"Ka Pathian chuan a vântirhkoh a rawn tîr a, sakeibaknei ka te a tichîp a, engmah mi tina lo ve," a ti a. Tichuan, lal chu a lâwm ta êm êm a, Daniela chu pûk ata lâk chhuak tûr thu a pe ta a. Chutichuan, Daniela chu pûk ata an la chhuak a, na lai rêng rêng amahah a awm lo va, a Pathian a rin tlat avângin."(Daniela 6:22-23)
Pathian lam kan hawi avangin kan tuar tawh em?
Pathian nen kan thei ang tiin harsatna kan hmachhawn tawh em?
Daniela'n kan zawhna pahnih hi min han chhan sak teh se!
Daniela...
Lal Daria a lal laiin ka Pathianin, nasa taka min chawimawi avangin lal hnuai chiah a lu ber ka ni a, chuvang chuan min thiktu an lo awm a. Dan siamin min tal awhtir an tum ta a, lal nilo chibai buk chu sakeibaknei puk a paih luh tur tiin, lal chu biak bumin dan an lo siam ta a.
Chu dan chu an siam tih ka hriat ve leh, Pathian hmaah ka kun a ka tawngtai ta nghal a, ka tawngtai thin tih an hriat chuan, sakei puk ah chuan min paih luh theih nan lal chu an va hrilh a, lal chuan min thik vangin an biak bum ani tih alo hria a. Mahse, chu dan siam chu a zungbun meuhin alo nem hnan tawh si a, a sut thei bik silo a.
Hreawm ti tak chungin sakeibaknei pukah chuan, min paihluh theihna turin thu a pe a, lal chu chutianga ka chunga thil a lo thlen avang chuan pawi a ti em em a. Sakei puk thleng min rawn zui a, min thlah a,"Pathian a rawng i bawl fo thin khan a chhanhim ang che" tiin duhsakna min hlan chungin min thlah ta a.
Ka Unau!!!! Sakei puk ka han lut chhiah mai chu maw!!!!! "Pathianin Sakei Pukah Min Lo Luh Khalh Daih Tawh Hi Alo Nia." Min chenchilh a, THLAMUANNA nasa takin min thuam a, sakei te chu an bawk hle hle mai a ni. Ka thian Mesaka te, Sadraka te, Abetnago te pawh kha hetiang chiah hian an lo awm tawh a, "Mei Puiah Khan Kan Pathian Alo Awm Daih Tawh A Ni."
Kei Daniela hian, hei hi ka hrilh ang che, tuna in awm hunlai atang a chhutin kan awm hunlai chu kum 2000 daih, liam ta ani tawh a. Mahse,"Ka Pathian Kha, I Pathian Ani A, MIN AWMPUI TURA HMUN HARSA LEH HLAUHAWM A, MIN LO LUHKHALH THINTU KA PATHIAN KHA ALA NGAI RENG A. Ka Pathian anih tluk zetin i Pathian pawh a ni asin.
Keimah angin "Pathian I Tan Vangin Harsatna I Tawk A Ni Thei E", chu mai bakah in hun laiah hian, mihring an fing tawh a, Lalpa Ring Chunga Nun a har em em a nga, "Lalpa Ring Chunga Harsatna Leh Hlauhawmna I Hmachhawn Dawn Anih Pawhin." Zam suh ang che, Lalpa chu RING MAI ANG CHE, Hlauhna Hmunah Lalpa'n A Kal Khalh Daih Tawh Che.
Kei mahni ai maha in hun hi in vanneihna chu, "Lalpa Isua'n A Chhandam" che u hi ani a, " Isua Krista A In Awm Phawt Chuan Thiam Loh In Chang Theih Tawh Lo" leh zel nen. Tin, in la vanneih leh zualna em em chu "Isua Krista A Awm Tlat Thei Turin THLARAU THIANGHLIM Puihna In Nei Hi A Ni."
Aw Ka Lo Kal E, Lalpa Ti Mai Thin Ang Che o!
Pu Daniela kan kawmna chu kan duh tawk mai a nge.
(Tawngtai Dan Tur)
Lalpa, hun leh hmun harsa ah leh hlauhawm ah, mihring ring lo a, nangmah chauh ka rin theihna tur chein min pui la, nangmah ring tlat tu te chu hlauhna hmunah awmpui turin i kal khalh tawh thin ani tih hi ka hriat reng theih nan min pui ang che, Amen. Ti ang o!
Download Nungturin apps at this link
http://files.appsgeyser.com/Nungturin_5701356.apk
No comments:
Post a Comment