Kan Nun Engkimah A Hmel Kan Hmuh Nan, A Hnenah I In Kawl Tir Thin Ang U

"I hnate chu LALPA kawltir rawh. Tichuan i thil ruahmante chu tihnghehin a awm ang."(Thufingte 16:3)

Thil i tih dawnin, i rilrua a luh rual rualin i ti hmiah zel em? Nge i chhut vang vang a i ti thin? Chutianga nangma finna leh chakna ringa thil i ti thin a nih chuan, i beidawng fo thin ang. 

Mahse, i thil tih tur apiang Pathian hnenah i hlan a nih chuan, i hlawhchham ta a nih pawhin, "Lalpan thiltha zawk min pek a duh vang a niang a" tiin i hlawhchham zawh chiahah pawh beiseina thar i nei zel ang.

Chu mai bakah, Lalpa hnena kan thil tih turte kan hlan hian, kan hria (sense) emaw, hre lo emaw Thlarau Thianghlim hian min awmpui nghal thin a, kawng dik min kawhhmuh a tum thin a ni. "Eng tin emaw takin, hetiang zawnga tih tur a ni tlatin ka hria" kan tih thin chhante hi Thlarau Thianghlim'in ti tura min hrilh vang alo ni fo thina. Chu mai bakah kan chetsualna tur lakah min veng thin bawk a, "engtin emaw tak he ti laia kal ka hreh emaw, hetianga tih hi ka duh lo riau" kan tih bawk thin kha.

Pathian hnena kan tih tur emaw, kan thawh tur emaw tawngtaia kan kawl tirin, tawngtai zawh thuai thuai tum chungin tawngtai lo ang u, chu bakah a khaikhawm ni awm hrimin thu khatah kan duhna zawng zawng dahin i tawngtai lo ang u. Hna kan thawhnaah thil pahnih pathum kan ti dawn a nih chuan, chungte chu i hlan kim thin ang u, mahse perek ka chhu dawna emaw, paper ka sign dawna tih zawng zawng chu hlan vek a ngai lo a nga.  

Entirnan, mistiri ni ta ila, ni lo awm turah bang leh step siam dawn ta ila, Lalpa voinah bang leh step kan siam dawn a, min pui ang che emaw, office ah kan thawk a, ni awm turah department project leh field report khawih a ngai a nih chuan, Lalpa department porject leh field report voinah siam fel ka tuma min pui ang che ti ang u. Chutiang bawk chuan, zirlaite leh hna dang dang thawkte leh in nghaktute pawhin kan tih tur apaing Pathian hnenah a kim changin i hlan thin ang u.

Chutianga, tha taka kan Pathian hnenah kan hnate leh kan tih turte chu kan kawl tir thin a nih chuan, anin kan hnate chu kan tihhlawhtlin ngei theih nan, min tih ngheh sak dawn a ni.

(Tawngtai Dan Tur)
Lalpa, nitin ka nunah i hmel ka hmuh zel theih nan, ka hna thawh turte leh ka tih tur apiangte i hnena tawngtaia kawl tir  zel nachang ka hriat theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Thinlung Hnehtu Chanchintha Chu, A Taka Mi Chunga Thiltha Tih A Ni

"Chutichuan remchang hun kan neihzia ang zelin mi zawng zawng chungah thil tha i ti ang u, rinna chhungte zinga mi chungah i ti deuh ber ang u."(Galatia 6:10)

Mi tamtak hian, thu chauh hi chanchintha emaw kan ti thina, thu hi chanchintha a nih tlukzetin, that kan chhuahna leh a taka che chhuaka kan tih hi chanchintha a ni. Chanchintha a ni mah mah zawk hial awm e, a chhanchu krossa Isuan kan tan a nun a hlan tur thu zawlnei ten an lo sawi lawkna kha chanchintha a nia, Isuan krossa kan sual tlana a taka a thihna tak tak kha, chanchintha tak tak chu a ni chiang lehzual a ni.

Hei tak hi a pawimawh ta chu a ni, mi inkhawm tura sawm ringawt emaw, Isuan a hmangaih che tih ringawt emaw, Pathian thu thawn ringawt te hi duh tawk lo ila, puih an ngaihnaah leh an chunga that kan chhuah theihnaah that chhuah i tum ang u. An dam lohin i kan ang u, puih an ngaihin i pui ang u, tin puih an ngai loa, an dam tha a nih pawhin, thil hote kan tihtheih tawk tihsak i tum ang u. Rawmawl cheng 10 man lekte, awm tlan nikhuaa thingpui leh thilvawt leisak te, mi nena awm khawm nikhuaah an mahni biak nalh te i tum tel bawk ang u.

Tin, zin nikhuaa thil inhawn hi a hlu em em mai a, sweat leh sunhlu in hawn mai mai te pawh kan lawm thin, hei vang hian zin nikhuaah te pawh hian, Pathian thu kan hrilh thinte emaw, inkhawma kan sawm thinte emaw, kan thenawm leh kan thian thate hi thil eng emaw hawn i hreh lo ang u.

(Tawngtai Dan Tur)
Lalpa, nang chuan min hmangaihna kha thu maia sawi i duhtawk loa, min chhanchhuak turin kross ah i nun i hlan ral a nih kha, kei pawh hian thu maia midang duhsak emaw, midang hmangaihah hian ka duhtawk mai loh a, thiltihin thatna leh duhsakna midang hnena ka lan tir theihna turin min pui ang che, Amen. Ti ang aw. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

A Hmangaihna A Rinawm Ban Ngai Loh Avangin, A Hnenah I Kir Leh Ang U

"Keini rinawm lovin awm mah ila, Ani chu rinawmin a awm reng a ni; Amah leh amah a inphat thei si lo va,” tih hi."(II Timothea 2:13)

Kan Pathian hi mihring a siam tirh phat atang khan, mihringte tan hian rinawm a bang ngai lo a.

Mihring zawng zawng zingah hian Pathian tana rinawm tluantling pakhat mah an awm lo thung a. Kan Pathian hi a rinawm em avang hian, mi rinawm lote chungah pawh a that zia a lan tir duh thina, hei vang hian tlu thinte leh tisual thinte pawh hi, a rawnbawltu hriam takah a chher chhuak leh thin a ni.

Hei vang hian, eng ang pawhin tluchhe mah ila, kan Pathian hmangaihna rinawm chuan min la daih zawh vek avangin a hnenah kir leh i thlang thin ang u.

Billy Grahama meuh pawh khan, ka tihsual avangin Lalpa min ngaidam rawh aw, tiin vawi tamtak tap chungin ka tawngtai thin a ti a. Petera pawhin a phat a nih kha.

Hei hi kan hriat a pawimawh, nang leh kei hi kan tlu theia, kan chak loh em avang hian eng ang pawhin tluk tum lo mah ila, tlukna kan nei dawn a, kan tlu reng tawh pawh a ni thei e. Chutianga kan tluk hunah chuan, kan Pathian hmangaihnaa khat rinawm reng a chuan, a hnena kan kir leh a nghak reng tih hi hria ila, a rang thei ang berin a hnenah kir leh thin ang u.

(Tawngtai Dan Tur)
Lalpa, kei mi rinawm lo tana i hmangaihna rinawm chu a awm reng avangin ka lawm e. Ka tluk chhiat ber lai pawhin nang chuan i hnena kir leh turin min sawm reng a ni tih hi ka hriat reng a, i hnena kir nangchang ka hriat theihna turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)


  

Rinhlehna Leh Ngaihthat Lohna Hi, Sualin Min Beihna A Ni (Doubt and Agitation are the Devils tools to harass us)

"Pathianin hlauhna thlarau min pe lo va, thiltihtheihna leh hmangaihna leh rilru fel tak neihna thlarau min pe zawk si a."(II Timothea 1:7)

Kan Pathian hian hlauhna thlarau hi min lo pe lo hrim hrim maia, kan chungah hian that a thleng theia, chhia pawh a thleng thei tih hi kan hre vek a. Tha chu lo thleng ngei se kan duh veka, thalo a thlen kan hlau vek bawka, mahse "thalo pawh lo thleng sela Isua nen kan nih dawn avangin ka hlau chuang lo" tihna nun kan neih hi kan Pathian hian a duh a ni.

Kan nunah hian thilthalo a thlen kan hlauh lutuk avang hian, thiltha thleng tur pawh hi kan dang tel thin a. Mi pakhat chuan a fate lehkha zir a phal loa, a phal loh chhanchu lehkha an thiam a nga, an khua ni lo hmun dangah an awm bo san a nga, amah an ngaihsak loh a hlau a ni. Tichuan lehkha chu a zirtir duh ta loa, a fate pawh an thang lian zela, a fate chu hna thawk rual an nih hnuah chuan, an chhungkuain a mamawh avangin hmun danga hnathawka chhuah chu an ngai taa, hmun dangah hna an thawka, mahse lehkha an thiam loh avangin an hna thawhtawk a hniam a, an hlawh pawh a tlema, kum khatah vawikhat pawh an pa hmu tura haw thei lo khawpin an tal buai ta a ni.

He pa hian, a fate hi lehkha zirtir tha hle hle sela chuan, amah an ngaihsak phah thei zawk tur a ni a. 

Hengtiang chiah hian thilthalo thleng thei, kan hlauhthawn avangin, kan nih theih tur tha ber leh kan thlen phaka sang ber kan thlen loh phah thin a ni. 

Hlauhthawnna hi kan hmelmapa pawh hian a hmang thiam em em maia, thiltha kan neih theih turte min chuhsakna hmanruaah nasa takin a hmang thin.

Rawngbawlnaah pawh hian, mi hnena Pathian thu kan hrilh loh chhanchu, min nin emaw, min hnial emaw, min lo huat kan hlauh vang a ni thin.

Eizawnnaah pawh dik lo taka kan tih chhanchu, dik taka kan tihin kan hrehawm kan hlauh vang a ni thin. Herawm ti bertute chu, mi dik lote hi an nih fo thin zawk teh lul nen.

Sumdawnnaah pawh, ngil takin, mumal taka kan lo ruahman lawk chu, a kalsual kan hlauh avangin, midang pawisa te kan puka, kan mamawh loh bungrua te kan kawl teuh phaha, chungte chuan kan hlawkna a ei hek leha, kan nih tur ang kan nih phak loh phah thin a ni.

Kawppui zawnnaah pawh, miin min duh loh emaw, min hnawl emaw kan hlauh avangin, fin kherek kan chhuah duh hial thina, kan thil tih chu a fuh loh phei chuan min duh let ve tur reng te pawhin min hnar phaha, chu tiang zawnga a kal loh phei chuan, inngaihna sualah min um luttu a ni a, fa hrahte, chhungkaw kehchhia te kan siam phah a nih hi.

Hlauhna hi a tirah chuan, rinhlehna chhete leh ngaihthat lohna tlemte chauh a ni thina. Tin, engpawh ti dawn ila, rinhlehna tlem leh ngaihthat lohna tlem kan nei thin a, hei hi mihring ze pakhat kan fimkhur theihna tura Pathian min pek a ni ti ila kan sawi sual awm lo e. Mahse, Pathian lam en lo leh tawngtai loa thil kan tih hian, rinhlehna tlemte leh ngaihthat lohna tlemte te chu alo thang liana, chung chuan hlauhna a rawn thlen thina, thil min tihsual tir loh pawhin engmah ni phak loah min siam thin a ni.

Hawh u, engpawh ti dawn ila, kan Pathian hian hlauhna thlarau min pe loa, 
1) thiltihtheihna thlarau "Pathianin min awmpui avanga kan theih bak kan tihtheihna tur te" 
2) hmangaihna thlarau "Pathianin min hmangaihna avanga atana nun leh midang tana that chhuah theihna te" 
3) rilru fel tak neihna thlarau "Pathianin min chenchilh avanga, engkim dik tak leh chawl chunga thlir thiam theihna te"
 min pe zawk a ni tih hi hreng chungin, hmelma pa hmanrua rinhlehna leh ngaihthat lohna te hi ilo do let thin ang u. Hmelmapa hnathawh kan do let dawn a nih chuan, kan awm mai mai thei lo a nga, kan tawngtai emaw, bible kan chhiar emaw, Pathian thu kan ngaihthlak emaw a tul a ni.

Kristaa kan nihna chu, "Pathian fa" a ni tih hi hre rengin, hlauhna hi i do let zet ang u.

(Tawngtai Dan Tur)
Lalpa, rihlehna leh ngaihthat lohna te hi, nangmah atanga chhuak thiltihtheihna leh hmangaihna leh rilru fel tak neihna thlarau hmangin, ka lo do mih zel theihna turin min tanpui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)


  

Amah Nghaktute Chu, An Chakna A Siam That Sak Leh Thin

"LALPA nghaktute erawh chuan an chakna chu an siam tha leh ang a; mupuite angin thlain an thlawk chho vang a; hah lovin an tlan ang a; chau lovin kein an kal ang."(Isaia 40:31)

Pathian kan nghaka, kan beiseia, tawngtaiin kan dil a, mi thenkhat chuan a kum a kum pawh kan dil tawh a, a chang chuan Pathian kan nghah chhan leh kan beisei chan min tih hlawhtlin sak sela kan tihte chu, kan dawn hun tur kan mit thlaa, kan vuan lai leh kan kuah laite pawh kan mit thla thin ang, kan dil a zirin. Chutia vawi tamtak kan mitthlaa kan hmuh hnuah pawh chuan kan la nei si lo, kan dilna leh amah kan nghah chhanchu min la tihhlawhtlin sak bawk si lo. A chang chuan Pathian beisei tlattu nih hi a natin a na a ni tiro! Beisei lo law law ila, ti tute pawh an awm thin a ni.

Mahse, hei hi ka hrilh duh che "Beisei Tlat Rawh" tih hi.

Lalpa i beisei chhung chu, i beisei chhan tihthlawhtlin sak tur chein i nunah a thawk zel ang. Lalpa laka i beisei a bo vaih chuan, sualin nasa taka a nghaisak theihna tur chein, kawng i hawn sak tihna a ni thei.

Harsa leh na ti chung chunga Lalpa i beisei lui tlat a nih chuan, amah beiseina nun chu i zirchhuak a nga. Beiseina nun zirchhuakte chuan, na miah loin leh hah miah loin Pathian an beisei thiam tawh thin a ni.

Pathian beiseia nghak fan fan tute hi Lalpan a ngaihthah ngai hauh loa, amah an beisei zel theih nan an chakna siam thar sak zel thin a ni. Hei hi a fiah nan he tiang zawng hian han sawi ta ila - i pianthar tirh a, Pathian i rinna leh i beiseina kha, kum sawm i pianthar hnua i rinna leh i beiseina nen han teh chhin teh leh, kum sawm i pianthar hnua i rinna leh i beiseina chu nasa takin alo thang tawh tih i hmu ang. 
Kan sawi tum tak chu, amah beiseia kan nghah hmasak ber ni atang hian, nasa zawka amah kan beisei theihna turin, kan chakna min lo siamthat sak reng tawh thin alo ni. 

Pathian hi amah ringtute rin dan leh an beisei dan anga thawk thin Pathian a nia, amah nasa taka ringtu tan chuan nasa takin a thawhsak thina, amah ring mang lo tan erawh a thawhsak ngai lem lo ti ila kan sawi sual awm lo e.

Min nghah tir chhan -

1) Kan Pathian hian, nasa lehzuala kan nuna hna a thawh theihna tur hian, amaha kan rinna hi than tir a duh avangin, kan duh hunah hian kan duhna te min tihhlawhtlin sak loh a thlang zawk thin a. 
2) A chang chuan, a hnena kan dilte chu tha taka kan neiha kan enkawl theihna turin, nungchang tha zawk leh amah nena inpawhna thukzawk kan neih nan min nghah tir bawk thina.

3) Chu mai bakah, kawng tha zawk leh thil tha zawk min kawhhmuh a duh avang pawhin min nghah tir bawk thin a ni. 

Rawngbawltu pakhat kum 20 chuang Pathian nghah bang duh lotu chuan he tiang hian a ti, "Pathianin la nghak tura min tih chuan, nghah a tha zawk tihna a ni mai" a ti. He rawngbawltu hian Pathian a nghah rei tawh em avangin, Pathian zia a hre thiam tawha, Pathian nen inkungkaina pawh an nei thuk hle tih a hriat a. He rawngbawltu hian Pathian chu mi zawng zawng ai a finga, ro a rel sual dawn lo tih hi a hriaa, a ring ngam a ni.

Pathian kan nghah lai hian, "Pathian hi a tha a ni" tih hi hre reng ang u. Kan ngaihtuahnain a phak loh thiltha zawng zawng min pe duhtu Pathian a ni sia. Luka 11:11 ah chuan "Nangniho zinga pa hi, a fapain chhangper dil sela, tunge lung pe ang? a nih leh, sangha dil sela, tunge sangha aiah rul pe ang?" tiin alo inziaka, mihring pawhin fate hnena thil tha pek nachang kan hriat chuan vana kan Pa khian amah beiseitute hnenah chuan thiltha pek ava hmaih dawn lo em. Pathian kan beisei avangin kan nun a harsa zo vek taa ngaite an awm thina, hei hi thil dik lo hul hual a ni, Pathian kan beisei ngai loh lutuk avangin, Pathian kan beiseia kan rilru a han fim chiah hian kan dinhmun lo chhiat zia kan hmu thiam mai alo ni zawk thin.

Kan Pathian hi beiseiin i nghak tlat ang u, chu chu kan vanin kalkawng a ni sia.

(Tawngtai Dan Tur)
Lalpa, nangmah nghaktute ti thlawn duh ngai lo hmangaihnaa khat Pathian i nih avangin, ka lawm e. Chu Pathian engkim neitu chuan, kei misual hi ka fa tiin min koh a, ka beiseinate pawh min tihhlawhlin sak i duh a ni tih hi ka hriat renga, i duh huna engkim thleng hi ka tan a tha ber a ni tih hi theihnghilh loin, nangmah beisei bang ngai lo turin min pui ang che, Amen. Ti ang aw. 


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

  

Fuihna Dawn A Pawimawh

"Tin, unau te u, kan ngen a che u, dan ang lova awmte chu zilh ula, rilru tete chu fuih ula, chak lote chu tanpui ula, mi zawng zawng lakah dawhthei takin awm rawh u."(I Thessalonika 5:14)

Kan mihuai kal hmasate khan, inpawh tawnna leh infuih tawnna hi an lo va ngai pawimawh tak em. 

Pathian hnung kan zuinaah hian, mahni mai a kal miah miah hi i tum lo ang u. Kan rual u zawkte hnen atang zir tum ila, chu bakah rinnaa kan nau zawkte hi dawhthei takin i zirtir thin bawk ang u.

Zirtirna dawng thiamte bawk hian, midang an zirtir thiam leh thin a. Chung mite bawk chuan, thlaraubo an chhanchhuak tam leh nge nge thin.

Mi a chuan fuihna a dawng duh ngai loa.

Mi pangngai chuan, a ngaihsan zawngte hnen atang chauh fuihna a dawng duh thin a.

Mi fing chuan fuihna zawng zawng a dawng thiam thin a, midang pawh a fuih thiam bawk thin.

Mi fing bik leh fing zual bikte chuan, fuihna an dawng thiam mai pawh a ni loa, fuihna dawng turin an tui hal thin a. An mahni fuihtu tur a zawnin an zawng zawk thin a. Kristian society (awmkhawm) tam tak fuihtu tha ber ber an ni thin.

Tunlai khawvela kan thalai zinga rawngbawl hlawk em em pakhat Pastor Steven Furtick pawh hian amah fuihtu tur a zawnin a zawng thin a. Joyce Meyer chuan "ka hnen atang thu tha dawn tumin min zawt buai reng" a tia. Joel Osteena fuihna dawng turin a be thin bawk a, T.D Jakes a phei chu a pa neih hial a tih theih ang.

Fuihna a zawn a zawngte chuan khawvel an lo deng chhuak thin a nih hi maw.

Nang, fuihna dawng duh mi nge i nih, fuihna ngainep mi zawk?

(Tawngtai Dan Tur)
Lalpa, ringtute hi mal taka kal turin min ti loa, awm khawma intichak tawn turin min ti a ni tih hi ka hriat renga, fuihna dawng thei mi ni turin leh min fuihtu tur zawng thin mi ka nih theihna turin leh midang dawhtheihna nena fuihtu tha ka nih theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Ka Nat Lai Leh Ka Hlauhthawn Laiin Min Awmpui (Harry Wright Battling My Insecurities)

"Mihringin a thian aia a nun a paih aliama hmangaihna nasa zawk tuman an nei lo. Thu ka pek apiang che u in tih chuan ka thiante in ni ang. Bawih ka ti leh tawh lo vang che u; a pu thiltih bawihin a hre si lo; thiante ka ti tawh zawk ang che u; Pa hnena thil ka hriat zawng zawng in hnenah ka puang tawh si a."(Johana 15:13-15)

Hun rei tak ka nu leh pa te rawngbawla an chhuah hnuah kan kohhran West London St Dunstan ah chuan an let leh taa. Kei pawh Liverpool a engineering hna ka tawhna atang chuan ka banga, ka nu leh pa te atang indang tawh ka nih avangin an bula awm chu ka tum hran loa, mahse kum tamtak in hmu mumal loa kan awm avang chuan, an mahni hnaiha awm ka duha, an awmna bul hnaiah chuan in ka lei ve a. London ah chuan in benbel ka ril ruka, tichuan ka seilenna kohhranah ngei chuan, ka nu leh pa te nen  kan lawi za leh taa.

Chutia kan han pem luh hnu kumkhat lekah chuan, kan kohhran lam hruaitute pawhin min duhsak nge min ring ve ka tih zawk dawn, kohhrana rawngbawlna hnate min pe nghala. Tin, ka naupan laia sunday school ka kal pui thin, ka thiante nen kan kohhran youth service ah te chuan kan tel hoa, kei pawh ka inti mi hrang lo hle a, ka in tak tak zawkah ka haw nihian ka hria a.

Nikhat chu, ka thiante nen chuan kan kohhran thilah Pu Williama te kan tlawh a, Pu Williama te pawh hi an chhungkua a rawngbawla chhuak an nia, an ni pawh hi kan kohhran a an let lehna ala rei loa, ka la hre chiang lo hle a. Tichuan, an in a kan kal tum chuan, Pu Williama fanu Emily William's i chuan min lo kawm a, Emily'i hi keini aia naupang hret a nia, a tawng dan velah chuan Pathian neitu tak tak a ni tih a hriat hle maia, tin lehkha thiam tak a ni tih pawh a hriata, a nu leh pa te atang ala indan loh chhan pawh pem tir a nih vang a nih ka ringa. Emilyi chu kan kohhran thalaiahte pawh in ti tatu em em in a rawn tel ve a, kan inhmuh remchan apiang hian, tawngkam thain kan in be luam thin. (Ram changkangah chuan, kum 18 chin chu nu leh pa te in atang an indang thin.)

Ka nu leh pa te chuan, kan awm ho khat avangin sunday tlai apiangin an in lama chaw ei turin kei leh ka unaute chu min tia, sunday tlai tin hian chaw kan ei khawm thin a. Sunday tlai khat chu ka nu hian, chhung inkhawmah  ka nupui tur hi min dilsaka, chu ka nu tawngtaina chu a tirah chuan eng teh he huah ka ngai loa, nuin a fapa tana nupui a dilsak chu kristian nu zawng zawngin an fate tana an tih ngei ngei tura ka ngaih vang pawh a ni. Mahse, ka nu chuan a hranpa in nupui nei rawh min ti loin, ka hriat ngei tura tawngtaina hmangin nupui nei tawh tura min hrilhna a ni tih chu a hnuah ka man thiam a, ka pa nen pawh an sawi dun viau tawh ka ringa. Ka nu, nu fimkhur leh ka chungchang thua thutlukna siam sual mai mai lo tuin nupui nei tawh tura min tih chuan, nupui neih ka hun hle tawh a ni thei angem aw ka tia.

Vawi tamtak ngaihzawng ka neihnaah ka nat tawh avang leh, ka tal buai tawh thin avangin, nupui neih lam ngaihtuah chu ka phur lo em ema. Kum 4 tal tawp chu ngaihzawng nei lo mai pawh ni loin, hmeichhe bul hnaiah ka awm ngai loa, hmeichhe phone number pawh ka nei loa, facebook a hmeichhe thlalak en thin pawh ka nei loa, Pathian leh kohhran leh ka hna leh ka chhungkua bak hi ngaihtuah em em pawh ka nei lo. Mahse, ka nuin nei turin min duh tawh bawksi, chu bakah tlangval upa lam ka ni tawha, hna leh in pawh ka neia, ka rualpuite pawhin fa an nei fur tawha, nupui neih loh tawp ka tum a nih loh chuan neih chu a hun a ni tiin ka inngaihtuaha. Chutih rual chuan, tih ngaihna thlawt ka hre lo, tu nge ka date a nga, engtin nge ka zawn dawn tiin ka inzawt chhin a, kan office lama mite lah an hmel chu a tha mahse inkhawm ngai lo te an ni bawk si, kan kohhran lam ka ngaihtuaha, nupuia neih awm chi tur ka ngaihtuaha an vang a ni, Pathian chu an tiha mahse fing var deuh hlek leh hmel ngainat deuh hlek tur reng reng ka hre loa. Emilyi ka ngaihtuah chhuaka, a ni pawh fin chu a fing ngei a, mahse a hmel ka ngaina bawk si lo nen.

Tichuan, tihngaihna ka hre lo chu ka tawngtai taa, Pathian aw ka hre ta thut maia "ka fapa hmel leh landan ensuh, thinlung en rawh" min rawn tia. Kei lah chuan, awle Lalpa ti mai lo chuan, Lalpa hmel ngainat lohte chu ka nei thei dawn em ni, bakah nangin engkim i neia, thinlung dik leh hmel tha pangngai min pek tur i nei ang ka ti leh hrama. Pathian aw ka hre leha "ka fapa pawn lam landan ngai pawimawh suh, thinlung en rawh" min rawn ti leh a. Tah chuan Pathian thinlung chu ka man ta in ka hriaa, kan Pathian hian pawn lama mawi thinlunga tha si lo hi tha a ti loa, pawn lam chu eng pawh nisela thinlunga alam hawite hi tha alo ti ber a ni tih ka man taa. Chutianga, ka Pa ka Pathian berin a tih chuan ka tia, thinlung dik chu ka mut hmunah chuan ka ngaihtuah ka ngaihtuah taa, mahse ka ngaihtuah chhuak mai loa.

Hun a kal leh deuh hnuah chuan, Emilyi chu nasa taka tawngtai thin a nih chungchang ka hre taa, he nu hi tiang taka a tawngtai chuan a thinlung a dik ngei ngei ang ka tia. Pathian hnenah chuan tawngtaiin Emily Williams hi thinlung tha i tihte zingah a tel em ka ti taa. Pathian chuan a aw min rawn hriat tir leha, aw thinlung tha ka tihte zingah a tel chu a rawn ti lem loa, mahse "ka fapa, Emilyi thinlung hi ka ta a ni" a rawn tia, ka mur sung sung theiin ka hria. Tichuan kei chuan, Emilyi chu um ka tum rilrua, Pathian hnenah chuan Emilyi hi ka nupui atana a tha i tih chuan kawng min kawh hmuh rawh ka tia. Pathian chuan, va date vat rawh min ti lo chiang khawp mai "ka fapa hmanhmawh lo la, ka thua innghat chungin a thinlung hneh tum rawh" a rawn tia.

Tichuan, bible thua inngaizawngte chanchin chu ka bih chho taa, tihian tih ka tum taa, Emilyi chu date puiah ka sawm mai lo a nga, kan inhmuh apaiangin tha takin ka bia a nga, a chungah a remchan dan apiangin that kan tum teh ang ka tia. Chutia, Emilyi lam ka rilruin a hawi tak hnuah chuan, ka hmu tha ta hle maia, biak inah te hian ka zawng rilru thina. Mahse, Pathian hi rem a ruat thiam em ema, Emilyi ka ngaihtuah nasat apiang hian min in tawn fuh tir ngai lo a, amahah (Pathian) ka thinlung ka dah hian Emilyi nen kan inhmufuh zawk fo thin.

Zan khat chu, Emilyi leh a thian tlangvalte chu an inkawm tih ka hriaa, ka rilru hi a na deuh zawka, tawngtai ka tum ngiala, mahse Emilyi chuan ka rilru a luah nasat em avangin ka tawngtai hleithei loa. Ngaihzawng ka neih tawhnaa, ka rilru nat thin ziate leh hmeichhia nen kan inzawm ngheh tak tak dawn ta emaw ka tih hnuah midang an thlan zawk thin zia te chu ka ngaihtuah chhuak zut zuta, Emilyi pawhin midang a hawi leh dawn niin ka hriaa, ka hlautawng zo vek tawha, ka lum pup pup a. Chutia darkar khat dawn lai Pathian aw hriat tuma ka beih hnuah chuan, Pathianin a aw chu min rawn hriattir taa "ka fapa, lungngai mahtache ka hriat loh engmah a awm hleinem, i rim (date) hunah nangmah lenpuitu i thian tha (wingman) ka ni dawn alawm" tiin min rawn hrilha. A aw ka hriat ve leh chuan, ka tap zawih zawiha, hetiang tak hian nimaw Lalpa min lo ngaihtuah le, ka thiantha nula ka rimpui theih hial pawh ilo ni duha, kava lawm tak em, khawngaih takin i duh ang chauha ka tih theihna turin min pui ang che, ka tia.

Pathian chuan, a aw min rawn hriat tir leha "ka fapa ka hmangaih che" min rawn tia, kei chuan Lalpa ka lawm e, ka fak a che ka tia tawngtai ngar ngar mai chu ka tuma, chutia la tawngtai deuh ka tum lai chuan Pathian aw ka hre leh a "ka fapa mu mai rawh, hna i ngah kha" min rawn tia, ka nuih a za lek lek nghe nghe. Amak ka tih em em chu "kan Pathian hi kan thian tha, nupui leh pasal kan zawnna a, kan rilru natna zawng zawng ngaithla duhtu leh insitna leh ngaihthat lohna kan neih  pawha kan hnena awm tlata min ngaihsak tlat duhtu a ni hi!" Pathian hi ka engkima engkim ava ni tak em.

Kum 5 a vei hnu chuan, Emilyi nen chuan kan innei taa, kan inneih hnu karkhat vel a niin ka hria, kan in tihfai pahin kan titi mai maia, Emilyi chuan a nu nen a an tawngtai thin chungchang min hrilha, kei pawhin ka nu min tawngtai sakna ka ngaihhlut zia te chu ka hrilh ve a, tin amah ka neih chhan leh nupui neih ka tum chhan pawh ka nu tawngtaina vang a nih thu ka hrilha. Tichuan, Emilyi pawh chu a inpuan ve taa "ka thiante nena an in kan tlawh hmasak ber tum khan, Emilyi nu chuan a fanu pasal ka nihna turin Pathian hnenah alo dil thin" tih chu min hrilh hlawl maia, mak hi ka va ti teh lul em. 

Chu mai bakah, Emily date a ka sawm hmasak ber tumin, ka sawm tih hrilh turin a nu ava call nghal tih thute chu min hrilha, mak hi ka ti ngawih ngawih. Chutia Emily a tawng mawlh mawlh lai chuan, ka nupui Emilyi chu ka va pawm a, chutianga min date i duh ve reng te chuan ti nge i duh loh der hmasak kual vela ka tia, a ni chuan fiam thuin ka duh lo che alawm a tia. Mahse, ka awi lo tih pah chuan, a zakah ka dek a, Emilyi chuan min dek tawh lo la ka hrilh ang che a tia, Emilyi chuan date tura min sawm hmasak ber khan amak ka ti lutuka ka chhaw buala (numb) bakah min date duh ka ring lo hrim hrima, nangte chu company lian hotu (executive) i nia, zaithiam emaw model emaw i date ka rin vang a nia, a tia.

Kei chuan, Pathian hnenah nangmah dila ka tawngtai buai nasat teih zia chu ka tia. Emilyi chuan, hnuk ulh tauh pah hian min rawn kuaha, kan Pathian hi chu ava tha tak em (God is so good) a tia. Tichuan, kan nupa chuan Pathian hnenah lawmthu sawi ang kan tia, kan tawngtai dun a.

(Tawngtai Dan Tur)
Lalpa, van Lal ber i ni a, chutiang taka chungnung chu ni mahla ka thian tha ber i nih duh avang hian ka lawm e, ka natna leh buaina zawng zawng hi min ngaihthlak sak duh avang hian ka lawma, i ngaithla liam mai a ni loa, kawng tha ber min kawh hmuh i duh reng thin a ni. Kawppui ka zawnnaah hian, ka thiantha ber leh ka unau hnai ber lo ni la, ka nun zawng zawng lu ber leh hruaitu chungnung ber lo ni tlat zel ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Rinnaah I Awm Em? In Enfiah Thin Rawh

"Rinnaah chuan in awm emaw, nangmahni ngei inchhin thin ula; nangmahni ngei in fiah thin rawh u. A nih loh leh, nangmahniah Isua Krista chu a awm tih nangmahni ngeiin in hre fiah lo vem ni? Duh loh in nih nghal loh chuan."(II Korinth 13:5)

Eng pawh ti ila,

1) Pathian rawng kan bawl emaw,

2) Hna kan thawk emaw, 

3) Fa/naupang kan enkawl emaw,

4) Nupa in chhungkua kan din chho mek emaw,

5) Kawppui kan zawng emaw,

6) Tu neiin chhungkaw pa ber leh nu ber kan ni emaw,

7) Association ah hotu kan ni emaw,

8) Inhlawhfa hniamte kan ni emaw,

9) Sumdawng dinhmun kang hleithei lo kan ni emaw,

10) Dinhmun thaa ding mek kan ni emaw,

Rinnaah kan awm em tih hi kan inchhut nawn fo a tul a ni. Rinnaa awm tih awmzia chu, Pathian kan rin avang leh amaha kan innghah avangin a duh angin nun kan thlang tihna a ni.

Mihringte hi kan nghet loa, kan bul ami ten thil dik tawk lo an tih an tih chuan ti ve duh mai thinte kan nia. Heng hi kan khawvel ze kentel a nih avang hian, mahni kan fimkhur a tul a ni, hei vang tak hian rinnaa kan awm leh kan awm loh hi engkimah kan infiah fo a pawimawh a.

Rinnaa awm thlang loin, khawvel zeken ang zel a kan nung a nih chuan, Isua Krista nei lotu leh amah hnawltute kan ni tihna alo ni hial dawn a ni. Chutianga Krista aia khawvel nawmna thlangtute chu, Pathian hnawltu leh Pathian chu Pathian a nih anga chawimawi lotute an nih avangin, chatuan rorelnaah chuan duh lohte an ni dawn a ni. (Benson Commentary/ John Gill's Exposition)

Kan nun hi kan fimkhur alo tul hle a, a chhanchu Pathian kawng lam thlang loa, kan chakna lam leh khawvel chakna kawng zawk kan thlang zel a nih chuan, zawi zawiin hremhmun kawng kan pan zel tihna a ni.

Kan Pathian hi a tha em ema, khawvel mite aia nasa zawka kan neih that leh kan neih tam hi a duha, mahse amahah kan awm em? Rinnaah kan awm em? Tih hi mahni leh mahni infiaha, amaha awm tlat turin min duha, amaha awm chung leh ama duh dan a engkim tiin, kan theih tawp kan chhuah a nih chuan, khawvel kawnga kal ten Lalpa kawnga kal te hi min awt ngawih ngawih zawk hial ang.

(Tawngtai Dan Tur)

Lalpa, eng pawh tih ka tum emaw, eng pawh ka ti mek emaw, ka nun engkimah hian, nangmahah ka awm em tih leh rinnaah ka awm em tih hi mahni leh mahni in enfiah reng nachang ka hriat theihna turin min pui la, rinnaah chuan awm tlat thei turin min pui bawk ang che, Amen. Ti ang aw. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Ka Thuhruk Zawng Zawng Ka Hrilh Ang Che, Min La Pawm Zel Dawn Sia

"Kan sualte thupha kan chawi chuan kan sualte ngaidam tur leh kan fel lohna zawng zawng tlengfai turin amah chu a rinawmin a fel a ni."(I Johana 1 : 9)

Pathian hnena kan sualte kan puana, thupha kan chawi chuan a ni chuan min ngaidam duh em em reng a ni.

Hei vang hian thil kan tisual a nih chuan kan Pathian hnenah hian i thlen hreh lo ang u, kan sualte a hnena kan thlen duh loha thupha kan chawi duh loh hian buaina thuk zawkah kan luh phah thina, sual vanga buaina thuk zawka kan luh lohna tur tha ber chu, Pathian hnena thupha chawi hi a ni.

Sual sim Pathianin a ngaidam thin kan ti foa, a dik lo ka tihna lam ni loin, mihring tumna mai chuan sual hi sim a har khawp maia, theih pawh a theih loh hial zawk a ni, chutih rual chuan sual simtu chu keimah ni kan ni thunga. Pathian puihna tel lo chuan sual a sim theih loha, mahse Pathianin sual min simsak lo a ni. Keimah ni maiin kan theih loh avangin anin kan theih loh chinah min pui thin a ni. 

Sual sim tura Pathian puihna kan dawng duh a nih chuan kan sualte hi Pathian hnena kan thup loha, kan puan a, a hnena puihna kan dil a fo a tul a. Chu mai bakah Pathian duh loh zawng tih kan neih leh neih loh hi, Pathian hnenah min enfiah turin kan sawm fo zawk a pawimawh a ni.

(Tawngtai Dan Tur)
Lalpa, ka sual lai reng pawha hmangaiha min sawmtu i nia, sualna ka neih chuan min ngaidam duh reng dawn a ni tih hriain, i hnenah ka sualnate thlen foa thupha chawi tur leh i mithmuh hmaa mahni in enfiah fo turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Hmeichhe Pakhat Tap Chung Leh Tih Tak Zeta, A Tawngtaina Atanga Lal Ropui Lo Chhuak

"LALPA chuan a kotu zawng zawngte chu a hnaih thin a. Tih tak zeta amah kotu zawng zawngte chu."(Sam 145:18)

Tawngtaina ngaithla thintu, kan Pathian hian thil ava ti thei tak em!

Tih tak zeta amah biak hi a duh a ni.

Nu pakhat hian, fa a nei thei loa tap zawih zawihin, biak in (temple) ah, fa dilin Pathian hnenah a tawngtai thin a. A tawngtai nasat em avang chuan a zia pawh alo dang hiala, rui emaw tih hial tur khawpin a tawngtai nasa a ni. Chunu tawngtaina chu Pathianin a chhansak a, kan Pathian hi tih tak zeta tawngtaite tawngtaina chhangtu Pathian a ni.

Tih tak zeta tawngtai kan tih hian, "mahni nun Pathian tana thlak duhna thinglung leh tumnna tak tak pawh a tel nghal bawk a ni." Tih tak zetin Pathian hnenah bike dil ta ila, tap zawih zawihin, a bual khawpin ti tak mah ila, zu lakna tur emaw, nula rim kual velna tur atan hman ka tum si chuan Pathianin ka tawngtaina min chhansak lo ang. 

Pathian duh anga tih tak zet chu, a hnena kan dil a chu a duh anga kan hman theihna tur atana i buatsaih nghal a ni.

Hmeichhia Pathian hnena fa dil lamah let leh ta ila, chu hmeichhia chu Hani a nia, Pathianin a fa pek chu Samuela a ni. Hani chuan, Pathian hnenah fa min pek chuan i hnenah ka hlan leh ang a tia, Samuela chu nu enkawlna loa a awm theih ve leh templeah Pathian rawngbawl turin a dah ta a ni. 

Chu Samuela chuan, lal Davida hriak a thiha, Davida hriak a tih maiaah a tawp loa, Saula lak ata Davida lo humhimtu leh awmna tur a neih loh pawha awmna lo petu leh a nun a humhim theihna tur atana Davida tlan pui hmasa ber tu a nia. Kan bible ah hian Samuel'n Davida a zirtir tih hi hmuh tur a awm loa, mahsela hetiang taka Samuela'n Davida a buaipui a nih chuan, nasa takin a fuih thin pawh a rinawm a. 

Samuela tel lo chuan, Israel lal ropui ber Davida kha, a nih tur ang a ni thei lo hial ang, ti ila kan sawi sual awm lo e. Davida lal anih hnu kum tam takah pawh, Davida'in Pathian a tih vang leh zawlnei Samuela'n alo humhim avangin, Davida hian zawlnei leh puithiamte fuihna a ngaihthah ngai lo a ni, Samuela avangin Davida hian a nuna a mamawh tam tak a zir a ni ti ila kan sawi sual awm lo e.

Samuela rawngbawlna ropui zia leh Davida nun ropui zia leh Israelte tana lal ropui ber a nih zia han ngaihtuah hian ngaihtuah hian, hmeichhe pakhat tawngtaina atang an nih theih turte chu a intana, an nih tur lo intan chhona hi ava te em! kha hmeichhe pakhat Hani tawngtaina khan rah tha ava chhuah thui tak em! Tih tak zeta, tawngtaina rah chhuah hi, a tawngtaitu thlir phak bak aia nasa hian kan Pathian hian alo chhang duh a ni.

Hawh u, Pathian tana kan nun thlak duh khawpin, tih tak zetin kan Pathian hnenah hian i tawngtai thin ang u.

(Tawngtai Dan Tur)
Lalpa, vawi tamtak i hnenah hian ka tawngtai thina, mahse ka nun thlak duh khawpin leh i hnena ka dil vek hmangin nangmah chawimawi che ka tum ngai loa min ngaidam ang che, ka dilte min pe emaw pe lo emaw, i ta ka nia i tan hian ka nun zawng zawng leh ka neih zawng zawng ka hman theihna turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Amah Hmangaihtute Duhna A Tihhlawhtlin Sak Thin (Part 2)

"Ka chungah a hmangaihna a nghah tlat avângin ka chhanhim ang a: Ka hming a hriat avângin hmun sângah ka hlang a. Ani chuan mi ko vang a, tichuan ka chhâng ang; Kei chu a mangan lai chuan a hnênah ka awm ang a: Amah chu ka chhanhimin ka chawimawi ang."(Sam 91:14-15)

Amor hote leh Israelte an indo tum khan, ni khat chhungin Israelte khan an hmelmate kha an ti boral kim hman dawn si loa, tichuan Josuan Pathian hnenah ni tlak loh a dil taa, ni khat dang ang chen zetin ni chu tla loin van laiah a awm a ni.

Kan Pathian hi, khawvel a duan dan kalhin che mang mang loa, mahse amah tih em em tu Josua tan chuan, ni tlak hun leh zan awm hunte chu tih danglam pawi a ti lo a ni. (Josua 10:12-14)

Hetiang khawp hian amah hmangaihtute tan chuan kan Pathian hi alo che nasa thin a. Nang leh kei hian kan Pathian hi kan hmangaih em, Pathian hmangaihtute chuan an nun an lo kalsan thina, nuam an tih te chu  Pathian tan an lo kalsan thina, an channa phenah chuan kan Pathian hian hlawkna alo pe thin a ni.

(Tawngtai Dan Tur)
Lalpa, hmangaih che hi ka duha, nang chuan engtik lai pawhin min hmangaih a, thu pakhat pawh ka sawi hmain nang chuan hmangaihna hlain min awi tawh a ni, tih hi ka hriat a, channa hmunah leh i malsawnna niahte i hmangaihna chhuanga, ka hmangaih tak zet zet theihna tur chein min pui ang che, Amen. Ti ang aw.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Amah Hmangaihtute Duhna A Tihhlawhtlin Sak Thin

"Amah tihtute duh chu a hlawhtlintir ang a; An au thawm a hria ang a, anni chu a chhandam ang."(Sam 145:19)

• 
  

Pathian hian, aduh angin a duh hunah kan dilnate leh kan duhnate hi min tih hlawhtlin sak thin kan ti thina, ringtu nun tlangpuiah chuan hei hi a dik kim zawk a rinawm a. Mahse, Pathian tihtu tak zet, an nuna thu ber leh Lal bera kan Pathian dahtu, a thu zawm loh theih loha ngaitu mite duhna hi kan Pathian hian alo tihthlawhtlin sak thin a ni. 

Kan bible en ta ila, Mosia thu kha Pathianin a ngaih pawimawh sak thin a, ei tur leh in tur an neih lohin Mosian Pathian hnenah a dila, Pathianin tui te, mana te, vahmim te a pe a nih kha, heng kawnga Pathianin Mosia dilna a tih hlawhtlin sak hi chu, thil awm ang a nihna chen a awm a, mahse Mosian Pathian thu kalin, Pathian hnenah dilna a thlen a chu pawh chu Pathianin a tih hlawhtlin sak a ni.

Israelte kha an luhlul em avang leh milem an lo biak avang khan, Pathian chu a thinrim em em a, Pathian tan pawh khan thinrim hi a awm a ni, a chhanchu Aiguptaah thilmak tam tak a hmuh tir tawha, chu bakah tupui sen an kalkai theih nan a then tir tawha, chhum ding leh meidingin a hruai reng bawka, Pathianin Israel fate mit hmuhah khan a rinawm zia leh a Pathian zia a hmuh mawlh mawlh a ni, chuti chung chung pawhin Pathian an la phatsan a nih kha. Tichuan, Pathian chu nasa takin Israelte chungah a thinrim ta a, thah chimih vek a tum a,  Mosia atang hnam thar din chhuah a tum bawka, Mosia atang hnam thar din mahsela Abrahama, Isaaka leh Jacoba te hnena a thutiam chu ala hlen dawn tho a, a chhanchu Mosia hi Abrahama tlah a ni tlat sia.

Mahse, Mosia chuan Pathian hnenah Israelte chu tiboral lo turin Pathian thu kalhin a hnenah chuan a ngen a, Pathianin Mosia dilna kha a pawm a nih kha (Deuteronomy 9:13-20). Mosia hian Pathian thiltum a sawhsawn tir hmiah tihna a nih chu.

Kan bible han en chian han en chian hian, kan Pathian hian pa zia hi a nei em em maia, ni e Pa hmasa ber a ni pawh ti ila a dik chiang a ni. Pa ziaah chuan, pa chuan an fate chu a hmangaih em em a kawng engkimah a ngaihtuah thina, hei vang hian fate chungah pa hi a thua, fate pawhin pa thu chu a zawm thin a ni. Chutihrual chuan, pa hmangaih tak zettu leh pa thuawi tlattu fate dilna leh duhnate chu pain chhiatna thlen tur anih ngawt loh chuan a tih hlawhtlin sak duh thin ang hian.

Kan Pathian, kan Pa, Pa zawng zawnga chungnung ber pawh hian, amah hmangaihtu leh a thuzawm tute thu hi a ngai pawhmawh sak thina, a chatuan thiltum kalh leh chhiatna thlen tur a nih loh chuan, a hnena duhna an thlente chu a tihhlawhtlin sak ngei thin a ni. 

(Tawngtai Dan Tur)
Lalpa, nang chu Pa tha ber i nia, nangmah hmangaihtu leh i thu zawmtu i hai ngai loa, inchhira i hnena kir lehte tan pawh chanvo tha ber pe thintu Pa i nia ka fak a che. Nangmah hmangaihtu leh i thu zawmtu rinawm ka nih theih nan, ka Pa ka Pathian min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Pathian Beiseina Chuan A Timualpho Ngai Lo

"Tin, Thlarau Thianghlim kan hnena min pek khan Pathian hmangaihna chu kan thinlunga a leih tawh avangin beiseina chuan a timualpho lo va."(Rom 5:5)

Pathianin kan beiseina hian min ti mualpho ngai lo a ni. Kan rilru in emaw, midangin emaw, Pathian i beisei ngawta i beisei thlawn a nge, i mualpho phah a nge, min ti maithei a ni.

Chutiang chuan, min ti mahsela Pathian kan beiseina avang hian kan mualpho ngai lo a ni. Kan mualpho dawn dawn in kan hre maithei, kan hlawhchham dawn dawnin kan hre maithei e, chu bakah kan duh hunah pawh kan Pathian hi a thawk lo a ni maithei, a duh hunah tak min thawh sak thina, kan lo mualpho deuhthaw tawh a ni pawhin min thawhsak duh hunah a thawka, tichuan nasa zual zawkin min ti mawi leh thin a ni.

Amah beiseitute mualpho a phal loh chhanchu, kan Pathian hian min hmangangaih vang a ni. Mahse, Pathiana beiseina zawng zawng nghah ngam  hi a har a, a zawng zawnga Pathian nget taka beisei ngam tur chuan, Thlarau Thianghlimin kan thinlungah Pathian hmangaihna min tih nunsak fo a tul a ni.

Thlarau Thianghlim kan thinlunga chutianga a  thawh theihna turin kan theih tawpa min chandamtu Krista lam kan ena, amahah kan intukluh tlat a pawimawh a ni.

(Tawngtai Dan Tur)
Lalpa, nangmaha beiseina nghattute hi an mualpho i phal ngai loa, kei pawhin ka beiseina zawng zawng nangmahah nghah ka duha, chutianga ka beiseina nangmaha ka nghah vek theihna turin ka Lalpa Kristaah chuan ka awm tlat theihna turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

I Kawppui Zawnnaah Nangmaha Thiltithei Zawk Kha Hmang Rawh

"Naute u, Pathian hnen ata in ni a, chung chu in ngam tawh e; nangmahnia awma chu khawvela awma ai chuan a ropui zawk avangin."(I Johana 4:4)

Chhungkaw dinpui tur kan zawnga, kan tawngtaia, kan chhut kan chhut thin a, kan mi duh a hmelte leh kan hmelte kan han khaikhin a, kan eizawnnate leh lehkha kan zir chinte kan buk bawka. Ka mi duha hi nei thei turin, ka phak em ka phu em tih zawng zawng chu kan buk kan buk fo thin a ni. Kan in buk tlin loh phei chuan, tan kan laa mi thenkhat phei chuan motorte an lei phah hiala, mi thenkhat chu nasa takin an inchei phaha, lan mawi an duhna lutukah an eiin thlengin an thlaka. Chu bakah kan thiante zawng zawng kan rawna, a chang phei chuan kan han insawi thei vela, a chang leh kan han inngaitlawm leh bawka, zei te hi kan han tum mai mai khawpa, mi thenkhat phei chuan lehkhabute kan rawn hial a ni.

Pathian neitu kan nih chuan, hetiang taka buai hi a ngai lo hrim hrim a ni a chanchu maw "keimahnia awm, thlarau hi khawvela thil awm zawng zawng ai hian a ropui zawk a ni."Chutih rual chuan, keimahnia thlarau ropui tak mai, ringtute kan nihna tak tak leh kan mawina tak tak phawk chhuaka, tilang tur chuan "thil dang zawng zawnga kan rinna kan dah thata, Pathianah kan rinna zawng zawng nghat chunga, a thu anga kan kal a ngai a ni.

Chutiang anga, ti tur chuan kan tawngtai nasat leh zual a ngai a nga, kan thiante kan rawn ai bible kan rawn zawk a ngai a nga, biblea inngaizawngte leh nupui pasal lo zawng ten engtin nge an tih, tih hi kan en nawn fo a tul awm e. 

Bible thawnthua inngaizawng kan hriat lar thenkhatte han en lawk ila, Jocoba khan Rakili kha a hmangaih em em a, Rakili pawhin a duh let a tih theih a nga, mahse an inkar dangtu pakhat a awma, Jacoba dinhmun kha nupui nei tlak a ni lo a ni, tichuan Rakili tuak chuan kum sarih a thawka, mahse Leai a pa Laban'n a neih tir thunga, ni zarih hnuah Rakili chu a nei leha, mahse Rakili man tuakin Labana hnenah kum sarih a inhlawh leh a ni (Genesis 29:27). Keini pawh hi induh ve ve mah ila, eng emaw fel lo kan inkarah a awm a nih chuan, Pathian duh angin insiam tha turin beidawng loin bei tlat ila tiro. Midang pawh rawn tlazep mahsela, kan duhah khan nghet tlat ila, beizel ila tichuan kan duh takte pawh hi kan Pathian hian kan neih a phal a rinawm a ni.

Jacoba khan, Rakili nei turin trick a hai loa, a rilru fin kherek a hmang lo, dik takin ngil takin a man zawng zawng a pe tla a ni. Keini pawh hian fin kherek emaw, zei vak emaw tum loin, ngil takin Pathian duh angin i kal mai ang u. Chu dikna atang chuan, Jacoba leh Rakilite chuan fa tha bik chhanchhuaktu Josepha an hring a ni, keini pawh hi fa tha kan neihna tur chuan nupaa kan insiamna tur kawngah hian kan lo dik a tul thin a ni.

Boaza leh Ruthii chungchang kan en chuan, Pathian mithmuha tihsual an hlauh zia kan hmu thei awm e, Boaza khan Ruthii a ngainat viau hnuah pawh, Mosia dana amah aia rochuntu tur hnai zawk ala awm avangin chung mite chuan Ruthii an rochun theih dawn leh dawn loh a rawn phawt a nih kha. Boaza khan Ruthii mualpho a hlau em em a, Boaza kebula Ruthii ava mut pawh khan alo mutpui duh lo a nih kha, Ruthii kha a nikhua loh avangin ava mu a ni loa, a pasal sun tak leh Boazate hi ro inluah phak an ni a, chuvang chuan an nupui an in rochun thei a, Boaza khan lo mupui sela chuan tu hriat lem lohin Ruthii chu a nei thei nghal a ni. 

Mahse, chutiang chuan a ti duh loa, kawng dik chu a zawng zawka, Ruthii din hmun that theihna ber a zawng a ni. Mipa chuan an hriatthiam a rinawm, mipa in hmeichhia a hmangaiha a duh tak zet chuan, inneihna kar a nih loh chuan a khawih phal ngai lo a ni. Chutiang tak chuan Boaza hian Ruthii hi a duh a ni, mahse kawng dik ala zawng cheua, Ruthii rochun theitu khan Ruthii kha lo nei duh phei sela chuan, Boaza khan a chan hlen tawh dawn a ni, chutiang pawh chu nimahsela Ruthii tan thil tha a nih avang leh an hnam dana thil dik a nih avangin dikna kawng chu ala zawh cheu a ni.

Chutiang chuan, hmun derthawng(risky)ah ding mahsela, Pathianin inhmangaih pahnih Boaza leh Ruthii chu an inthen a phal lo a, Boaza aia rochun theitu hnai zawk chuan Ruthii alo rochun thei loa, Boaza nen an in nei taa, kan Lalpa Isua Krista tlahtute zinga mi pawimawh tak an lo ni ta a ni.

Keini pawh hi Pathian kawng kan zawh avangin, dinhmun risky berah dingin kan duh tak chu kan chan thei hial dawn a nih pawhin, kawng dik chu i thlang tlat ang u. Chutah tak chuan "keimahnia thiltithei, khawvel thil zawng zawng ai pawha ropui zawk chu Lalpan min rawn phawrh chhuah sak a nga, Pathianin kan tana tha a tih tak chu kan neih phah thei dawn a ni."

Rawngbawltu pakhat pawh hi, a sulhnu pawr avangin a thiannu chhungte chuan an fanu pasal atan an duh loa, palai a tir tlawn titih tawh a ni. A thiannu chuan inruk mai a duh tawha, a bulah pawh tap chungin a ngen hial a. Mahse, chu tlangval chuan a thiannu hnenah chuan "ka hmangaih chea, mahse nangmah ai Isua ka hmangaih zawk a tia, inruk chu a duh ta loa, chu mi hnu hun rei loteah chuan a thiannu chhungte chuan an fanu neih tir loh an hlau hial zawng ang hrimin an rem leh thuai thuai a ni."

Keini pawh hian, kan duh berte hnenah hian "ka hmangaih che mahse nangmah ai Isua ka hmangaih zawk kan tih ve ngam hi a pawimawh a ni." Chu nun atang chuan, van lam khian thil buai zawng zawngte hi an rawn siam rem tawh mai thin a ni. Nangmaha thiltithei zawk Isua Krista hming leh Thlarau kha han chhuang ve teh leh, kha kha khawvel thil engmah hian an ngam lo asin.

(Tawngtai Dan Tur)
Lalpa, keimaha thiltithei zawk, i Thlarau hi kawppui ka zawnnaah hian pholan nachang ka hriat theih nan min pui la, chu chu buaina zawng zawng chinfelna ani tih hi ka hriat reng theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Ka Hlau Lo Ang, Min Awmpui Si A

"Kei zawng ka mu chu ka lo muhil ta a; Ka han harh leh a; LALPA chuan mi lo chelh reng thin a ni. Mi dova, mi hual veltu, Mi singkhat pawh hi ka hlau lo vang."(Sam 3:5-6)

Pathian hian min chelh reng tih hi kan awi zawng a ni a ngem? He zawhna hi han han chhut chiang (reason out) teh ang u hmiang!

Pathianin min awmpui chuan tinge ka chetsual i ti em?

He zawhna hi mihring nun zawng zawngah chuan chhan a harsa ang, chutih ruala kan hriat tur chu mihring hi duhthlang theiin min siama, kan Pathian hian tu duhthlanna mah thlaksak hi, a tum zawng leh a duh zawng a ni loa. Entirnan hmanni deuh lawk khan Kristian biak in hal chhiat a ni a, nunna chan hial pawh an awm a ni, hman laiah pawh kristiante kha thah an nia, an thihthleng pawhin Pathian an phat lo thunga. Kan sawi tum tak chu, kristian thah tumtute duhthlanna kha Pathianin a thlaksak lo a ni, duhthlang theiin a siam a, mahse kristian an thah avang khan aman erawh an tel thung a ni. Kristian tihduhna ram thenkhatte chu a ralin an ral rak tawh a ni.

Chutih lai chuan, thah chimih vek an tum kristian hmasate kha, an duhthlanna avangin Pathianin a malsawma an thlah kalzelte chu khawvelah an la awm zela, mi hlawhtling takte an rawn ni chho hial ti ila kan sawi sual awm lo e. Hei hi kan mizo hnamah pawh hian a chiang awm e, kan mizo zinga ringtu hmasa tlah kalzelte kha a chhungkaw anga dingchhuakte an ni fur thina, kohhran puipa te an ni fur bawk a ni. 

Kan chhannaah lut dawn ila, Pathianin min awmpui renga, mahse kan chungah thihna leh chhiatna ala thleng tho a tiro. Khawvelah kan awm miau avang hian, Pathian min awmpuina hi chhiatna zawng zawng tawh lohna a ni loa, chhiatna chhungah pawh thlamuanna leh lawmna hmuh zel theihna a ni zawk thin a ni. Harsatnaah leh chetsual hunah pawh Lalpaa thlamuanna leh lawmna hmu tur chuan, Pathianin min awmpui mai hi a tawk loa, amahah keimahni kan awm ve a ngai thin a ni. Hei hi tichiang turin han sawi leh ta ila "ringlo mite hi Pathianin a hre vek, a nunah pawh a thawk theia, an bulah pawh a awm reng, mahse an rin loh avang leh amaha an awm loh avangin an nunah a thawk ngai lo a ni."

Sam ziaktu hian, engmah hre lo lekin ka mu chu ka lo muhila a ti, keini pawh hi engmah hre lo lekin kan nun buai avangte leh a chang phei chuan kan hlim lutuk avangte hian kan Pathian hi kan lo mutthilh san thina, amah hre lek loin kan lo awm thin, chung hunah chuan kan Pathian hian min lo chelh reng thina. Amah ka ena, min chelh tih ka hriat chuan ka thla a muanga, eng ang pawhin ka dinhmun chhe mahsela, ka hlau chuang lo ang, min dotute leh ka buainate chu tamin singkhat pawh nisela ka hlau chuang lo ang a tihna a ni ti ila kan sawi sual awm lo e.

Hei hi i hria ang u, kan Pathian min awmpuina leh min chelh rengna hi, meipui chhunga luh lohna a ni loa, meipui chhunga meiin min kan ve theih lohna a ni zawk a ni tih hi! Hei vang tak hian, min chelhtu leh min awmpuitu hi, i chelh ve ang u, amahah i awm tlat ang u.

(Tawngtai Dan Tur)
Lalpa, nangin min awmpui reng avangin ka lawm e, ka lo vahbo san thin che avangin min awmpuina hi ka hre thiam thin lo a ni, min awmpui renga keimahah hian i thawk reng a ni tih hi engtik lai pawhin ka hriat theih nan, nangmahah ka awm tlat theihna turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Thutiamtu Chu A Rinawm Si A

"Kan beisei thurin hi a nghin lohna turin i pawm tlat ang u, thutiamtu chu a rinawm si a."(Hebrai 10:23)

Thurin kan tih hian, kohhran hrang hrangin kan thurin kan neih hi emaw tih mai a awl a.

Hebrai 10:23 in thurin a tih hi chu, Pathian kan rinna zawk hi a nia, Pathiana kan rinna a nghin lohna turin eng pawh kan chungah thleng sela, kan Pathianah hian beiseina i nghat tlat ang u, thu min tiamtu kan Pathian hi a rinawm sia, a tihna a ni ti ila kan sawi sual awm lo e.

Pathian rinchhana nun kan tuma, kan nun zawng zawngah kan Pathian hmel tih lan kan tuma, mahse dinhmun khirh lutuka kan lut palh hlauh a ni thei e, chutiang pawh chu ni mahsela kan Pathianin amah kan la ring reng a ni tih a hriat theihna turin, kan dinhmun khirh chhungah hian kan theihna hmun apiangah leh kan theih dan tawk zelin leh kan theihna mi apiangah kan Lalpa hmel chu i ti lang zel ang u.

Kan beisei thurin chu kan Pathian a ni a, kan Pathian chu chhandamtu leh chhanchhuaktu a nia, a duh ang a nungte tana lawmman pe thin Pathian a ni, hei hi kan hriat theuh tawh pawh a rinawm. Pathian chu chhandamtu leh chhanchhuaktu a ni tih hre reng chungin, a chhandamna leh a chhanchhuahna pakhat te maha beisei miah loin kan nun hi kan hmang em? Chutiang a nih chuan kan beisei thurin chu, kan kal bosan tan a nih a rinawm a.

Mi thenkhat chuan Pathian beisei hi thil hla deuh, ral hla taka mi awm beisei ang velin kan ngai fo thin. Pathian hi a hlaa kan hriat chuan keini hian kan lo hlat alo ni thin, kan Pathian hian min hlat ngai reng reng loa, ruh leh thling hi a inhnaih em ema, a inhnaih mai pawh ni loin a inkawp zawk hial a ni. Chutiang ai pawh chuan, kan Pathian hian min hnaih a ni, mahse a lam en duh lo mi chuan kan Pathian hi hnai hle mahsela an hmu chuang lo ang. A chhanchu, hmuh theih ni loin thlarauin min hnaih a, hei vang hian min hnaih hle mahsela kan thinlung zawng zawnga kan zawn a ngai thin a ni.

Hawh u, kan beisei thurin kha mahni leh mahni i inhrilh nawn leh ang u, kan Pathian hi amaha beiseina nghattute tan a rinawm bang ngai si loa.

(Tawngtai Dan Tur)
Lalpa, ka beisei thurin hi a nghin loh nan, engtik lai pawhin ka beiseina bulpui nangmah hi, ka thlir reng theihna tur che in min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)

Lang Lo Pathiana Innghah

"Hmu theia kal lovin, rinnain kan kal zawk si a"(II Korinth 5:7)

Pathian atanga chakna leh thiltihtheihna nei tur hian a lang lo lam kan ngaih pawimawh zawk a tul thin a ni.

Pathian atanga damna chan kan duha kan tum bawk a nih chuan, a lan danah eng ang pawhin na mah ila, "Lalpan min ti dam a ni" tih chu kan natna ai pawha kan rin zawk hial theihna tur khawpin kan rinna chuan mahni leh mahni inhneh tir kan tum a pawimawha, chutiang turin, a ri a kan sawi chhuah reng pawh a tul a nga. Thlarau lama chakna chuan, pawn lama chakna a thlen thina, Thlarau lama chak lohna chuan pawn lamah chak lohna a thlen bawk thin a ni.

Pathian hnenah hna emaw, kawppui emaw, kristian chhungkua emaw, engpawh dil ila, kan kutah kan thil dil chu ala awm hma hauhin, Pathianin min pe ngei tawh a ni, tih inhriatna kan neihtheihna turin, mahni leh mahni kan inhneh a ngaia. Chutianga kan inhneh theihna tur chuan, Pathian hnenah kan dila chu min pek avangin lawmthu kan sawi fo a pawimawha, keimahni leh keimahni pawh Pathian hnena kan dil chu Pathianin min pe tawh a ni, tih hi kan "inhrilh nawn fo thin" a tul tlat a ni.

Hei hi hre reng ang u, kan Pathian hi kan hmu thei loa, mahse kan hmuh theih khawvel zawng zawng ai hian a tak (real) zawk a, hei vang hian kan Pathian hi beisei chhana kan hmang a nih chuan, thil a lan danah innghat lo ila, lang lo Pathian amahah zawk leh a rorelnaah leh a danahte innghat zawk ang u.

(Tawngtai Dan Tur)
Lalpa, ka nun hi khawvel lan dan anga a inthlak ka phal lohna tur leh lang theia beiseina nghat lo turin min pui la. Nangmah langthei lo Pathianah chauh zawk ka innghah theihna turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.

Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A)