"In dil a, in dil dik loh avangin in hmu lo, in nawmsak nan hman in tum si a."(Jakoba 4:3)
"Bang lovin tawngtai ula; engkimah lawmthu hril fo rawh u; chu chu nangmahni lam thuah Krista Isuaah chuan Pathian duhzawng a ni si a."(I Thessalonika 5:17-18)
Gavin Macleoda hi 1958 atang flim a chang tana, seriel lam achang nasa hle bawk a, Pitti nen hian an in nei taa. Gavina hian a hna hi a ngaipawimawh em em mai a, anni ho khu chuan khawvel deng chhuak khawpa hlawhtlin hi an duh thin a, chu tiang taka a hna a ngaihpawimawh avang chuan, nupui neih a mi pasal nihna mawhphurna chu hnawk a ti riau mai a, chuvang chuan, a nupui Pitti chu a then ta a ni.
Pitti nen hian kum thum chhung an inthen a, Gavina chuan, tihian an chanchin a sawi a, "tukkhat chu Santa Monica-ah shooting kan nei dawn a, Pitti ka ngaihtuaha, ka ngaihtuah chhan pawh, Santa Monica chu kan pahnih a kan awmna thin a nih vang a ni a. Chutih lai chuan Pitti leh a thiante chu anlo tawngtai ho a, tawngtai thupuiah, ka pasal nena inneih leh ka duh a, min lo dilpui rawh u, tiin a thiante hnen a thawh a, an lo tawngtai ho lai tak a ni a. Tunhnua, ka ngaihtuah leh hian an tawngtaina chu keimahah a thawk a nih pawh a ringhlel lo. Chumi hunlai bawr vel chuan, ka nu luah bawk a awm a, zai a ni a, Pathian hnenah ka nu hi i tihdam chuan, ka nun zawng zawng i tan ka hmang tawh ang tiin ka tawngtai a. Tichuan, Pitti chu ka rilruah a awm tak tlat avang chuan, ka call ta nghe nghe a, thian kan la ni thei a ngem kava ti a, Pitti chuan, thian nih chu ka duh reng alawm alo ti a, engtikah nge kan in hmuh theih ang ka ti a, Pitti chuan thawhtan zanah ka hman dawn a, chaw ei pahin lo kal ta che, min ti a.
Tichuan, thawhtan ni chuan kava kal taa, kawngkhar vawi hnih ka kik hnuah leh ka nghah viau hnuah pawh chuan, a rawn hawng theiloa, ka rilruah chuan, min hmu duhlo pawh nise, ka phu reng alawm a rilru ka tina tawh bawk nen ka ti a. A tawp nan vawikhat ka kik leh a nga, a rawn hawn loh chuan, ka kal mai ang ka ti a, vawikhat chu ka han kik leh ta a, mahse kawngkhar chu a rawn hawng mai loa, reilote ka han nghak leh a, kal ka tum mai tawh a, mahse kawngkhar chu a rawn hawngta hlauh a, tun hnu thlenga kawppui neih kawnga harsatna neite fuihna thu atana sawi hlawh em em thu chu, Pitti chuan a rawn chhak chhuak ta a ni.
Chu thu chu, "I'm sorry, Gavin, your dinner is cold. It's been waiting for three years" (Mizoin) "Tih palh (kawngkhar a hawn lawk loh avangin), Gavin i chaw saw a dai tawh a nia! Kum thum lai alo nghak tawh che asin," a ti a. Tichuan, tunlai i tluang em? ka ti a, Pitti chuan aw ka zia khawp mai, ka piangthara a ti a. Pianthar awmzia ka hriat loh avangin, enge pianthar chu a awmzia, ka ti a, Pitti chuan min hrilh fiaha, kei pawh chuan pianthar chu ka duh ve a ni, ka ti a, tichuan chuan, kan innei leh ta a ni."
Tunah chuan, Gavina leh Pitti te hi an nupa'in Pathian rawngbawltu an ni a, Christian Activist (Kristianna chawikangtu) an ni hial ta a ni.
Pitti nghah theihna leh Pathian hnenah a duh a dil ngamna hi a entawn tlak hle a, Pathian hmaa innei an nih tawh avangin a pasal atana Pathian ruat a nih a ring tlat niin a hriat a, inthen tawh mahse, inkawp leh chu a duh reng a, Pathian hnenah a dil thin bawk a, midang te pawh tawngtai sak turin a ti nghe nghe a ni. Chutih rual chuan, Pitti hian Pathianah nun thar a nei a, Pathianah nun thar a neih hnuah chauh Pathianin a tawngtaina a chhansak a ni. Pitti Pathian dah hmasalo, a pasalin thildang ai amah ngaipawimawhse ti thintu atang, Pitti Pathian dah hmasa ber tuah, a in thlak a nih pawh a rinawm.
Hemi lai tak hi kan ngaihtuah chian a ngai a, kan in tihhlimpui tur leh kan inkhualtelem pui turin kawppui kan duh thin a, an ngaihsak ber pawh nih kan duh thin, hei hi sual hnathawh a ni thei a ngem aw? Tih hial theih tura, min tibuaitu a ni. Mi tamtak chuan, rawngbawlna thulhin bialnu bialpa an nei hmiah hmiah a, an ngaihzawngte pawh chu rawngbawl turin an duh hran lo bawk a, chu chuan hrin chhuah thalo deuh mai a nei a, chu chu "Nasa Taka Mahni Hmasialna A Ni" chu hmasialna chuan, thinlunga hliampui siam mai thei turin, thinlung nasa takin alo ti pilh tawhsa thin a. Hei vang hian, inngai ngawih ngawihte pawh an inneih theih loh phah a, nupa a insiama inthlahlel leh induh ngawih ngawihte pawh, mahni hmasialna avangin an inthen leh thin a ni.
Pitti hian, nun thar a nei a, chu a nun tharah chuan Pathian a hmasa taa, amah chu indah pawimawh hmasa tawhloin, Pathian chu a dah pawimawh zawka, chutia pahnihna a nih hnuah chuan Lalpa chu a rawn che a, a pasal Gavina thinlungah chuan alo thawk ta a ni. Gavina, chuan pianthar a duh nghala, tichuan "Gavina leh Pitti te chuan, Isua an dah hmasa bera a dawtah chuan, Gavina leh Pitti a ni taa, chuta tang chiah chuan, nupa hlim em em, midangte Pathian lama hruaitu anlo ni ta a ni."
Pathian chuan, tawngtaina a chhang thin, mahse kan tawngtaina hi chhang ta sela, kan dawl zo a ngem? Pathian hnenah kawppui kan dil thina, dil ngei ngei tur pawh a ni, mahse Pathianin min han chhan hian keimahni aia amah ngaipawimawh zawk mi, min pe ta sela kan lungawi a ngem, a tlinlo zawktu chu tawngtaia diltu hi kan ni hial lo'ng maw?
(Tawngtai Dan Tur)
Lalpa, tawngtaina chhangtu Pathian i nih avangin ka fak a che, i duh angin tawngtaina chu i chhang thin a, ka tawngtaina min chhansak avanga kawppui min pek tura ngei chu, i duh anga ka nun pui thiam theihna turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment