Thutlukna Fing Ber Chu, Isua Krista Hnung Zuitu Ni Tura Thutlukna Siam A Ni

"Tin, a fingate chu vân êng angin an êng ang a, mi tam tak felnaa hawi kîrtîrtute chu arsi angin kumkhaw tlaitluanin an êng ang."(Daniela 12:3)

Khawvel hian a hmuh phak ve loh finna chu Isua Krista hi, chatuan thlenga damna famkim petu a ni tih hi.

Kan Lalpa Isua Krista hi, Lal leh chhandamtua kan pawma, a tana nung tura kan inhlan hian, thutlukna fing ber kan siam a, van lamin a fingate alo tihte zingah chuan kan telve tihna a ni. 

Midangte Krista hnena hruaitute phei chu, vanah lawmman tha bik an chan a rinawm a, khawvela an awm lai pawhin Lalpan a ngaihsak bang lo ang.

Krista nei lotu chu, kan Pathian thu chuan mi a tiin a sawia. Khawvelah eng ang pawhin nei nungin, khawvel thilah chuan fing hle mahse, kan Pathian thu chuan mi a a ti tho tho a ni. Vana amah hmangaihtute tana a lawmman buatsaih khi a namai lo a nih a rinawm.

Pawi deuh mai chu, Lalpa neitu tak tak, amah nena hmangaihna par tlan tawhte kan inthlahdah hi a ni. Inthlahdah lo ila chuan, Lalpa hnenah midangte kan hruai thei thin awm sia. Midangte a hnena hruai hi, Lalpa hna ropui ber chu a ni.

Hawh u, inthlahdah mai loin kan chhanchhuah theih turte chik taka ngaihtuah rengin, Lalpa henah midangte hruaitu nih tum tlat zel ang u. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.










Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Hmasawn I Duh Chuan, Hlawtling Tawhte Zia Hi Han Chik Ve Teh Le

"Elrel leh inngaihhlut avanga engmah ti lovin, mi tinin inngaitlawm takin mahni aiin mi dang tha zawkah ruat theuh rawh se."(Philipi 2:3)

Mi hlawhtlinga ka hriatte zia ka chik ka chik hian, mi inzir thei tak an lo ni vekin ka hriaa. An inzir theih chhan chu an inngaihtlawm theih vang a ni bawk thin.

Mi chapo tak nun zir peih hi an vang duh viau a ni. Nun dan tha zir lo ten, zir loh chhan pahnih an nei thin a, chu chu an chapo vang emaw, an at vang emaw a ni thin a ni.

Thlarau rah tam tak a awm thei awm e, thlarau rah pawimawh tak pakhat chu inngaihtlawmna hi a ni.

Tunlaia chhuak rawngbawltu ropui tak pakhat Pastor Steven Fertick hi a in zir peih ngang mai a, rawngbawltu upa zawk Joyce Meyer phei chuan Hillsong kohhrana rawngbawlna kan neih dawnin, a chungchang sawi miah loin, rawng ka lo bawl tawh dan min zawt reng ringawt a ti nghe nghe a. Tin, rawngbawltu ropui tak Joel Osteen pawh hi, Billy Grahama hmu turin ava zin chilh vang vang thin.

Khing rawngbawltu tar lante khi, an kalphung leh an kohhran chhuahna a dang a. Billy Graham leh Joel Osteen erawh Baptist kohhran chhuak an nia, mahse an rawngbawl dan kalphung a dang thun a. An denomination emaw, an kalphung emaw dang mahsela in elrel lo leh mahni inngaihlu loin, inngaitlawm takin an inrawn tawn thei a ni.

Sumdawnna khawvel kan ti dawn nge, entrepreneurship khawvel kan ti zawk dawng, company lian tak tak hotu in er ngawih ngawih awma lang Steve Job leh Bill Gates te pawh hi an lo in rawn reng thin a. Apple computer siam chhuah Mac hi midangte nen an lo buatsaih ho nghe nghe a ni.

Khawvel thil chu khawvel thil ni ta mai sela, chutih rual chuan khawvela kan awm avang hian, kan khawvel nun hrim hrim hi Krista chanchintha nena in mawia kan hman a ngai a, ringtu nun hrim hrim hi rawngbawlna a ni bawka.

Hei vang hian, kan nun zawng zawng kan eizawnna leh kan chhungkua enkawlnaah pawh hian midang elrel loin leh mahni inngaihlu loin, inngaithlawm ila, midang keimahni aia tha zawkah ruat ila. Tichuan, thiltha midangin an hriatte leh keini ngei pawhin thiltha kan hriatte hi, inhrilh tawn leh in finchhuah tawnin, Pathian duh dana nung turin kan inpui tawn dawn alo ni.

A bik takin rawngbawlnaah hian, ti ve thawkhata kan inhriat hian, inngaihhlut mai a awla, midang elrel mai a awl bawk thina. Chutianga kan nung anih chuan mahni kan intichhe zawk thin alo ni.

Keimahni ni lo, rawngbawltu dangte hian eng emaw kawngah keimahni aia thatna leh finna an nei vek tih hriain, rawn thin ila, min rawnin emaw kan puihna an ngenin emaw pui hreh lo bawk ila, tichuan thir leh thir a intihriam tawn ang mai hian, kan lo in tihriam tawn dawn alo ni.

Chutianga kan tih theihna tur chuan, elrelna leh mahini inngaihhlut bansan ila, midang mahni aia thaah i ruat thin ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.









Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Rawngbawltu Ropui Tak, Suala Nasa Taka Tlu Lalpan A Ngaihdam Chanchin

"Pathian duhzawng inthawinate chu thlarau lungchhia hi a ni. Aw Pathian, thinlung lungchhia leh inchhir ngawih ngawih hi i hmusit lo vang."(Sam 51:17)

Pathian rawngbawltu ropui tak phakhat, Lalpan thil ropui tak tak, a chaknaa a tih tir tawh chu, vanduai thlak takin a tluchhiaa, mi nupui a ngaizawng ta hlauh maia. A hmeichhe ngaihzawn chu a chetsual puia, a rai ta hlauh bawka. Chutah pawh chuan, a sual tih chu ala duh tawk mai loa, a ngaizawng pasal chu, thah a nih theih nan hma ala a, a ngaihzawng pasal chu a thah tir ta nge nge a ni.

Chutia sualna nasa taka a tluk lai chuan, Lalpan a rawngbawltu pakhat kaltlangin a rawn biaa. Chu rawngbawltu, sual nasa taka tlu inchhirna chu ava nasa tak em. Zan amu thei loa, chhunah a awm a nuam chuang loa, chaw ei a tlaha, a kawngchhung zawng zawngte chu a sa zawk zawk hial ang tih pawh a rin theih a, a tal a tal ringawt mai a ni.

Mahse, chu rawngbawltu lungchhir chu Lalpan a hmusit loa, a inchhir avanga a mittui tlate chu a thlir renga, a tap thawmte pawh Lalpan a ngaihthlaksak reng bawk a ni. 

Chu rawngbawltu chu, Sam 51:17 ziaktu lal Davida a ni.

Inchhir ngawih ngawia, alam hawitute hi Lalpan a ensan ngai loa, an tana thiltha a buatsaihsakte chu ala pe cheu thin. Mahse, inchhir duh lo mi leh Lalpa hnena inlam let duh lotute chan chu a tawp hmuka, a rapthlak em em thin a ni.

Davida kha inchhir taka a tal a tal hnuah khan, Lalpan a ngaidama a fapa kan Lalpa Isua Krista kha he leia a rawn kal lai khan, Davida fapa tia koh a phal hial a ni.

Tihsual hi a pawi hlea, tui bua a lak let leh theih loh ang mai hi a nia, inchhira Lalpa hnena in lamlet loh phei chu a pawi mai pawh a ni loa a hlauh awm a, chhiatna rapthlak tak mahni chunga tlak tirna a ni.

Nasa takin kan tisual tawh a nih pawhin, thiltihtheih tha em em kan la nei a, chu chu Lalpa hnena inchhira thupha chawi a ni.

Lalpan ala pawm duh che, inchhirin a hnenah thupha chawi rawh aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.









Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thua Sawi Ai A Taka Tih Hian, Midangte Nun A Khawih Zawk Thin

"Lalpaa unau tam zawkte pawh chuan ka kawlbunte avanga lo ring tlatin, hlau lovin Pathian thu hrilh kawngah an huai nasa lehzual a ni."(Philipi 1:14)

Rawngbawlhonaahte, chhungkuaahte, thianhoahte, kan pawl telnaahte, midang hnenah tha nia kan hriatte kan sawi thin a, mahse midangin an zawm hleithei lo fo thin. Heng hunah hian, a takin keimahniin ti ila, midangte tih hmuhtu kan ni mai dawn a ni.

Rawngbawlhonaah hian, hmangaihna lan tira, tlawm taka tih hian rawngbawlna a tichak thin a, chu chu rawngbawltu zawng zawngte hian kan hriat vek a rinawm. Mahse, tinge hmangaihna kan lantir hleihtheih loha, tinge kan tlawm hleihtheih loh kan tih chuan, tih hmuhtu tur kan awm lo ti ila kan sawi sual awm lo e. Sawitu leh hrilhtu hi chu kan tam viau zela, mahse tihhmuhtu hi kan awm thin lo a ni.

Chhungkuaah pawh hian, nu leh pate leh u zawkte hian kan fate leh kan nau zawkte tih tur kan hrilh kan hrilh thin a, mahse an zawm hleithei tlat thin lo, heng hunah hian keimahni'n tihtur tha chu ti chungin, dam tak leh tha takin kan fate leh kan nau zawkte chu kawhhmuh ila, a zawm zawk a rinawm a ni.

Kohhran leh Pathian rawngbawlna pawl ni lem lo, mahse rawngbawlna ni tho si ang chi, pawl hi kal a har zual duh em em a, a chhanchu thahnem ngai tak tak kan tam loh thin vang a ni. Heng pawlah hian, ral atanga ngaihdan tha tak tak nei an tam duh viau zel a, ngaihdan nei tha tha hi an thawk peih lo emaw tih mai tur a ni. Mahse, thiltha tichuak duh tak tak kan nih chuan, midang tihhmuhtu kan nih theih nan, thiltha tihtur kan hriat tiin, hah peih ila, buai peih ila, kan zaivaia thatna tur alo ni zawk dawn a ni.

Thianho hi intih hmuh awl ber kan niin a hriata, eng emaw kawng zawnga thiltha midangte kan tihhmuh duh a nih chuan, thianho zingah rawt ila, hma la bawk ila, tichuan awlsamtein midangte tihhmuhtu kan ni mai dawn ani.

Paula pawh kha, kawlbuna hreawm nasa tak Pathian chanchin tha hrila a tawrh avangin, rawngbawltu dangte pawhin huaisenna a kawlbun avang chuan an lo neih phah a,  chung rawngbawltu dangte chuan huaisen takin chanchin tha chu an puang darh ta a ni.

Paula ang hian, keini pawh hi Pathian rawngbawlna kawnga midangte tihhmuhtu tha kan ni ve thei a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Hmaah Lalpan Lawmman Tha Bik Dah Lo Sela Chuan, Fiahna Hautak Tak Kha I Tawh A Phal Lo Tur

"Nang chu mi tanpuitu i ni si a, I thla hnuaiah chuan hlimin ka zai dawn a ni."(Sam 63:7)

Davida kha, Pathianin hriak a tiha, hriak a thih hnu kum 15 bawr vel hnuah daih hriak a thih chhan tak, lal chu a ni chauh a ni. Chung kum 15 chhung zawng chu, Davida khan Pathian zirtirna leh a fiahna hnuaiah a awm, ti ila kan sawi sual awm lo e. 

Chung kum 15 chhung chuan, khaw chhungah pawh awm loin, ram leh pukah a awm thin a, ei tur nei loin mi hnenahte chaw ei tur a dil changte pawh a awm thin a ni. Chung zawng zawng chu Lalpan a tawh a phal tlat, a chhanchu Israel lal ropui ber nih tir a duh si a ni. 

Davida kha, mi bik a ni a, lal tha bik a ni bawk a, chutiang mi a nih theihna tur chuan zirtir bik a ngaia, midang zir bak bak a zir a ngai a, midang fiahna tawn bakte chu a tawng fo bawk a ni.

Midang baka harsatna i thawh thin bik chhanchu, khang harsatnate kha Lalpa chakna ringa paltlanga, mi bik ni turin Lalpan a duh vang che a ni.

Davida leh keinite hian, harsatna leh fiahna hautak takte chu mahni tawkah kan tawka, mahse Davida leh keini danglamna chu, a ni chuan nghet takin Lalpa a vuan tlat hi a ni.

Sam 63:7 ah chuan Davida'n "Nang chu mi tanpuitu i ni si a, I thla hnuaiah chuan hlimin ka zai dawn a ni," tiin Lalpa a au a, Sam 63:7 hian Lalpaa a inngha zia leh a engkima engkim chu Lalpa a nih zia a tar lang chiang hle awm e.

Keini pawh hi mibik chu Lalpan min nih tir a duh ngei, mahse engkimah amah kan vawn tlat loh chuan, harsatna leh fiahnate hi kan paltlang zo dawn loa. Mibik, ni tura Lalpan min duh ang ngeiin, amah Lalpa kan Pathian chu engkimah engtik lai pawhin i vuan tlat ang u.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A


  

Lalpan Lawmman Min Buatsaihsak That Zia Hi Hria Ila Chuan Thlemnate Hi Kan Do Zo Thin Tur

"Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a."(Jakoba 1:12) 

Kan Pathian hian thlemna leh fiahna piahah hian, lawmman a dah thin a. Israel mite pawh kha, an hmaah khawizu leh hnutetui luanna ram adah sak avang khan alawm, nasa taka fiahin an awm.

Pathian chuan, kha ram tha bikah khan a tir atang hruai luh a tum daih tawha, an pu Abrahama a pe tawh a nih kha. Mahse, eng anga ram tha leh hmun nuam pawh hi Lalpa tihna (trihna) tel lo chuan ram tha a ni dawn chuang loa, chu vang chuan amah thinlung taka an tih theihna turin a zirtira, thlemna leh fiahna an tawh a phal a ni.

Chutiang ang chiah chuan, i hmaah Lalpan Kristian chhungkaw dam dap leh thlamuan thlak tak chhungkua a dah vang alawm thlemna leh fiahna a nasat.

I hmaah hna tha ber a dahsak tawh che avangin alawm, thlemna leh fiahna a nasat.

I hmaah amah tihtu nupui tha emaw palsal tha emaw a dahsak tawh che avangin alawm, thlemna leh fiahna a nasat.

I hmaah hlawhtlinna nasa tak a dahsak che avangin alawm, thlemna leh fiahna a nasat.

Amah, Pathian lei leh van siamtua, rinna zawng zawng leh beiseina zawng zawngte nghat chung leh engkima a thu zawm  tlatin, khang thlemna leh fiahnate paltlang turin han bei teh le, aman a beihpui che a nga i hneh dawn a ni. Israelte hmelma a beihpuia an hneh zel ang khan.

Tin, thlemna leh fiahna chhel taka paltlangtute chu, khawvelin hre lo mahsela emaw, he khawvelah hian lawmman dawng lo mahsela, vanah Lalpan nunna lallukhum hlu em em mai chu a buatsaihsak a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Thatna I Dawn Ngei Ngei Theihna Pakhat Chu, A Ina Lawi Luh Thin A Ni

"Mi, i biak in hung chhûng kawtlaiahte awm thei tûra I thlan a, i kiang i pantir chu, a eng a thawl e: I in thatna chuan kan tlai ang, I biak in hmun thianghlim thatna chuan."(Sam 65:4)

Inkhawm tam mi leh biak in a tla tam mi, tal buai chhe der tuman kan hriat a rinawm loha, an awm a nih pawhin Lalpan nun tha zawk a pek duh avangin a zirtirna a nih a rinawm.

Pathian biak in, Pathian bikna hmunah hian Lalpa a chen thin avangin, biak in chuan thatna a nei thin. Pathian biakna hmun thatna hi mitin a hmuh theih loh avang hian, mi tamtak chuan thatna bik a neih an hre loa, thatna bik a neih pawh an ring lo ang.

Mahse, biak in a kal fo thinte hi engtin emaw tak chakna leh damna leh nun hman thiamna an nei ru tlat thin a ni.

Sam 65:4na pawh hian, Pathian biak in pan thinte nihlawhna a pho chhuak chiang hle a ni.

Hawh u, inkhawm tur leh tawngtai turin kan Pathian biakna hmun, a biak in hi i pan fo ang u. Tichuan, Pathian thatna a biak in ngainatute tana a dah a chu, kan ta ani dawn asin. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan I Chetsual A Phal Loh Vangin, I Duh Ang Anga I Nun Loh Nan A Dang Bet Thin Che

"LALPA i thununa i dan i zirtirte chua an nihlawh e, Mi sualte tlak nân hum laih zawh hma chu, Mangan niah i hahchawlhtir dâwn si a."(Sam 94:12-13)

Lalpa hi ava han tha tak em, nang leh keia tan hian. A zilhhauna dawng pha kan nite hi ava lawmawm tak em tiro.

Min zilhhau lai hian, min venghim thin a, sualin min tihchhiat reng reng hi a phal loa, sual laka min humhim nan hian min lo zilhhau thin a ni.

Pa'in a fa a hmang ngawih ngawih hi, a tluk chuan zilhhau chungin a tung tho thin a. A chetsual tawh lohna turin, a duh duha a tal a phal ngai loa, zilhhaunain a dang bet thin a ni.

Chu aia nasa chuan kan Pathian hian, min hmangaiha min zilhhau thina, kan duh duha kan tala kan chetsual loh nan min zilhhauin min dang bet thin a nih hi.

Lalpa chu fakin awm rawh se.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Mangan Ni A, I Him Theih Nan, Hei Hi Ti Ang Che

"Retheite ngaihtuah mi chu a eng a thâwl e, Mangan nî chuan LALPAN ani chu a chhan him ang." (Sam  41:1)

Pathian thu hian thil a ti thei em em a, a taka zawmtute chuan nasa takin chan tha an chan phah thin a.

Kan bible-ah hian thutiam eng emaw zah a awm a. Malsawmna dawn theihna thutiam pakhat chu retheite ngaihsaka puih hi a ni.

Kan hausa bik lo a ni maithei a, retheite pui tur hian hausak a ngai lo a. Kan phak ang tawk tawk a ngaihsak a tawk a ni.

Thu tha hrilhte, midangten an biak that loh chang pawha biak thatte, ngaihven leh tawngtaisak bakah kan phak ang tawk tawk a kan thil neih pek te hi, retheite ngaihsakna atan a tawk a ni.

Lalpan retheite ngahsaktu chu, an mangan niah, ka chanhim ang a ti. Lalpa thu awia, retheite kan ngaihsak hian, kan mangan ni atan humhimna tur, kan khawl (invest) alo ni. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thiltha Titute Chu, Lalpan An Thiltha Tih Man Rah Tha A Hun Takah A Seng Tir Thin

"Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a."(Galatia 6:9)

Thiltha tih hian, rah tha a nei ngei ngei a, chu a rah chu kan hmu vat maithei, kan hmu mai lo thei mahse a hun takah thiltha tih man, a rah hmin chu kan seng dawn a ni.

A tlangpuiin thiltha tih man hi, kan tih rual rualin kan seng ngai loa. Thei rah pawh a rah rual rualin a hmin ngai lo, a par phawt a, a rah sen a ni phawta hun eng emaw chen hnuah rah tui takah alo thin ang hian, hun eng emaw chen a kal hnuah thiltha tih man rah thlum tui tak pawh hi kan seng thin a ni.

Chutiang ang tho chuan thiltha lo tih pawh hi a ni thoa, kan tih sual rual rualin a rah tha lo kan seng ngai chuang lo, mahse thiltha lo tih hian rah a chhuah vaih chuan na ngawih ngawihin a rah sengtute chu a siam thin a ni.

Chu mai bakah thiltha tih tur hre renga tih loh hi thilsual nasa tak tih ang chiah a ni.

Puithiam Elia, Samuela pu leh a enkawltu khan, a fapate thiltih sual kha a khap duh lo a, chu vang chuan Pathianin an chhungkua kha a hrem ta a ni.

I Samuela 3:13 ah chuan tihian a in ziak a, "A faten Pathian an sawichiatna sual chu hre reng pawha a khap loh avângin a chhûngkua chu kumkhua atân ka ngaihtuah dawn ani tih ka hrilh tawh si a" tiin.

Hei hian thiltha tih tur hre reng sia, ti duhlo chu Pathianin a hrem thin tih hi, a tih chian rualin, fate emaw, naute emaw, kan chhungkaw mi hrim hrim kan nu leh pa leh kan ute pawh a ni thei e. Zilh leh hauh an tula kan zilha kan hauh loh hian, thilsual lian tak kan ti tihna a nia. Chu sual man chu kan seng dawn tihna pawh a ni thei e.

Fate tisual duat lutuk vanga zilh duh lo mite hi, inchhiar lo an awm a rinawm loh a. Chutih rual chuan, fate a tul ang zelin na leh dam tak a zilha, zilh nat an ngaih tum phei chuan na taka zilha, a zilhtu ngei pawh hreawm ti khawpa zilh thintute hi, a hnu a lawm lo an vang hle bawk a nga, tin zilh hauna tha taka dawngtu an fate pawh hi, an nu leh pa ten an zilh thin avanga, kawng dik an zawk tak avangin an lawm leh hle thin a ni.

Thiltha tih manah chuan rahtha tha tak seng tur a awm ngei ngei tih hi hre reng ila. Tin, thil sual a hranpaa tih lem loh pawha, thiltha tih tur hriaa tih loh man hi thil tisual nen a intluk reng a, a rah chu na tak a ni, tih pawh hi hre reng bawk ila. Thiltha kan Pathian hmingin i ti tlat ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan Amaha Awmte Chu, Engmahin A Tih Chhiat A Phal Ngai Lo

"Tuite in dai kai lai pawhin kei in hnênah ka awm ang a; luite in dai kai lai pawhin a chim pil lo vang che u: meia in kal tlâng lai pawhin in kang lo vang a; meialhin a tialh hek lo vang che u."(Isaia 43:2)

Tunge mihring zingah lawng tel loin, tuipui daikai tawh le? Tunge mihring zingah mei pui kal tlang tawh le? An awm lo a ni.

A awm chhunte chu bible a kan hmuhte chauh, Israel faten tuipui an daikaia, Sadrak, Mesak, Abednego te khan meipui an kal tlang bawk a.

Khawvel tana theih loh hi, Lalpa awmpuina nen a theih zia Israel mite leh Sadrakate thian ho hian an lo ti lang a ni.

Lalpa chuan nang leh kei pawh hi, khawvelin a theih loh a tih ngeite hi, keimah nen a theiha, ka tih sak bawk ang che, min ti theuh a ni.

Kha i buaina tawhte, i harsatna hmachhawnte kha, khawvelin a paltlang theih loh alo ti thin a maw? Mahse, Lalpa chuan khang zawng zawng kha i paltlang ang, i paltlang mai ni loin, tuipui daikaite chu tuiin a chimpil a an thih phah thina, meipuia lutte chu meiin a kang thin a.

Mahse, nang chu ka awmpui che a nga, tuiin a chimpil lo ang che a nga, meiin a kang lo che mai pawh ni loin, mei rim pawh i nam lo ang min ti theuh a ni.

A awmzia chu, Lalpan min awmpui avangin, tuna harsatna leh manganna kan tawh mekte hi, kan paltlang a nga, kan paltlang laiin heng harsatnate hian engtin mah min tichhe eih dawn lo a ni.

Lalpan awmpui min duh, tui leh mei ten min tih chhiat eih phal loin min humhim a duh, chu chu a thlen ngei theihna turin Lalpaah kan awm ve thung a ngai a ni.

Lalpaah i awm em?

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Dinhmun A Chhiat Ber Lai Pawhin, I Pathian Nih A Hreh Ngai Lo Asin

"Pathian chuan mi malte chu chhûngkaw zingahte a teltir thin a: Mi tangho chu a hruai chhuak a, vanneihnaah a hruai lut thin: Helhmangte erawh chu ram rovah an awm thin."(Sam 68:6)

I chan a chhiat ber lai khan, Pathianin a theihnghilh ngai reng reng lo che. Chawi kan che duhin a hual reng thin zawk che a ni, Lalpa thu leh a aw zawng thin ang che, a thu i hriat chu zawm bawk la, chawi kan i ni ngei ang.

Kan Pathian hi mi chan chhiate Pathian a nia. Chutih rual chuan mi chan thate Pathian, mitin Pathian a ni bawk a ni.

Mihring hi chuan, mi chanchhiate hmelhriat leh an chhungte nih pawh kan duh loa. Mahse, kan Pathian hi chuan mi chanchhe ber mal ngawih ngawihte, nu leh pa nei lote, sual vang leh thildang vanga tan ina tangte Pathian nih hi a hreh ngai reng reng lo a ni.

Natna veite Pathian, rilru mangang leh buaite Pathian, beiseibote Pathian, hlamchhiahte Pathian nih hi a hreh lo ni mai loin a duh a ni.

Eng ang dinhmunah pawh ding la, i Pathian nih duhtu kan Pathian hi i vuan tlat a, a thu i zawm a nih ngat chuan, a chhanchhuak che a nga, dinhmun tha a pe ngei ang che.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

A Hnena Nun Inhlanralte Chu, An Dilna Bak Pawh Lalpan Ala Pe Cheu Thin

"Tin, LALPA chuan Hani chu a kan a, nau a pai a,fapa pathum leh fanu pahnih a hring a. Tin, naupang Samuela chu Lalpa hmaah chuan a lo sei lian ta a."(I Samuela 2:21)

Hani khan, a tiam ang ngeiin Pathian hnenah Samuela a hlan let leh a, a fa neih chhun Pathian hnena a tiam ang ngei a a hlan let lehnaah khan, alama thinlung dik putute chunga lawmman pek duh tlat thintu Lalpa chu a awm hle hle thei ta loa, Hani chu fapa pathum leh fanu pa hnih a pek belhchhah ta a ni.

Hani te hun lai hian, fate hi an hlu em em maia, fapate hi thiltihtheihna leh humhimtu, fanute hi an rohlu chhuan em emte an ni ti ila kan sawisual awm lo e.

Samuela kha Pathian vang leh Pathian tana hrin a nia, zawlnei ropui tak, lal Davida Isua Krista thlahtu hriak thihtu a ni taa.
Samuela a hlan let leh khan Hani kha, mihring lamah chuan a kawt der a ni, mahse Lalpa hnena a thu tiam chu a hlen a, a thutiam a hlen pahkhan, Pathian hnenah engmah a dil belh tawh lo a, lawm takin a pe a ni. Chutah chuan, Lalpa a lawm a, power pathum fapa pathum leh rohlu pathum fanu pathum a pek belhchhah ta a ni.

Keini pawh hi, Pathian hnena kan dil hian, a hnena nun inlan ral atangin dil ila, a ropuina turin dil ila, a hnena hlan atan dil bawk ila, tichuan atan zel atan zel kan tihnaah chuan Lalpa a lawm a nga, keini mamawh leh kan duhzawngte chu min pe ve thung zawk dawn a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan I Hlawhtlin A Duh Loh Ring Ngai Suh

"LALPA chu finna Pathian a ni si a, Amahin thiltihte a buk fel thin."(I Samuela 2:3a)

Thil kan tih hian, Lalpan a malsawm chuan a tha ang emaw, Lalpan rem a tih chuan kan hlawhtling ang kan ti thin.

Kraws ah a nun hial kan tan a hlan tawh a, min malsawm te leh kan hlawhtlingte hi Lalpa rem tih zawng a ni chiang sa a ni.

Kan hlawhtlin loh chhan leh kan chet fuh loh chhan ber chu, hengte hi a ni fo thin. 

1) Pathian kan rawn tam tawk loh vang

2) Thinlung thianghlim leh dika, kan tih loh vang

3) Kan chhut chik tawk loh vang

te a ni thin, ti ila kan sawi sual awm lo e, mi tam tak chuan thawh nasat hi hlawhtlinna a nih zia leh mi tam tak an hlawhchham chhan chu an thawh tawk loh vang niin an sawi a, a dik khawp mai, mahse thawk nasa em em hlawhtling chuang lo tam tak an awm bawk si a ni.

Kan Pathian hi, finna neitu a ni a, tiltihte a buk thin a, amah tihtute chu nun tha ber an neihtheihnan finna a pe thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

A Awmpui Ngei Ang Che, A Thu Zawm La

"Isuan a chhang a, a hnenah, “Miin mi hmangaih chuan ka thu a zawm ang a; ka Pain ani chu a hmangaih ang a, a hnenah kan lo kal ang a, a hnenah kan awm reng ang."(Johana 14:23)

Pathian hi kan hnena a awm reng kan duha, kan thiltih min malsawm sakte, min venhimte kan duh thin a. Chu a awmpuina chu kan neithei ngei a ni.

A thu kan zawm phawt chuan, min awmpui min tiam a. A thu kan zawmna hi, amah kan hmangaih zia alan theihna a ni a, amah hmangaihtute chungah chuan thatna tin reng a lantir thin a ni.

Rinna chu thiltih tel loin a thi a, Pathian awmpuina kan chan theihnan thiltih kan neih a ngai a, kan tawngtai a ngai a ni, tawngtai ngai lo, Pathianin a awmpui tak hriat tur an awm a rinawm loh a.

Tin, Pathian awmpuina kan duh takzet a nih chuan, tawngtai bakah inkhawm a ngaia, bible chhiar a ngaia, ngilneihna lan tir a ngaia, dik taka thil tih thin a ngai bawk a ni.

Pathian min awmpui theih nana rinna avanga thiltih awlsam taka kan tih theihte chu, tawngtai, inkhawm, bible chhair, ngilneihna lan tir, thiltha tihte a ni, ti ila kan sawisual awm lo e.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

That Zir Duhna Nangmaha Awm Kha, Pathian Hnathawh A Ni

"Duh tak, sual chu zir suh la, tha chu zir zawk ang che. Thil tha titu chu Pathian laka mi a ni; thil sual titu chuan Pathian a hmu ngai lo."(III Johana 1:11)

Thatna keimah nia zir duhna awm hi, Pathian hnathawh a ni. Chutiang ang bawk chuan sual kan zir thinna chhan chu, sual hnathawh a ni.

Sual kan hneh theihnan thatna zir kawngah thahnem ngai sauh sauh zel ila. 

Sual kan lo ti palh a nih pawhin, chance kan la nei a, that i zir tlat zel ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan A Pe Em Em Ang Che, A Ram Leh A Felna I Zawn Hmasak Chuan

"A ram leh a felna chu zawng hmasa zawk rawh u, tichuan chung zawng zawng chu a pek belhchhah dawn che u nia."(Matthaia 6:33)

Chhungkaw nuam tak hlawhtling bawk si neih i duh em? 

In chhungkuaah khan, Pathian lal ram a lo thlen theihna turin, tlawm la, that chhuah hram hram la, chuta tang chuan Pathian Lal ram chu alo thleng a nga, Lalpa chenna chhungkaw lungrual in lo ni a nga. Chuta tang chuan, nasa takin hma insawm tawh mai dawn a ni.

Mahni, chhungkua siam that emaw, mahni chhungkuaa rawngbawl a harsat chhan ber chu, chhungkaw neitu kan ni theuh a, chhungkaw tan thawk nasa leh ti nasa kan in tih vek vang a ni thi.

Mahni, chhungkuaa Pathian Lal ram kan tan theihna tur chuan, chhungkaw zinga mi pakhatin kan tihthatte kan theihnghilh a, tlawm taka kan nun a ngai thin a ni.

Chutiang ang chiah chuan, Pathian Lal ram hi nupa inkarahte, nu leh pa leh fa inkarahte, unau inkarahte, inngaihzawnna inkarahte, kan hnathawhna hmunahte, a thlen theihna tur chuan pakhat zawkin kan tihthatte kan theihnghilh a, Isua Krista zia ti langa, kan thiamnaah pawh thiam lo zawk anga, tlawm taka kan nun ngam a ngai a ni.

Chuta tang chuan, Pathian hriat pui inkungkaihna alo chhuak thin a ni. Chu inkungkaihna nghet leh lungrual tak atang chuan, kan duh leh awh zawngte, Lalpa malsawmna tha ber berte hi awlsam zawkin a neih theih thin a ni.

A ram leh a felna zawn tih awmzia chu, Pathian thatna kan hmuh theihna tur atana kan awmna hmun Pathian dung ang leh atana thlak thleng hi a ni ti ila kan sawi sual awm lo e.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Ngilneihna Leh A Rinawmna Chuan A Chelh Reng Che

"LALPA ngilneihna thute chu kumkhuain hlaah ka sa ang a: Ka kain i rinawmzia chu chhuan zawng zawng thlengin ka hriattir ang."(Sam 89:1)

Pathian ngilneihna leh a rinawmnate hian min chelh reng a, min tlah ngai reng reng loa, a tana nun hi kan tih tur a ni.

Kan tisual vek tawh a, kan tling tawk lo vek a, chung zawng zawngah chuan a ngilneihnain rinawm takin min vuan reng a ni.

Hei vang hian, kan Pathian ngilneihna rinawm tak hi, ring chunga tha zawka, nun tum zel hi kan tih tur a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Krista Tawrhpuitu Inchhir An Awm Ngai Lo

"Krista tuarnaahte tuarpuitute in nihzia ang zelin lawm zawk rawh u; chutichuan a ropuina a lo lan hunah chuan nangni pawh hlim takin in lawm thei ang."(I Petera 4:13)

Pathian vanga, kan tlawm hram hramnate, kan tawrh hram hramnate hi Krista kan tawrh puina a ni, ti ila kan sawi sual lo ang.

Chutianga Lalpa tana nung thinte chu Krista a ropuina nena alo lan hunah, inchhir lo takin, an lawmman an dawng ngei ang.

Krista vanga kan nun kan thlak thleng thinte leh, kan chak loh zawk tih tlat kan thlanna avangte hian, Lalpa alo lan hunah chuan kan la lawm ngei ngei ang.

Chu chu, thlir reng leh hre rengin harsain nuam lo thin mahsela, Lalpa tan i nung tlat ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Ring Zel Rawh, Lalpan Awmpui Tur Chein Harsatna Meipuiah Khan A Luh Khalh Tawh Che

"Ani chuan, "Ngai teh u, mi pali phelha mei laia vei vei a, na hauh lovin ka hmu a, a palina landan phei chu pathiante fapa ang a ni," a ti a."(Daniela 3:25)

Lalpa rin i tuma, mahse a harsa zual sauh a ni tiro. Ring zel rawh aw, meipui hlat takah Lalpa chet a tum loa, meipui hnaih takah Lalpa chet a tum chuang lo. Meipui chhungah ngei khan, a luh a rawn luh pui che a tum zawk a ni.

Pu Sadrak, Pu Mesak, Pu Abednego te pawh kha meipui chhungah khan a luhpui tawh a, he mite pathum hi, meipui atanga an rawn chhuak chiah kha, in inchhir em ti ta ila. Kan inchhir lo, Lalpa hminga meipuia luh leh ngai se, an tih hial zawk a rinawm.

Lalpan tlah mai che a tum lo, meipui chhungah zawk khan alo nghak che, chu hmunah chuan nasa takin, lal ram pumpui mak tih khawpa chet sak zawk che a tum a ni.

Kha harsatna chhung ngei, kha meipui chhung ngeiah khan, alo nghak tawh che, Lalpa ring chung leh a tana bei chungin kha harsatna meipui kha han luh chilh teh le, mala i awm phal loin a lo luh khalh tawh si che a.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Van A Kan Pathian Khian, Mian Au La Ka Chhang Ang Che, A Ti

"Mi au la, ka chhâng ang che, thil ropui leh inthup i hriat ngai loh chu ka entir ang che."    (Jeremia 33:3)

Thil ropui leh inthup lai tak hi enge kan ti maithei.

Thil ropui leh inthup, amah au tlattute a pek thin chu, hmangaihnate, chhandamnate, dinhmun thate, kal dan turte, ngilhneihnate, thlamuannate, tluannate, venhimnate leh thiltha zawng zawng ti ila kan sawi sual awm lo e.

A pawimawh lai tak chu, kan au em, Lalpa thil ropui leh inthup min khawhhmuh duhtu leh min pe duhtu hi i au tlat ang u.

Tin, kan nunin a zawn ruk midang pawh kan hrilh em em lohte hi, Lalpaah chuan a awm a, chu kan zawna chu a neitu Lalpa kan au a, kan dil tlat a nih chuan, a nin a hun a tihah min pe dawn a ni.



Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Hnena Dilna I Thlen Aiin, Pathian Aw Hriat Ngai Pawimawh Zawk Rawh

"Ani erawh chuan, "A ni, nimahsela Pathian thu hriaa zawmte hi mi hamtha an ni zawk e," a ti a."(Luka 11:28)

Kan tawngtai hian, keimahni hi kan tawng char char thin a, kan duhte kan sawi zawhah kan duhtawk mai bawk thin a. Hei vang hian Pathian aw hi kan hre lo thin a.

Kan tawngtai hian, Pathian hnenah a aw hriat dil hmasa ila, a aw chu ngaithla hmasa bawk ila. Tichuan, a aw kan hriatna atang chuan kan dilnate chu thlen zawk thin ta ila, a duh angin kan tawngtai thei a nga, a duh anga dilte chu a chhang thin sia.

Pathian thu leh Pathian aw hriaa zawmte hi mi hamtha an ni, Pathian aw hre turin ngaithla ang che.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Chhandamna Chu Amah Tihtute Hnaihah A Awm Ngei Ngei Thin

"A chhandamna chu amah tihtute hnaihah chuan a awm ngei ngei thin a ni; Kan ramah hian ropuina a awm theih nân."(Sam 85:9)

Amah tihtute tluk chiat phal ngai miah lotu mi pakhat a awm a, chu chu Pathian a ni.

Ni e, kan Pathian hi amah tihtute chhandam tur hian an lam a hawi reng a, a hnaih reng thin a ni.

Mihring zawng zawng hian harsatna kan tawk veka, amah tihtu ngei pawhin a tawk thin, mahse amah tihtute chu an chhiat der a duh ngai loa, an chhiat dawn tak tak chuan, zirtir chungin an nunah a inrawlh vata, a chhanchhuak thin a ni. 


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpaa Chakna Nei Mi Kan Ni Theuh Thei

"Nangmahah chakna nei mi chu a eng a thawl e; A thinlung Zion panna lamliante awma chu."(Sam 84:5)

Lalpaa chakna nei mite chu, Lalpa tel lo leh Lalpa rawn loa engmah ti duh lo mite an nia. Lalpan engtik lai pawhin an nunah a chak zia a lan tir thin a ni.

Lalpaa chakna nei mi kan nih theihna turin, Lalpa lamah kan thinlung hi hawi tir tlat ila, engkimah Lalpa dah hmasa ila, rawn hmasa zel ila, tichuan Lalpaa chakna nei mi, Lalpa  enkawlna leh a ngaihsakna nei tlattu kan lo ni dawn a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.









Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Dinhmun A Tleu Leh Hniam Lai Khan, Lalpan A Theihnghilh Ngai Lo Che

"Ani chuan kan hnam tlâwm lai khan min hre reng a: A ngilneihna pawh kumkhuain a awm dawn si a."(Sam 136:23)

Kan Pathian thatna leh ngilneihna hi eng emaw lai chauh daih a ni loa, kumkhua daih a nih vang hian.

Kan tlawm laite, kan dinhmun a tleu laite, buaina leh manganna kan tawh laite hi Lalpa chuan a hre reng a, dinhmun tha zawk min pe turin rem min ruatsak thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Hlawhtling Bawk, Chatuannun Nei Bawk, Chhukaw Hlim Bawk, I Nei Thei

"Ka fate thutakah an awm tih ka hriat aliama lawmna nasa zawk reng ka nei lo ve."(III Johana 1:4)


Bible thu kan tarlanah khian ka fate a tia, ka fate tih bakah hian belhchhah hlek ila. "Ka chhungte ka u leh naute, ka nu leh pate, ka pi leh pute, thutaka an awma, Pathian an hnaih tih ka hriatna tluka lawmna ka nei lo," ti thei ila chuan chhungkaw lungrual Kristian chhungkua, chhungkaw mutui siai siai kan va tam phah dawn em.

Lehkha zir loh tur emaw, hna tha neih loh tur emaw, hnathawh nasat loh tur kan tihna lam ni loin, mi tamtak chuan an fate leh an chhungten Pathian an hnaih ai chuan khawvel lama an hlawhtlinnaah an lawm zawk thin a ni. Hei tak hi, kan chhungkaw tamtak natna hrik pai chu a ni thin.

Pathian lam hawi thlahthlam hauh lo hian, lehkha a zir theiha, hna a thawh theiha, mi hlawhtling ber a nih theiha, chu mai pawh chu ni loin, midang aia thui zawk leh sang zawk thlen theihna chu Pathian nen a engkim tih hi a ni. Tih hi kan theihnghilh ta em mawni le.

Mizoram leh America leh Europe leh khawvel hmun hrang hranga, hlawhtling hmasa leh tun thleng pawha, la hlawhtling zelte hi Pathian tih mi chhungkaw thlah kal zelte an ni, tihte hi kan hre ta lo em mawni le. 

Hawh u kan rilru put hmang hi i siam thar leh ang u.

Ni e, mi tamtak chuan tawngtai lo pawhin a hlawhtlin theih an ti, ava dik em. Hlawhtlin chauh kan duh anih chuan, Pathian ngaihsak hauh loin kan nung thei reng alawm.

Hlawhtlin chauh nilo, hlawhtling bawk, chhungkaw hlim bawk, chatuan nun nei bawk, midang tana thatna chhuah thin mi ni bawk, kan nih duh chuan Lalpa nen i bei ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.








Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Mahni Nuna Lalpa Ram Thentirtute Chu, A Rama Awmte Angin, A Thatna A Chantir Thin

"I ram lo thleng rawh se. I duhzawng vana an tih angin leia mi’n ti rawh se."(Matthaia 6:10)

Pathian ram kan han tih hian, vanram khi kan thlir thina, a dik chiah renga.

He kan leiah hian "i ram lo thleng rawh se" kan ti bawk sia, engtin nge a ram chu he leihah leh kan nun ngeiah hian alo thlen theih ang le?

Pathian thu zawmtu nun hi, Pathian lalna nun a nia, chu Pathian thuawitu nunah chuan a lal ram chu a thleng tihna a ni.

Chutianga, an nuna Pathian ram thlentirtute chu Lalpan nasa takin a ngaihtuaha, a ensan ngai lo a ni. 

Mother Teresa'i nunah khan Pathian ram a thlenga, hmeichhe pakhat ve mai khan mi sang tamtak a pui theia, ei leh inturte a ngaihtuahsak thei a ni. Khatiang ang mi zo zai puihna tur kha, Teresa'i khan a kawlsa loa, mahse Pathianin a mamawh ang zelin a pe thin zawk a ni.

Vanrama awmte khi an buai an buai tawh lo ang, a chhanchu Pathianin an mamawh bak a pe tawh dawn sia. Chutiang ang  chuan, he khawvela Pathian ram thlenna mite chu Pathianin an mamawh engkim a pe thin a ni.

Ka zawh duh che chu, i nunah khan Pathian ram thlentir ngei i duh sia, engin nge dal che tih hi a ni.

1) Ngaihdam duh lohna a ni em?
2) Hmangaih theih lohna a ni em?
3) Remna siamtu zawka tan duh lohna a ni em?
4) Sual suala thungrulh duhna ani em?
5) Inthlahdahna a ni em. etc.,

Pathian ram nuna neih chu a nuam a nih a rinawm, chu nun neitute chu dawhtuahte, tlawmzawkahte, tang tang thin mahsela "an nun kalsan tawhah an kir duh leh tawh ngai lo a ni."

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A