"Bang lovin tawngtai ula; engkimah lawmthu hril fo rawh u; chu chu nangmahni lam thuah Krista Isuaah chuan Pathian duhzawng a ni si a."(I Thessalonika 5:17-18)
Phenix City, Alabama ah chuan, nidang ang bawkin ni chu a sa pangngai hle a, tlai lam ni nem deuh ah chuan Riley Cair'i te thian ho chuan Meadowlane Park ah tei kual mai mai ang u an ti a. An va kal chuan, mipa khat Franklin Walker'a hian an kohhran chanchinbu hi uluk zet maiin alo chhiar a, Franka hian suite pangngai tak a hak avangin lehkha thiam hna pangngai tak tawk anih loh vek pawhin, sumdawng tluang tak ani tih a hriat mai a.
Tlangval mahni chauh a awm, zahawm taka inchei chu, nula ho Rileyi te thian ho chuan an kal pelh pah chuan, a thil tih te chu, hre tur khawpin an thlir a. Mahse, an kohhran chanchinbu tih hriat reng kross lem chuang chu alo chhiar avang chuan, Rileyi thian te chuan, mi in hmuam up leh krist mah mah anih an ring a, an mit a la ta vak lo a ni. Tlai lama an haw pah chuan, an kalna lam tho a an haw avangin, Franka awmna chu kalpel leh tho a ngai a, an kal pelh lai chuan, Franka chu alo tawngtai mawlh mawlh a Pathian hnenah lawm thu alo sawi mawlh mawlh a.
Rileyi thiante zinga Jessicai phei chuan 'kan thenawm pa fapa ang mai a ti a', Jessi te thenawm ah hian, tleirawl pakhat Dereka Pastor Rick Warren ngaisang deuh mai, an in gate vuan chunga tawngtai thin Rick Warren a lehkhabu '40 days of prayer' zak zeh deuh reng mai hi a awm a. Dereka chu an kohhran programe ah leh tul bik lo ah chuan pawn pawh a chhuak mang lo a, inrinni tlai tin erawh American football a khel thin a. A bak chu, lehkha a zir ngar ngar thin a, engineer hlawhtling tak ani ta nghe nghe a.
Rileyi chuan, Jessicai hnenah chuan i kawm chak loh zawng tak te hi mi tha deuh deuh hlir hi an ni a, Dereka pawh Pathian nen chuan an hlawhtling ta anih kha a ti a. Jessicai chuan, Franka kawk chungin he pa hi i tan anih mai chu, kan introduce dawn che mi? A ti a, Rileyi chuan ka tan lo, mahse i mil loh zawng hi mitha an ni duh ka ti mai a ni, a ti a. Jessica i chuan, Franka chu a ko a, 'min lo hrethiam lawk ka thian nu hi Rileyi a ni a' tih pahin a thian dang te nen chuan an tlan thut ta a. Riley chuan, Franka chu amah chauh a, a awm avang chuan a zah a hlau a, tlan ve deuh uk mahse, a ding a, Franka bulah chuan' i tawngtai lai kan tibuai che a min lo hrethiam dawn nia' a ti a.
Franka chuan' a pawi lo, Franklina ka ni a, Franka tiin min koh thin a, i thian ten an tlan san vek che si a, pawi i tih loh chuan kal dun ang hmiang' a ti a. Tichuan, park atang chuan an chhuak dun ta a, Riley thian te chuan an rin aiin Riley chu a rei tak avangin an lo haw san daih a. Franka chuan, khawiah nge i thian te hi, an lo haw san che ami le? a ti a, Rileyi chuan an in awmna lai kawh pahin 'kan in chu ke a kal phak lek a ni a, keimahin ka haw thei lutuk alawm,' a ti a. Chu tih lai tak chuan, car parking a duty chuan Franka chu a car chahbi lo pek a tum a, Franka chuan Rileyi hmuh hmain a ngawiturin a vai a.
Franka chuan, Rileyi hnenah chuan' khua a thim tan der tawh si a, pawi i tih loh chuan, ka lo tlah ang che' a ti a. Riley chuan 'a ngai lo, i tlai lutuk zawk ang' a ti a, Franka chuan' min hlau suh, ka tawngtai zawh chiah kha' a ti a, an nui dun bawk bawk a. Rileyi te in chu alo hla lutuk lo a, minute 10 vel hnuah chuan, Franka chu a car lam turin park ah chuan a kir leh ta a.
Car parking a duty pa chuan ' thianna, mi tamtak chuan i car neih ang te hi chuan, nula rilru hneh nan, an mahni car lo pui pawh ka ta an ti duh awm si a, nga tinge car nei lo ang a lan i duh zawk le' a ti a. Franka chuan,' kha nula khan ze mawi deuh mai a nei a, a rilru tlemin ka hre hman mahna ka ti a, car a ka thlah chuan hun kan nei tlem zawk dawn si a, bakah ka car hi ka neih chhanchu a hlutna a tlakhniam har vang ani a, chutiang nilo se chuan mimawl thil to nei thlawn ka ni ringawt dawn asin,' a ti a. Car parking duty chuan 'Franky, i pa kha pa fing em em a ni a, mahse ila khum dawn anih hi "TAWNGTAI TAM NGE NGE HI CHU AN LO FING ANIH HI," finna bul chu Lalpa an tih bawk kha,' a ti a. Franka chuan 'Lalpa Tih Hi Finna Bul tih tur alawm' a ti a, an in mangtha ta a.
A hnu, kar khat ah chuan, Kristian confrence an khuah chuan a awm a, Rileyi leh a thiante chu an kal ho a, parking an kal lai chuan Ferrari 288 GTO classic chhungah mipakhat hian a laptop'in hna alo thawk mawlh mawlh mai a, Jessicai bawk chuan ava bih chiang a, chu pa chuan Jessi i tha em alo ti thut mai a, Jessica i chu a phu zawk a, chu pa chu Franka a alo ni a, Rileyi te nen in lo kal ami a ti a. Tichuan, confrence ah chuan an kal ho ta a, programe a tawp hnuah chuan, restaurant ah an chawl ho a, Franka'n order tur a chah lai chuan, Jessicai chuan Rileyi hnenah i phone number a zawh loh che pawhin pe rawh alo ti sap sap a. An thiante chuan, Jessi a hma khan i nuihzat vel ani lawm ni, "pawisa a nei tih i hriat veleh i phur leh ta em em a, in siam that i ngai, hetiang zia i put hi chuan, mi thalo ila tawng mai ang," an ti liam liam a.
Rileyi erawh chu, a ngawi vang vang a, ti hian Jessicai chu a chhanga' Jess, Tum Loh Deuhin Park-ah Franka Nen Kan In Hmelhriat A, Tum Loh Deuhin Kristian Confrence ah Kan In Tawng Leh A, PATHIAN IN KAN TAN REM A RUAT ANIH CHUAN, LALPA ZAWKIN ENGKIM A SIAM REM ANG, KAN INKAR CHU LALPA SIAMREM TURIN KA NGHAK ZAWK A NGE' a ti a. Eitur a rawn thleng a, Franka pawh hian a ti ve deuh mah mah kan ti maithei ani, kan tawngtai a nge a ti a, "NULA HO BULAH CHUAN A TAWNGTAI TA A."
An ei zawh chuan Franka chuan, ka hnathawhna lamah ka kir leh a ngai a, kalo kalsan mai ang che u o, a ti a. Franka kal hnuah chuan, rei lo te an la thu muang a, Rileyi chuan homeless ho, chaw semna ah ka involunteer a, rawn kal ve ula a ti a, a thian te chuan, tih tur dang kan lo insiam a, a lehpek ah kan lo tel ve dawn nia an ti a. Mak deuh mai chu, Franka chuan Rileyi in volunteer'na ministry board ho chu, an company in an puih theih dan tur alo sawipui mek a. Franka meeting zo chuan, Rileyi chu ava hmu hlawl mai a, a coat a phelh a, chaw chu ava sempui ve ta nghal a.
An tih tur an tih zawh ah chuan, Franka chuan ' pawi i tih loh chuan kalo tlah ang che' a ti a, tichuan ava tlah ta a, Rileyi'n an in pan tura car atang a chhuah hnu ah chuan, Franka chuan rilru tawngtaina a nei a 'Lalpa ka hrethiam lo, nangmah neitu a ni tih chu ka hria, mahse kan chhungkaw company ka enkawl chauh a, theihtawp a hna ka thawh loh chuan kan hnuai a thawk te leh anchhungkua te ei tur ka laksak tihna ani dawn si, he hmeichhe fel tak hun khawh raltu ka nih hi kava hlau tak em, i duh angin thu tlukna dik min siam tir ang che' tiin a tawngtai a. A tawngtai zoh chuan, tlan mai a tum a, a tlan pah chuan, Riley te in lam a va hawi a, a chhungten kawngkhar an lo hawn sak lawk loh avang chuan pawn ah alo la ding a.
Tichuan, Franka chuan a car chu a ti ding a, Rileyi phone number chu a dil ta a, a ni pawh chuan phur takin a phone number chu a hrilh a. An, inngaina chho ta viau a, zirtawp zan vawikhat chu flim an endun a, an haw kawngah chuan Franka chuan 'Jesus Freak (Mawi lo lek lek khawp a Isua at chilh) min ti maithei a, rem i tih chuan, in vuan chungin tawngtai dun ang hmiang,' a ti a. Rileyi chuan 'min sawm har kalo ti tawh zawk a, kan tawngtai lo zel anih chuan dinhmun him lo ah kan awm mai a nga! Ka lo ti tawh zawk a,' a ti a. Pathian hnenah 'kan inkar chungchang te hi hlan ila, tha a tih anga min inzawm tir turin dil ang o' an ti a.
An innei ta a, mahse kum khat pawh an la in neih hma chuan, vanduai thlak takin Rileyi chu motor in, a accident ta hlauh mai a, vanneih thlak takin a thi lo hlauh a, chutih rual erawh chuan, ni khuahreloin damdawiin ah a awm reng a. Thla 3 zet nikhaw hreloin damdawiin ah chuan a awm ta a, Doctor te pawh an beidawng ta viau mai, Franka erawh chu a beidawng duh lo a, zing leh tlai tin a nupui chu ava tlawh ziah a, A Kut Vuanin A Tawngtai Pui Ziah A, chhang thei lo mahse, a nupui chu a bia a bia a. Rileyi nikhaw hreloin, thla 7 a awm tawh a, an inneih champha ani a, Franka chuan a kut a vuan a, Pathian hnenah an inneih champha a hruai thlen avangin lawmthu a sawi a, a tawngtai zawh ah chuan, an inneih video chu Rileyi hmuh theih turin a play a, mak deuh mai in Rileyi chu a rawn tawng hlawl mai a, mahse a taksa ala chet theih loh bakah, tawngvai deuh ang chauhin ala tawng a.
Franka chuan, nasa zawkin a nupui bulah awm a tum a, a hna atang a chawl rih a, nitin a nupui hnenah chuan, a hmangaih thu a hrilh a, a tawngtai pui a, a bulah chaw a ei bawk a. Nitin, zawi zawiin Rileyi chuan hma a sawn a, tichuan ni 8 chhungin a hriatna chu a nei kim leh ta a, a hnu thlakhat ah phei chuan, pangngai thlapin a che leh thei ta a. Hlim takin an awm a, fa 6 lai an nei dun a, an chhungkuain Pathian rawngbawl nan, puih ngai te nasa takin an pui thin ani.
Heng zawhna te hi lo chhang ve chhin rawh o:-
1. I Bialnu/Bialpa nen in tawngtai dun tawh em? In la tawngtai dun loh chuan, tawngtaina hmanpui i tum em?
2. Kawppui tur engtin nge i thlan? An Hausak dan a zirin nge, an Hmelthat dan a zirin nge, Pathian an tih dan a zirin nge, an Zei dan a zirin nge, an Ngaihsak dan che a zirin?
3. In neita ula, i kawppui kha thla 7 nikhaw hreloin awm ve ta sela ila hmangih tlat thei a ngem?
(Tawngtai Dan Tur)
Lalpa, i duh ang chauhin kawppui tur ka zawn theih nan min pui la, eng dang zawng aiin i thu zawm hi ka dah hmasak zel theih nan min pui ang che, Amen. Ti ang o!
Download Nungturin apps at this link
http://files.appsgeyser.com/Nungturin_5701356.apk
No comments:
Post a Comment