A Puihna Diltu A Kalsan Ngai Lo

"Pathian chu kan inhumhimhna leh kan chakna, Mangan laia tanpui vartu hnai reng a ni."(Sam 46:1)

Tanpui ngaiin i in hria em?

Mihring kan nia, thil eng emaw berah chuan tanpui kan lo ngai vek mai a. Tanpui ka ngai loa, midang pawh ka mamawh lo tia, minin ngaih tirtu hi, sual hnathawh zawk ani.

Tanpui kan ngai a nih chuan kan Pathian hi min pui turin a hnai renga. Lalpa min pui rawh engtik lai pawhin kan tithei reng a ni.

Kan Pathian hian min puihna turin mihring amamawh lo a, mahse mihring hmanga thawk duh thin Pathian a ni a, mihring thawhpui duh thintu Pathian a nih avang hian, min pui turin mihring a hmang thin tih hi, kan hriat a pawimawh awm e.

Hei vang hian, kan bula mihring awmte hi kan ngaihpawimaw thiam a pawimawh thin a. Tin keini pawh midang pui tura Lalpa hmanrua kan nih theih nan kan inrin reng a pawimawh awm e.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Amah Autu Hawisan Ngai Lo Pathian

"He mi rethei hi a au va, tin, LALPA chuan a hria a, A manganna zawng zawngah chuan a chhan chhuak ta a."(Sam 34:6)

I rethei em?

Lusun vang emaw, kawppui zawn vang emaw, sum leh pai vang emaw, hriatna tlakchham vang emaw, sual hliam vangin emaw i rethei em?

I rethei a nih chuan Lalpa hmaah a puihna ngenin au rawh. I manganna zawng zawng ata a chhan chhuak ang che.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Nuna Thiltha Ber Neihna Chu, Thiltha Tih Bansan Duh Loh A Ni

"Tichuan thil tha tih i ning suh ang u;

Kan inthlahdah loh zawngin a hun takah chuan kan seng dawn si a."(Galatia 6:9)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa A Tawp Thlenga Nghaktute Hian Tifuh An Inti Thin

"LALPA chu amah nghaktute tan a tha a, amah zawngtu tan chuan. LALPA chhandamna beisei a nghah veng veng chu a tha a ni."(Tah Hla 3:25-26)

Lalpa nghak fan fan a, a remruatna ropui tak nghak chhuaktute chuan, "Lalpa chu nghah man ava awm tak em an ti thin a." Tifuh an inti em em thin.

Lalpan i thinlunga a dah tun a ila neih mai si loh thil a awm a nih chuan, Lalpa nghah bang lo turin fimkhur la, Lalpan hun a tih hun hi, hun tha ber chu a ni tih hre reng bawk ang che.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Mithat Zawk Nih I Tumna Kha Bansan Suh, Pathian Ngilneihna A Kangchat Ngai Si Loa

"Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a."(Sam 136:1)

I nun siamthat i tuma, i hlawhchham tawh em?

Beidawng mai suh ang che, Pathian ngilneihna chu i tan a awm reng alawm!

Isua Krista hmingin i nun siamthat tum tlat zel rawh aw.

Nangmah kha han inchhut chiang la, i hriat loh laiin nasa takin hma i sawn tih i hmuthei ang.

Kan Pathian hi a ngilneih em avangin hun tha leh theihna min pe tlat zel a, beizel ang hmiang, hma kan sawn zel a nia.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Phurrit Lian Tak Ila Tawn Ngai Loh I Tawng Mek Em? Zam Suh, Lalpan A Ngaihtuah Che

"Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria."(Rom 8:28)

Phurrit, lian em em ila tawn ngai miah loh, i tawng mek em?

Hlau hauh suh ang che, i tawngtai thin aia a leta tamin tawngtai mai rawh. Engtik lai pawhin tawngtai la, i thu emaw, i ding emaw, i kal emaw tawngtai tlat la.

Kha phurrit ngei kha, Lalpan i thatna zawk tura a pek che leh, a zirtirna che leh hmun sang zawka hlankai a tumna che hmanrua a nih kha.

Amah chu ring la, aman a ti vek ang. Amah chu, i rin takzet theih nan tawngtainain amah chu vuan tlat rawh aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan, I Hlawhchhamna Phenah Khan Thiltum Tha Zawk A Nei

"I thinlung zawng zawngin LALPA ring la, Nangma hriatnaah innghat suh;

I kawng zawng zawngah amah hre reng la, I kawngte chu a kawhhmuh zel ang che."(Thufingte 3:5-6)

I hlawhchham tawh em?

I hlawhchhamna phenah khan Lalpan tum a neih vangin, i hlawhchham a phal a nih kha.

Nangma hriatnaah khan innghat lo la, Lalpa ring tlat la. Kha i hlawhchhamna phena a thil tum chu, a hun takah mawi takin a rawn par chhuah tir ngei ang.

Lalpa ring zel ang u, a thutiamah ala ding reng sia.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Mittui Far Kha, Chaklehzualna Hmuna Hlangkaitu Che A Ni Thei

"Tahna ruam chu an zawhin tuihna awmnate an siam thin a, A ni, ruahtui tla hmasa chuan malsawmnain a khuh thin.

Chakna atangin chak lehzualnaah an kal thin a, Zion-ah Pathian hmaah chuan an inlan theuh thin."(Sam 84:6-7)

Tahna ruam i zawh chhan kha, "mangan leh lusun vang emaw, sual hnathawh vang pawh nisela," mitui far chunga Lalpa i chelh tlat a nih chuan, kha tahna ruam ngei kha, chakna atanga chak lehzualnaa i kaina tur dinhmun a ni zawk ngei ang. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa, Ka Ngai A Che

"Sakhi, luite tui chaka a thaw huam huam ang hian, 

Aw Pathian, ka nunna hi nangmah chakin a thaw huam huam a ni."(Sam 42:1)

Tu nge, enge, i nunnain a chak ve le?

Lalpa i chak a, Lalpa i ngai ngawih ngawih a nih chuan, a kalsan ngai lo che a nga. I chunga thiltha a thlentheihnan rem a ruatsak zel ang che.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Khawvel Ngamna Chu, Isua Rin A Ni

"Isua hi Pathian Fapa a ni tih ringtu chauh lo chuan tuin nge khawvel ngam thin le?"(I Johana 5:5)

Isuan a hria che, NUNG NGAM RAWH!

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

LALPA Chu Ka Nunna Kulhbing A Ni, Tunge Ka Hlauh Vang

"LALPA chu ka eng leh mi chhandamtu a ni; tunge ka tih ang?

LALPA chu ka nunna kulhbing a ni; tunge ka hlauh vang?"(Sam 27:1)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Hmingin I Han Bei Leh Teng U (Bible verse for meditation)

"Chutichuan Davida chuan Philistia mi hnênah chuan, "Nang zawng khandaih te, fei te, feite te kengin i lo thawk a; 

Kei zawng sipaite LALPA, 

Israel sipaite Pathian i chova hmingin ka lo thawk zawk a ni."(I Samuela 17:45)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Duh Zawng A Hriaa, I Rum Leh I Natna A Lakah Thuhruk A Ni Lo (Bible verse for meditation)

"LALPA, ka duhzawng zawng zawng hi i hmaah a awm vek a; 

Ka rum pawh hi i lakah thuhruk a ni lo."(Sam 38:9)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Hlau Suh Lalpa I Hnenah A Awm (Bible verse for meditation)

"A ni, thihna hlim kawr ruam zawh mah ila, thil tha lo rêng rêng ka hlau lo vang;

Nang ka hnênah i awm si a;

I talhtum leh i tiangin mi thlamuan thin a ni."(Sam 23:4)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpaa Tlukluh Hi Himna A Ni (Bible verse for meditation)

"Amaherawhchu mi felte chhandamna chu LALPA lak ata a ni a:

 Ani chu mangan laia an kulhbing a nithin a.

LALPAN anni chu a tanpuiin a chhanhim thin a, 

Amahah chuan an tlukluh avângin Mi suaksualte lakah chuan a chhanhimin a chhandam thin." (Sam 37:39-40)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lili Par Mawi Ber Leh Khawizu Thlem Ber Ai, Krista Ka Thlang Zawk E!

"Tin, an chhuahna ram chu lungkham sela chuan hawnna remchang an hmu tawh ngei tur a ni."(Hebrai 11:15)

Kan hmaa mihuai kaltate kha an nun hluiah kir duh sela, kirna remchang vawi tamtak an hmuh a rinawm a. Chu bakah khawvela a nuam thei ang bera an awm theih dan tur ngaihtuah duh sela chuan, a ngaihtuah thei ber ber te leh khawsa nuam thei ber turte pawh an ni hial awm e.

Kan bible zawlnei thenkhatte phei hi chu, mithiam pangngai takte an ni a, an hun lai pawha lehkha ziak thiamte leh khang hun laia lehkha puan to em em nei pha ngatte kha an ni hial a. Chutih rual chuan, mithiam nilem lo, an awm mai mai pawh a tlawm em em, Pathian an zui hnua nasa zawka enhniam nita te pawh an awm nawk bawk ang.

Missonary Charles Thomas Studd te kha, Cambridge University ah ngat lehkha a zir chhuak a, cricket khawvelah mi hmasa leh mi ropui a ngaih a ni. Chutiang mi chu Krista vangin, Africa ramah rethei takin a zuk thi a. 

Alexander Duff te pawh Scottish pachal, 1825 bawr velah pawh degree neithei ngat tawh kha, Krista avangin India ah, a that lai hun zawng zawng a rawn vui liam a ni. Mizorama chanchintha min rawn hriltu missionary David Evan Jones,  Rev. William Williams, FW Savidge, JH Lorrain etc. te ngei pawh kha, an va ropui tak em. 

He lei nun nawmna thlahlel loa, Pathian tana nun an hman ral theihna hi chhut tham a ni. Keini chuan kan chhut thiam lo pawh a ni mahna, mahse an ni chuan "engtin nge, Krista thlang loin mi hian, khawvel hi an thlan theih zawk?" an tih hial a rinawm.

A chhan chu, "Isua neih an lo duh zawk a ni." Isua chu, an tan chuan,
Lili par mawi ber aiin a mawi zawk a, 
Khawizu thlum ber ai pawhin a thlum zawk a,
Thla riltam tan chaw tha ber a nia, khawvel hruaia awm ai chuan Lal Isua hruaia awm kha thlamuan thlak an lo tia, Isua hruai kha an lo duh ber a ni.

Krista mit atangin khawvel an thlir tawh avangin, hnam mawl zawk leh hmelchhe zawkte leh khaw mawi lo zawkte kha, an awmna khawvel khaw ropuite leh changkang zawkte ai khan mawi an ti zawk a ni.

Keini pawh hi, Krista hnungzuitute kan ni tiro, nih leh:


Tu hi nge min hruaitu atan kan duh ber le?

Khawvel mawina, Lili par mawi ber ai Krista hi mawi kan tizawk ve em le?

Khawi zu thlum ber, khawvel thlumnate ai hian, Isu i thlum zawk kan ti ve em le?

Krista chuan, van Lal thutthlenga thut a, engtik lai pawha a ngilte fak hlawh ai chuan, nang leh kei misual chhandamna tura, he leia rawn thih a thlang zawk a. Isua i thlang ve dawn em? Nge khawvel i thlang zawk dawn le?

(Tawngtai Dan Tur)
Lalpa, ka thlang che, van Lal thutthlenga thu mek ka Pathian ka thlang mawlh che, mahse maw Lalpa ka mit hian khawvel mawina hi ala hmu thei a, khawvel tuina pawh ka lei hian ala hre thei, hei vang hian nangmah chauh ka thlan tlat theihna tur che a, i puih ka ngai a ni, min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Nun Tha Zawk Nei Turin I Tho Leh Ang U! Lalpan Min Hruaizela Min Hruaithlen A Duh Si A

"Keini rinawm lovin awm mah ila, Ani chu rinawmin a awm reng a ni; Amah leh amah a inphat thei si lo va,” tih hi."(II Timothea 2:13)

Kan tlu a kan tisual a nih pawhin, i tho leh ang u. Tluk chu a pawi lo tihna lam ni loin, Lalpa a rinawm em avangin, min hruai thlen a tumna hmunah min hruai thlen a duh tal zel si a.

Keini rinawm lo mah ila, a ni chu a rinawm em avang zawk hian, i tho leh thin ang u.

Israel fate kha, Aigupta atanga an chhuaha, ram tiam lam Kanaan an pan khan, rei lote chauh an la kal emaw tih chauhah khan, Lalpa lakah an rinawm lo nghal a. Tuipui sen an thlen a, Aigupta sipai hoin an um khan, Lalpa an ring ngam loa, an tluk sana "Mosia hnênah, "Aigupta ramah khân thlân a awm loh avângin em ni thlalêrah hian thi tûra min hruai chhuah ni? êng vângin nge ni hetianga min ti tûra Aigupta tam ata min hruai chhuah ni?(Exodus 14:11 ) an ti hial a nih kha.

Kha tah khan, Lalpan thil mak tam tak ka hmuh tir tawh che u a, min ring lo nghal a maw, thi law law mai rawh u, a ti loa. A rinawm em avangin tuipui sen an tan a ti then a, Aigupta sipai ho a beihsaka, lei charah a hruai kaia, ram tiam lamah chuan a hruai ta tho tho a nih kha.

Hetiang ang chiah hian, kan Pathian hi kan chungah a rinawm avangin kan hmaa tupui hi min tih thensak a duh a, min hruaithlen a tumna hmun lama min hruai tlat a thlan tho tho avang hian, rinawm loh san thin mah ila, tho leh ila, Lalpa kalo hawng e, i ti leh ang u.

Fapa tlanbo pawh a hawn khan, a pain min rinawm loh sana, i rochan ai i khawh ral tawh a, a ti lo. A pa hmangaihna kha alo rinawm renga, alo la pangngai reng a, chumai bakah ro pek tur alo la nghah em em a. A pa kiang a thlen hma hmain a pa chuan alo kuang kuah a, a fawp a, a selhfen chhiate chu a thar zawkin alo thlak saka, ruai alo theh a nih kha.

Kan Pa vana mi khi a rinawm em avang hian, kan tluksana atanga a hnena kan kir chiah hian, min lo kuang kuaha, kan selhfen chhiate hi selhfen tha berin min lo thlaksak duh thin a ni tih hi hriain a hnenah i kir zel ang u.

(Tawngtai Dan Tur)
Lalpa, keimah mirinawm loah hian rinna reng ka nei tawh loa, vawi tam tak ka tluksan tawh che a ni, mahse i rinawmna zawk hi ka inrintawkna chu a ni a, kalo kir leh e, min kuang kuah avangin ka lawm e, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.


Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Engkim A Fel Nan, Lalpa Lam Enin A Chet Hun Nghak Zawk Rawh

"Mi, a awm danin LALPA a tihlawm chuan, A hmêlma nên lam inremin a awmtir thin."(Thufingte 16:7)

Davida, a fapa hlauva a tlan chhiat khan, Simeian lunga vawmin anchhia a lo lawh tuar tuar a, mahse Davidan anchhe lawh mek tu lam a en tlat lo, “Anchhia chu mi lawh ang hmiang; LALPA tihtir a ni si a. LALPA chuan ka hrehawmzia a hmu ang a, a tha lamin min rul leh mai pawh a ni thei e”(II Samuela 16:11b-12) tiin Lalpa en nachang a hria. Hah dam diai a, Lalpa chet hun a nghah mai theihna kha, a hnehna thuruk chu a ni ta a ni.

A chang chuan chhungkua kan thisen zawmpui ngei ngei leh kan mihring hnaih ber te nen pawh kan inrem lo fo a. Kan nu leh pate leh kan fate leh kan unaute pawhin na takin min ti thei e.

Chumai bakah kan thian tha ber te nen pawh kan inrem lo bawk thin a.

A chang phei chuan kan rawngbawlpuite nen, rawngbawl ho thei thawh lo tur ang hialin kan inrem lo thin.

Mite hnen atang Davida ang chiah hian thu na ber leh diriamna na ber kan beisei ngai loh pawh kan dawng thei e.

Heng hunah hian, "Lalpan a hria alawm, a duh anga hengte hi ka dawnsawn chuan a ni zawk chuan ka chungah a thatna a lan tir  ang," tiin mihring lam en loin Lalpa lam chauh en ila.

Tichuan Simeia kha lal Davida hmaa thingthi a a intulut leh ang khan, na taka min tawngkhumtute ngei hi, Lalpan an thinlung a thlak a nga, kan hnenah intulut chungin, tlawmna chibai min buktu tur atan Lalpan a siam thei tih hi hre reng ang u.

Kan buante hi tisa leh thisen an ni si lo a.

(Tawngtai Dan Tur)
Lalpa, nangmah ngei pawhin he leia i awm lai khan, dona leh sawiselna i tawnga, i hnung zuitu ka nih vangin emaw, khawvela ka awm vang hian emaw, sawiselna leh tawngkam na leh hmuhsitna na ber kei pawhin ka tawng ve thei a ni. Chung hunah chuan, thungrul mai loin, nangmah lam ena, i siamremna nghak zawk turin min pui ang che, Amen, Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.


Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Mitha Tha Pangngai Tak I Ni, Thiltul Lo I Tihthinte Khan An Hliahbo Mai Che A Ni

"Krista Isua rin avangin Pathian fate in ni vek si a."(Galatia 3:26)

"Tin, Krista ta in nih chuanin Abrahama thlah, thutiam anga roluahtu turte in ni."(Galatia 3:29)

Mitha ber chi i ni, ti ila kan awi deuh rauh a nga, mahse kan ring ngam chiah lo ang tiro. Mahse maw! mitha ber chi, mitha ni sa reng leh engtik lai pawh a thiltha ber leh tangkai ber tithei i ni.

Mitha ber i nih chhan chiang em em mai leh i pawm ngei ngei ngai bawk si chu. "Pathian siam i ni a, Pathian fa i ni bawk," Pathianin a chhe chi (duplicate) a siam ngai lo a, zaah zaa tha (100% genuine) chauh a siam thin. Pathian siam i nih avang khan, a siamtu sim danah che chuan, mitha tawlawl, nangmah aia tha bik leh tha thei tur reng reng awm bik lo tura siam i ni. Chumai pawh chu ala ni lo, Isua Kristan a chhandam che avangin Pathian siam mai i ni loa, Pathian fa i ni. Fa i nih avang khan roluahtu i ni a, "thuneihna" pawh i nei bawk a ni.

Mahse, thil tul lo i tihthin nuam i tih lak lawhte khan, an tibuai che a, i nihna tur tak tak i thlen phak loh phah thin a ni. Chutianga awm tir che chu, hmelmapa thiltum lian ber pawh a ni bawk a. Thil tha leh tangkai kan tih dawn chuan thil thalo kan tih thinte hi sim a ngai a, kan sim turte hi kan sim hmain kan hriat chian a ngai a ni. Hengte hi mahni leh mahni inzawt chhing ang u: 1) Mi rel ka ching em 2) Ei leh in loh tur thil ka ti nasa em 3) Ka tlai thin em, eng vanga tlai thin nge ka nih 4) Ngawih hunah ka ngawi thei em 5) Tawng hunah tawng nachang ka hria em etc. tihte hi i han inchhut chhin ang u.

Mitha ber kan nih theihna tur chu, kan ze tha lote hi, ze thaa thlak mai a ni. Chu chu, i thei a, i theih chhanchu Krista vanga, Pathian faa vuah i ni, roluahtu tur (inheritance) nangmah tluka ni chiang an awm lo. Roluahtu tur chu, a pa in a ro a pek dawn avangin, a inzir a duh thin ang hian, keini pawh hi kan Pa vana mi khian tha taka kan inzir thin a duh a ni. 

(Tawngtai Dan Tur)
Lalpa, nangin i faa min vuah avang leh roluahtu tur a min ruat avangin ka lawm e, roluahtu nun dang tur ang taka ka nun theihna turin, min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.


Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Khawngaihna Vangin A Hruai Zel Dawn Che Alawm

"Sualnain in chungah thu a nei dawn tawh si lo, dan rorela awm in ni lo va, khawngaihna rorela awm in ni zawk si a."(Rom 6:14)

Kan nun hi tumahin a nihna ang tur takin kan hmang hleithei lo a ni. Chuti chung pawhin, eng emaw tak hian kan nun hi a dik turin a rem tlat thin. A chhanchu khawngaihna a rorel sak tawh zawk kan nih vang a ni.

Hei hi mahni chhungril theuha kan buaina te a ni a rinawm.

1) Ka tho hma tawk lo

2) Ka zaidam tawk lo 

3) Ka uluk tawk lo

4) Hun ka khawhral

5) Ka tang tawk lo

6) Ka insuam tawk lo

7) Midang ka be tam tawk lo

8) Ka insum thei lo.

Kan ti theuh tlangpui a, mahse kan Pathian khawngaihnaa khat Pathian chuan, kan tih vang ni reng reng loin, kan nun hi min lo rem thatsak tlat thin.

Kan tho hma lo a, kan thawk tha tawk loa, kan uluk tawk lo a nih pawhin, eng tin tin emaw a fel leh duak thin a. Mi kan be tam tawk loa, chhungte pawh kan ngaihsak tawk lo a nih pawhin, min hmangaihtu tlachhamin kan awm ngai lo a nih hi tiro. Hei tak hi "Amazing Grace" chu a ni ti ila kan sawi sual awm lo e.

Amzaing grace "Khawngaihna mak mawi leh duhawm" tak tak erawh, chatuana nunna a thlawn liau liau a min pekna hi a ni a. Chatuan nunna a tlawna min pe duhtu hian, he khawvela kan cham chhung pawh hian, a khawngaihnain min um zel duh a rinawma, min um zel thin bawk a ni.

Hei vang tak hian, Lalpan min khawngaih bawka, a tana ka phak ang tawk tawk a nun tlat hi kan tum ve a nge, kan ti tur a ni.

Kan tho tlai a, hun kan khawh ral a nih pawhin, hun kan neih chhunah, Lalpa hmel tih lan hi bang duh bik lo ila. Chhungte leh midang hun kan pe tawk lo a nih pawhin, hun kan pek theih chhunah Lalpa min khawngaihna avangin tha thei ang berin, hun hmanpui thung ang u.

Khawngaihna a rorel sak zawk kan ni si a!


(Tawngtai Dan Tur)
Lalpa, pain a fa naupang, a atnaa a hrethiama, a kaihruai zel thin ang leh, a fa tihhnawk a siam rem sak leh zel thin ang mai hian, nang chuan ka nun hi min rem feksak thin a, ka lawm e. Min khawngaih avang hian, ka phak ang tawka, i hmel ti mawi ve turin, theih tawp chhuah nachang ka hriat theih nan min zirtir zel ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.


Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Tan Bei Leh Hram Rawh, Hlimnain A Hmuak Che

"Kan hrehawm nep tak, tun mit khap kar chhung chauhva awm tur hian ropuina nasa tak chatuan atan min siamsak nasa tulh tulh a ni."(II Korinth 4:17)

Kan dam chhung hi a rei lo a ni, mihring zinga dam rei kan tihte hi kum 80 vel chauh an dam thin a, vannei zual tak tak te chu kum 90 emaw kum 100 emaw an dam thleng thin thung a.

Kum 100 dam turah pawh inngai ta ila, a rei chung lo a.  Tunah kum 25 ni ta ila, kum 100 lo dam dawn pawh ni ila kum 75 chauh damna hun kan la nei tihna a ni a. Tin chung kan dam hun chhung kum 40 velah chuan eng tak tak mah kan ti thei dawn tawh lo a, a chhanchu kum 60 kan tlin tawh meuh hi chuan kan chakna leh kan hriatna hi a chanve deuh tawhin a tla hniam dawn a ni.

Hei vang hian, kan dam chhung a rei loa, kan that hun chhung phei chu a rei lo lehzual tih hi kan hriat reng a. Kan dam chhung leh kan that hun chhung rei loteah hian, chatuana lawmman kan neih theihna zawk tur hi kan ngaihtuah a, kan tih a tul a ni.

Pathian tan kan nunga, harsa kan tia, hreawm kan tuar a nih chuan, lungngai lo ang u. A rei dawn lo, chantuan atan bang tawh lo tur hlimnain min hmuak a ni tih hria ila, Lalpa tan theih tawpin i bei hram hram ang u.

(Tawngtai Dan Tur)
Lalpa, he leia ka dam chhung hi a rei dawn lo tih hi ka hriat renga, ka dam chhung rei loteah hian chatuana hlim taka i kianga ka chawlhna tur a ni tih hriain, i tan rinawm taka nung thei turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.


Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa I Nghah Lai Khan A Siam Tha Thin Che Asin

"Ka nunna hi mi siam that thin a, Ama hming avângin felna kawngahte mi hruai thin."(Sam 23:3)

Israel fate kan en chuan, zinkawng hahthlak tak an zawh a. Kha an zin kawngah khan Lalpan tunge an Pathian an mahni hruai chhuaktu hi a nih tihte, engtia biak tur nge a nih tihte. Engtianga nung tur nge an nih tihte, engtin nge a malsawmna dawng reng thei tura an nun ang tihte kha a zirtir a ni.

Kan Pathian hian, min nghah tir lai hian, kan nun hi a siamtha thin a ni. 

Lawm takin Lalpa i nghak zel ang u.

(Tawngtai Dan Tur)
Lalpa, ram tiam pana ka zin kawngah hian nangin min awmpuia min siamtha thin tih hi hre reng chungin, lawm taka i hnathawh ka nghah tlat theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Dinhmun Harsatna Tak Kha, I Hamthat Bikna Tur Kawng A Ni Thei

"I ngilneihna avâng hian ka hlimin ka lawm ang: Ka manganna hi i hmu si thin a; Ka nunna hi a hrehawm laite pawhin i hre thin."(Sam 31:7)

Davida kan en chuan a chhung ten an dah hniam em em a, an chhungkaw kutnaah pawh a tel a tul an ti kher lo a, an ko haw ve lo a nih kha. 

Chu, dinhmun hniam ngei chu, Lalpa nena in pawlna tak tak a neihna a ni a. Lalpan ami duh angah a chher chhuah phah ta a. Tichuan chhungkaw kut pawha an koh haw duh loh kha, Israel lal atana hriak thih turin an koh haw ta a nih kha.

Josepha kha a u ten an huat rawn a, kha an huat rawnna tak kha, Aigupta thlen tirtu a ni a. Dawt avanga Aigupta tanin hreawm bera a tanna tak kha, Aigupta hotu lalber a nih theihna kalkawng a ni.

Keini pawh hi tiro,

1. Thawmhnaw tha leh thil dangte midang neih ang, kan neih ve phak lohna takte hi, pawisa min khawl thiam tirtu leh rilru puitling min neih tirtu a ni zawk thin.

2. Kan beisei anga kan nun a in her loh thin avangin,  fimkhur taka remruat dan leh hma thlir siam dante kan thiam phah thin.

3. Kawppui zawn khawnga kan tluan lohna takte hi, mitha zawn ngaipawimawh tur a min ti fingtu leh mitha min neih tirtu a ni zawk thin.

4. Kan lungngaihna takte hi, tawngtai dan min thiam tirtu a ni thin a, chu kan tawngtai thinna atang chuan Lalpa kan hmuh fiah phah thin.

(Tawngtai Dan Tur)
Lalpa, ka nuna thleng lo atana ka duhte hi, nang chuan min zirtirna hmanruaah i hman thin avangin, ka nuna thil pawimawh berte an ni hial zawk thin a. Nangmah nena engkim thlir thiam tur leh engkim phena min zirtir i duhte zir thiam turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Nangmah Phuar Betu Atang Khan Chhuah I Duh Em?

"Tin, Lalpa chu Thlarau chu a ni a; Lalpa Thlarau awmna apiangah chuan zalenna a awm thin."(II Korinth 3:17)  

Barabba kawl kha, Krista hmangaihnain a phelh sak a ni.

Min phuar bet tlattu kan kawl bun hi, Krista hmangaihnain min phelh sak ve em. Min phelhsak lo a nih chuan, Krista hmangaihna hi kan la hre tam tawk lo tihna a ni thei.

Krista hmangaihna chuan Barabba kawl kha a phelh mai a ni lo a, Barabba kha nun thar a pe a ni. Barabba khan amah ai Krista an khengbet kha mak a ti a, Pilata hmaa an dindun hma pawh khan, Isua chanchin kha alo hre ve tawh a, mahse Isua chanchin a hriatna ringawt chuan a chhuah zalen lo a. Hmaichhana rorelna hmaa an dindunna hmunah, Krista a hnaih chilha, fiah taka a hmel a hmuh theihnaah chauh khan Krista hmangaihna chuan a chhuah zalen a ni.

Keini pawh hi, Krista chanchin ralah ringawt kan hre mai a nih chuan, min chhuah zalen hauh lo ang, mahse hmaichhana Krista kan tawng tak taka, kross a a thihna kha kei misual vang leh ka thih ai a ni tih fiah taka kan hmuh a, a ni chu van rorelna hmuna min dinpuitu a ni tih kan hmuh fiah hunah, Krista hmangaihna hian min chhuah zalen dawn a ni. 

Thu dangah han lut zawk ila, rawngbawltu tlachhia pakhat hi a awm a, hun rei tak zu bawiah atanga. Tichuan, hun a kal zela, tlai khat chu an kawmthlanga a tei mai mai chu, a Pathian thu a hriat tawhsa in a rawn denga, a in hmuchhuak taa, chuta tang chuan zu bawi ata chhuah zalenin a awm a ni. 

Pathian thu hi a chaka, hriat tam hrim hrim hi atangkaia, he rawngbawltu pawh hi, camp-ah a lut lem loa, a inhmuh chhuah lai hi bible a chhiar lai leh a tawngtai lai pawh a ni lo a, a tei vel mai mai laiin, Pathianin a thu a hriatsa chu amahah a rawn ti nunga a chhanchhuak ta a ni.

Krista chhanchhuahna kan chan loh chhan chu a hmangaihna kan hriat tawk loh vang a ni a, a hmangaihna kan hriat loh chhan chu a thua kan inchhiah tawk loh vang a ni.

Kan tanna hmun leh kan buaina hmun hi eng pawh nisela, chung hmun atanga chhuah kan duha kan tum a nih chuan, a nasa thei ang berin Pathian thuah i inchhiah ang u.

(Tawngtai Dan Tur)
Lalpa, ka tanna hmun atanga chhuak turin, i hmangaihna ka hriat a tul a, i hmangaihna ka hriat theihna tur chuan i thu a nasa taka ka inchhiah a tul a ni tih hi ka hriat renga, theih tawpa i thua ka inchhiah theih nan, thahnem ngai sauh sauh turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Remna Siamtute Chungah Lalpa A Lawm Thin

"Sual kalsan la, thil tha ti rawh; Remna zawng la, a umin um rawh."(Sam 34:14)

Remna zawngtute hi Pathian hian a ngaihthah ngai lo a. Remna siam hi sual kalsanna pawimawh tak a ni.

Kan rawngbawlpuite nen emaw, kan chhungkaw zing amite nen emaw, kan thiante nen emaw, kan eizawn pui leh kan hnathawh puite nen emaw, intihbuaina kan nei mek em? Kan nei mek a nih chuan remna siamtu zawk ni ang u.

Tin, tunah midang nen buaina kan nei lo a nih pawhin, midang nen buaina kan neih ve leha remna siamtu zawk ni turin inbuatsaih reng ang u. Remna siamtu kan nih hian, mihring hmaah chuan kan tlawm a nga, kan lang mawi lo pawh a ni thei e, mahse  Lalpa mithmuhah kan mawi thin a ni.

Remna siamtute chu Lalpan a ngaihthah ngai loa, a malsawm thin a, a ngaihsak reng bawk thin a ni.

(Tawngtai Dan Tur)
Lalpa, nang chu lei leh van inkara remna siamtu i ni a, remna i siamna kawngah khan nasa takin i tuar a nih kha. Kei pawhin i hniak hnung ka zui ve a, remna siam tura aman pek ngaite chu ka pek ve theihna turin min tichak ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Tuna I Dinhmun Kha A Rit Tiro, Mahse Chak Lehzualna I Neihna Tur A Ni Asin

"Chakna atangin chak lehzualnaah an kal thin a, Zion-ah Pathian hmaah chuan an inlan theuh thin."(Sam 84:7)  

Gym a kal thinte hi a hma a an chawi zawh ngai lohte an chawi zo thin a, a hma aiin an tlan thei zawk thin a, a hma aiin sit-up leh push-up te pawh a thei zawk thin. A awm zia takah chuan, a hma aiin an chak zawk tihna a ni. Tin, gym a an kal hma pawhin mi pangngai,  chak tha pangngai an ni a, damlo leh hriselna a harsatna tawkte tan chuan gym a exercise lak ve chi a ni lo a, an chauh belh mai zawk dawn a ni. Mi chak pangngai leh hrisel pangngai, gym ah pawh kal lo mahsela chak thawkhat ve tawkte chauh kalna chi a ni.(chutih rual chuan gym chi hrang hrang a awm a nga.)

Hei ang chiah hian, thlarau nunah pawh hian, chakna atanga chak lehzualnaah kan kai dawn a nih chuan, gym a kal thinte angin, rit kan chawi ve a ngai thin a ni. Chu rit chu, lungaihna pawh a ni thei, ngaihzawng neih kawnga tluan lohna pawh a ni thei, eizawnna a tluan lohna pawh a ni thei, hrisel lohna pawh a ni thei bawk awm e. Chung ritte chu kan chak leh zual nan kan Pathian hian kan chawi a phal a ni, a chhanchu tuna kan dinhmun aia sang zawkah min dah a duh vang a ni thin.

Tin, gym a kalte chu mi chaksa leh chak pangngai an nia, mi chak lo tan chuan an rit lak ang te leh an insawizawi dan ang a insawizawi ve chi a ni lo ang hian. I rit chawi mek kha, mi chak tha pangaite chauh chawi theih chi a ni a, Lalpan i chak leh zualna turin a chawi tir che a, i chak loh vanga kha rit kha chawi i ni loa, i chak vang zawka chawi i ni.

Gym a kal rei tawhte chu midang zirtirtu (instructor) an ni thin a, chutiang chiah chuan thlarau kawnga rit chawi thin leh chawi thiam tawhte chu, midang hruaitu leh zirtirtu an ni thei thin a, chutiang mi ni tur pawh chuan Lalpan a duh che a ni.

Kan Pathian hian, kan awmna ngaia kan awm renga, lungawi taka kan awm hi a duh lo a, kan nih theih tha ber kan nih hi a duh a, chu vang chuan mitha atang mitha zawk mi nih tir a,  chakna atanga chak lehzualna min neih tir a duh thin a, hei vang hian rit kan chawi hi a phal thin a. Mosia pawh kha a beram vennaah khan a lungawi reng alawm, mahse Lalpa a lungawi ve lo thunga Aiguptaah a tir a. Josepha pawh a pa inah khan a lungawi reng a, mahse Lalpan a pa ina lungawi mai mai turin a duang loa, chu vang chuan, rit a chawi tir a nih kha.

Hawh u, lawm chungin kan rit chawi, kan harsatna leh manganna te hi i chawi ang u.

(Tawngtai Dan Tur)
Lalpa, tuna ka dinhmun aia sang zawk min pek i duh a, chuvang chuan ka nun hian rit a chawi i phal avangin ka lawm e, i duh ang ngei a chakna atanga chak lehzualna ka neih theihna turin, min zirtir i duhte chu ka zirthiam theih nan min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.



Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Puih I Mamawhna Zawnah Tak Khan A Pui Duh Che

"Tin, Thoma hnenah chuan, “I kutzungin han khawih la, ka kutte en rawh; i kut han ban la, ka nakah zen rawh; ring lovin awm suh la, ring rawh,” a ti a."(Johana 20:27)


Isua Krista chu kan sual tlan nan, a thia a tho leh a ni tih lai tak a hi, rin loh chuan, chhandamna a chan theih loh a ni. Chutiang khawp chuan, a thawh lehna hi a pawimawh a, mahse zirtir zinga chik ber leh fimkhur ber pawh ti ila kan sawi sual loh tur a ngaih, 'Thoma' chuan a ring hleithei ta tlat lo mai a.

Vawi tam tak Isua ngei pawhin a thia a thawh leh tur thu, entirna nen a hrilh thin sia. Chuting chung pawhin a ring thei loa, zirtir dangte pawhin an hrilha ala ringthei chuang lo, ti hian a ti zawk a "“A kuta thir khenna serte kha ka hmuh a, thir khenna serahte chuan ka kutzung ka khawih luh a, a naka ka zen meuh loh chuan ka ring lo vang,” a ti a."(Johana 20:25)

Chutianga a sawi ang tak chuan, Isuan "a nak fei chhunna kua a zen tir a, a kun thirkhen tlangna kua pawh a khawih tir a ni." Rin lohna hi, hremhum kal ngei ngeina tur khawpa sual lian a ni a, chu rinna chu a kebula a zirtir ngei Thoma'n a neih loh khan, Isuan hei leh chen hnuah pawh i ring lo a maw! i nih nih chu va ni mawlh teh. A ti lo a, a rin theihna turin, Thoma duh ang ngeiin a pui zawk a nih kha. Chutiang taka Thoma chunga Isuan a tih chhanchu, Isuan Thoma a hmangaih vang a ni.

"Rinna hi a pawimawh a, vanram chahbi pawh a nia, mahse rinna chungah hian hmangaihna a awm zel thih" ti ila kan sawi sual awm lo e. Rinna tlemte neitute hi Lalpan min hmangaih avang hian, kan rinna pawh hi tlingah min pawmsak a ni. Chu mai pawh chu ala ni lo a, rinna kan neih pawhin, a hmangaihna avangin rinnaah chuan min hruai luh bang loin a tum thin.

Thoma chunga Isuan a tih ang chiah hian, keini chungah pawh hian kan Lalpa hian a ti ve a 

1) Khawi lai nge i chak lohna lai chu, ka tichak ang che,

2) Eng sual hi nge i sim theih loh chu, sim turin ka pui ang che, 

3) Eng laiah nge hma i sawn theih loh, hma i sawn theih nan ka pui ang che, min tia.

"Ring lovin awm suh la, ring rawh"(Johana 20:27b) Thoma hnena a tih ang bawk khan keini hnenah pawh hian, i sim theih lohte, i chak lohnate, hma i sawn theih lohnate kha, keimah nen i paltlang thei tih, 'ring lovin awm suh la,' keimah nen kan hneh theia, kan paltlang thei a ni tih hi 'ring rawh,' min ti a ni.

Hawh u, Thom'n a rin theih dan tur a puan chhuah ang chiah hian, hmangaihnaa khat kan Pathian hnenah hian puih kan ngaihna zawn "kan chak lohnate, kan sual sim theih lohte, kan hmasawn theih lohnate hi" i puang chhuak ve ang u. Tichuan, a nin kan hneh theihna turin min pui dawn a ni.

Tin, Thoma atangin zirtur pakhat kan nei a, chu chu Thoma chuan a thinlung zawng zawngin Isua a ngaithla a, rin ngei a duh a, a tumna hi a ni.

(Tawngtai Dan Tur)
Lalpa, mi fel sim tur nei lote, mi chak tih chak ngai lote, mi tha hmasawnna tur nei lote ai chuan, mi sual sim tur nei sim chungahte, mi chak lo i tih chak duhtu chungahte, hmasawn hleithei lo i puihna ngentu chungahte hian, i lawm zawk a ni tih hi ka hriat renga. Bang hauh lo a, i ke bulah i puihna ngena awm tlat zel turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.


Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Thawh Duh Dan Leh A Thawh Duh Hun Ngaichang Thinte Chu An Hlawhtling Thin

"Nimahsela keimahin ka thawk lo va, Pathian khawngaihna ka hnena awm khan a thawk zawk a ni."(I Korinth 15:10b)

"LALPAN in a sak loh chuan, A satute chuan an thawk rim thlawn mai a ni: LALPAN khawpui a vawn that loh chuan, A vengtu chu a meng thlawn mai a ni."(Sam 127:1)

Rawngbawl dan chi hrang hrang a awm a, eng kawng zawng pawh a rawng kan bawlnaah hian, keini a rawngbawltute hian tihtheih kan nei a, Pathian hi mihringte thawhpui duh thin Pathian a ni a, hei vang hian kan tihtheih tawk kan tih hi a tul thin a, mahse"chu aia pawimawh zawk chu Lalpan hna a thawh hi a ni."

A chang chuan keimahni a rawngbawltu a hi, kan chawlh a, tawngtaia kan rawngbawlna hlana, Pathian tih tura kan dah hi a pawimawh zawk hun a awm thin. 

Keimahni ai rawngbawlna hian, Pathian hnathawh a mamawh zawk tih hi kan hriat reng a pawimawh awm e.

A chang hi chuan kan bei vaka, kan thawk nasa em em a. Chutih lai chuan kan Pathian hian, "Lalpa nangin tizawk rawh kei chuan ka thei lo a ni," kan tih hun alo nghak thin tih hi hria ang u.

Pathian hnena kan hruai tumate hian, an mahni a Pathian an hmuh ve a tul thin a. An hnena Pathian thu kan hril a pawimawh a, chu aia pawimawh zawk chu, Pathian thu kan hril a chu an mahnia Lalpan a thawh tir hi a ni a, an mahnia Pathian thu a nuna hna a thawh theihna turin, tawngtaisak chunga kan thlah zalen a tul fo thin. 

Tin, kan eizawnnaah pawh hian, keimahni theihnaa kan nawr tang tang reng a pawimawh rual hian, Pathian hnathawh kan nghah thin hi a pawimawh zawk chang a awm thin.

Kan tihtheih chin ti thei tur chauhin Lalpan theihna min pe a, kan theih bak tih tum lo ila. Chu maibakah Lalpan a tawh loh chuan, a thawktute hi kan thawk rim thlawn mai thin a ni.

Pathian hmanrua mai kan nih leh Pathian tel lo chuan engmah kan nih loh zia hi, hre reng thin ang u.

(Tawngtai Dan Tur)
Lalpa, i thawh loh chuan engmah ka ni lo tih hi ka hriat renga, i thawh hun leh i thawh duh dana hi, ngaithla thin tur leh ngaichang thin turin min pui ang che, Amen. Ti ang aw.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A