Thiam Loh Chan Theih Lohna

"Chutichuan tunah zawng Krista Isuaa awmte tan chuan thiam loh chantirna reng a awm tawh lo."(Rom 8:1)

Isua chu a thi a, a tho leh ani, vana alawm hma khan a zirtir te kha a thlamuana, Thlarau Thianghlim an hnen a, a tirh hma chu Jerusalem ah awm turin a ti a (Luka24:49). Thlarau Thianghlim chungchang tiang hian alo sawi bawk a, Thlarau Thianghlim chu in chunga a lo thlen hunah thiltihtheihna in la nei ang (Tirhkohte 1:8) a ti a. Thlarau dik tak chu, a lo thlen hun chuan thutak zawng zawngah chuan a hruai lut ang che u (Johana 16:13) a ti bawk ani.

Heng a zirtir te hian, Thlarau Thianghlim atang thiltihtheihna nei chunga rawng an bawlna a zarah chuan, keini an hnu fe a piang te pawhin, Isua Krista kan lo nei ve ta ani. Kan Lalpa Isua ngei pawh hian, Thlarau Thianghlim hi ava ngai pawimawh tak em, keini pawhin i ngaihtah lo ang u.

Tichuan, a zirtir te mit hmuh hmaah chuan vanah Isua chu lak chhoin a awm a, Pathian ding lamah a han thu a (Kolassa 3:1 ) min sawisaktu (Rom 8:34) a han ni ta a. Tichuan, amah "Isua Krista a awm te tan chuan Thiam Loh Chantirna reng a awm lo"(Rom 8:1). Ti hian alo sawi tawh bawk a,"an hnenah chatuana nunna ka pe a; kumkhuain an boral lo vang a, tuman ka kut ata mi chhuhsak hek lo vang (Johana 10:28)," a ti bawk ani. 

Isua ka ring tawh alawm, Rui mah ila emaw, Sual ti mah ila emaw"tuman ka kut ata mi chhuhsak hek lo vang" a ti alawm ti te an awm thin a. Ni e, Isua kut a awm te chu tumahin an chhuhsak lo tawp ang, mahse Isua kut a awm tur chuan " Isua a awm a ngai ani." Isua ah awm reng chungin mihring kan chak loh em avangin lo tisual palh ta ila, chung hunah chuan min THLAH TAWP LO Ang. Mahse, a henah kan sual puangin ngaidam kan dil a ngai ngei ngei ani, NGAIHDAM KAN DILNA TAK HI, amah Isua ah kan awm reng tih hriatna chu ani.

Kan tisual a, keimah ni ah inthiam lohna a awm miah loh chuan, Isua ah kan la awm lo ani zawk lo'ng maw? Tin, min inthiam loh tirtu hi chihnih a awm a, pakhat chu mihring atang a ni a, midang te pawhin an tisual ve tho alawm tiin min inthiam chawp zung zung tir a, chu bakah beisei bo thakin min inthiam loh tir thei bawk a, mi then khat chu sual hnathawh in a inthiam loh tir a, Pathian ZAHNGAIHNA a hmuh hmaih tir a, intihhlum te hial pawh an tum thin ani.

Min inthiam loh tirtu pakhat chu, Thlarau Thianghlim ani a, chu inthiam lohna chuan Isua ah ka kir leh a ngai ani, Fapa tlanboin ka pa hnenah ka kir leh a ngai ani, a tih ang deuh khan, Isua hnenah kan kir a tul zia min hrittir thin. Hei hi Isua a awm te, zia chu ani a, chung mite chu vawi tam tak tisual mahse, Isua a an awm tlat reng chuan, THIAM LOH CHAN TIR THEIH anni tawh lo, Isua'n Pa Pathian dinglam atang a sawisak tlat tawh vang ani.

Isua Krista a kan awm phawt chuan, Thiam Loh Chang Thei Tawh Lo, kan nih chu! Min tlanna turin Isua kan tan a thi a, van hmunah kan tan min dinsak bawk a. Kan chanvo hi ava ropui tak em, ISUA KRISTA AH AWM TLAT ANG U O, kan tihsual pawhin kan Sual te a hnenah thlenin Ngaihdam i dil zel ang u.  

Thiam Loh Chan Theih Lohna Chu, ISUA KRISTA A AWM TLAT ANI.

(Tawngtai Dan Tur)
Lalpa, nangmah a ka awm chuan, thiam loh chang thei tawh lo, mithianghlim te chanvo chu ka ta a ni, tih hi ka hriat reng a, nangmah Isua Krista ah chuan ka awm tlat theihna turin min pui ang che, Amen. Ti ang o!

Download Nungturin apps at this link

http://files.appsgeyser.com/Nungturin_5701356.apk