan a ti ta a, chutia a tih atang chiah chuan, Lalpa'n A Ring Tak Zet Ani Tih A Hre Ta A, a pui ta ani. A rinna chu, a nun chhuah pui chhiah khan Rinna puitling ani.

Lalpa atang kan tih tur leh kan tih loh tur a Chhanna kan hmu mai lo ani thei e. Chung hunah chuan, Lalpa Rorel Dan Bible ah a awm a, Bible leh Rawngbawltu rual u zawk te rawn a, kan rinna chu tih mai a tha a. A fuh lo palh anih chuan, Lalpa pawisawi lo zawngin, tih dan thlak a, insiam rem zel mai tur ani.

Kan Rinna Hlawhtlinna Chu Lalpa Kutah A Awm Ani. Lo neitu pawh khi, a Rinna Chu Ti Puitling Mahse, A THLAI RAH TIR TU CHU LALPA ANI.

A Thlai Te An Rah Hma Chu, Dawhthei Taka Lalpa Chet Hun A Nghah A Ngai Ani. Lalpa ringhlelin chet khalh ta sela, a thlai te pawh a rah dawn lo anih hi tiin, phawi leh sela chuan, a RINNA zawng zawng chu alo thlawn dawn ani.

LALPA KAN RINNA AH HIAN, A CHET HUN NGHAH HI A TUL NGEI THIN ANI.

A Bul Leh A Tawp Thleng Pawhin Lalpa Thu Vek Ani Zel Thin.