"Aw ka hmêlma, mi diriam mai suh: ka tlûk hun chuan ka tho leh ang: thima ka thut pawhin LALPA chu ka tân êng a ni ang."(Mika 7:8)
Indonaah hian, inbeihna (battle) vawithum awm turah, miin a hmelma chu vawihnih hneh mahsela a inthlahdah thei chuang lo, a chhanchu a vawithumnaah a hmelma chuan a hneh let leh vek thei a ni.
Ala fiah tawk loh takin, football inkhelhnaah hian, minute 60 chhung hun chanve aia tam zawkah team pakhatin a tumpui chu hneh mahsela minute 30 la bangah chuan, team chak lo zawk chuan a hneh let leh theih thin avangin, a chak zawk team chu a inthlahdah thiang lo a ni. Chutianga, team intlahdah leh tang mar lo chu, an tumpuiten an hneh let leh thin zia hretu theuh kan ni awm e.
Hetiang ang deuh hian, kan hun kal tawh tam zawkah michak lo kan ni maithei e, mahse kan inbeihna ala tawp loa, chu kan inbeihna la awmah chuan, "Lalpa chu ka eng a ni" tichunga Lalpa lam en reng zela, kan hmelma kan bei a nih chuan kan hneh let ngei ngei ang.
I hmelma chu, sual hnathawh vanga, retheihna, chhungkaw inrem lohna, lehkha thiam theih lohna, nupui pasal zawnnaa harsatna pawh a ni thei e, Lalpa nen i inbeihna (battle) la awma i beih tlat chuan, i hneh let leh ngei ngei dawn a ni.
Thimah thu rih mahla, Lalpa chu i eng leh i chhandamtua i thlana, a thu zawm chunga i indona i beih chuan, i hmelma i hnehtawh loh kha, i hneh let leh theih nan Lalpan a pui che a nga, hnehna chu i tan a buatsaihsak ngei ang che.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment