Rawngbawl Sak Nih Ai Rawngbawltu, Thatna Dawngtu Nih Ai Thatna Lan Tirtu Isua (BILL GATES dinner lei Sak Diltu)

" Tin, khawmuala an chhuah veleh, chutah chuan meihawla mei chhem an hmu a, a chunga sangha leh chhangper rawh nen."(Johana 21:9) 

He mi lai thu kan hmuhna hi Isua a thi a, a thawh leh hnu a ni a, a zirtir te chuan len an lo deng a, zan khuain an man lo a, Isua'n lawng sir dinglamah deng rawh u a ti a, an deng a an man ta teuh mai a. Isua a ni tih an hre ta a, Petera chuan Isua a ni tih a hriat ve leh, tuiah a zuang thla a, vaui kamah a hleuh phei nghal a, "A LALPA HI AVA NGAINA TAK EM."

Zirtir ten vaukam an thlen chuan, Pathian fapa, lei leh van siamtu, he khawvela a mission zo a van lal thutthlengin a thut hun tur alo nghah, natna ngam loh, thihna ngam loh, thlipui leh tuifawn ten an zah a ni mai lo, kan lei let vaibelchhia a lian arsite pawh hian an zah a, a thu an zawm a, nasa takin alhin lian em em mahsela, kan Lalpa Isua'n thim tawh rawh u a tih chuan an thuawi takin an thim mai thin a ni.

Chu kan Lalpa Isua Krista chuan," A Zirtir Te Ei Turin Sangha Alo Hem" a nih chu, he zirtirtu ropui kan Lalpa bawk hian, "A Zirtir Te Ke A Sil Sak Tawh Bawk" a ni. Heng a thil tih te hi, an hun lai a, Bawih te tih tur a an ngaih a ni.  

"MI DANG RAWNGBAWL SAKNA DAWNGTU AI CHUAN, MIDANG TANA RAWNGBAWLTU KHAWVELIN A MAMAWH ZAWK A NI." Tih hi, kan Lal Ropui Ber hian ava tilang chiang tak em, a hnung a zuitu kan nih chuan, keini pawhin "Midang Te An Rawngbawl Saktu Leh Puitu Kan Nih A Tul A Ni." 

Khawvel hian chu Tianga Midang Te Rawngbawlsak Tumtu Chu A Hneh Ngai Lo A, A Hneh Ngai Loh Chhan Chu A MAMAWH EM VANG ANI.

Kevin Gerald "Good Things, Seeing your life through the lens of God's favour" tih ziak tupa hian, ti hian a lehkhabu ah a ziak a. 

Vawikhat chu Seattle area ah restaurant ah dinner ka ei a, kil khat ah chuan Bill Gates leh a nupui Melinda Gates ten dinner an lo ei ve a, ka ngaihtuah a khawvel a pa hausa ber ani a, keimah atang mamawh a nei hran lo tih ka hria a, mahse kan kohhran ngei pawhin an hna thawh that rah nasa takin kan seng a, chu mai bakah an foundation din chuan mi tam tak a pui bawk tih te chu ka rilru ah a lang a.

Ka insum zo ta lo a, waiter chu ka koh a, "Bill'a te dinner man chu, ka hnenah rawn dah la, kalo pek sak a nge ka ti a" waiter chuan mak a ti em em mai a, an mamawh lo tih a hre chiang ve hle si a. A ngaih te pawh a tha lo a ni ang, manager kava rawn a nge a ti a, tichuan Bill'a te pawh chu an hrilh leh a. Tichuan, an ei man chu ka pek sak an rem ti ta a ni, a ti.

American kristian tak tak ho khu chu kan tluk lo thin khawp mai, Kevin'a te ho vang te leh a nupui Melinda vang te pawh a ni ang, khawvel ram (Country) 100 chuang ai mah a hausa zawk Bill Gates hian, kohhran a zah em em a, Christianity te hi tha a tih thu a sawi ve a, "kan fate kristian in kaihhruaina a kan enkawl sei lian hi ka lawm" a ti nghe nghe a ni.

Kan khawtlangah te leh kan mizo pui leh mihring kan bula mite henah hian that chhuah tlat ang u. " Be Hmasa Zawktu Te Ni Ang U, biak ringawt pawh hi, a hlut theihna tam tak a awm a. Kan bula midang te hi thil an thlauh palhin chhar saktu te ni ang u, kan thatna lan chhuah tir theihna te hi a te thei em em a, mahse sit lo ila ti zel ang u.

Kan thianpa pakhat chuan kan thian ho tu emaw ber pawh lo zin chhuak ila, min rawn phone thin a, "i tha em? I tluang em a ti a, ka lo tawngtai pui dawn che a nia tiin min mangtha thin a," ava ringtu zia tak em! Vawi khat chu, ka thianpa hlawhtling em em, officer ni bawk, an uanu zawng zawng pawh amah ang bawk a, hlawhtling ni vek bawk, chu mai bakah an chhungkaw sumdawnna a pawisa che vel pawh thlakhat chhungin nuai 200 chuang ni thei khawp a sumdawnna lian nei bawk nen hian kan ti ti a, tlai a ni a, thil ei ka rawt a"A Man Pek Ka Chuh Tlat A" 50 man vel chauh a ni bawk a, a lawm khawp mai, hlawhtling leh hausa tak ni mahse, a ril alo tam ve thei tho a ni.

Kan bula mihring te hi an harsa viau a ni thei e, an hlawhtling em em pawh a ni thei e, Ringtu Kan Nih Chuan, Isua Rohlu Ber Kan Neih Avangin Tumah Keini Tluka LIAN An Awm Lo A Ni Tih Hriain, kan theihna zawn ah, Midangte Rawngbawlsaktu leh Thatna Chhuahtu Zawk" ni theuh ang u.

Chutianga kan tih theihna tur chuan "HUN THA HMAIH LO ILA," hun tha pawh "ZAWGIN, INSIAM ZAWK HIAL ANG U." Rohlu ber Isua Hnen A, Midangte Kan Hruai Theihna Ani Thei Asin.

(Tawngtai Dan Tur)
Lalpa, rohlu ber nang ka neih che avangin, mi lian ka ni tih hi in hre rengin, midangte Rawngbawl saktu leh midangte hnen a Thatna lan tirtu ka nih theih nan min pui ang che, Amen. Ti ang o!

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.