Kawppui Tur Zawn Nan, Isua Zirtirna A Pawimawh.

"Thuhnuairawlhte chu an eng a thawl e; lei hi an la rochung dawn si a. "Felnaa riltama tuihalte chu an eng a thawl e; an la tlai dawn si a. "Mi khawngaih thei takte chu an eng a thawl e; khawngaih an la hlawh dawn si a. "Thinlunga thianghlimte chu an eng a thawl e; Pathian an la hmu dawn si a. "Remna siamtute chu an eng a thawl e; Pathian faa vuahin an la awm dawn si a.(Matthaia 5:5-9 )

Website lian em em pakhat, Wikipedia ang chi tho Weboflove chuan, thawnthu tawi mi nun siam tha thei, thawnthu tha bik pariat a thlan chhuah zingah chuan," I'm sorry, I love you" thawnthu hi a tel ve a. Chu thawn thuah chuan rilru buai misual ho an dahkhawmna a awm a, chu hmun a thawh chu a hlauhawm avangin, thawktu te pawh thlatlemte chauh an thawh hnuah an bang zel thin a.

Chu damdawiin ah chuan, psychologist pakhat hi ava thawk ve ta a, tih ngaihna tak pawh a hre lo, chung damlo te chu a mal mal pawhin a kawm ngai lem lo a. Mahse, a thawh hnu rei lo te ah chuan, dam lo te an dam tan ta a. Tin, thawktu te pawh an bang mai mai tawh lo tial tial a, a hnu ah phei chuan damlo tamtak an dam ta a, chhawr sen loh mi tam tak, chu hmun ah chuan thawk duh pawh an awm ta hial ani.

Engtin nge chu Phychologist chuan a tih?

Ka Tih Palh asin, Ka Hmangaih che a ka Ngaina che, Ka Thiamlo zawk ani, Min Ngaidam rawh o, tih te hi hmanruaah a hman vang ani.

Patients te a be lo, mahse an profile leh chanchin a en thung a, tah chuan, patients entu ho hnenah chuan, heng hmanrua te hi a hmang thin ta anih a rinawm. Tichuan, chung a hmanrua a hmanna te chuan, an patients te hnenah an hmang ve leh a, an vaiin an lo dam ta theuh anih chu.

He technique hi, he psychologist in a hman hma daih kum 1000 hma lamah, kan Lalpa Isua Krista chuan, A Hnung Zuitu Te Chu Hmang Turin Min Lo Ti Daih Tawh Ani. Ka uanu! Kan Lalpa'n min zirtirna te hi han hmang mai thin ila chuan o! NANG LEH KEI HI KAN VA DAM TLANG THIN NASA DAWN TA EM TIRO!

He technic hi, kawppui zawn nan han hmang chin teh ang o!

Entir nan, Kan kawppui tur ka la hre chhiah lo a, kan la innei lo bawk a, kan la inngai zawng lo a, kan la in tawng lo bawk ta ani, ti teh ang. Tichuan, kan Lalpa Isua Krista zirtirna chu ka nitin nun ah, ka chhungkua ah, ka hna thawhna ah, ka zirna hmun ah, ka rawngbawlna ah ka hmang thin ta ani. Chu hmanraw, hriam em em mai chu ka hman avangin, ka zirpui  te, ka thenawm te, rawng ka bawl pui te, ka chhungkua te, ka hna tawh pui te chu, midang bulah an dam lo anih pawhin kei ma bulah an dam ta ani. 

Chuan, ka bul a an dam chuan, min ring ta em em mai a, ka chanchin an sawina apaingah mi tha anih kha min ti vek ta bawk a. Ka bul hnai ami zawng zawng chuan, an thiante leh an chhungte pawhin min hre ve se an ti vek ta a, min in hriattir thin bawk a, mi hriat ka ngah ta em em mai a, keimah ai a naupangin u ang tak takin min en a, keimah ai upa in nau ang tak tak in min en a, min duh sak em em bawk ani.

Chutiang chu, ni ta ila, nang pawh ni ta la! Kawppui tha i hmuh thuai i ring lo thei dawn em ni?

(Tawngtai Dan Tur)
Lalpa, i thu zawm chungin, ka nun engkim hi ka hman theih nan min pui la, i thu ang a nun hi engkimah ka tan a tha ber ani tih ka hriat theih nan, min pui ang che, Amen. Ti ang o! 

Download Nungturin apps at this link
http://files.appsgeyser.com/Nungturin_5701356.apk

Kan Man Ava To Tak Em

Nimahsela Isua kiangah an lo kal a, a thi tawh reng tih an hria a, a kete an titliak ve lo va."(Johana-19:33)

Kan Lalpa Isua Krista in, min chhandamna tur khan, a zawng zawngin a in hlan ral ani.

Pathian fapa meuh leh Pathian kha, min tlan tura, a rawn kal dawn khan, van mipui ten mak an ti a, van pawh a reh thuap ani. 

Chutiang taka ropui chu, khawvel hreawm leh bawlhhlawhah a rawn kal taa, tlawm takin apiang a, tlawm takin a sei lian a, hreawm takin, chenna in mumal pawh nei loin rawng a bawl ani.

Min tlanna, ni ah phei kha chuan, nasa taka vuak a ni a, an vaw nasa lutuk kha a ruh te a lang hiala, a tho thei tawh lo an vaw nasa lutuk kha, an vuakna atanga a thisen luang chhuak kawi chungah khan a let renga, an la vaw lui zel ani.

Tichuan, an tung tho a, hlinglukhum an khum tira, hling lukhum an khum tir kha Euphorbia Milii niin an sawi a, chutiang hling chhunchu a na em em a, a chhun tawhna laia thisen chhuak chu, a thi tawp mai mai thei tawh lo a ni an ti.

Hling lukhum khum chung leh hliam na tak tuarin kross an put tira, a thisen a chhuak nasa tawh lutuka, a tui a hal tawh em em a, tui pangngai pek ani lo leh zel a, kan tan ava tuar nasa tak em.

Krossah an khengbet taa, a kut an kilh behna lai kha, kutphah lai taka ah hian, ruh rel a awm a, chu ruh rel karah chuan, tha a awm a, chu tha chu zuk chhun chhiain a kut phahah khan thirkhen ang perek inches 7-9 vel a lian kha an kilh lut a, an kilhna lai chu anna lutuk a, lung a khawih theih hial e an ti. Tichuan a ke an chuktuah a, an kilh bet bawk ani.

Krossah khan, a taksa ruh lang khawp a, an vuakna hliam khan thing thap an khenbehna kha a nawk a nga a na em em a nga, hling hlaulhawm taka siam hling lukhum an khum tir bawka, a na thei lai ber ah a ke leh kutah thirkhenin thingah an kilh bet bawk a. Chutianga, kross a khenbeh chu ana lutuk a nga, kan Lalpa kha khawsik a kan tlun hlawk hlawk ang hian "A Na Ti Lutuk Chu, A Khurh Zawih Zawih A Rinawm."

Chutiang taka kan tan a, tawrh chu sual lak ata, min "Tlan Chhuahna Leh Min Lei Chhuahna Anih Avangin Pawi A Ti Lo," Kan Man Hi Ava To Tak Em!

Han ngaihtuah chiang ve teh! "KAN MAN Hi AVA TO EM." He tiang zat zat man a lei hi, Kan Zam A Nga Maw! Ka Thei Lo Kan Ti A Nga Maw? Rawngbawlnaah Ka Tlawm Thei Lo Kan Ti A Nga Maw? Isua chuan min tlanna tur khan a tlawm ral asin.

• A tawp berah chuan, kross a an khenbeh hma kum 1000 daih tawhah khan, Isua ruh pakhat mah tih tliah anih loh tur thu, Lalpa miten an lo hmu lawk daih tawh a ( Sam 34:20 ah ilo en dawn nia) tin, thuthlung hluia maichama an thilhlante kha a ruh an ti tliak ngai lo bawk a ni. Pathian thu hi a chhuak thlawn ngai lo tih hi, a tilang chiang hle bawk awm e.

(Tawngtai Dan Tur)
Lalpa, min chhandam avangin ka lawm e, min chhandam nan a i tawrh nasat zia leh i insen so nasat zia hi ka hriat reng theihna turin leh i duh ang a nung ngam ve turin min pui turin ka ngen a che, Amen. Ti ang o!

Download Nungturin apps at this link
http://files.appsgeyser.com/Nungturin_5701356.apk

Thian Zawn Dan

Thian tamtak chu i nei a mahse Pathianin i thian tur atana a ruat tak an nih loh chuan a pawt chhe thei hle che a ni. 

"Tin, roreltuho thute zawng zawng chuan Stephena chu an en reng a, a hmel chu vantirhkoh hmel angin an hmu a." (Tirhkohte-6:15)

Mi pakhat chuan ti hian a sawi a, kan hostel awmna ah chokaa rawngbawl turin mawhphurhna min pe a, chutia rawng kan bawl zo chu kan mawm vek a, kan sam te hi choka rim alo nam vek thin a ti. Chutiang chiah chuan kan awm tamna ang rawng hi kan lo kai thin. Stephena pawh hi Pathian bulah a awm tam em avangin vantirhkoh te hmel ang alo pu ta mai alo ni. Vantirhkoh te chu Pathian bula awm reng an ni si a. 

Chuvangin thian thalo i kawm chuan an thilsual tih ang kha ti velo mah la an mize thalo tamtak i kai thin a ni. 

Engtin nge thian diktak chu ka tawn ang?

Zakaria(Baptist tu Johana pa) kha temple ah inthawiin Pathian hmaah a in lan a, ti chuan Gabriela a hnenah alo inlar ta a, chuta a rawn inpuan dan chu, "Gabriela Pathian hmaa ding thin ka ni."(Luka 1:19) tiin. Pathian hmaa ding thin ve ve an ni a, Pathian hmaa an din ve ve laiin an intawng ta a, chuta an intawnna ah chuan Johana, Isua kawng sial tu chu alo piang chhuak ta bawk a ni. 

Pathian lo bel tlat la, amah lo hnaih tlat la, a hmaah lo inlan tlat la ti chuan Pathian hmaa ding ve thin bawk nen chuan in intawng mai ang. "Chuta in intawnna ah chuan Johana alo piang ta ang khan thil ropui tak alo chhuak dawn a ni." Mihring taka thian emaw ngaihzawng kan lo zawn vat vat hian Pathian in kan tana a ruat nilo kan lo kawp a, chu chuan kan thlen tur ram hi thleng phalo in min hnuk hniam fo a ni. 

"Thian tamtak siam chuan mahni intihchhiatna a siam a ni a, amaherawhchu, unau aia nghet zawk thian an awm thin."(Thufingte 18:24)

Tuna i thian kawm tam ber kha a veiawm viau anih pawhin alak atang kal hrang rih la, Pathian in hun a tihah nangmah emaw, midang kaltlang in ala la chhuak em em ang. Nang aiin Pathian in a vei zawk asin.

(Tawngtai Dan Tur)
Lalpa, nangmah atang a ka dawn loh leh nangma min pek nilo engkim lakah min ti hrang la, nangma min pek ngei thian leh kawppui tur min pe turin ka ngen a che. Amen. Ti ang o!

RC

Download Nungturin apps at this link

http://files.appsgeyser.com/Nungturin_5701356.apk

Thil Tha Lalpa Vanga Kan Tih Phawt Chuan, Thil Tha Kan La Chang Ang

"" Thil i tih that chuan lawm i hlawh dâwn lo vem ni? i tih that loh erawh chuan sual chu kawngka bulah a bawk reng a ni: a duhzâwng chu nangma hnên lam a ni ang a, a chungah thu i nei tûr a ni,” a ti a."(Genesis 4:7) 

Thil tha, Pathian duh anga kan tih phawt chuan, "Thiltha Tih Rah Hi A Awm Ngei Ngei A." Sual kan tih pawhin "Sual Kan Tih Rah Seng Tur A Awm Ngei Ngei Bawk Ani."

Thil tha chu, a RUK a kan tih pawhin, thil tha tih man rah seng tur a awm tho tho a . Thil sual kan tih RUK pawhin, a rah seng tur a awm bang chuang lo bawk.

Pathian thu a kan hmuh ang hian, "Sual Kan Tih Vaih Chuan, Sakeiin A Seh Tur A Changa A Bawk Ang Hian, Sual Chuan Sual Kan Tih Ve Leh A, A Man Kan Tel Tur, Min Pek Tumin Min Chang Reng Bawk." Sual rah hmasa ber chu, sual nasa zawk kan tih theih nan, min manbeh ani a, engtir nan ruihhlo vawikhat ti ta ila, min edict tir chu a tum hmasak ber a ni a, vawikhat thinrimin mi hau ta ila, kan thinrim nawn fo ngei ngei theihna turin min bei nghal ang. A hnuah Mualphona leh Chhiatna a rawn lang ang, chuta tang phei chuan, Lalpa puihna in tal chhuah hi theih tehmeuh mahse, tal chhuah a har tawh em em thin ani.

Heng sual hnathawh hi, Pathian thu chuan "A Chungah Thu I Nei Tur Ani" min ti a, sual chunga thu kan neih theihna chu Lalpa a in PHUN NGHEH ani.

Thatna lam kawngah pawh, "Dotu Leh Diptu Tam Tak Awmna Kara Thil Tha Kan Tih Theih Chuan" thil tha kan tih zel theihna turin kawng a inhawng zau zel thin a, thil tha chu kan tih zel phei chuan " Thil Tha Tih Man Hlawh Duhawm Tak Chu Kan Hmu Thei Thin Dawn Ani."

Thil tha leh Sual tih man hi a tir ah a lang zung zung lo a, mahse a hnu ah a lang chiang thei em em thin ani.

Sual kan lo ti a, chu sual bawih atang chuan chhuah kan duh chuan"Pathian Hnenah Kan Sualna Te Kan Thlen A Nga, Ngaihdam Kan Dil A Nga" Pathianin min chhanchhuak ang, mahni in kan chhuak theilo anih pawhin "Min Pui Tu Tur Min Pe Thin Ani." Min puitu tur te hi kan pan zawk te pawh a ngai bawk thin ani. Pathian hma a sual puan hi, a ngai tak zet zet a, kan sual Pathian hnen a sawi duh loh kan neih chuan, chu tak chuan, min um zui leh thin ani. 

Anani leh Saphiri chungchang ah pawh khan a lang chiang awm e.(Tirhkohte 5:3-10) An mahni ang hian a thawk thut lo anih pawhin, kan sual Lalpa hmaa kan zep tlat chuan ala thawk em em ang. Pathian chuan a hre vek kan ti thin a, a hre vek reng a, mahse a hnen a Ngaihdam Dil Chunga A Hnena Kan Sual Kan Puan Hi A Phut Ani.

Lalpa chu Hmangaihna leh Ngaihdamna a khat anih avangin, kan sual te thupha kan chawi phawt chuan "Min Ngaidamin Min Siam Thar Leh Duh Thin Ani"

Tin, a tawp berah chuan, "Thil Tha Tih A Pathian Hena Thiltha Beisei Loh Tur Ti Tu Te Hian" eng THEOLOGY nge an hman a, eng Bible chang nge an REFERENCE leh INNGHAHNA atan an hman le? Ka ti thin. Kan tih tur reng kan ti a, engmah beisei chuang tur kan nilo an ti a, tih tur reng ti chu kan ni ngei a, Mihring hi Pathian anpui a siam kan ni a, tih tur reng ti kan fa te pawh hi kan lawm thin anih chuan, keini pawhin tih tur reng kan tih chuan Pathianin min lawm ve a nga, kan duh te pawh min pek aduh hi kan rin a pawimawh awm e, reference ah Bible pumpui ka ti hial dawn em mawni le! Lalpa atanga thiltha beisei lo a, mihring thiltithei entirnan MLA, O.F etc, te hnena thil tha beisei leh si, ringtu te hian, an rin Pathian hi an hre lo ani.

(Tawngtai Dan Tur)
Lalpa, i duh ang a thil tha ka tih theihna turin min pui la, i lak atang chauhin engkim tha ka beisei tlat theihna turin min pui ang che ti ang o. Amen. Ti ang o!



Download Nungturin apps at this link
http://files.appsgeyser.com/Nungturin_5701356.apk

Mal Taka I Awmlaia I Tihtur Te

"Chanchin Tha keimah avanga hrilh kimin a awm theih nan leh Jentailte zawng zawng chuan an hriat theih nan, Lalpa chuan mi tan a, mi tichak ta zawk a ni"(2Timothea 4:17a)

  

Bible chuan kan mal hunlai kan tihtur hetiang hian min hrilh a:

  

1. Midang te mamawh ngaihtuah sak rawh: Mahni tan chauha thil ngaihtuah lovin midang te han ngaihtuah la an mamawh nia i hriatte chu tihsak i tum dawn nia. Tirhkoh Paula chuan midangte  hnena Isua chanchin tha hrilhna kawngah hma a la tlat a ni: 2 Timothy 4:17 "Chanchin Tha keimah avanga hrilh kimin a awm theih nan leh Jentailte zawng zawng chuan an hriat theih nan, Lalpa chuan mi tan a, mi tichak ta zawk a ni; tin, sakeibaknei kaa mi kha chhan chhuahin ka lo awm ta a ni." Chutia midang tana a nun a hmanna ah chuan Lalpa'n alo ti chak a, alo dinpui a, khawhar leh mal nia inhriatna hun a neilo a ni.

2. I Dam Chan Hria La, Chu Chu Um Rawh: I hmaa i tihtur siam lawk emaw, i nuna i tih ngei tur i dam chhan(purpose) ah i rilru sawh nghet la, chumi tih hlawhtlinna kawngah chuan ke pen tlat ang che. Tirhkoh Paula pawh lung ina a tan laiin Isua chanchin tha hril kha a thulh lo rere a ni. Tuna a lehkha thawn tamzawk hi lungin a tan laia a ziah a te a ni hlawm a ni.

3. Mi Dang Puih Tlat Tum La, I Mal Ngai Lo Ang: 'Lalpa ka va mal tak em' tia tawngtai ai chuan 'Lalpa thian mamawh tak leh mal takte thian ni thei turin min pui rawh' tiin tawngtai la, i malna ngawt phuhruk tum lo la, mal ve ngawih ngawih te tana thian nih tum tlat ang che.

(Tawngtai Dan Tur)

Lalpa, nangin min awmpui avangin ka mal lo a, mal ni a inhriatna hi ka beih let a, midang te tan nangmah vanga malsawmna ka nih zawk tlat zel theihna turin min pui ang che.

RC

Download Nungturin apps at this link

http://files.appsgeyser.com/Nungturin_5701356.apk

Pathianin Finna, I Mamawhna Ah A Pe Thei Che.

" LALPA chuan finna a pe thin a, A ka atang chuan finna leh hriat thiamna a lo chhuak thin a ni."(Thufingte 2:6) 

                Pathian hnenah Finna hi, Ama Rawng kan bawlna atan te, 
       Kan Chhungkaw enkawlna atan te, Lehkha kan Zirna atan te,
                    Kan Hnathawhna atan te,  etc. 
       Kan nun engkimah hian dilnachang i hria ang u.

Pathian atang finna hi a dawn theih a, Pathian ringtu kan nih chuan Bible hi a dik tih kan pawm vek a, Bible ah chuan Pathian atang Finna a dawn theih thu, a in ziak ngei tih hi kan hriat a, Pathianin amah tihtu te FINNA a pe thin tih hi kan ring tur pawh ani. Pathian ring lo mi te pawh hi an taimak phawt chuan, lehkha zirna ah leh eizawnna ah pawh an hlawhtling thei vek a. 

Pathian tel loin kan hlawhtling thei tihna lam ani lo a, ringlo mite pawh Pathianin a phal vang a hlawhtling mai an ni. Ring lo mite an hlawhtlin theih chuan, ti nge hlawhtlin nan Pathian ka pan kher ang? tih zawhna hi a awm thei a. Pathian nen a engkim tihna ah chuan "Thlamuanna A Awm Tel Thin A,"he Thlamuanna Hi Pathian atang chauh a neihtheih a, chu vang chuan, Pathian kaihhruaina nen ngei a hlawhtlin hi a tha ani.

Pathian chuan chak lo te a ti chak a, fing lo te a ti fing duh thin ani.

Daniela pawh kha, lehkhabu atang a fing lo a, khawvel finna a zir vak vanga fing pawh ani lo a, Pathian a BIAK'NA avang a fing ani. Uluk takin Pathian kan Biak Thin Chuan Pathianin Finna Min Pe Dawn Ani.

Kan lehkha zirna ah harsatna kan neih anih chuan Pathian henah min pui turin kan dil tur ani a, mahse a chhanna hi kan hriatthiam a ngai thin. Lehkha zirtam turin Pathianin min tih chuan, Lehkha zir ngaih pawimawhna min pe maithei a, anih loh pawhin kan chhungte emaw kan hnaivai ami te rawn hmangin an nin lehkha zirturin min tur maithei ani. Mahse, lehkha kan zir chuan loh chuan kan thiam chuang lo ang, Pathian thu hriat ringawt hian awmzia a nei thui lo a, zawm a ngai a. Pathian thu chu Hriat a, Zawm bawk tur ani.

Tin, teution la tur tein min tih chuan, teution lak duhna min pek loh pawhin midang hmangin min hriattir thei ani. Mahse, kan lak peih loh chuan awmzia a awm chuang lo ang.

Kan tawngtaina hi Wholesale loh tur ani, Lalpa i hre vek amen. Tih reng reng loh tur, Lalpa Sawt Taka Zirthiam ka duh a emaw, Lalpa A Awmzia tak tak hriatthiam ka duh a tiin kan duhna lai tak sawiin tawngtai tur ani.

A pawimawh ber chu, Pathian hnen a, Tawngtai a, a puihna dil hi ani.

Hna kan tawhna ah pawh, Joshua'in Jeriko kulh a hneh theih dan tur Pathianin a hrilh ang khan, Pathian hnenah kan eizawnna kan hlan chuan, Pathianin kha tiang ang deuh khan tih dan tur min hrilh thei ani. 

Mahse, i hnathawhna hmun hel chhuak rawh a ti ve kher lo ang, "Mi thatakin be rawh emaw, Hnathawhna hmun thleng hma rawh emaw, uluk zawk leh chik zawkin hna thawk rawh a ti maithei ani." Chung chu, i thinlungah ngaih pawimawhna riau a rawn dah thei a, anih loh pawhin chutiang ti tur chuan fuihna i dawng maithei ani. Kan sawi tawh angin kan tih duh loh chuan awmzia a awm chuang dawn lo ani.

Tin, kan tawngtaiin Wholesale loh tur, kan duhna lai tak mumal fakin, Pathian hnenah kan thlen tur ani.

Wisdom finna leh Hriatthiam theihna hian, Dawhtheihna leh Nghahtheihna a keng tel ngei ngei a, kan Dawhtheih a kan Nghahtheih loh chuan kan la fing hran lo tih hi kan hriat a ngai tel bawk awm e.

Dawhtheihna leh Nghahtheihna hi Pathian thuawina atang a neih chi ani a, Pathianin amah tihtu te chu a pe thin a, Pathianin Dawhtheihna leh Nghahtheihna a ngaihpawimawhna chhan em em chu, kan Dawhchhung leh Kan Nghahchhung hian MIN SIAM THAT A DUH THIN VANG ANI.

Pathian hnenah Finna hi, Ama Rawng kan bawlna atan te, Kan Chhungkaw enkawlna atan te, Lehkha kan Zirna atan te, Kan Hnathawhna atan te,  etc. Kan nun engkimah hian dilnachang i hria ang u.

(Tawngtai Dan Tur)
Lalpa, ka finna mai hi chu eng tihna atan mah hian a tlak lo a, a tawk lo bawk a, khawngaih takin, nangnin FINNA min pe turin ka ngen a che. Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

Pathian Thua Inchiah Pawimawhna

"Ka fapa, ka thute i dawn a, Ka thupêkte i khawl khâwm a, Finna lama i beng i chhit a, I thinlung hriatna lam atân i pêk chuan; A ni, hriatna i auh va, Hriat thiam theihna pawh i auh chuan, Tangkarua anga i zawn a, Ro phûm ruk anga i zawn chuan, LALPA tih nanchang i lo hria ang a, Pathian hriatna chu i chhar chhuak ang."(Proverbs 2:1-5)

Pathian tih chu enge ni? Pathian tih tih chu sual huat hi a ni a. Mahse ngati nge sual hi kan huat loh le? Ngati nge Pathian tih hi a harsat em em le? Pathian tih tih chuan sual kalsan mai nilo Thil tha tih a keng tel bawk a, ngati nge thil tha tih te hi kan harsat em em le aw? 

A chhanna chu chang 1 na ah hian a awm : Ka thute i dawn a ka thupêkte te i khawl khawm a, alo ti a ni. Chutianga Pathian thu kan dawn nasat chuan chang 5 na ah Lalpa tih nachang ilo hria anga tih a rawn ziak ta chiah mai. Pathian thu chu ka dawn nasat chuan Lalpa tih nachang chu ka lo hre dawn a nih chu. Lalpa ka tihloh chhan chu Pathian thu ka lo dawng ngailo a, thildang ka lo dawng nasa zawk thin a ni. Bible aiin phone te ka lo en hnem zawk thin a ni. Pathian thu aiin ka ngaihzawng te, khawvel lungkham dangte ka thinlung ah ka lo dah lian zawk fo a ni. 

Gym i kal a, rit i chawi a, ei i tih that chuan i pian chu automatic in alo nalh ang. A result chu piannalhna kha a ni. Chutiang bawkin "Pathian thu i dawn nasat a, a thupek i khawlkhawm chuan Pathian tih nachang i lo hre dawn bawk tihna a ni ang." Amah i hrechiang anga, ama duhzawng i ti anga, i nun chu Krista anna ah a hruai lut zel ang.

(Tawngtai Dan Tur)

Lalpa, i duh ang a, ka nun theih nan i thu a inchiah a pawimawh tih ka hre ta a, i thu ah hian nasa taka ka inchhiah theih nan min pui ang che. Amen, Ti ang o! 

RC

Download Nungturin apps at this link

http://files.appsgeyser.com/Nungturin_5701356.apk

Lalpa A Innghah (Billy Graham & Ruth Bell Graham Dating Story)

"I awm dan tûr chu LALPA chungah nghat la; Amah chu ring la, aman a ti vek ang."(Sam 37:5)

Kum 13 mi lek Ruth Bell chu, Pathian hnenah a tawngtai a, 

"Lalpa, hlau hauh lovin ka rawn tawngtai e,

Mipa hmeltha ka mamawh lo a, mahse nangmah ang ni se.

Lian leh chak pawh ka mamawh lo a, sangtak anih pawh a ngai lo,fing leh hausa anih pawh a ngai reng reng lo, mahse zam ngai lo mi nisehmu fih thiam mi ni bawk se.

Eng dinhmunah pawh ding se, a dar chuan ngil takin a kalna lam hawi se,engpawh nise tupawh rem thei mi nise.

 Nungchang tha leh thinglung tawrhchhel tak nise.

Tin, a nun zawng zawng ah chuan, Lalpa tum pakhat mumal tak nei se.

Tichuan, ngawi reng pawh a ka lam a rawn pan pawhin,Hman a ka tawngtai sak mipa kha ani tih ka hrethei ang." 

Tiin, a tawngtai a, a hnu kum 10 ah Pathianin a tawngtaina hi a chhang ta ani. 

Ruth Bell Graham hi a entawn tlakna em em chu, engkimah hian a "Tawngtai" tlatna hi ani a. Billy Graham nen an in date hmasak ber tumin, Billy'n a kut a vawn takngial pawh a phal lo a, mahse Pathian mi a ni tih a hria a, a ngaina ve hle a ni ang, an intlah fel chiah hnuah, a room ah thingthiin "Lalpa he pa nen hian, nangma rawng min bawl tir la chuan, chu chu ka nun a thil thleng tha ber ah ka ngai ang" tiin a tawngtai ani.

Ruth hian, mipa lam a ngaihsak lem lo a, anu leh pa te hnung zuiin Tibet ah missonary a kal vat a duh ber a, Billy Grahama a hriatna pawh Billy'a tawngtai tak zia, a hmuh atang ani, Ruth hian Billy Graham tawngtai a hmuh chuan he pa chu Pathian Nen In Pawhna Tak Tak An Nei A Nih Hi a ti a. Chu ta tang chuan, tunge a hming tih vel kha a hre ve chauh ani. 

Eng atangin nge midang kan notice ve thin le? 


Billya hian, Ruthi hi tha alo ti thin hle mai a, tunge anih pawh a hre chuang lo a. Vawikhat chu a thian ten, hmeichhe pakhat hmeltha deuh mai a awm tih thu hi an hrilh a, chu tia an sawi an sawi lai chuan, Ruthi chu an hmu ta nawlh mai a, Billya pawn tha a lo tih ruk ve em em kha ani a. Tichuan, a thian te chuan, date ah sawm rawh an ti a, a ngam ngang lo ani.

Hun a kal zel a, Kristmas dawn ani a, Billy Grahama chuan Ruth Handel’s Messiah concert a awm dawn a, min kalpui duh a ngem kava ti ve hmiah a, a ti. Ruthi pawh chuan alo hnial lem lo a, kan va en dun a, kan enzawh ah chuan khua a vawt em avang chuan, thingpui kan in dun a, cafe ah chuan Ruthi chu ka en a, Hmelthatna leh thinlung taka Pathian tihna hi engtin nge a kal kawp theih le ka ti hial a.

Ka va thlah a, an hostel a an room a thlen ve leh hian, Ruthi chuan Pathian hnenah "Lalpa he pa nen hian, nangma rawng min bawl tir la chuan, chu chu ka nun a thil thleng tha ber ah ka ngai ang" ti a, a tawngtai hi, a hnuah ka hriat leh chuan, chutiang a "min ngaina ve si chu, kha chenchen sawi chhuak tura ka nghah kha ngai kher lo se" tiin Billy Graham chuan a sawi a.

Billy Graham hian, evangilist nih a duh a, Ruth hian missionary nih a duh thung a, hei vang hian, in duh tawn hle mahse, Pathian in a kohna a dan chuan, an in neih theih an ring lo a. An pahnih hian Pathian in a kohna ve ve chu, an in zah sak tawn bawk si nen. Tah tak hian Billy Graham hi a en tawn tlak khawp mai " Hneh emaw, a rilru thlak sak emaw tumin engmah ka ti duh lo a, Pathian RELAH ka dah hmiah ani" a ti a. Mi tam tak chuan, engtin tin emaw hma kan va han la nasa dawn tak em.

Vawi khat chu uluk takin an titi ta a, Billya chuan "Pathian in min in tawn tir anih i ring em" tiin Ruthi chu a zawt a, Ruthi chuan "ring e" a ti a. Billya chuan "hmeichhia in mipa a zui zawk tur ani (Bible) chuvang chuan min zuizawk tur ani" a ti a, a tak tak ah chuan a rilru paukhauhna alang ta ani ber. Ruthi pawh chuan ni e a ti ta a, min nei duh a ngem tiin, lehkha a thawn ta a, awle tiin Ruthi chuan alo chang ani.

He tih hunlai hian Billy Graham hi, Baptist pastor ani tawh a, Ruthi'n a neih duh tur thu lehkha a, a rawn chhanna a hmuh lai hian, thu sawi tur a tih ani a. " Lehkha chu ka chhiar a, inkhawm hun anih hma chu ka chhiar nawn ka chhiar nawn a, kan in khawm ta a, thu chu ka han sawi a, ka sawi zawh ah chuan, pastor senior chuan 'i thu sawikha i hre thiam em? Min ti a , hrethiam lo, mipui inkhawm te pawh hian an hre thiam bik lo ang, ka ti a. Inkhawm ban ve leh, lehkha thawn bawk chu ka chhiar ka chhiar leh ani" tiin, Ruthi'n a nei duh tih a hriat chuan a lawm em avangin awm ngaihna a hriat loh thu a sawi ani. 

Tichuan, hlim takin an innei ta a, fa panga an nei a, an rawngbawlna a ropui zia khawvelin a hria a, U.S president nih dawn chuan Billy Grahama nen inkungkaihna neih phawt a ngai ni awm tak hian, U.S president a in candidate tamtak hian, an campaign laiin Billy Grahama an tlawh thin a, an inkawm ani tih miin an hriat theih nan media ah tih lan an tum bawk thin ani. 

Kan zir tur te:-

1) Pathian a awm tlat: Billy Graham hian, Ruthi hi atan a tha mah mah in a hria a, a neih phak turah a dah ngai lo ani. Mahse"Lalpa Ah A Awm Tlat Avangin A Beisei Ai Tha Chu Nupui Ah A Nei Ta Reng Mai Ani."

Midangin, Ruthi hi a hmelthat vangin leh Pathian a tih em avangin an zah a, an be pawh mai ngam lo a. Mahse, Billy Grahama chu Pathian a awm tlat anih avangin A RUKA CHAKNA a nei tlat a, (a ruka chakna nei Davida te pawh kha hre ta ila), "Ruthi'n lo duh lo pawh nise, Lalpa'n a awmpui dawn tih a hria a, a huaisen tlat ani." Lalpa vanga a huaisenna chu"Hmeichhia i ni a, min zui mai rawh" a tihna ah hian a lang bawk a. Ruthi Pathian a awm tlat chuan, Pathian mi Billya chu tunge anih tih hi, vawikhat an chhuah dunna ah a hrethiam nghal bawk ani.

2) Tawngtai: Billy Graham hian a bik taka a sawi lem loh chuan a tawngtai thu hi a ziak lutuk lo a, mahse engkimah a tawngtai thin tih hi a hriat theihna chu "Ka tawngtai hman loh ai chuan chaw eiloin ka tawngtai zawk mai thin," a ti a, chaw ei ai pawh a, tawngtai dah pawimawh zawk mi ani. Ruth Bell tawngtai nasat tur zia kan hre vek tawh awm e, a tawngtai thute hi, poem ah a phuah chhuak thin a, a pasal Billy Grahama rawngbawlna pawh hi bang loin a tawngtai sak tlat thin a, Billy Grahama'n a nupui tel loin rawng a bawl theilo ani a ti thin a. Kum 13 mi lek anih lai a, a tawngtaina chu Lalpa'n a chhansak chiang hle ani.

3) Pathian kutah nghah: An danglamna te leh an inlungrual lohna te chu, mahni a tih fel tuma che zawk zawk loin, Pathian relfel turin an dah zel a, chu chuan a inrem tir zel ani. Billy Graham hian thlemthluk ka tum lo a, Pathian rorel turah ka dah a ti ang bawk hian, Ruthi pawh hian an inkar hi Pathian kutah a nghah tlat ani.

Kawppui Tur Kan Zawnna Ah Hian Lalpa'n Kei Mah Ni Ai Engkim A Hre Zawk Tih Hriain, Lalpa Ah INNGHAT TLAT Ang U.

(Tawngtai Dan Tur)
Lalpa, engkimah hian nangmah ah chauh ka INNGHAH theih nan min pui ang che. Ti ang o!

Download Nungturin apps at this link
http://files.appsgeyser.com/Nungturin_5701356.apk



Source: "Just as I am" 
                      by Billy Graham
              "Footprints of a pilgrim" 
                      by Ruth Bell Graham

Lalpa Khawngaihna Chuan, I Dinhmun Ti Che Tur Te Kha A Paih Tawh Alawm

Baptistu Johana alo pian khan a pa hming vek Zakaria sak an tum a, Johana tih hming kha an pawm thei lova, ti hian an ti a ni, "I laichinte zingah he hming pu hi tu mah an awm hleinem." (Luka 1:61)

Khawvel chuan i hun kal tawh emaw, i thlahtute atang a judge thin ang che. A bik takin a chhe lamah phei chuan i chhungte hnungzui turah an dah fo ang che. Entir nan 'Ani chu a pa hnungzuiin zu bawihah a tang ve ngei ang. An chhungkua chu cancer an vei deuh vek ani pawhin ala vei ve ngei ang' etc tiin an sawi thin ang che. 

Mahse Johana tih awmzia hi 'Yaweh is GRACIOUS' /Pathian chu khawngaihnaa khat a ni tihna a ni a, i nunah Lalpa khawngaihna alo thlen chuan i hun kal tawh chhia chu ropuina in a thlak dawn a ni. Hming thar A vuahsak che a, i thlahtute hmingput ang khan an ko ve dawn lo che. I hma hunah a duhsakna, a zahngaihna leh a khawngaihna chu i dawng anga, dinhmun tha chu i ta tur a ni. 

Khawvelin a chhiar dan ang che hi i nihna a nilo va, Pathian in engtin nge a hmuh che tih hi a pawimawh zawk a ni. A fa duh tak, a zahngaihna hnuaia a enkawl i ni.

"Amah avang vek chuan he KHAWNGAIHNA kan din nghehna ah hian rinnain kan lut ta a; Pathian ropuina beiseiin lawmin i awm bawk ang u." (Rom 5:2)

Chu a khawngaihna avang chuan Pathian ropuina chu beisei turin a ti che a, beisei tih tawngkam chuan i hma hun a kawk a ni. I hma hunah Pathian ropuina i hmu zel ang. Chhungkuaa natna inthlahchhawn pawh nangmah atang lo tawp rawh se, retheihna pawh lo tawp rawh se, chanchin duhawm lo pawh lo tawp rawh se. Hma hun duhawm tak i nei a ni. I dinna kha dinhmun tha Lalpa duhsaknaa ding i ni.

(Tawngtai Dan Tur)
Lalpa, i khawngiahna nasa tak ka chan avangin, nangmahah chuan hma hun tha ka nei ani tih ka hriat reng theih nan min pui ang che. Ti ang o!

RC

Download Nungturin apps at this link

http://files.appsgeyser.com/Nungturin_5701356.apk

Tawngtaina Ngaithlatu Pathian.

Aw Pathian, Zion ah chuan faknain a nghak reng a che; Thutiam chu I lakah hlen a ni ang. Aw, tawngtaina ngaithlatu, I hnenah tisa zawng zawng chu an lo kal ang. (Sam 65:1-2)



Leia lalte leh thuneitu zawk te thil kan dilin an mahni kan ringin an thu lova awm kan hlau a, kan zah em em bawk a. Anni chuan, betu an ngah deuh chuan, an mahni be tute an hre seng lo a, an hre reng theilo bawk a, chimbuaitu an ngah leh an tan ninawm te a ani mai thin a. 

Lalpa erawh chuan a kotu, amah mamawh em em a, duh ngawih ngawih tute chu engtik lai pawhin a hre kim vek thin a, an dilna te, an duh zawng zawngte leh an mawmawh tinreng te a hriat sak vek zel thin ani. 


Tawngtai hlawhtlinna atana pawimawh em em pakhat chu kan duh dan ai a, Lalpa duh dan dah hmasak hi ani a. Mahni, hmasial ranna dilna chu a hlawhtling dawn lo tihna ani ber mai, Lalpa i duh zawng ka tihtheih nan, hei hi ka mamawh a, min pe ang che tih te, Lalpa he dinhmun ah hian min hlankai chuan, midang hnenah i thatna lan tirin midang te ka pui thei dawn a, ti a dilna chu, min tih hlawhtlin sak vut vut lo mahse, engtikah emaw chuan min tih hlawhtlin sak a rinawm ani.

Tin, kan Pathian hi Fak tlak Pathian anih vangin leh amah Faktu te chhinchiah thintu anih vangin kan fak thin tur ani a. Chu mai bakah, dilna ringawt thlen lo in, a AW kan ngaihthlak ngei ngei a ngai a, a hnenah LAWMTHU kan sawi bawk tur ani a, kan SUALNA ah te pawh ngaihdam kan dil bawk tur ani.

RP

(Tawngtai Dan Tur)
Lalpa, ka fak a che, ka chunga i remruatna zawng zawngah lawmthu ka rawn sawi e, ka tihsualna ah te min ngaidam turin ka ngen che a, engkim titheitu i nih avangin i hnenah ka duh leh mamawh te ka rawn thlen e. Ti ang o!

Download Nungturin apps at this link
http://files.appsgeyser.com/Nungturin_5701356.apk

Mi Hlu Lutuk Leh Man To EM EM I NI.(Depression kal pel)

"Tin, Lu Ruh an tih hmun chu an thlenin, chutah chuan kraws-ah an khengbet a, mi sualte nen, a ding lamah pakhat, a vei lamah pakhat."(Luka 23:33)

            "Ka Rilru Ah I Thei Lo Ang, A Fuh Thei Lo Ang, Zah Pawh A Zah Thlak"tih a                                     awm apiangin. Isua Krista Kross Chu Ka En Nawn Leh Thin A,                                                                      Ka Man To Lutuk Chu Ka Hmu Leh Thin.                                                                                                 "HETING ZAT ZAT A LEI, MI                                                                                           HLU LUTUK HIAN KA TI THEI LO A NGA MAW!
                                                           Ka ti thin ani. 

Voin chu hun ka hmang chhe ngei mai, ka tho tlai nasa mai a, ka hnathawna hmun ka thleng a, eng pawh nise ka tihdan pangngaiin kan tawngtai leh a nge ka ti a, tawngtai pawh ka phur lo tak tak ania o! 

Tlai thin vanga buai reng thin chuan, ka Lalpa Isua Kross a an khengbet lai chu ka tawngtaina ah chuan ka han thlir fuh leh hlauh alawm mawle! Ka man a to zia ka hmu fuh leh ta pek! Chu chuan min va han ti chak leh ta em! Ka ni hman turah chuan Darkar 4 vel kala nei alawm, Isua nen tha taka ka hman chuan ni Tha Bik Em Em Ah a chang awm e mai ka ti ta a, Lalpa'n ni tha ah chuan a chan tir ta bawk ani. 

Facebook ah ka lut zawk a, kum 7 kalta a Bee Gess ho hla "I started a joke" hla thu kalo post a lang a "Engmah ka ni lo, ka ti dik ve thei lo bawk a, fiamthu ka thawhin mi an tap a, ka tahin mi an nui" tih vel ani. He hla thu ka post hunlai ka thlir let a, kha hun lai khan, Ka HRAWKAH engin emaw min hnawh tlat thin a, zan ka mu thei lo a, hna tawh ka duh lutuk mahse thawh tur ka hre silo, mi bulah ka awm peih lo a, chhungten min hrethiam si lo a, min hriatthiam loh pawh a awm keimah pawh ka inhrethiam silo a. 

Ka thiannu psychologist Durtlang Hospital a thawk nen, D.H Bus ah kan chuang dun a, i damlo ami min ti ringawt a, dam e, thil ka ngaihtuh nasa lutuk a, min hnawh up up a, bang te hi ka chum leh bur zel ka ti ta in ka hria. 'E he! Puitu tur che zawng vat rawh Psychiatrist pan mai rawh' min ti hlawl a. Depression ka nei tih a hrethiam nghal alo ni a, puihna zawn pawh chu ka tum chuang lo a, ka hel nui ta a.

(Depression i nei emaw, mithiam i ni a ka thu i chik anih chuan, article tawp a NOTE ka dah hi en rawng aw.)

Principle ka insiam a, kohhran inkhawm leh hnatlangah zawng zawng ah ka tel vek a nga, Thalai Chanchinbu chhutna ah tel ve an phal bawk a ka kal thin bawk a nga, zantin " ka tawngtaina ah Isua Kross chanchin ka chhamchhuak ziah ang" ka ti ta a. 

Ka dam deuh hnuah chuan depression ka nei tih ka inhre thiam ta a,  motivation ka mamawh anih hi ka ti a, motivator zawn ngaihna hre lo chu, mahni intihchak nan chuan Pathian thu a tha ber alawm mawle, a tawng hriat a nuam bawk a, youtube ah Joyce Mayer sermon ngaithla mai ang mizo sermon enmai tur a vang si a tiin a sermon 50 vel ka ngaihthlak hnuah Joel Osteen nen hian rawng anbawl ho thin bawk a, Joel Osteen pawh a tha ang ka ti a, nitin sermon pakhat tal ka ngaithal thin a. Chutih lai chuan ka naupan lai thiante zanah tawngtai hona leh shareing te anlo nei thin a ka tel ve thin ta a, kan kohhran hruaitu te biak in a tawngtai kan dil a, tun thlenga ka lawmna em em chu "In Duh Leh Tlaivar Thak Pawhin Tawngtai Rawh U" min lo ti kha ani. Chutiang taka Pathian thu a ka in chhiah hnu chuan "Depression Hneh Chi Ka Ni Ta Lo." 

Biak in a tawngtai kan duh anih chuan, kan kohhran hruaitu te dem a vui mai loin, kan upa te hnenah tawngtai kan duh thu tawngkama hrilh mai a tha. Zingah emaw, zanah emaw, chhunah emaw eng emaw hun berah chuan a tawngtai thei em em ang. "Thuawi Te Hi Lalpa'n A Tan Thin" tih hi vawng reng ang hmiang.

"Mi Hlu Lutuk Leh Man To Em Em" i nihna lai tak chu maw:-

Kross ah khan, Isua kha a kut leh ke ah Thirkhen(perek inches 7-9 vel) in an kilh bet a, an kilhna lai kha, thapui awmna ani a, chu thapui chu zuk chhu chhiain ruh leh ruh inkarah tak an kilh lut a, a kut ruh pawh chu an kilh zawngin a kau bawk a rinawm a. An kilhna lai chu a na lutuk a, lung a khawih an ti a, chu mai ala nilo, Isua'n kross ah khan "HLING LUKHUM A KHUM A, A TAKSA RUH LANG KHAWP A AN VUAKNA HLIAM TE CHUAN, KROSS THING THAP TAK KHA A NAWK BAWK ANI. "

Kross a khenbeh kha ana lutuk a, Isua kha khawsik a kan tlun hlawk hlawk ang hian, a na ti lutuk kha a KURH hlawk hlawk a rinawm. Chutiang taka tuar chu, "Sual Lak Ata Min Lei Chhuahna Anih Phawt Chuan" a man chu pek pawi a tilo. Mihring angin, chung zawng zawng chu a tuar a, a mihring tisa put chuan, chutiang taka na tawrh chu a tlin talo a, KAN MAN ATAN A NUN CHU A HLAN RAL TA ANI.

Kan man a pekna atan, Pathian Fapa meuhin " A Thih Hma Chu, Nasa Taka Sawisak Turin" amah leh amah a in hlan anih chuan! Kan man hi a to tak zet ani.

Chutiang em em a man to chuan, "Hlutna Ka Nei Lo" kan la ti dawn em ni? Hlut Bikna Leh Theih Bikna Nei Vek A Siam, kan nih zia nimin ah kan sawi tawh a, Kei pawh Depression kalo neih chhan chu, Ka Hlut Bikna Leh Theih Bikna hi sualin ka hmuh theih loh nan ka mit min lo tih delsak vang ani.

Isua Krista'n ka mit min han tih varsak leh mai chu mo! Tih theih ka nghah lutuk hi, ka in daih lo ani, min ti damtu Lalpa ropui nan kan sawi a nga:- eizawnna pangai hna ka thawk a, rawngbawl nan blog leh apps kan siam thei anga kan ti a kan siam a, article nitin deuh thaw ka ziak a tunah pawh magazine a chhuah tur ziah zawh loh kala nei bawk a, kohhranah rawngbawlna ka chelh nual bawk a, a hlawhtlinna chu Lalpa thu ani tih hre chungin midang eizawnna puih nan thil pa3 tih ka tum bawk a, mi dang chhungkua a damlo buaipui thin ka nei bawk a etc.

"Ka Rilru Ah I Thei Lo Ang, A Fuh Thei Lo Ang, Zah Pawh A Zah Thlak"tih a awm apiangin. Isua Krista Kross Chu Ka En Nawn Leh Thin A, Ka Man To Lutuk Chu Ka Hmu Leh Thin "HETING ZAT ZAT A LEI, MI HLU LUTUK HIAN KA TI THEI LO A NGA MAW! Ka ti thin ani. Tichuan, a Thawktu chu keimah ka ni tawh lo a, keimah a awm zawk ISUA KRISTA chuan engkim a rel fel thin ani.

(Tawngtai Dan Tur)
Lalpa, min chhandamna tura i nun i hlan avangin, nangmahah chuan mi Hlu Bik leh Theihna tha bik neitu ka ni tih hi ka hriat reng thei nan min pui ang che. Ti ang o.

Download Nungturin apps at this link


http://files.appsgeyser.com/Nungturin_5701356.apk



Note: Isua Krista a Beiseina Nung an neih avangin dam thei tawh lo tura an rin mi tam tak andam tawh thin a, Isua a Beiseina neih reng hi a pawimawh ani. Isua Beisei chungin Damdawi pawh kan ei thei a, Bible ah dawmdawi ei suh tih a awm reng reng lo ani.
                Keima depression neih hi chu chi khat mai ani a, chi dang dang leh thlentu dang dang pawh a awm ang. Tin, taksa hrisel takin ka hmachhawn bawk a, ka damna atana ka hman te hi i dampui thei lo mai thei a, chuvang chuan Psychiatrist emaw Professional dang emaw i pan a tha ang. Mihring thluakah hian signal in pek chhawnna Serotonin a awm a, chumi chu eng thil thil vangin emaw a chiang lo thei a. Entirnan khawsik pui veite hi engtin emaw an awm ruai thin, chung mite chu Hnatlan vangin an dam phah ve lem lo ang a tha ber chu, Pathian a kan beiseina hlauh miah lo a, mi thiam rawn ani.

Hlutna Bik Riau I Nei A, Chu I Hlutna Chu, Isua Atanga Hriat Chhuah Chi Ani.

"Pum chhûnga ka siam hmâ chein ka hria che a, Chhûl ata i chuah hmâ pawhin ka serh hrang che a, Hnamte hnêna zâwlneiah ka ruat tawh a che, tiin."(Jeremia 1:5)

E nge aw, ka nih ang? I ti thin tiro!

Isua ah hian, i nih tur zawng zawng a awm tawh ani. Nasa zawkin Isua en la, i nih theih tur chu amah ah chuan i hmu ang.

Isua a i nihna ah chuan:-

1) Kalsan i ni ngai reng reng lo.

2) Mihring tumahin ngaihsak lo che mahsela, Lalpa'n a ngaituah che a, a ngaihsak reng che. A ngaihsak reng che tih i hriat theih nan, amah ah i awm a ngai ani.

3) Nu pum chhunga kan awm hmain, kan pianna hnam tur leh kan pianna chhungkua tur Lalpa'n a relfel tawh a, chu kan pianna chhungkua leh hnam chu Lalpa lama enge maw kawng zawng taka hruai turin theihna min pe sa tawh ani.

4) Kawvel mi zawng zawng pawh hian, theihna leh hlutna i nei lo ti mahsela, Bible thu Pathian thu chuan Theihna leh Hlutna i nei a ti che a, midang zawng zawng khan dawt an sawi anih kha.
                            Sual  chuan, Isua Krista a i nihna hlu em em kha, hmuh hmaih tir che a, engmah ti thei miah lo a siam che kha a tum ber ani. Engmah til tha ti ngamlo a i awm khan sual i in hnenh tir anih kha! 

Ramsa te hian theihna, an mahni zawn bik ah an nei theuh a, chu an theihna bik ah chuan tumahin an tluk thei ngai lo. Ramsa ai, a let tamtak a ropui a siam khan, Theihna i va nei nasa tak em.

Isua Krista a i nihna leh theihna chu i hmuh chhuahna turin, "Isua Nen INKUNGKAIHNA Thuk Tak" i neih a ngai ani. In kungkaihna thuk reng reng hi, reilo te ah a siam mai theih loh a, zirtur tam tak pawh kan nei thin a. Nitin, "Isu, ka thinlungah hian lo cheng la, Lal ber lo ni ang che, nangmah nen inkungkaina thuk tak leh nghet tak neih ka duh a, min pui ang che. "Hei hi nitin i tih chuan, zawi zawiin i nun a inthlak ang.

Isua Krista a i nihna leh theihna i hmuh chhin duh chuan ti hian han ti chhin teh le."Tih Tur Tha I Hriat Pathian Thu Nena Inmil Pakhat Ngaihtuah Chhuak La, I Tih Hmain Pathian Hnenah Tawngtaiin Hlan La, Han Ti Chhin Teh Le." Eng emaw takin i theihna nasat zia i hmu chhuak ang.

Ka testimoney pakhat kan sawi a nge, ka tawng tlem em em a, miin min nello a, chu chuan ka theihna a ti hniamin ka hria a, Mi Tam Thei Ang Ber Chibai Ka Tum Ta Alawm Le! Tawngtaina ah ka hlan phawt a, inkhawm banah chuan, a rang thei ang berin ka chhuak a, chibai tur chuan kalo chang a, chibai chu ka sem ta a, mak deuh mai chu Kha Mi Ni Atang Khan Ka Chibai Thenkhat Chuan, Min Ngaina Ta A, Kan In Biak Nel Theih Phah A, An Harsatna Leh Lawmna Te Min Hrilh Theih Phah Ta Ani. Tisa lamah hlawkna a keng tel ve a, chu chu chibai sem miah lo ila chuan duhsakna ka dawn miah loh tur duhsakna tam tak ka dawn phah ani.

(Tawngtai Dan Tur)
Isu, ka thinlungah hian lo cheng la, Lal ber lo ni ang che, nangmah nen inkungkaina thuk tak leh nghet tak neih ka duh a, min pui ang che. Nitin ti thin ang o. 

Download Nungturin apps at this link

http://files.appsgeyser.com/Nungturin_5701356.apk

Atheist Puihna Tur

"Tin, mi zawng ang a, in thinlung zawng zawnga mi zawn hunah chuan mi hmu ang."(Jeremia 29:13)

Isua, an khenbeh a, a thi a, a thawh leh hnu thlakkhat vel bawrah khan mi 500 chuangin an hmu a, an hmuh hnuah chuan Paula'n a hmu ve ani. Korinth khua ami te hnen a Paula lehkha thawn ah chuan ti hian a inziak "Chu mi hnuah chuan unau zanga aia tam hnenah a inlar leh a, chu mi zinga mi tam zawk chu tun thlengin an la dam cheu va,thenkhat erawh chu an muhil ta a."(I Korinth 15:6)

Psychologist(excersise leh therapy hmang a mihring thluak siam that kawnga mithiam, Psychiatrists hi chu doctor an ni a, damdawi an hmang thin thung) ho chuan, mi 500 chuangin a inang thlapin dawt an sawi thei lo an ti a, Magician(Dawithiam) entu 50 lo awm ta se, mi 5 tal chuan engtin nge a tih theih ang le, an tih a rinawm a, a then phei chuan a tih dan an chhui chhuak ang. David Blaine a ngei pawhin Harry Houdini tui chhunga a awm rei theih dan kha a zir a Houdini a record chu 3:35 minute ani a, tuichhungah 17:00 minute  awm theiin David Blaine'an a record a khum a, David Blaine'an  Utawk a kawchhung atang a chhahchhuah dan pawh kha Mac Norton leh Hadji Ali te pum chhunga thil an dah theih dan kha a zir ve a, an mahni ai mahin a thiam ani.

Isua, thi a tho leh kha chu, tumahin ka ti ve thei ang a an tilo reng reng, Pathian fapa Mesia Thi A THo Leh Ani Tih Kha Rinna Thu Hmunin An Ring A, an ring mai pawh ani lo, Isua an rin vangin an thi ngam ani. Mi 500 hmutu in ti te kha, Isua zuitu ni sa vek te an ni alawm, ala tih theih a, Korinth ziak tupa Paula khi Isua a Thi A A Thawh Leh Hnu A Hmu ve tu ani a, a hmuh hma khan Isua a ringlo a, a ringtu te a man thin a, a ti duh dah thin ani.

Ala Bias riau, a chhan chu Bible thu hlir ila hmang a, min ti em? Duhsak leh Hmangaih takin ka hrilh duh che chu, Bible hi a dik chuan, Pathian a awm a, Pathian "AWMA" chu a awm tih ila Dawng lo(Feel lo) anih chuan, thinlung zawng zawngin i zawng lo tihna ani. Bible dik zia ah lut leh phawt ang o! Textual Criticism hmang ang hmiang, Greek writer Homer a thu ziah Iliad Trojan War, Lal Agamemnon'an a sipai indo thiam dang dai em em Achilles'a nen Troy an hneh kha a thleng tak tak a, a thleng tak tak ani tih an hriat theihna chu a thu ziah original record ang chiah kha kuta ziah manuscript 1565 hmuhchhuah ani a, a original leh a copy inkarah kum 1100 a awm a, hei hi hmanlai Greek thil a evidence, awm tha ber pawl ani a.

Kan Thuthlung Thar bu New Testament bu hi a tak tak original record copy kha manuscript 5843 a awm a, chu chu "Iliad" copy let 4 lai anih chu, chuan a original leh a copy kum inkar hi kum 30 chauh ani. Kan sawi tel duh chu hmanlai thil thleng ngei a kan hriat Sophocles a thu ziah te copy 100 chauh, Plato Tetralogy copy 7 chauh leh Aristotle a thu ziak copy 5 chauh hmuh chhuah ani. Bible chu a dik lo tih chi ani lo leh ta tiro, "Homer Iliad" pawh lehkha bu dik tho ania, Bible chu lehkha bu dik ani mai a, chu chuan Pathian awm zia a ti lang ami? Ala tih leh theih tho a, chuvang chuan Bible a Pathian thu thlen dik zia chhui leh lawk ang o.

Thu Thlungthar hi chu a hnaivai em a, kut phuar vuak thluk ang anih palh takin, a ai a harzawk Thuthlung Hlui atangin a dikna en ang aw. Daniela kha hrilh lawkna, inlarna kha a hmu a, chu chu vantirhkoh Gabriela khan a hrilh fiah ta ani. Daniela a lehkhabu ah khan "Chumi hnuah chuan ka en a, ngai teh, a dang, keite ang, a hnunga sava thla pali nei a lo awm a, chu sa chuan lu pali pawh a nei a, tin, a hnênah chuan rorêlna pêk a ni a" (Daniela 7:6), hei hi "Alexander The Great a rawn chhuahna kha a hrilh lawkna ani, engtin nge amah ani tih kan hriat ang? Tih zawhna a awm leh ta a, Daniela bung 7 hi Nebukadnezzara atang khan a thleng dik vek a, Babulon lalna a ral ta a, an lal ram a keh darh vek hnu ah Greek lal a rawn dawk chhuak a chu chu Alexandera kha ani ta a, sava thla pali khi a hnuah Alexandera lal ram chu paliin a in then dawn tihna ani a, a thlen tak tak leh thlen tak tak loh chu kan chhui thei vek awm e a hnaivai tawh bawk a." Hei bakah hian, Isua pianhma kum 1000 ah khan  Davida'n Isua chungchang alo sawi deih tawh bawk ani. Bible a Pathian thu awm chu a thleng dik leh chat ta!

Evidence, pheh theih loh engzat pawh pe che mah ila, rin i tum loh chuan i ring thei chuang lo a nga, I Duh Thlanna A I Thlan A Ngai Si A. Ka hrilh duh che chu rinna tak tak neih dawn chuan Thlarau Thianghlim kan mamawh a, Thlarau Thianghlim puihna tel lo chuan, rinna tak tak a neih theih loh ani. Nang leh kei kan vanneihna chu, Thlarau Thianghlim kan nei lo anih pawhin Thlarau Thianghlim chenchilh mi, biak tur tam tak kan nei a, in vengah khan "Pathian Tih Vanga Nun Hahdam"nei i hre mai ang, kawm la maw, vawi thum vel i kawm hnuah chuan, A Nun Ah I Neih Miah Loh Eng Emawni A Awm Tih I Hre Thei Mai Ang, A NEIH CHU THLARAU THIANGHLIM CHU ANI.

Pathian chuan, Thinlung zawng zawng a, zawn a phut a, chutiang ang taka kan zawn chuan, Lalpa chu kan hmu ngei ang.

(Tawngtai Dan Tur)
Isu, ka nei duh che a, keimah mai chuan ka thei lo a, nangmah ka neih theihna tur che in, min pui ang che, Thlarau Thianghlim Lalpa ka sawm a che, min chenchilh ang che. Ti ang o.

Download Nungturin apps at this link
http://files.appsgeyser.com/Nungturin_5701356.apk


  

Lalpa Beisei a Nghaktu an Mualpho Ngai Lo

"A ni, nangmah nghaktu rêng rêng chu tumah mualphovin an awm lo vang: A vang awm lova vervek taka titute erawh chu mualphovin an awm ang."(Sam 25:3)

Lalpa beiseia nghaktu reng reng hi, Lalpa'n an mualpho a phal ngai lo tak tak ani.

Mihring leh mihring bawk te hi kan lo beisei fo thin a, kan chhungte, Minister te, Pastor te leh midang thiltitheiah te pawh kan innghat thin a, kan buai lehthin anih hi.

LALPA A INNGHAH CHU, ATIRAH CHUAN LALPA HNATHAWH A LAN MAI THIN LOH AVANGIN, ATTHLAK ANG HIALIN A LANG A. MAHSE, A REI TIAL TIAL A, LALPA THAT ZIA A LANG NASA ZUAL ZEL A, A TAWPAH PHEI CHUAN LALPA A INNGHAT MI CHU TUMA TLUK PHAK LOH ANNI THIN ANI.

(Tawngtai Dan Tur) Lalpa, midang tel miah loin, Nangmah chauh Beisei a Nghaktu che, ka nih theih nan min pui ang che. Ti ang o.  

Download nungturin apps at this link 

http://files.appsgeyser.com/Nungturin_5701356.apk

Mi Dik Neih I Duh Chuan Mi DIK Ni Ang Che.("The Rose" Love Story Mizo'in)

" Mi sawiselbo chhinchhiah la, mi dik tak chu en rawh, Chutiang mi tawpna tûr chu thlamuanna a ni dawn si a."(Sam 37:37)

Thawnthu a kan luh hmain hei hi hre lawk ta ila:-
Mi dik tawpna Sam a inziak hi Lalpa tih avanga midik a tihna ani a, chutiang mite "tawpna chu thlamuanna ani" a ti a. Lalpa vanga midik te chu an nun a tawpin thlamuang takin an Chawla, lehkha zirna ah pawh mi dik chu a tirah thiam lo mahse a tawpah chuan mumal tak leh thiamna neiin lehkha an zirchhuak thin a, hna zawnna ah pawh hian mi dik chu a tirah han buai ve viau mahse a tawpah chuan hna tha pangngai tak an hmu thin a. Kawppui zawnna ah pawh mi dik chu rilru natna leh eng tiang a thutlukna siam tur nge tiin inngaihtuah buai ve thin mahse, a tawpah chuan Thlamuang takin mitha nupui pasal-ah an nei thin ani.

Thawnthu ah lut ta ila:-
John Blanchard'a chuan a sipai uniform chu, felfai takin, a ki lai tur zawng zawng ki thlapin a ha a, lawng chawlh hmunah chuan, a thinlung a hriat mahse a hmel a la hriat ngai loh nula chu a zawng ani.

Lehkha an in thawn tanna pawh thla 13 lai ani tawh a, lehkha an in thawn tanna ber chu, Johna hian Florida library ah, lehkhabu a chhiar a, ngaihnawm a ti em em mai a, a chhiar zawh chuan, a kawm a enkual vel ta a, mak deuh mai chu! A chhiar hma a, lo chhiar tawh nula pakhat hian ngaihnawm alo ti ve ngang a niang, chu lehkhabu a tha a tih lai te chu alo ziak chhuak a, thu tha awmna lai te chu alo chhinchiah bawk a, chu nu chuan lehkhabu kawm tawp lamah chuan, a hming Miss. Hollis Maynell tih leh a postal address a ziak a, New York a cheng ani tih chu a hriat theih nghal bawk a.

Johna chuan, chu lehkhabu chu a duh ngang aniang, ngaihnawm lo ti ve tho, lehkhabu a, a hming leh postal address lo ziaktu nula chu lehkha ava thawn ta chawt mai a, "Johna ka ni a lehkha i chhiar hnu kha kalo chhiar ve a, ngaihnawm ka ti tak zet ani, a phek 50na a, an lungngaih lai taka Pathian that zia an hmuh lai vel te kha, ka chhiar zawngin an zinga telve ang mai hian kalo lawm ve em em a, chuan a pawimawh lai ilo ziah te kha ka en a, chhiar a tinuam hle mai, hei lehkha ka rawn thawn ringawt mai che a, mak pawh i ti viau maithei a, lehkha min thawn let hreh anih pawhin pawi ti duh suh, min rawn chhan let hi i ba lem lo ania" tiin lehkha ava thawn ta tawl mai a.

Indopui pahnihna lai ani a, sipai a, atan ve avangin, indonna hmunah a awm a. Ni khat chu John'a lehkha i dawnga, rawn lam rawh an rawn ti a, invelop an en chuan Miss. Hollis Maynell tih hi alo inziak a, an hawng sawk sawk a, Hollisi chuan" John lehkha min rawn thawn a, i ti lawmawm hle mai, a phek 50na lai khan keipawh min khawih khawp mai, chuan mo! Phek 55na chapter 9na ka chhiar lai phei kha chuan 'Pathian tih tlat vanga harsatna tawk te an han ding chhuak tak tak chanchin ka chhiar khan' ka au chhuak hial asin" a rawn ti ve a. Vawi tamtak lehkha chu an in thawn kual tawn zak zak a, an in ngaina ta hle mia a, Johna chuan a thlalak a dil a, mahse Hollisi chuan a thawn duh lo a, intawn hun kan la nei mai ang a ti a. Hollisi hian mi dik a zawng mai pawh ani lo, MI DAWHTHEI A ZAWNG BAWK ANI.

Indopui pahnihna chu a tawp ta a, Johna pawh chu U.S lamah an haw dawn ta a, New York lawngchawlhna ah chuan lawngin a dah dawn nghe nghe a, Hollisi te khua ani a, in tawnna hun tha anih hi an pahnih chuan an ti a. Hollisi chuan, ka kawr hmaah "Rose Sen" ka rawn tar a nga min hre thei mai ang a ti a. Tichuan, Johna chuan New York sea port chu an thleng ta a, Hollisi chu a zawng a zawng a, kawr a Rose sen tar hmeichhia hmuh an har hle mai a, mi an tam em em nen.

A tawp a tawp ah chuan, hmeichhe pakhat kum 23 vel hmelpu, kawr hring ha, hleitling em em, a hmelthat dan pawh mi pawisawi ngai lo tih hriat ngawih ngawih, a sam buang tle deuh sar chuan, Johna chu a rawn pan a, Johna chuan ava pan hnai a, a han belh chian chuan  "Rose Sen" chu a kawrah alo tar lo hlauh mai a, Hollisi chu ani lo tih a hre ta nghal mai a. Chu nu, hnungah chuan kum 48 vel niawm hmelpu, a sam te pawh rorap mai dawl dang leh thau lampang a chawn vel pawh a thau avanga tlawn at mai hi a hmu a, a kawr hmaah chuan"Rose Sen" chu a rawn thiat vang tlat mai bawk si. 

Johna chuan, tha a ti lo ngang mai, a duh chuan a kal bo daih thei a, lehkha a thawn tawh lo mai bawk a nga. Mahse alo sawi tawh angin " Dik Taka Ti Tura Alo Sawi Tawh Te Chu, Tih Tlat A Tum Ani."Tichuan, chu nu chu ava pana, mawi takin "(Mam) Hollisi i ni ang tiro, Johna ka ni a, Dinner min ei pui duh a ngem?" ava ti a. Chu nu chuan" Bawiha thil awmzia kava man lo em, mahse ka hrethiam mai e, Hmeichhe kawrhring ha i rawn pelh chiah khan, 'Rose Sen' hi ka kawr a tar turin min ngen tlat a, chu vang chuan ka tar a," a ti a.

Johna chuan, Hollisi chu a inngaihtuah buai a, a rilru a thlak ta anih hi, a ti hman lek lek a, mahse chu nu chuan ti hian a sawi leh a " Mipakha Kawr Hma A Rose Sen Tar Hmeichhe Zawngin A Rawn Hmu Ang Che Nga, Chu Pa Chuan Dinner Ei Pui Tura A Sawm Che Chuan, Kawng Leh Lama Restaurant Ah Sawn Kalo Nghak E, Tih Min Lo Hrilh Sak Dawn Nia A Ti A" tiin chu hmeichhia Rose Sen, a kawra lo thiattu chuan a hrilh ani. Tichuan, Johna chuan, hmeichhe hmeltha em em, kal liam chhiah chu Hollisi ani tih chu a hre chhuak a, phur takin restaurant lam pan chuan, a tlan ta a.

Hollisi chu amah chauhin restaurant ah chuan a thu a, a hma a thutthleng zawnah chuan thleng alo dah lawk tir bawk a. Mipakhat sipai uniform ha, amah lam panna rawn kal a hmuh chuan, mipa rilru DIK LEH RINAWM a chhar ta tih hre reng chungin alo nuih var var a. Johna chuan  restaurant lai hawl vel a, hmeichhia lo nuihtu chu Hollisi a ni satliah mai lo a, hmeichhe rilru Dik LEH RINAWM mahni thutiam a ding mi a hmu ani tih a hria a. Thla 5 hnuah chuan, mi dik pahnih Hollisi leh Johna chu an in nei ta ani.

(Tawngtai dan tur)
Lalpa, i mithmuh hma a, MI DIK LEH RINAWM ka nih theih nan min pui ang che. Ti ang o!

Thawnthu hi, a chhunga infuihna kan vuah luh theih nan, a thawnthu panngai a tello thu engemaw zah dah ani a, a thawnthu a thu thenkhat paih ani bawk.

Download nungturin apps at this link 
http://files.appsgeyser.com/Nungturin_5701356.apk

Hmelma Te Hmangaih Leh Min Tiduhdahtu Te Tawngtaisak A HLAWK ZIA

"Kei erawh chuan ka hrilh a che u, in hmelmate chu hmangaih ula, a tiduhdahtu che u chu tawngtaisak rawh u."(Matthaia 5:44)

Kan thian tha te leh kan chhungte hi "i hmelmate hmangaih la, a tiduhdahtu che kha tawngtaisak bawk la," ti ila chuan mawl min ti ngawt ang. Keini pawhin midang hnen a chu tiang ang a ti tur a hrilh chu, tih tur awm angah pawh kan ngai lo ang. Mahse, Isua'n amah ringtu te chu ti turin min ti vek bawk si a, a awmzia tak hi kan chhut chian a ngai ani.

Khawvel kalphung hrim hrim ah hian mi kan chunga an that chuan an chunga that chhuah hi ba ah kan inngai tlat thin ani.

Sumdawnna hi a chhutchian nan han hmang ta ila, "kan chunga that chhuah ngai miah lo kha, an chungah that han chhuah ta tlat ila, min dawrh chu ba ah an in hre tlat a nga, chu mai pawh chu ani lo ang, an hmelhriat zawng zawng te hnenah pawh, an ni kha dawr rawh o! An fel teh a nia min tih duh hial a rinawm ani. 

Lehkha kan zir ho na ah te, rawng kan bawl hona ah te, kan in thenawm khawvenna ah te hian, kan huat ruk leh kan mil hleihtheih ngai miah loh te chungah hian that han chhuah tlat mai ila! Chu mai pawh chu duh tawk lovin, kan hmangaih ang hrimin an chungah han ti ila, "an chunga that kan chhuah chuan, kan chunga that chhuah ve chu ba ah an inhre ve tlat dawn bawk nen, kan hlawk tlan viau vek a rinawm ani."

Tawngtai sak rawh a tih lai khi chu thlarau thil ani a, vawikhat chu min mil duh miah loh hi ka nei alawm mawle! Ka biak that pawhin, min mil duh chuang lo, kei lah ka thin a rim ve bawk nen, kan inhnial kan inhnial ta alawm! Chungtia a kum a kum kan awm thin hnuah chuan, Pathianin min awmpui vang pawh ani a nga , "a chunga ka thinrim apiangin theihtawpin ka tawngtaisak thin a," engtin tin emawni kan inrem ta a, tunah phei chuan thiltha a hriat apiang hi min hrilh ve char char a. Hmanni phei chuan, thurawn min pek ka zawm avangin ka hlawk viau phah lehnghal ani.

Kan Hmangaih Theih Loh Te Hi Tawngtai Sak Thin Ta Ila, SUALIN KAN INHUATNA TURA HNA A THAWHNA HI, THLARAU KHAWVELAH CHUAN LALPA'N ALO THIAT THIN DAWN ALO NI.

Kan Lalpa Isua Thu Zawm Hi, Mihring Lama Teh Chuan Awm Pawh Hi A Awm Lo Hial Thei Awm E, chungtiang taka tih har te ani thin, mahse zawm ila kan hlawkna tur alo ni reng mai thin ani.

Khawvel leh a chhunga cheng zawng zawng siamtu hian, a thil siam dan hi a hre chiang em em a, kan kalphung pawh hi ama duan anih avangin, a hre chiang em em bawk a. Chuvang chuan a thu kan awi mai hian, kan lo that phah viau ngei ngei thin ani.

(Tawngtai Dan Tur)
Lalpa, i thu ang zel a nungturin min pui la, i thu chu hmelma te hmangaih leh min tiduhdahtu te tawngtaisak anih pawhin, i thu chu zawm cheu zel thei turin min pui ang che. Ti ang o!

Download Nungturin apps at this link

http://files.appsgeyser.com/Nungturin_5701356.apk