Bei Fan Fan Rawh

"Nimahsela vantirhkoh chuan a hnenah, "Zakari, hlau suh, i dil kha a hria asin, i nupui Elizabetin fapa a hrinsak ang che, a hmingah Johana i sa tur a ni."(Luka 1:13)

Zacharia leh Elizabethi te chuan fa an awt em em a mahse an nei thei silo. Zacharia chu puithiam a ni a, upa tak nau nei thei tawh lo dinhmuna an din tawh hnu ah nikhat chu temple ah thil hal rimtuia, Pathian chibai buk tura a luh lai takin vantirhkoh chuan fa an neih tur thu leh a hmingah Johana an sak tur thu a rawn hrilh a, chu naupang chu mi nawlpui aiin a chungnung anga chhandamtu lo kalna kawng sialtu a ni dawn tiin a sawi chhunzawm a ni. 

Heta ka tarlan duh chu, vantirhkoh in thu a rawn thlen dan hi ania, "Zakari hlau suh, i dil KHA (past tense) a hria asin" (Luka 1:13). Pathian hnenah anlo dil nasa tawh a, an beidawn tawh avangin an dil tawh lo law law a ni tih a hriatna chu vantirhkoh meuhin thu a rawn thlen pawh kha, Zakaria hian a awih zo tawh lo a ni. Mahse Pathianin chhang lo mahse Zacharia te nupa kha Pathian hmaah an kun tlat a, an hel lova, an vui lova, chutah mihring lampanga beiseina a awm tawhloh hnuah a ni Pathian in a rawn chhan. Engtik laiin maw a chhan a? Temple ah Pathian chibai a buk laiin a ni.

Hun harsa ah pawh,"Au Tlat Rawh, Fak Rawh, Chawimawi Tlat Rawh," chhanna rawn thlen hun tur chu AMAH CHIBAI I BUK LAIIN a ni. 

Chuta Pathianin fapa a pek chu khawvelin mak an tih, "Chu nausen chu engtin tak awm ang maw?" (Luka 1:66) an tih khawpa mi ropui, mi chunga leng a ni. 

Thil Satliah A Pe Dawn Lo Che, Harsatna A Nasat Poh Leh I Tuarchhuah Huna I Lawmman Tur Hi A Tam Zawk A Ni.

(Tawngtai Dan Tur)

Lalpa, i hnung zui fan fan tu te i kalsan ngai lo tih hriain, ka duh te a thleng emaw thleng lo emaw, i rawngbawl fan fan turin min pui ang che, Amen. Ti ang o!

Download Nungturin apps at this link
http://files.appsgeyser.com/Nungturin_5701356.apk


MAMAWH DANG AN AWM THEI TIH HRIA IN LO FORWARD VE ZEL ANG CHE.

LRC