Isua'n Thu, "A Puanchhuhna Leh A Taka A Tihna"(Revelation leh Activation)

Lazara kaitho tura Isua a kal khan Lazara farnu (unau hmeichhia) te pahnih- Marthi leh Mari khan thu in ang chiah mahse a mimal ve ve in anlo hmachhawn a: "Lalpa hetah awm nila chu, ka nuta a thilo tur" Johana 11:21(Marthi), 11:32 (Mari). 

Marthi, a hmachhawn hmasa zawktu hian DING chungin a hmachhawn a, Mari ve thung chuan BAWKKHUP chungin a sawi a ni. (Johana 11:32)

Marthi hnenah chuan "I nuta a tho leh ang" tiin a thu a Puangchhuak(reveal) a mahse a hmaa bawkkhup tu Mari hnenah chuan an phumna zawtin A Takin A Ti(active) ta nghal a ni. 

Mari tih hi Hebrai tawng chuan 'Helna' (Rebellion) tih a ni. Lazara thih hma in Isua chu an hrilh a, alo kal silo, a thih tawh hnua alo kal avangin Mari kha Isua hmuak turin a kal duh miah lova Isua chungah a thinrim pawh ani mahna. Mahse Isuan a koh takah chuan a thu zawmin a kal ta a ni. 

Hei hi a ni ka sawi tum tak chu : I helna zawng zawng nena Lalpa hmaa tlawm taka i bawkkhup a, i intukluh chiah hian, A Hmangiahna leh Khawngaihna a nasat vangin, Isua chu alo Chettir(activate) ta thin a ni.  

Marthi'n "Thu Puan Chhuahna(Revelation)" a dawng a, Mari'n "Thu A Taka A Channa(Activation)" a dawng thung a ni. 

Chutianga i zawng zawnga i intukluh chuan i nuna thil hlu tak thi tawh nia i hriat : i hriselna, i hlimna, mahni i inrintawkna, etc chu Isuan "Khawiah nge phum a nih tawh? Min han kawhhmuh teh kan kaihthawh sak leh che ange" a ti a ni.

(Tawngtai Dan Tur)

Lalpa, i hmangaihna leh khawngaihna avanga, min chetsak theih nan, ka lawm emaw lawm lo emaw, i hma a inngaitlawm taka kun nachang hre reng turin, min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.