"Tin, Pathian Thlarau Thianghlim chu tilungngai suh u, tlanna ni atan chuan amahah chhinchhiaha in awm kha."(Ephesia 4:30)
Thlarauthianghlim hi ringtu te kawng dik a min hruaitu ani.
Thu sawituin tha takin a sawi a "Amen leh Halleluiah" mipui lam atang an lo pek tuar tuar hian Thlarauthianghlim a che a, Zaipawl emaw Pathian fakna hla tuin emaw nungtakin an sa Thlarauthianghlim a che a, kohhran zai kan tui em em a lamtuala lam chhuak pawh kan thahnem a chung hun ah pawh chuan Thlarauthianghlim a che ani.
Mahse, heng ringawt hi Thlarauthianghlim chet dan emaw kan ti fo thin, "Kohhran ho leh Ringtu nun zawng zawng ah hian Thlarauthianghlim hi a in rawl hfai vek ani," tih kan hriat a pawimawh awm e.
"Tlanna ni atan chuan amahah chhinchhiaha in awm kha." He mi thu hian, Thlarauthianghlim chenchilhna neih a pawimawh zia a ti lang ani. Kan Lalpa Isua Krista chhandam ni tawh te chu, Thlarauthianghlim a chhinchhiah kan ni a, chu chhinchhiahna a chhinchhiah te chu, chatuanram kan pan hunah, Vanin a lawitura chhinchiah te kan ni ang.
Thlarauthianghlim chu, Pathian rawng kan bawlna ah te, Kan eizawnna ah te, kan nupa inkar ah te, kan ngaihzawng nen a kan inkar ah te, kan lehkha zirna te, ka nun zawng zawng a kawng dik, Pathian duh dan kawng a nungtura min hruaitu leh min puitu ani.
Thlarauthianghlim tih vui chu ngaihtuah pawh a ngaihtuah ngam awm lo a, Thlarauthianghlim ti vuitu tawpna chu a rapthlak hle ang. Tin, tih vui chu sawi loh, Thlarauthianghlim min hruaina tur hi, keimah ni hian kawng kan khar thei a, Thrauthianghlim min hruaina tur dal tu kan ni thei ani. Pathian lam ngaihsak ila, kan rilru leh kan thinglung te hi, Thinrimna lak atang te, Ngaihtuahna bawlh hlawh atang leh thil dang dang te a kan hnawh kha chuan, Thlarauthianghlim aw kan hre thei ngai lo ang.
Tharauthianghlim chu kan nuna a chet nasat pauh leh, kan nun hi a fel fai thin ani. Hna thawh emaw, nupa kar emaw, rawngnawltu te kan in kar ah te hian, Thrauthianghlim hruai a awm te chuan nun FIM tak leh FELFAI tak an nei thin ani.
He nun FIM tak hi, Lehkha zirna ah te, Eizawnna ah te, kan chhungkaw nun ho na ah te hian a pawimawh em em ani.
Thlarauthiang hruaina hnuai a, eizawng, nupa in siam, hna zawng, lehkha zirte chu an hlawhtling nge nge thin ani.
No comments:
Post a Comment