"Tin, LALPA chuan Setana hnênah, "Ngai rawh, i kutah a awm e, a nunna erawh chu zuah ang che," a tia."(Joba 2:6)
Kal ngaihna hre loin, a awmzia tak pawh hre loin kan nun harsatnaah hian kan buai viau thina. Pathian kan hlat pawh kan hre si loa, theih ang tawk tawkin a thu kan zawm zawk a.
Hetiang dinhmuna kan din chhan hi hriat thiam mai a har tin, mahse bible kan en chuan kan chanchin hi a hmuh theihin a hriata. Kan hmelma pa hian kan Pathian hmaah Joba ang khan, kan nuna thilthate hi min laksaka amah Lalpa chu kan phat theihna turin min dil ve vang a ni thei.
Ni e, Joba ang em em chuan Setana fiahna kan tawk lo a ni thei e, mahse kan phak ang tawkah fiahna kan tawk theuh a ni. Lalpa min phat tir duhtu sual hnathawh hian englai pawhin min hual reng a ni.
Isuan Petera hnenah pawh "Simon, Simon, ngai teh, Setanan buh thlei anga a thlei theihna tur che uin, nangniho hi a dil che u asin"(Luka 22:31) tiin alo sawi nghe nghe a ni.
Heng harsatna hunah hian Pathian kan phat theihna turin, kan hmelmain min bei a ni tih hre reng ila. Kan chaknain chu beihna leh fiahna chu kan paltlang thei lo tih hre rengin, Lalpaah awm tlat ila, atan rinawm zel ila. Joba ang khan Lalpan harsatna leh fiahnaa, atana rinawm taka kan awm avangin kan chungah a that zia ala lan tir ngei ang.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment