Rah Tha An Hmu Thin, Thil Tha Ti Tlattu Ten

"Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a."(Galatia 6:9)

Thil tha tih hi eng emaw ti taka harna riau a awm a. Tih tak tak tum loh phei chuan, tiloin a awm reng theih a ni. Tha leh zung seng lo chuan, thil tha a tih theih ngai loh a, thil tha ti tur chuan a hranpa taka tum a ngai a ni.

Kan bible chang tarlan atang khian, thil tha tih hi a Pathian thu zia kan hre mai awm e, chutiang a nih rual chuan, kan Lalpa Isua Krista avanga thil tha kan tilo a nih chuan, Pathian mithmuhah chuan kan thil tha tih chu awm zia a awm dawn lo a ni.

Heng thil tha hote, 
1. Zing thawh hma te,
2. Mahni invawn fai te,
3. Midang rel loh te,
4. Ei leh in uluk te,
5. Tawngkam fimkhur te, hi.

Bang lo a kan tih reng chuan, sual lian zawk kan tihna tur lakah min veng thei a ni. 

Zing kan thawh hma chuan, hna pawh kan thawk tam thei a nga, kan mamawhte midang awt loin kan nei thei bawk dawn a ni.

Mahni kan invawn fai chuan, kan hrisel a nga. 

Mi dang kan rel loh a, midang chhiatna kan sawi ngai loh chuan, midang chhitna pawh kan hmu lo tial tial bawk a nga, chutiang a nih chuan mi zawng zawng kan rem a nga, kan hlawk phah viau ang.

Ei leh in kan uluk chuan, thau chhia kan neih loh bakah, kan hmel a mawi a nga kan hrisel bawk ang, chu chuan mahni insitna lakah min veng a nga, chu bakah chuan kan that hun chhung a ti rei bawk ang.

Tawngkam kan fimkhur chuan miin, mi fingah min chhiar a nga, miin min en sang a nga thil tha awlsam takin kan tih theih phah dawn a ni.

Mahse, thil tha reng reng hi tih reng a har em em a, ti tur chuan theih tawp kan chhuah a ngai a ni. Kan Pathian hian, thil tha titu chu, thil tha a ti reng bawka, a nun khu hreawm reng rawh se, min ti lo ang, "Inthlahdah loin thil tha a ti zel a, a thil tih that man rah duh awm tak chu kan pe a nge," min ti ti ngei zawk ang.

(Tawngtai Dan Tur)
Lalpa, thil tha ti tlattute chuan rah duhawm tak an hmu thin a ni tih hre rengin, i hming avangin inthlahdah loin, thil tha ti tlat thei turin min pui ang che, Amen. Ti ang o.