Ka Mite Chu An Mualpho Ngai Lo Vang

"Tin, Israelte zingah ka awm tih leh LALPA in Pathian ka ni a, tumah dang an awm lo tih in hria ang: ka mite chu an mualpho ngai lo vang."(Joela 2:27)

Pathian hian a mite an mualpho tak tak a phal ngai lo a ni.

Pathian mi kan nih theih dan tur chu, ama hnuaia intuk luh a ni.

Abrahama kha Israel hnam thlahtu leh Israelte hnam pa a nia, Pathianin amite tana a hnam thlan Israelte hnam paa a thlan chhanchu Pathiana a intukluh vang a ni. Pathianin chhuak rawh a tih leh a chhuaka, kal rawh a tih leh a kala, i fapa min hlan rawh a tih leh hlan a tum takzeta, chutiang tak chuan Pathian thu a zawm avangin Pathianin amiah a pawma, a hnam thlante thlahtuah a ruat a ni.

Keini pawh hi, kan phak ang tawk tawka, Pathiana kan intukluh phawt chuan kan Pathian hian amiah min pawm a nga, kan tisual palh emaw, kan chesual palh emaw a nih pawhin kan mualpho a phal dawn lo a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Hmasawn I Duh Em?

"Unaute u, manah ka inngai lo. Amaherawhchu he thil pakhat hi ka ti thin – hnung lama thil awmte chu theihnghilha, hma lama thil awmte chu banin."(Philipi 3:13)

Hmasawn i duh em?

Hmasawn i duh chuan, i hnunglama i thinrimna leh i chet chhiatnate kha theihnghilh rawh. Khangte kha engmah tangkaina a nei loa, thilrit tangkai lo phur chunga tlang lawn a harsat ang hian, min ti rit thlawna hma kan sawnna tur a ti chak lo mai mai a ni.

Heng kan hun kal tawh tha lote hi theihnghilh ila, hma kan sawn dan tur chauh ngaihtuahin hma lam hun zawk ngaihtuah nan hun a tam thei ang ber hmang ila, tichuan hma kan sawn ngei ang.

Hnung lama thil awmte hi, nun thar neih loh chuan kalsan tak tak a hara, nun thar nei tur chuan eng ang pawhin piangthar tawh mah ila, eng ang pawhin rawngbawltu ni tawh mah ila, Krista tihtak zeta kan pan tho tho a ngai a ni.

Hmasawn tur chuan nun thar nei tura Krista pan a ngai a ni. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathianin Kan Tih Tur Leh Kan Nih Tur Fiah Taka Min Hrilh Loh Chhan

"Tin, ani chuan "I fapa, i fapa neih chhun, i hmangaih tak, Isaaka ngei kha hruai la, Moria ramah chuan kal la, chutah chuan ka hrilh tûr che tlâng pakhatah chuan hâlral thilhlanah hlân rawh," a ti a."(Genesis 22:2)

Pathian hian kan tih tur hi chiang taka clear direction min hrilh kan phut thina, kan zawt kan zawt thin bawka. Mahse, min hrilh ngai lem lo a ni.

Abrahama henah pawh khan, ka hrilh tur che tlang pakhatah" a ti a nih kha. Kan Lalpa Isua Krista pawh khan, tehkhin thuin thu a sawi bawk thin a ni.

Tinge, hetianga Pathian hian kan tih tur fiah taka min hrilh ngai loh le kan ti maithei. A chhanchu kan rinna hi min siamsak a duh thin a ni. Hmufiah vek tawh ila, hre fiah vek tawh ila, rinna a ni lo ang.

Abrahama kha, a tih tur zawng zawng leh a kalna tur zawng zawng kha Pathianin hrilh nghal vek sela, Isaaka kha a hlan ngam kher lo maithei. Kha an kal kawngah khan, Abrahama rinna chu a siam sak zela, tichuan halral hlanna tur hmunah meuh kha chuan Isaaka a fapa hmangaih em em hlan ngam khawpin Abrahama rinna chu alo tang zawk a ni, ti ila kan sawi sual awm lo e.

Tichuan, Isaaka a hlan ngam chiah khan Pathianin Abrahama tan khan malsawmna nasa tak a phelh sak belhchhah, kan ti thei ang.

Kan Pathian hian, min malsawm duh avang hian kan rinna min siamthat sak zawk a duha, hei vang hian a kimchangin engmah min hrilh ngai lo zawk alo ni.

A kim chang thlapin kan hre lo anih pawhin, Lalpa ka ring zel ang che, ti ang u. A tawp thlenga kan ring a nih ngat chuan, meipui chhungah min rawn luh chilh ve a nga, meipui chhunga kan chhuah ve leh a malsawmna nasa tak chu min lo hmuah tir dawn bawk a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Dinhmun Siamthat I Duh Chuan, I Natna Leh Beidawnnate Thlir Thlir Loin Lalpa Lam Thlir Zawk Rawh

"Tlâng lamahte khian ka mit ka len chho vang: Khawi lama mi nge mi tanpuina tûr lo thleng ang? Mi tanpuina tûr chu LALPA Lei leh van siamtu hnêna mi a lo thleng ang."(Sam 121:1-2)

Ni e i na alawm, i beidawng alawm, i dinhmun a harsa alawm, mahse khangte kha thlir thlir awm zia a awm lo.

Nangmah chhanchhuak theitu Lalpa lei leh van siamtu chu han thlir han thlir zawk ta che.

Ka buai tawha, ka dinhmun a chhe tawha, mahse ka la tho thei tiin, engtin nge Lalpa nen kan thawh leh ang tiin i hun tam zawk kha hmang rawh le.

Chutianga i ti a nih phawt chuan, i harsatna leh i buainate khan an ngam lo ang che.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Eng Pawh Ti Dawn Ila, Bible'in Engtin Nge A Tih Tiin Chhut Phawt Thin Ang U

"Pathian Lehkha Thu zawng zawng hi Pathian thawk khuma pek a ni a, zirtir kawngah te, thiam loh chantir kawngah te, zilh kawngah te, felna zirtir kawngah te a sawt bawk a ni; Pathian mi chu hna tha tinreng thawk tura kim taka inthuamin a famkim theih nan."(II Timothea 3:16-17)

Kan bible a Pathian thute hi, ringtute tan chuan kan guide book a nia. A hmang tangkai thiam apiangte chu an vannei reng a ni.

Duh leh awh kan nei em, bible in engtik nge kan thil duhte neih dan a sawi tih kan en theia, bible in a sawi dan ang taka kan thil duh chu, motor emaw, pasal emaw, nupui emaw, fa emaw, hna emaw pawh a ni thei e, neih kan tum a nih chuan kan nei ngei ngei a nga, Pathian humhimna leh malsawmna pawh a tel bawk ang.

Mahse, bible thu kan zawm hian kan duh hun hunah kan nei dawn loa, Pathian duh hun, hun tha berah kan nei dawn a ni.

Fate leh kan naute kan zilh dawnte pawh hian bible'in engtin nge a tih, tih chhut nachang kan hriat a ngaia, chutianga kan chhut thin loh avang chuan chhungkua kan intithiam lo thin renga.

Engkim kan tih dawn hian bible in engtin nge a tih, tih hi hre hmasa thin ila chuan, kan nun hi tluang takin a kal ngei ang. 

Internet khawvela kan awm tawh avang hian kan Pathian thu hriat duh leh mamawhte hi zawn chhuah a awl tawh em em a. Kan duh phawt chuan, engtik lai pawhin kan zawng thei leh zel a ni.

Pathian mite nun tluang leh tha kan neih theihna turin, kawng dik min kawh hmuhtu atan Pathianin bible hi min pe a ni tih hria ila, mahni nun enfiah nan bible a Pathian thute hi i ngaipawih tlat ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Kan Hmelma Lian Ber Chu, Kan Hlauna Zawk Hi A Ni Thei

"Tin, i hmahruaitu chu LALPA ani ang a, I hnênah a awm zel ang a, a tithlawn lo vang chia, kal pawh a kalsan tawp lo vang che; hlau suh la, zam hek suh," a ti a."(Deuteronomy 31:8)

A chang hi chuan kan hmelma lian zawk chu, kan  hmabak ko takte leh kan hmachhawn tur thil hlauhawmte ni loin kan hlauhna zawk hi alo ni thin.

Hei hi kan Pathian hian a hriaa, bible thuin ringtute hi min lo tlan khalha, hlauh suh la, zam hek suh, ka hruai dawn che alawm, min lo ti daih tawh a ni.

Israel fate kha an hmaa harsatna leh an beih tur ral lian pui puite ai chuan an hlauhna khan a ti tlu tam zawk ti ila kan sawi sual awm lo e. Pathianin ka awmpui ang che u a tih reng lai khan, an hmelma harstana leh an hmelma mihringte kha an hlauh vangin Mosia chungahte an hel a nih kha.

Pathianin khang harsatnate kha, an theihnain an hneh thei dawn lo tih a hriat avangin puih a tum sa renga, an mahni pui turin a hnai renga, mahse an hlauh em avang khan Pathian chaka chu an ring zo loa an tluk san zawk thin a ni.

Keini pawh hi, kan fimkhur a ngai a ni Lalpan ka pui ang che min tih reng lai leh min pui tura a hnaih reng lai hian, kan hlauhna avanga Pathian chaka kan tluk san mai hi a hlauh awm tak zet a ni.

Heng harsatnate hi kan hmachhawn hma pawhin kan chakna chuan kan hneh dawn lo tih hi Lalpan a hriat lawk avangin, min pui turin Lalpa chu a hnai reng a.

Hawh u, Lalpa ring chungin leh Lalpa min awmpuitu chu kan hmelma harsatnate ai a lian zawk a ni, tih hi hre chungin hlau loin kan hmelmate hi i bei ang u. 

Hnehna chu Lalpa ta a ni sia.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thil Tha Tih Leh Thilphal Hi Pathian Thu Awina A Ni

"Nimahsela, thil tihthat leh thilphal hi theihnghilh suh u; chutianga inthawina chungah chuan Pathian a lungni em em si a."(Hebrai 13:16)

Inkhawm leh kohhran rawngbawlnaah hian kan duh tawk mai thina, heng bakah hian thiltha kan ti tlat tur a ni.

Pathian vanga thiltha tih tur hi a tam viau a nga, rinawmte, mi chunga ngilneihna lantirte, dawhtheihte etc. Hengte hi ringtu kan nih avangin kan ti ngei ngei tur a ni.

Tin, kan uikawm tur a ni loa, uikawm loh tur tih vang hian a nazawngin kan thil neihte kan khawhral tur tihna a ni loa, mamawhte tan kan thil neihte leh kan sum leh paite hi kan pe phal tur a nia. Chu bakah a tulah kan thilneihte leh kan sum leh paite hi kan hmang phal tur a ni bawk. Kohhranah leh rangbawlna dangah pawh kan thawh zel tur a ni.

Kan bible chuan Pathian kan rinna avanga thil tha tih leh thilphal hi inthawina alo ti hiala hei vang hian, thil tha tih leh thilphal hi i hlamchhiah lo ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Hmabak Ko Takte Kha Nangmah Tichhe Tur Che An Ni Loa, Lalpa Nena I Hneh Turte An Ni Zawk

"Chhel tak leh huai takin awm ula, tih suh ula, anni chu hlau hek suh u; in hnena kala chu LALPA in Pathian a ni si a; a tithlawh lo vang che u a, kal pawh a kalsan tawp lo vang che u," a ti a."(Deuteronomy 31:6 )

Kan Pathian hi malsawmtu chauh leh humhimtu mai chauh a ni loa, hmangaihtu Pathian a ni zawka.

A hmangaihna avang hian, a hmangaihate chuan amah an hmangaih leta an hnaih tlat theih nan harsatna an tawh a phal thin a ni.

Israel fate, Kanaan ram an luh dawn chho khan an hmaah hmelma lian pui pui leh hnam chak tak tak an awma, chung hnamte chu Pathianin Israel hnam tichhe tura a dah an ni loa, a hmangaih Israelte khan amah an tih phawt chuan engkim an hneh thei tih an hriat theih nana an hneh zawk tura adahte an ni.

Pathianin Israelte hmaah khan hmelma beih tur chi hrang hrang a daha, a changin mihring a daha, a changin tuipui, ei tur neih lohte, tui in tur neih lohte leh thil dang dang pawh amah nena an hneh turin a dah a ni.

Chung zawng zawngte chu a hmangaihna an hmuh fiah theihna turin leh amah chu an hmangaih ve theihna turin a hneh tir vek a ni.

Israelte hmabak en hi chuan, Pathianin a hmangaih loa tih chhiat a tum emaw tih mai theih a ni a, chutiang a nih loh zia kan hre vek tawh awm e.

Keini pawh hi kan hmabak ko tak leh kan harsatna kan tana beih ngaihna awm lo khawpa liante han en mai hi chuan, Pathianin min hmangaih loa, min tihchhiat vek a tum ta emaw tih maitheih a nia. 

Mahse, chutiang a ni loa, a hmangaihna kan hmuh fiah theihna turin hengte hi kan hmachhawn a phala, chu mai bakah kan hmabak ko takte hi min tichhetu tura kan hmaa awm a phal ni loin, min awmpui zia kan hriat theihna turin, amah nena kan hneh vek atan zawk kan hmaah a dah a ni.

Lalpan min hmangaiha, min kalsan dawn lo tih hi inhrilh nawn fo ang u. 

Lalpan a kalsan ngai lo chea, a kalsan reng reng lo ang che.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan A Chhanchhuak Leh Dawn Che

"Aw ka nunna, LALPA chu fak la, A thiltih that zawng zawng chu theihnghilh suh u."(Sam 103:2)

I hmaah hmabak lian em em a awma, i cho ngam loa, i zam chhe dawn dawna. Tlanchhiatsan theih chu nise tlanchhiatsan i duha, mahse thlanchhiatsan theih a ni si lo em?

Zam reng reng suh, Lalpa a rinawm bang ngai loa, a rinawm zia leh a chak zia a rawn ti lang leh dawn.

I hun kal tawhah pawh vawi tam tak a puih tawh thin ang che khan a pui leh dawn che a ni.

Kha hun kha ila hria em, i dam khaw chhuak dawn lo emaw i tih tuma, Lalpa hna thawh mak tak i hmuh kha, kha hunah khan i beisei zawng zawng a bo tawha mahse Lalpan a chhanchhuak che a nih kha. Kha Pathian kha ala ngai renga, a chhanchhuak leh dawn che a ni.

Lalpa chhanchhuah tawhna che kha theihnghilh lo la, a chhanchhuak leh dawn che tih hi ringhlel bawk suh ang che.

"Aw ka nunna Lalpa chu fak la, a thil tih that zawng zawng chu theihnghilh suh" tiin i thinlung kha, han hrilh nawn thin la, Lalpa chhanchhuahna i hmuh dawn ngei avangin Lalpa chu fak rawh le.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Kan Hnaih Leh Kan Hlat Kan Hriat Theihna Tur Pakhat

"Tin, Saula chuan khawh tumin a fei chu a han lek a; chu mi avâng chuan Jonathana chuan a pain Davida chu thah a lo tum ngei a ni tih a hre ta a."(I Samuela 20:33)

Kan nuna fimkhur a ngaih hun lai chu, Pathian mi nia kan hriat ten min hlat lai hi a ni. 

Inkhawm rawh aw min ti thintute leh kan inkhawm khat deuh emaw a, i va vang ve min titute aw kan ngaihtheih loh lai hian Pathian kan hlat alo ni duh fo thin.

Saula pawh khan Pathian a hlat khan, Pathian hriak thih Davida leh Pathian awmpuina changtu a fapa Jonathana kha a ngaithei lo a nih kha. Jonathana pawh kha Pathianin a awmpui a, a ralthuam kengtu nen chauh Philsitia mi tam tak an that thei hial a nih kha.(1 Samuela 14:13,14)

Saula khan Pathian an hlat tak tak phei kha chuan a fapa Jonathan'n thil dik a sawi khan, Saula kha a na tlata Jonathana ama hrin ngei kha feia khawh a tum hial a nih kha.

Kei ni pawh hi inngaihtuah chiang teh ang u, inkhawm kan tlahdah em, rawngbawlnaa tel tura min sawm thintute kan hua em, tunlai takin whatsapp-ahte kan block em, chutiang chu kan dinhmun alo nih a kan insiam tha lo a nih ngat chuan, Saula ang chiaha tluk chiat chu kan hmabak a ni.

Hawh u, Lalpa kan hlat a nih chuan hnaih leh i tum ang u. Tin, a kut leh ke leh a aw puanchhuahna atana a hman a mite hnaihah pawh awm reng i tum ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Aw Lalpa Ka Chakna Ka Hmangaih A Che (Sam 18:1)

"Aw LALPA, ka chakna, ka hmangaih a che."(Sam 18:1)

Engtik hunah nge, Lalpa hi kan ngaih pawimawh le?

A tlangpuiin Pathian kan ngaihpawimawh hun hi, kan mangan hunte, kal ngaihna kan hriat loh hunte, kan beidawn hunahte a ni thina.

Kan Pathian hi a bul atanga a tawp thlenga engkim kan tihtheih chhan, kan chakna awm chhun a ni tih hi hria ila chuan, Lalpa hi kan ngaipawimawh a nga, engkimah a hnenah kan inkawl tir fo bawk a nga, engkimah kan tluan phah ngei ang.

Sam 18:1 ziaktu Davida pawh kha, beram vengtu mai a ni a, beram veng hna thawk awm tawk vela, hriatna nei tlem leh mi chak lo a ni, mahse "Aw LALPA, ka chakna ka hmangaih a che" ti khawpin Lalpa chu atir atanga a tawp thlenga a chakna a ni tih a hriaa, a hmangaiha, chu nun Lalpa hmangaihna nun leh Lalpa chu a chakna a ni tih hriatna nun chuan, Israel lal ropui ber a nih tir a ni.

Tuna kan thlen chin lek thleng tur hian, Lalpan min duan loh a rinawm, mahse hei aia sang zawka min dah theihna tur hian, Lalpa chu kan engkima engkim, kan innghahna leh kan chakna bulpui ber a nih zia kan pawm chian a ngai a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Tana Dai Ngamte Bawk Lalpan A Hmang Thin

"Tin, ani chuan, "Lo kal ta che," a ti a. Petera chu lawng ata a chhuk a, Isua hnen lam panin tui chungah chuan kein a kal a."(Matthaia 14:29)

Ringtu hmasa zingah khan Petera hi tinge Pathianin puipa bera a hman le, tih hi han ngaihtuah han ngaihtuah hian, a dai ngam bik vang a ni ti ila kan sawisual lutuk awm lo e.

Isua an khenbeh dawn khan, Petera khan a zui ve ngar ngar a mahse a zui thleng ngam ta loa, a phatsat taa. Mahse, chutia a zui ngar ngarnaah leh a phatsatnaahte chuan zirtur tha bik a chhar chhuah zel a rinawm.

Kha tia a phat chiah khan, Isua a hmangaihna kha a tawk loa, Isuan amah Petera a hmangaihna zawkna kha innghahna tlak a nih zia te pawh a chhar chhuah a rinawm.

Petera chanchin sawi dawn chuan sawi tur a tam a nga, a dai ngamna hi, mibik nih tirtu pakhat a nihna lai hi han sawi mai ta ila.

Petera nun en hi chuan, engkimah alo dai ngam zia a hriat theih a. Hlawhchham ngei ngei tur pawhin a dai ngam tlat zela, chutia a dai ngamnaah chuan hlawhtling kher lo mahsela a hlawkna a chhar tho thin a ni.

Kei ni pawh hi, Lalpa vang leh Lalpa tan hian dai ngam ve ila. Kan tum ngam loh thilte pawh hi Lalpa nen chuan kan thei ang tih beiseiin dai ngam ila, tlawmnaahte, thilpekahte, midang hmangaihnaahte leh rawngbawlnaah engpawh ti ngai sela, i dai ngam ve ila.

Tichuan, kan hlawhchham a nih pawhin, Lalpa vang leh Lalpa tana kan tih avangin hlawkna tam tak kan chhar chhuak dawn to a ni. Tin, kan hlawhchham a kan pil mai dawn a nih pawhin Petera tuia a kala tuia a pil dawna Lalpan a pil phal loa ava chelh ang hian, kan phil dawn pawhin Lalpan min chelh vat ang tih hi hria ila.

Lalpa hming ti mawi turin tuma la tih ngai loh a ni emaw, keimahni chauhin kan ti dawn a nih pawhin i dai ngam ve ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Naupangte An Nu Leh Pa Leh An Hotute Hmaa An Inngaihtlawm Ang Hian Pathian Hmaah Inngaitlawm Ang u

"Chutichuan, tupawh he naupangte anga inngaitlawm apiang, chu mi chu van ramah chuan a ropui ber ang."(Matthaia 18:4)

Naupangte hi thu an dawng theia, thu an zawm thei bawka, nu leh pa leh hotute thu an nghak thina, an mahni thu thuin engmah an ti ngawt ngai lo a ni.

Hetiang ang chiah hian, kan Pathian hmaah inngaitlawm takin awm ila, kan Pathian thu nghak ila, ngaihdan nei ve phet tum lo ila, kan Pathian thu ngaithla ila zawm bawk ila, tichuan van in nuam chu kan chang ngei ngei ang.

Chu bakah naupangte mawh hi an nu leh pa ten an laa, an venghima, engkimah an enkawl thin bawka, an mahni hritthiam bakin an nu leh paten an ngaihtuah thin ang hian.

Kan Pathian hmaah inngaitlawm ila, a thu zawm ila, he kan khawvel zin kawngah hian Pathianin kan mawh ala a nga, kan mamawh keini ai a ngai pawimawh a nga, a ven himna leh a enkawlna engkimah kan chang thei ngei dawn ani.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Mit Chu Atana Rinawmte Chungah Chuan A Fu Reng Thin

"He rama mirinawmte chungah hian ka mit a fu ang, ka hnêna an awm theih nân. Kawng tha famkim zawhtu chu, chu mi chuan ka a rawng a bâwl ang."(Sam 101:6)

Tuma hriat loha Pathian kan tih avanga rinawm taka kan tih hian, Pathianin atana kan tihte chu alo hre renga, a hnena min dah theih nan a mit chu kan chungah a fu reng a.

A hnena awmte chu thil tha lo zawng zawng lakah a hum thina, an hnenah a thatna nasa takin a lan tir bawk thina.

Kan Pathian tana rinawm taka kan nun hian a kawng zawhtu, kawng tha famkim zawhtute kan ni tihna a nia. Chutianga a kawng zawh tlat thintute chu a rawngbawl turin a thlang thina, ama rawngbawltute chu a chhungkuaah a tel tir bawk thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Tihdamna Chang Tur Hian, Tlawm Ralraih A Tul Thin

"Tin, ani chuan, "Fate chhang laksak a, uite hnena paih chu a mawi lo ve," a ti a, a chhang a. Ani chuan, "Lalpa, nih zawng a ni a; nimahsela, uite pawhin an pu dawhkan ata chhang nawi tla chu an ei thin alawm," a ti a."(Matthaia 15:26-27)

Isua tih dam ho reng reng kha rinna nasa tak vangin tihdam annih rualin, kha rinna kawng an zawh tih hlawhtlinna atan khan uchuak tak leh nasa takin an inngaitlawm theuh bawk a ni.

Isua hmaah khan nasa takin an inngaitlawm veka, phar sawnte, midel Bartimaia te khan zah leh tlawm pawh hre chang loin khawlaiah Isua an au ngawih ngawih a nih kha.

Bible thu kan tar lana Kanaan nu phei hi chu nasa taka Isua a au hnuah, a hnen a thlenga ui ang hialin Isuan alo tehkhin a, he hmeichhia hian Isuan ui angin a tehkhin tih a hriat chuan, a ni pawh ui angin a inthehkhin ve maia, "uite pawhin an pu dawhkan ata chhang nawi tla chu an ei thin alawm," a ti hmiah maia. 

Uchuak taka a inngaihtlawm avang chuan a dilna a hlawhtling a, a fanu ramhuai man chu a dam ta a ni.

Kan damna tur atante, kan chhungkaw damna tur atante pawh hian kan la inngaitlawm tawk lo a ni a ngem le, damna chang tur chuan Lalpa hmaa tlawm ral raih a ngai sia.

Hawh u, Kanaan nu ang hian Pathian tih damna kan chan ve theihna turin, kan Pathian hmaah hian tlawm ral vek ila, tih tur min tukte hi tlawm takin i hlen chhuak ang u.

(Kanaan nu nena Isua thu hi, chhut chian loh chuan ngaihsual theih a nia, Isua hi hmusittua ngaih theih hial a ni awm e. Mahse, Isuan a sawi ang hian Israel hnam berambote tana tirh ka ni a tia. A awmzia tak chu, Israel hnamte eitur ka pe phawt ang, a tihna a ni ti ila kan sawi sual awm lo e.

Chutiang chuan, a ti taa Israel hnam zinga a ring duhtute chuan an ring taa, chu a chanchintha chu an theh darha, vawiin niah chuan keini jentail ten kan lo ei ve ta a ni.

Isua khawvela a rawn kal lai khan hnam zawng zawng hnenah kalta sela, a hun kum 30 khan a daih lo a nga, Israelte ni lo hnam dangah kal nghal sela, an man hman a rinawm lo ti ila kan sawi sual awm lo e.)

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Mi Pakhat I Tana Thi Ngam Isua

"Tin, a hma zawna sipai za hotu ding chuan a thlarau chutianga a thlah a hmuh chuan, "He mi hi Pathian Fapa a ni ngei mai," a ti a."(Marka 15:39)

Nangmah hmangaih vang che a thi ngam a awm a, chu chu kan Lalpa Isua Krista leih leh van Lal a ni. Hei hi hre reng ila chuan, kan nung mai mai lo ang mawle.

Isua krawsa a thih lai kha, an hun laia mi rothap ber tur a ngaihte zinga mi, Rom sipai pakhat chuan a thlir renga chiang takin a hmu a tichuan "Pathian a ni ngei mai" a ti thlawt a, a tui ral nghal a, a nun phawh thlak nghal a nih a rinawm.

Min hmangaihtu leh kan tana nun hlan raltu Isua Krista hi keini pawh hian hmu chiang ila chuan, mumal zawka nun kan thlang a nga, a hming ti mawitu nih chu ka duh ber a ni ang mawle.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thinlung Veng That Hi Sual Laka Himna Tha Ber A Ni

"Kaa chhuakte erawh chu thinlungah a lo chhuak a ni; chung ngei chuan mihring a tibawlhhlawh thin a ni."(Matthaia 15:18)

Matthaia 15:18 hi a awmzia hre tak tak loin inhnial nan kan hmang fo thina. Mi thenkhat phei chuan zu hi ka atanga lut a nia, chu chuan mihring a ti bawlhhlawh lo, tih zawnga tan chhanahte an hmang fo thin. 

Mahse, chutiang lam hrim hrim chu a kawh tum a nih a rinawm loha, a kawh tum ber nia lang chu, kan thinlunga sual awm hi, kan tih chhuah chiah hian sual a puitling thin tih hi a nih a rinawm. 

Chu sual chu a puitlin hmaa kan tih hlum zel chuan sual lakah kan him dawn a ni.

Chutih rual chuan an hun lai khan an khermei em em a, zirtirten kut sil loa chaw an ei kha Juda thenkhat chuan thil tisualah an chantir lek leka, Isuan chu chu remchangah lain "Kaa lut chu mihring tibawlhhlawhtu a ni lo va; kaa chhuak chu, chu ngei chu mihring tibawlhhlawhtu a ni zawk e," a ti a."(Matthaia 15:11)

An hunlai khan an nun mai mai an chaw ei dante, an insil dante, mi suala an ngaih an hnaih leh hlatahte, chawlhni an serh danahte, pawn lam thil deuh hlirah, thiltih hlirah ani ber ang chu, tha leh sual an teh thina.

Mahse, an thinlung a khermei sia, mi an haw thina, mahni hma an siala, an thinlung sual ven that nachang an hre lo hrim hrim a ni, chu tak chu Isuan a sawi fiah a, zu in emaw, meizial zuk emaw lam a sawi lo hrim hrim a ni.

Hawh u, mahni thinlung hi sual lakah i veng tha theuh ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Ngaihtuah Chiang Thin Ila Chuan, Lawm Chungin Lalpa Rawng Kan Bawl Ang Mawle!

"Lawm chungin LALPA rawng bâwl ula: Hla sa chungin a hmaah lo kal rawh u."(Sam 100:2)

Lawm chunga Lalpa rawngbawl hi a theiha, a rawngbawltute nih dan tur tak pawh a nia, amah nena inpawhna nei tak zettu chuan, lawm chungin Lalpa rawng a bawl thin a ni.

Lalpa rawng peih lo chung chung leh hreawm ti chung chunga kan bawl chhan pakhat chu Lalpa nena inpawhna kan la neih tak tak loh vang a ni thei a. Mahse, harsatna kara rawngbawl luih hram hram lai rawngbawltu tiin an nei vek a nga, a rawng kan bawlsak kan Lalpa Isua Krista ngei pawh kha thlan thisen anga chhuak khawpa lungngai chungin a rawngbawlna a kaltlang pui a ni.

Chutiang taka Krista hi kan tan a inhuam avangin atan pawh kan inhuam ve tur a nia. Chu Pathian ropui em em, chatuan Lal thutthlenga thu Isua Krista rawngbawl theia kan awm hi lawm fo tur kan ni.

Mi thenkhat chu, an nun hlimna tur Pathianin a dal hial zawka ngai an awm ang, mahse chutiang khawp pawha lawm lo chunga Lalpa rawng an bawl a nih pawhin, thil lawmawm deuh chu a rawngbawlna rahtha an seng tho thin a. 

A rawng peih lo chunga bawltu pawh, a humhim thin a, a malsawmna duhawm tak pawhin a vur thin a ni.

Kan nih ang ang leh kan awm ang ang hian, Lal ropui ber rawng kan bawl mai thei hi a lawmawm em ema, Lalpa rawngbawl theia kan awm hi a lawmawm zia ngaihtuah chiang thinin, lawm chungin Lalpa rawng i bawl ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Chanchintha Hi Thua Kan Hril Thiam Lo Anih Pawhin, Nunin I Hril Ang U

"Thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang," a ti a."(Matthaia 28:20)

Lalpa thu pawm tura midang leh hnam hrangte kan zirtir theihna awlsam leh tha pawl tak chu, kan nuna Pathian thu kan nun chhuahna hi a ni.

Hnam dang zinga Pathian thu hril turin tawng kan thiam vek loa, tin kan hnam pui zinga Pathian thu sawi tur pawhin thu sawi thei leh thiam kan ni vek lo bawk, mahsela kan hnampuite zingah chuan kan theih ang tawk tawka sawi ve chu kan tum a pawimawh a nga. 

Mahse, thu a kan sawi theih loh hi nunin kan sawi thei a ni tih hria ila. Kan nunin, Lalpa thu midangte pawm turin kan zirtir theih nan, theih tawp chhuahin Lalpa thu hi i nun chhuah pui ang u.

Thuin emaw, nunin emaw Lalpa thu midangte hnena zirtira hrilhtute chu, Lalpan khawvel tawp thleng pawhin ka awmpui zel ang a ti a ni.

Delhi lam pan ka tuma,  Silchar'a tih tur ka neih avangin Silchar atang thlawhthlak ka tum taa, Silchar hi ka kal fo tawha mahse zan laiah min buaipuitu tur awm loin kala lut miah loa. Hotel thlenna tur hre lo mah ila, state dangah ka kal fo tawh avangin ka zam hran chuang loa. 

Mizoram house leh synod house te awm bawk mahse zan dar 1 vela kaihthawh ka huphurh bakah, mamawh dangte ken ka rilruk deuh a.

Tichuan, Silchar lam kan pan tur sumoa kan chuan chiah chuan, Pathian rawng ka bawl ve theihna a nih ringin, ka chuanpuite hnenah chuan tawngtaina hman ka dila, hnam dang mi deuh vek ni mahse mizo tawngin ka tawngtai maia. Chutia kan amen zawh hlawlah chuan, kan hmaa vai putar thu hian min rawn biaa, chutia kanin biak kanin biak takah chuan, hotel a hriat leh hriat loh ka zawt a, alo hre nasa maia, MPS pension alo ni nghe nghe a. Kan chuanpuite pawhin an lo zah khawp maia, an chhungkua hi chhungkaw zah kai tak an lo nia.

Driver hneah chuan ka hotel thlen duhna taka min dah turin a hrilha, silchar driver te hian an passenger te hi an thlen duh duhnaah an drop ngai lem loa, mahse driver chuan ka thlen duhna takah min drop a.

Zan dar 1 la rik loh hretah chuan, vawikhat mah kala thlen ngai lohna hotel kawtah chuan ka ding vang maia, kaihthawh ka tuma an tho mai duh lo khawp mai, kawng khar chu kan sawi leh dawt dawt a, ka beidawng a nga hmun dangah ka kal mai dawn mawni ka ti hman tawha, chutih lai tak chuan gate keeper chuan min rawn biaa. Tichuan ka thleng taa, an room chu rinai a tlawm daih lehngala, a aia to pawh nise ka ngam ang tih tur khawpin a tlawm a.

Ka ngaihtuah mai mai hian, Lalpan min awmpui a ni tih hi ka chiang a. Ka phak ang tawka a rawng ka bawl ve'na chu rimtuiah min pawm saka, tawngtaina ka hman zawh ve leh kan ti dawn nge, ka phak ang tawka a chanchintha ka puan zawh ve leh ka ti zawk dawn, min awmpui zia chu a rawn ti langa min puitu tur mi alo dah lawk kiau a chu, a rawn ti lang ta a ni.

Hote emaw kan tih pawh hi, chanchintha puan darhna tling a ni thei a, hote pawha a chanchintha i puang anih chuan, ropui takin a nin a awmpui zia che a ti lang thung ang.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Krista Hmutute Amahah An Lawm Thina, Amah Avangin An Thla A Muang Bawk Thin

"Kan tan naupang a lo piang a, fapa pêkin kan awm ta a: rorêlna chu a kokiah a chuang ang a: a hmingah chuan, Maka, Remruattua, Pathian Chaka, Chatuan Pa, Remna Lal an ti dawn si a."(Isaia 9:6)

Isaia hian Isua a pian hma kum 500 chuangah Isua ala pian tur thu hi alo sawi lawk tawh a, kan bible hi chu dik lo thei lo ava ni chiang tak em.

Kum 500 hnu daiha mihring anga piang tur Krista chu alo hmu lawka, ni e mihringa apian hma leh he lei hi siam a nih hma pawhin Krista chu a awm daih tawh reng a ni.

Krista hmutute chu Kristaah chuan an lawm thina, amah avangin thlamuanna nasa tak an nei thin a ni.

Mihring anga a pian hma  leh krawsa a thih hnua vana rorel tura a kal hnuahah pawh, engtik hun lai pawhin amah hmutute chuan thlamuanna reh thei lo an nei tlat thin a ni.

Kan thla a muan theih loh chhan leh lawmna kan chhar chhuah theih loh chhan hi, Krista kan la hmuh chian loh vang a nih ava rinawm em.

Isua Krista chuan min hmangaih veka, keinin amah kan hmuh duh ai hian, amahin kan hmuh a duhna hi a nasa zawk a, chutih rual chuan thinlung zawng zawnga amah zawngtute hnenah chauh a inpuang thin thung a ni.

Hawh u, kan thinlung leh kan theihna zawng zawngin rohlu ber Isua Krista hi i zawng ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Nunna Kawnga Kal Dan Chu, Pathian Hnaih Tlatna Nun Hi A Ni

"Kawngka zimah chuan lut rawh u; boralnaa kalna kawngka chu a zau va, a kawng pawh a zau bawk a, chu mi lama lut chu tam pawh an tam hle a ni; nunnaa kalna kawngka chu a zim a, a kawng pawh a chep bawk a, a hmutute pawh tlemte an ni."(Matthaia 7:13-14)

Tunlai kan khawvela boralna kalna kawng chu eng ber hi nge? Ti ta ila,  mahni duh duh a talna nun hi a ni ngei ang.

Nih leh eng hi nge nunna kal kawng chu ti ta ila, harsa chung chung leh peih lo chung chung pawha Pathian hnaih tang tangna nun hi a ni ti ila kan sawi dik ang.

Mahni duh duha nung thin hi ruihhlo kan ti lem lo emaw, sual kan va ti lem lo a nih pawhin nun dan hlauhawm tak a ni a, a tawpah chuan harsatna khura min hruai luttu a ni thin.

Chutih lai chuan, Pathian hnaih tang tangna nun chu, a tirah a peihawm loha, harsa angin leh nuam lo angin a langa, mahse kal thui poh leh a nuam thunga, chu bakah thiltha tin reng a awm bawk a ni.

Nunna kawng zawk i thlang ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Neih Hi A Lungawi Thlak A Ni

"LALPA leh a chakna chu zawng ula; A hmêl chu zawng fo rawh u."(Sam 105:4)  

Kan nun engkimah hian, Lalpa leh a chakna zawn nachang hria hi kan tam lo viau ang. Mahni lungawina hi zawn nachang kan hre em em vek mai a nih hi.

Mahni lungawina kan zawn zat chanve tal hi, Lalpa zawng ni ta ila chuan, kan hlim hlawm ngawt ang chu bakah kan hausa hlawm viau bawk ang.

Lalpa neih hi a lungawi thlak zia hrethiam ila chuan kan nun hi ava nuam dawn tak em.

Lalpa chuan amah zawngtute tan a chak zia a tilang thina, engkima a hmel leh a hnawthawh hmuh tum tlattute tan chuan an nun engkimah a hmel a ti lang thin.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Ka Beih Ngam Chhan Chu Lalpa A Ni

"Nang chu ka tan humhimna, Dotute lakah ralven in sâng nghet tak i ni si a."(Sam 61:3)

Sual hnathawh min beitu leh kan beih apiang, ruhhlo emaw, suma harsatna emaw, ngawihzawng lama harsatna emaw, chhungkaw buaina emawn, nupa kar leh unau kara buaina emaw min beih let ngam tirtu hi Pathian a ni em.

Nge kan chhungte hausa deuhte, kan hmelhriat thatte, kan thianthate an ni zawk.

Mihringa kan inngah chuan kan hmelma hi kan ngam lo ang.

Mahse, Lalpaa kan innghat tak zeta, Lalpa thu zawma kan hmelma hi kan bei a nih chuan, kan hmelma chu ngam sa leh hneh sa diam a ni zawk ang.

Chhungkaw kar buaina, nupa leh unua kara buainaahte hian, Pathian chuan i intih buaipui kha tichhe der rawh min ti dawn lo hrim hrima, remna zawng la i tlawm zawk a ngaih pawhin Krista tuarna tlawmna en chungin tlawm rawh, chu mi phenah chuan hnehna a awm, min ti reng zawk a.

Sum lama harsatnaahte hian, Pathian chuan chumi khami chu va ti la i hlawhtling ang emaw, chumi officer emaw chumi minister emaw puihna chu va dil la i hlawhtlinga min ti lem lo, sawma pakhat dik takin pe la, dik takin eizawng la, sum mamawh vang leh duh vangin dawt sawi lo la, tichuan ka malsawm ang che a nga, harsatna khan a hneh che ka phal lo ang, a ti thin zawk a.

Ruhhlo leh ngaihzawng lama harsatnaah pawh hian, Pathianin chu mi kha mi, mithiam tak emaw, thil hre tak emaw va pan la i dam ang min ti lem loa. Pathian chuan, ka kawngah kal tlat la, inkhawm tlat la, tawngtai tlat la, bible chhiar zel la, ka aw ngaithla la, ka thu zawm la, ka hun ruat nghak la, tichuan i harsatna chu i hneh ang min ti zawk a ni.

Lalpa hi kan hmelma sual leh a hnathawhte min beih ngam tirtu a nih takzet chuan, keimahni thua beih ai chuan, Pathian  thu zawma beih zawk kan duh ang.

Lalpa chauh a innghatin a thu zawm tlatin he khawvela kan hmelma zawng zawngte hi i bei ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

A Kohna Kan Chhan Hma Pawh Hian, Lalpan Tunge Kan Nih Min Hre Tawh

"Nathanaela chuan a hnenah, “Nangin engtin nge mi hriat?” a ti a. Isuan a hnenah, “Philipan a koh hma che a , theipui bula i awm lai khan ka hmu che a sin , a ti a, a chhang a."(Johana 1:48)

Lalpan a rawngbawl tura a kohna che a tih chian hma khan tunge i nih a hre tawh.

Tihian han sawi leh teh ang, Lalpa kohna i dawn fiah hma khan, tunge i nih, enge i nih theih dawn, khawi chhungkua atanga lo chawr chhuak nge i ni, enge tui i tih zawng, eng thawmhnaw enge nalh i tih, eng music nge i ngainat tih hi a hre vek tawh. A chhanchu ama siam alawm i nih.

Nathaniela khan Isua hnenah engtin nge min hriat a tia, Isuan theipui bula i awm lai khan ka hmu cha asin tiin a chhanga. Isua khan, Nathaniela kha alo hre lawk daih tawh a, chutiang ang chiah chuan keini pawh hi min hre lawk diam tawh a ni.

Hei hi kan hriat a ngai chu a ni taa, min koh hma pawha min hriat chian chuan, a kohna kan chhan (except) hian min theihnghilh ngai dawn loa, a kohna kan chhan avangin a hma ai mahin min ngaihtuah zawk dawn a ni tih hi.

Chutih rual chuan harsatna alo kal thei a, Lalpa kohna chhangin, kan sual tihte kan kalsana, kan eizawnna dik tawk lote kan sima, mahse rin angin thil alo awm mai si loa, sual tih lai a buai em em pawha inhre ngai lo kha Lalpa hnungzui tum veleh kan buai chuar ta viau em?

Ni e, Lalpa hnungzui kan tum veleh hian kan buai ang, a chhanchu maw, kan hmelma hian Lalpa thatna tak tak leh min ngaihtuah zia leh, kan nuna kan mamawh leh duh zawng zawng kan neihna tur hian Lalpa hi a tawk a ni, tih hi kan hriat chian a hlau em a ni.

Harsa mahsela Lalpa vuan tlat zel ila, Lalpa kawngah kal tang tang ila, sual kan kalsan thui hnuah leh Lalpa kawnga kan kal thui zela, amah a kan luhthuk tak tak hnuah, sualin min hliam theihna hi ala te ve tial tial dawn tih hi kan hriat a ngai a ni.

Chu chu hre mah ila tunah ka na a ni kan ti maithei, chutianga kan ti a nih chuan hlau lo ang u, Lalpan tuna kan dinhmun harsa kan kal pel ngei theihna tur hian min awmpui tlat a ni.

Harsa zawnga chhut chuan, kawng ala thui a ni, hun ala kal deuh a ngaih hmel a ni, an ti maithei a. Mahse, tlang sang tak lawn turte pawh hi, pen khat tete penin tlang chhip chu an thleng thin ang hian, kan thil tawn zelah Lalpa thu zawm zel ila, kan hriat loh hlanin Lalpan min dah a tumna ram chu kan thleng mai dawn a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Tih Nachang Hriatna Hi, Finna A Ni

"Finna lama i beng i chhit a, I thinlung hriatna lam atân i pêk chuan; A ni, hriatna i auh va, Hriat thiam theihna pawh i auh chuan, Tangkarua anga i zawn a, Ro phûm ruk anga i zawn chuan, LALPA tih nanchang i lo hria ang a, Pathian hriatna chu i chhar chhuak ang."(Thufingte 2:2-5)

Pathian tih nachang hriatna hi finna chu a ni.

Pathian tih mi, mi a tak an awm ngai loa.

Pathian tih mi chuan,  harsatna tawh chang nei ve  mahsela, nun tluanna Lalpa a neih avangin a tum ram a thleng thin.

Pathian tih mi chu, kawng engkimah a rin tlak thin.

Miin Pathian a tih zawh poh leh, thiltihtheihna danglam bik tak a nei tlat thin.

Hawh u, kan thinlung zawng zawngin Lalpa kan Pathian hi i tih ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Tluanna Chu, Sual Kalsana Lalpa Kawng Zawh A Ni

"Mi tluangte lamlian chu sual kalsan a ni; A kawng veng tha chuan a nunna a humim a ni."(Thufingte 16:17)

Mi thenkhat hi chu eng emaw an tih a, tluan ve hrim hrim lai an nei thin a, kan hriat reng tur chu an tluang reng bik lo lai hi a ni. Ruihhlo zuarte leh rukrute pawh hi tluan lai an nei thina, mahse a tawpah chuan nun beidawnna khurah an lut leh thin tihte pawh hi kan hriat thin a pawimawh awm e.

Nun pumpui a tluanna chu, Lalpa tih avanga sual kalsan hi a nia. Mahni in humhimna tha ber chu Lalpa vanga uluk taka nun kawng zawh a ni. Tin, ringtu nun hi a tirah a parh nghal hawk ngai loa a rei tual tuala, a thawkna tual tual a, a lian tual tual thina, chutih lai chuan sual lam kawng erawh a tirah a parha, a zuih ral thung thin a ni. 

Hemi kawng pahnih inkarah hian, Pathian lam hawi peih tak tak lo, sual lam a kal ngam tak tak chuang lote an leng bawk thina. A laklawha awm ai chuan, Pathian kawng zawh law law hi a fuh zawk a, Pathian kawnga kalte inchhir leh fuh lo ti an awm ngai lo bawk a ni.

Billy Graham te, John Osteena te, Nicky Cruse a te kan hriat theuh a rinawm a. Billy Graham leh John Osteen te hi mi rethei chhungkua atanga seilian, lo nei leh ran vulha mahni ei tawk ngawr ngawr nei chhungkua atanga sei lian an nia, miin a an tih tur khawpin Lalpa kawng an zawh a, an kal ngar ngar a, khawvel deng chhuak khawpa rawngbawltu ropui niin nun tluang tak Lalpa vangin an nei ta a ni.

Nicky Cruse'a phei chu, misualte zinga an hotupa drugs zuar thin mi a nia, drugs a zawrh laite leh sual a tih lai pawh hian a rethei hran loa, mahse thlamuanna a nei lo thung a. Thlamuanna nei lo kan tih chu, hma lamah chhiatnain min hmuak tih rin tlatna leh hriatna hi a ni a. Chutiang dinhmunah chuan Nickya hi a din a riawm.

Tichuan, Isua hmangaihna a chhar chhuaka, midang ngam loh thina kha, midang hmaah a tlawm ta thunga, Lalpa a tihna atang chuan Lalpa avangin thilthain a hmuak tih hriat tlatna, thlamuanna chu a chhar chhuah a rinawm a. Tichuan, tun thleng hian tluang takin Pathian rawng ala bawl zel a ni. Kil khata misual ve mai kha, khawvel hmun hrang hranga rawngbawl tura sawm thin a ni ta a ni.

Lalpa avanga sual kan kalsana, Lalpa kawng zawh tura fimkhur taka kan nun tan hian, nun tluan bikna kawng chu kan lo zawh tan a lo ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.







Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A