"A ni, nangmah nghaktu rêng rêng chu tumah mualphovin an awm lo vang: A vang awm lova vervek taka titute erawh chu mualphovin an awm ang."(Sam 25:3)
Pathiana innghah kan tih hian, mihringa innghah a tel loa, suma innghah pawh a tel loa. Amaherawhchu, Pathianin mihringte min puih nan sum leh thil (material) dang dangte hi hmanruaah a hmang thin thung a ni. Hei tak hi kan hriat fuh loh lai chu a ni thina, a hmanruaah zawk hian kanlo innghat leh mai thina.
Mosia in, tuipui sen chungah a tiang a lek ve leh tuipui sen kha, Pathianin a rawn in then tir a, he tah pawh hian tuipui sen ti thentu hi, Mosia a ni lo, Mosia tiang phei chu a nilo leh zual, Lalpa zawk a ni. Mahse, Lalpan tupui sen a inthentirna ah hian, Mosia mai pawh niloin, Mosia tiang pawh kha a tel tir zawk a ni.
Mihring tello hian, kan Pathian hian a duh duh chu a tithei a, mahse min tel tir chu a thlang zawk a ni.
Kan thu ngaiah khan let leh ta ila, " Pa pakhat pawh hian, a fapa hna a neih chungchangah, an pastor ava pana, an pastor hnenah chuan ka fapa'in hna tha tak a hmu ve hlauh mai a, Pathian hnenah lawmthu sawi tawngtaina min lo neih sak teh a, ava ti a. Pastor chuan, a ni maw, engtin nge lawmthu kan sawi ang, i sawi chiang thei em a ti a. Chu pa chuan, taka kan M.L.A in theihtawp min chhuahsaka, a rawn campain lai atang kalo sawi tawh bawka, kan in ngamtlak bawka, M.L.A vang liau liau a ni in ka hria, a ti a. Chu tah chuan, an pastor chuan, in fapa hna chu Pathian pek che u a nih loh chu, M.L.A pek che u a nih chu, chuvang chuan, M.L.A hmaah chuan, va thingthi la ka lawm e, ka pathian va ti zawk rawh, a lo ti hmak mai a ni. (M.L.A te an diklo veke, kan tihna a niloa, entirna mai chauh a ni e)
Tunlai chu, Pathian biak ai pawhin, miliante biak ngai pawimawh kan tam a, Pathian duhsakna dawn ai chuan, miliante duhsakna dawn ngai pawimawh zawk kan tam bawk awm e. Pathiana kan innghah vang hian, a chang chuan mi neih ang kan neih phak loh changte leh mi dinhmun kan phak loh changte a awm thin ang. Chung hunah chuan, hei hi kan hriat reng a pawimawh awm e "Lalpaa, Innghat Inchhir An Awm Ngailo" tih hi.
Lalpaah chauh innghat ang u, tichuan anin min chhanchhuahna turin emaw, min puihna turin emaw, mihring a hman duh leh a hmang a nga, thil (material) a hman duh leh a hmang a nga, a hmanrua niloin, amah ah Lalpaah chauh chuan innghat ang u.
(Tawngtai Dan Tur)
Lalpa, eng dinhmunah pawh ding ila, nangmah ah chauh ka innghah theihna turin min pui la, mihringah emaw thilah emaw kalo innghah tawhnaah min ngaidam la, mihring vang niloin, i puihna avang ngeia ka neih tur te neih ka duha, chung chu a thlen theih nan, nangin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment