"Tin, Davida chuan, "Chungho chu um ila ka la umpha ang em le?" tiin LALPA a zawt a. Ani chuan a chhâng a, "Um rawh, i umpha ngei ngei ang a, i chhanchhuak vek ngei ngei ang," a ti a." (1 Samuela 30:8)
Davida leh a sipai te chu, hmun danga an awm laiin khua chu hmelmain an lo bei a, an nupui fanau te, chu salah an lo hruai vek a, Davida leh a sipai te chu an lungngai em em a, an tap zawih zawih ani. Tichuan, Davida chuan Lalpa a rawn a, a umphak leh phak loh tur chungchangah, Lalpa chuan va um rawh i umpha ngei ngei ang a, i chhanchhuak vek ngei ngei ang a ti ani.
Kan chhungkuain Lalpa lam a hawi nan te, Sual min ti buai thintu kan hneh theih nan te, Thil tha kan tih ngai loh kan tih theih nan te, Lehkha zirna a kan hlawhtlin theih nan te, Eizawnna ah kan tluang lo a Lalpa rinchhana tluanglohna kan paltlang nan te, Lalpa rawng tha zawk a kan bawl theih nan te "LALPAN UM RAWH A TI." I um pha ang, I Um pha ang, ka awmpui ang che min ti.
Lalpa hmachhuanin kan nun a kan HMABAK apiang te chu, i um ang u.
No comments:
Post a Comment