Kan Nihna Ang Ang Hian, Isua'n Min Pawm Vek Ani.

"Tin, tirhkoh sawm leh pahnihte hming chu heng hi a ni: A hmasa berah chuan Simona (Petera an tih) leh a unau Andria te; Zebedaia fapa Jakoba leh a unau Johana te; Phillipa leh Bartholomaia te; Thoma leh chhiahkhawntu Matthaia te; Alphaia fapa Jakoba leh Thaddaia te; Kanana mi Simona leh a mantirtu Juda Iskariota te hi."(Mathaia 10:2-4 )

ISUA'N TU PAWH A HMANGAIH A, A RAWNGBAWLTU ATAN TUPAWH A DUH VEK ANI.

Kan Lalpa hian, tu pawh hi a thlang duh ani tih a chianna chu, a zirtir te hi an zia leh an chawr chhuahna a hran danah hian a lang awm e.

Kum thum vel kha Isua hian rawng a bawl niin an sawi a, chumi chhung chuan a zirtir sawm pahnihte chu chhungkua angin, a kalna apiangah an kal ve a, chhungkua ai pawhin an in hnaih zawk te pawh a rinawm ani. Chutianga, ze dang em em te, eizawnna leh chawrchhuahna dang theuh chu, a kianga awm tlat turin a thlang ani.

Isua khan sangha mantu te, chhiahkhawntu te leh mi chi hrang hrang te kha "AN NIHNA ANG CHIAH KHAN A PAWM ANI." Isua'n keini pawh "KAN NIHNA ANG CHIAH HIAN MIN PAWM ANI."

Kan Thin a chhia emaw, Insit reng mi kan ni emaw, Chak loh rukna kan nei emaw, Mipat hmeichhiatna ah kan buai emaw, Ba kan ngah emaw, kan Rethei emaw, Kut hnathawk kan ni emaw, Thluaka eizawng kan ni emaw min pawm vek a.

Chu min pawmna-ah chuan min dah sang bik lo a, min dah hniam bik lo bawk a, kan nih ang angin leh midang pawh an nihna ang angin a pawm bawk ani.

Mi hrang hrang hi, kan Dinhmun ah theuh te, kan Hnathawhna hmunah theuh te, kan Chhungkuaah theuh te, kan Thiante bul ah theuh te, kan Kawppui leh kan Inngaizawn pui ah theuh te, kan lehkha Zirna ah te nen, kan awmna apiangah hian a rawngbawl turin min koh ani.

MI DANG TE PAWM LO VE NGAWT THEI KAN NILO, ISUA'N MIN PAWM VEK MAI SI A.

Hmeichhia emaw Mipa emaw ani si a ka pawm lo, an Eizawn dan leh an Khawsak dan he tiang hi ani si a ka pawm lo, a Fing lutuk emaw a A lutuk ka pawm lo, lo ti ve ngawt thei pawh kan ni lo. Min kohthu leh min thlangtu Isua a inang a, inang chiah in min hmangaih bawk ani.

MIN HMANG DUH LO ANG PAWH KAN TI THEI LO, MIN HMANG DUH VEK ANI.

Mahse, kan nihna leh kan phak ang tawk zelin min Hman duhna leh Min Kohna Hmun erawh a in anglo mai thin zawk ani.

Kohhranah emaw, Mission field ah emaw, Ministry leh Evangilist team a min koh hi chu kan hrethiam em em a, kan pawm thlap thin. Mahse, KAN HNAAH TE, KAN LEHKHA ZIRNA AH TE, min koh hi kan hrethiam lo a, Isua neitu chu kan awmna apiang a rawngbawl tur kan ni vek hrim hrim ani.

Tin, Isua kan neih hian "Kan CHHUNGKUA leh Kan NGAIHZAWNG LEH Kan KAWPPUIAH" rawngbawl tur kan ni ngei ngei bawk a.

ISUA'N MIN THLANG VEK A, MIN KOH VEK A, MIN THLANNA LEH MIN KOHNA NI, TUMAN KAN NGAINEP TUR ANILO A, RINAWM TAKIN A RAWNG KAN BAWL TUR ANI.

Ngaihdam Theih Loh, Nei Lo Isua Krista

"Tin, ani chuan, “Lalpa, tuman mi chantir lo ve,” a ti a. Tin, Isuan, “Kei pawhin thiam loh ka chantir lo va che; kal la, tun hnuah tisual leh tawh suh,” a ti a."(Johana 8:11)

KAN LALPA ISUA ANG RENG HI AN AWM LO! AMAH ANG RENG A NGAIHDAM THEIHNA NEI ZAU AN AWM LO ANI.

Ka ngaihtuah thin a, eng chen nge mi hi ka ngaihdam theih le tih te, eng chen nge mi ngil nei ber hian a ngaihdam theih tih te, eng cheng nge mihring hrim hrim hian kan ngaihdam theih tih te hi.

Hmeichhia sual a lut thuk em em, a uire lai tak an man, vawi tam tak pawh lo awm khaw lo tawh, a chhungte pawhin tihngaihna tak an hriat loh te pawh, he hmeichhia hi anih a rinawm.

Mi kan han ngaidam a, an that hun kan nghak ngar ngar a, mahse an tihsual zel avangin keimah ni, hmangaihtu lak atang an han in la hrang thin hi chu tihngaihna avang ani. Um zui mah ila, min tlansan si, min mamawh hun ah enkawl mah ila an theih ve leh min hlat leh zel si, a ngaihna hriat ava har tak em.

Mahse, chutiang ang a, sual pawh chu, "kan Lalpa Isua hi chuan a Hmangaih cheu a, ala Ngaidam duh zel si." Sual A Tlu Eng Ang Pawh A Thuk A Suala Lut Pawh Hi, Kan Lalpa Isua Hi Chuan Chanchhuahna Kawngah, A Ngaihna A Hre Khawp Mai.

Isua Hnung Zuitu Leh Isua Thlang Tu Kan Nih Chuan, Keini Pawhin Kan Ngaihdam Ve A, An Tan Khawvel Lama Kan Tih Theih Zawng Kan Ti Tawh A, Tih Theih Dang Kan Nei Lo Anih Pawhin, TAWNGTAI SAK KAN BANG TUR ANI LO.

Sual ah keimah ni ngei pawh hi kan tlu a, kan sim hlei thei lo pawh ani thei e, hei hi kan hriat a pawimawh "ISAU'N MIN LA HMANGAIH CHEU A, MIN CHHANCHHUAH DAN A HRIA" tih hi. Chuvang chuan, kan theih ang ang in ISUA KAN HNAIH TUR ANI.

Isu min kalsan suh o! Nang lo chu Beisei dang ka nei lo, Nang lo chuan tumahin min chhanchhuak thei lo, min awmpui ang che, i ta ka ni, i hnenah ka inhlan e. Amen, tiin tawngtai fo ang che.

He Kan Sual Kan Tih Duh Tawh Miah Loh, Kan Tih Leh Mai Thin Hi! Isua'n a hria a, kan dinhmun pawh a hre thiam a, min la Hmangaih Cheu bawk a, A THISENA A LEI KAN LA NI TLAT BAWK A, A KUT ATA SUAL IN MIN LAK BO A PHAL LO A, Min Chhanchhuah A Duh Ani.

KAN SUAL LAK ATA ISUAN MIN CHHANCHHUAH THEIH NAN, A HNEN A KAN INKAWL TIR A, A THIL TIH THEIHNA KEIMAHNI A, A LANNA TURIN, A TAN KAN THINLUNG KAN HAWN TLAT A NGAI ANI. 

LALPA THUTIAM CHU ALA DING RENG

"Tin, mumang dang a nei leh a, a ute chu a hrilh leh a, "Ngai teh u, mumang ka nei leh ta a; ngai teh u, nî te, thla te, arsi sâwm leh pakhatte khian chibai mi lo bûk zuk nia maw le," a ti a." (Genesis 37:9)

LALPA'N A THU TIAM A HLEN NGEI THIN.

Josepha hnenah khan Pathianin a hma hun a lo thleng tur a ruat sak chu mumangah a hmuh tir a, Lalpa vek chuan a tih hlawhtlin sak ani.

Keini pawh hi, Lalpa'n kan tana a ruat chu mumangah kan hmu ve ani thei e, kan hmu lo anih pawhin "Lalpa Ka Zui Tlat A Ka Vawn Tlat Chuan Chu Chu Ka La Ni Ve Ang." Tih te in kan thin lungah Lalpa'n kan hma hun tur te a rawn dah thin a. Hetiang lo pawhin, " Lalpa Hnun Ka Zui Tlat Chuan Eng Emaw Ni, Eng Emaw Ber Ni Tur Tlat A In Hriatna." Ang zawng te pawhin kan hma hun Lalpa'n min hmuh tir pawh ani thei e.

Lalpa hnung kan zui tlat chuan, eng emaw tha chu kan chungah leh kan chhungkaw chungah ala thleng ngei ang. Lei Hausakna a thleng thei, chung ang zawng a athleng lo anih pawhin Kristian Chhungkaw Hahdam em em min la pe thei, anih Loh Pawhin Kawppui Tur Kristian Chhungkua Dinpui Tur min la pe thei bawk. 

A pawimawh ber chu " A Harsa Emaw, A Harsa Lo Emaw, Sualah Kan Tlu Palh Pawh Ani Thei E, Kan Tlu Anih Chuan Thawh Leh Vat A Ngai A Nga," ENG PAWH THLENG SE LALPA KAN VAWN TLAT HI A NGAI ANI."

Josepha pawh kha, a nun ah thil tha lo ava thleng tam em, a u then Khuarkhurum ah an thlak a, Salah an hralh leh a, Dawt a puh anih vangin Tanin ah a tang leh a, Tanin a, a tan pui hnenah khan i chhuah hun ah min hre ve rawh o! A ti lawm lawm a, mahse a hre fuh ta hauh lo a, Josepha hian chung zawng zawngah chu a nun a, an thlen lai chuan Lalpa A Vawn A Thlah Ngai Lo Ani. 

Thik vanga Harlh ani emaw, Dawt a puh ani emaw, Mihring Theihnghilh ani emaw, A Lalpa A Vawn Reng A Chuan Josepha Chu A THEIHNGHILH NGAI LO A, A HUN TAKAH A DIN HMUN ATAN A, A BUATSAIHAH CHUAN A DIN TIR TA ANI.

Kei ni pawh hi kan hmahun tur riruang chu Lalpa'n min hmuh tir ve tawh a, mahse Josepha ang chiah hian a kalkawng a Bumboh a, chu kalkawng Bumboh ah chuan Tundinhmun ah hian kan ding ani maithei e.

Josepha ang chiah hian Lalpa ah RINAWM TLAT ILA,  Josepha angin "A HUN TAKAH KAN DIN HMUN ATAN LALPA'N MIN BUATSAIH SAK, RINNA A KAN HMUH LAWK TAWHAH NGEI CHUAN MIN LA DIN TIR VE ANG.

BEIDAWNG SUH!

I Tal Buai Viau Anih Pawhin "LALPA THUTIAM CHU ALA DING RENG."

Hmangaihna A Mi Hnehtu Isua

"Tin, a vawi thumnaah chuan a hnenah, “Simon, Johana fapa, nangin kei mi ngaina em? a ti a. Tin, a vawi thumnaah, “Nangin mi ngaina em?” a hnena a tih avang chuan Petera a lungngai a, a hnenah, “Lalpa, engkim i hria a, ka ngaina che tih i hria e,” a ti a. Isuan a hnenah, “Ka beramte chawm rawh."(Johana 21:17)

HMANGAIHNA A HNEHTU ISUA KRISTA.

Petera kha, Isua a thih hnu khan len a deng leh ta mai ani, mi then khat chuan ze nghet lo mi ti thawt thawt ah an ngai a, mahse bible a, a thu ziah en hian chutiang mi anlo tih hi a hriat a. Pa nghet tak Isua pawhin a zirtir anih bakah a thian ang a, a en anih a rinawm zawk a. Zirtir dang te pawhin hotu angin an en ani te pawhin a hriat a, len a den dawn pawhin an zui ve zel bawk ani.

Petera khan ka phatsan lo ang che, i thihna ah ka thi ve ang tiin a Lalpa Isua hnenah chuan a intiam a. Mahse, mihring mai Petera a huai zo ta lo, Getsemani huan ah pawh a hriam hrei te a lek a, mahse Isua'n a mamawh ber laiin a phatsan ani. Petera chuan tum pawh a tum, Isua an man chu a, zui ru ve ngar ngar mahse, a phatsan lo ngam ta lo ani.

Thlarauthianghlim Chenchilhna Tel Lo Chuan, Mihring Hi Chu Kan Nep Em Ani.

Petera tan hian, len den leh loh chi pawh anilo, Isua phatsantu ani kha, hreawm a ti em em a, Isua Zui tlak ah pawh a inngai tawh lo hial ang.

Kan Lalpa Isua chuan Petera a va pan zawk a, Lalpa'in  a hnungzuitu amah phatsan tawh tu, ngaidam tur leh kawngdik zawk a hruai kir turin ava pan zawk ani. 

Petera hi a mi bik, a nia a pan alawm, kan ti maithei, mahse hei hi kan hriat a ngai "Nang Leh Kei Pawh Hi Isua'n, Ami te Leh A Kohhran Ho Hmangin Min Pan Reng Thin Ani.

Petera chuan Isua kha ka hmangaih che pawh a ti ngam tawh lo, ti ngam tur pawh ani tawh lo vawi thum ngawt a phat a. Mahse, Kan Lalpa Isua Chuan A Hmangaih Tlat A, A Rawngbawl Tura Hman A Duhna Ah Pawh, Petera Chungah  A Rilru Ala Thlak Lo a, Petera Chak Lohna Pawh A Hre Sa Ani.

Petera chak lohna hmaah chuan kan Lalpa chuan a Hmangaihna alan tir a. Tichuan, Petera chu Lalpa'n a hmangaihna in a hneh a, kawngdik ah a hruai leh ta ani.

Kei ni pawhin, Hmangaihna in midangte, mahni Inring zo lo mite, kan unau kan nu leh pa kan kawppui sualin a tih buai te, kan khaw tlanga sualin a hliam te hi, Hmangaihna hmangin kan Hneh ve tur ani.

Isua chuan Hmangaihna in hriamhrei leh hremna aiin thil a ti thei zawk tih a hria a, Hmangaihna in a bei a, a hneh a, a la chiang em em ani.

Keini pawhin,"Hmangaihna a kan beih hian kan hneh thei ber dawn ani."

Pathian Ram, Kan Chhungkua a alo Thlen Theih Nan, Beidawng loin Bei Zel Ang.

"Tin, ani chuan an hnenah, "In tawngtai chuan heti hian ti ang che u, ‘Kan Pa, I hming zahawm rawh se. I ram lo thleng rawh se."(Luka 11:2)

PATHIAN DUH BER CHU, MI ZAWNG ZAWNG CHHANDAM A, A RAM DIN ANI.

Israel hnam ah khan a ram din a tum a, Pathian chuan thei mahse Israel hnam te zawk chuan an thei lo a. Tichuan, A Fapa Kan Lalpa Isua Krista atang in, Ram Chu A Din Chhoh Zel ta ani. 

Pathian chu a hlawhchham ngai lo a, a ram chu hmun tin ah, a din zel a, khawvel zawng zawng pawh hi ala la vek ang. Khawvel a lak hunah chuan, a ram mi ni duh lo te chu, engtin tak awm ang maw?

Kan Vanneihna Leh Kan Chan Hi A Lo San Zia Mai Chu, Lalpa'n A Ram Dinpui Turin Nang Leh Kei Min Thlang Ve Mai Hi!

Pathian chuan min thlang alawm nih leh khawiah chuan nge a ram din tur chuan kan thawh ve ang? Tih hi zawhna ani.

KAN CHHUNGKUAAH TE, KAN HNA THAWHNA AH TE, KAN KHAWTLANGAH TE, KAN RAWNGBAWLNA AH TE, KAN KALNA LEH KAN AWMNA APIANG AH, Pathian Ram Dinna Hna Hi Kan Thawk Tur Ani.

Kan Chhungkua hi kan bi tum hmasak ber a pawimawh a, I Thei Lo Emaw In Ti Suh, nangmah chauh chuan a theih loh ani mahna! Isua Nen In Thei A, Anin A Awmpui Ang Che, Lalpa Thu Zawm A, HMANGAIHNA LEH INNGAIHTLAWMNA Hmanrua a Hmangin, mahni hreawm pawisa loin i din ngei ang.

Chhungkua a pawimawhna chu, chhungkaw thawhpuina tel lo chuan, hmun dangah hian Pathain ram din tur a Thawh A Har Em Em ani. Theih loh ani lo a nga, Lalpa nen phei chuan a theih tehreng ang, mahse chhungkua kan hnunga min dawmtu a awm loh chuan a sak hle a rinawm.

Min chhandam turin kan Pathian chuan a fapa min pe a, kan Lalpa Isua duh zawng chu a pa duh zawng ani a, min chhandam chu kan Lalpa Isua duh zawng ani. Min chhandamna tur khan, kan Lalpa Isua Krista kha ava kal THUI tak em, ava KALNA tak em, TUAR kha ava in huam tak em.

LALPA RAM LAKNA A THAWK TUR HIAN ENG CHEN NGE KAN IN HUAM VE LE!

Lalpa I Zui Tlat Chuan Thil Tha Lo I Chunga Thleng Leh I Tihsual Pawh Thil Tha Zawk Chhuah Tir Nan A Hmang Ang.

"Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria.(Rom 8:28)

AMAH HMANGAIHTU TAN CHUAN AN THATNA TURIN LALPA'N, ENGKIM A THAWHSAK A, A SIAM THAT SAK THIN.

Kan VANDUAINA hi rohlu ber kan chhar chhuahna atan Lalpa'n a hmang thei ani. Ruthii chu a pasalin a thih san a, ei leh bar lamah pawh an harsa em em a, Naomi a pasala nu tan a RINAWM tlat a, Ruthii chungah Lalpa lung a awi ani ang. 

Chu hnamdang hmeichhia, pasal sun tawh lehnghal Ruthii chuan, khawkhat pa tha leh nei nung, khaw mi te pawhin hotu ang a an en san, Bohaza chu pasal ah a nei ta ani. Ruthii hi a ropuina em em pakhat chu Isua thlahtute zinga a tel ve hi ani a, malsawmna ava dawng nasa em. Lalpa Lakah leh Mihring Lakah pawh RINAWM ang u. 

Davida chuan mi nupui, Betsebii a uire a, Davida chuan a tihsual man chu a tuar ngei mai. Mahse, a Lalpa a Hmangaih leh a Lalpa Rawng a bawl a bang duh lo ani.

Lalpa chuan, Davida chu a ensan ngai lo reng a, tichuan a hmeichhe uire ngei lak atang chuan fapa ropui tak amah thlaktu tur Solomawna chu a pe ta ani. 

Ngaituah ti thu ta chu, Betsebii kha hmeichhe tha leh fing tak ani a, Solomawna pawh mi tha ni turin a enkawl ani. Anih chuan Lalpa hian. Davida hi Betsebii uire turin rem a ruat em ni ang? Nilo E! 
Davida'n Lalpa Hmangaih A Thulh Lo A, A Rawngbawl A Bawl A Thulh Loh Bawk Avangin, Lalpa Chuan A Ngilneihna A Lan Tir Ta A. 

DAVIDA CHU, A TIHSUAL NA NGEI AH CHUAN MALSAWMNA HLU BER CHU A PE ZAWK ANI.

Tisual Eng Ang Mah La, Lalpa Hnungzui Hi Bang Suh Ang Che.

I Rinna Kal Kawngah Khan, Kalpui Nei Ngei Ang Che

"Pahnih chu pakhat ai chuan an tha zawk, an thawh chhuah that avângin. An tluk pawhin pakhat chuan a thian chu a khaiding dawn si a; mahni chauva awm kha erawh chu a chung a pik e, a tluk chuan khaidingtu tûr a nei si lo." (Thuhriltu 4:9-10)

RINNA KAWNGAH HIAN, MAHNI A BEIH HI AWLSAM ZAWKIN LANG MAHSE, KALDUN PUI NEIH EMAW, KAL HO PUI NEIH HI A THA ZAWK ANI.

Isua pawh khan zirtir te a tirh chhuah khan, pakhat diat diatin a tir lo a, kal dun pui tur a siam rem sak zawk zel anih kha.

Galatia te ho hnen a, Paula'n lehkha a thawn na ah pawh ti hian Paula'n a ziak a"Khawngaihna mi peka chu an hriat pawhin Jakoba te, Kipha te, Johana te, bana an ruatate chuan keini Jentailte hnena kal tur leh anni zawng serhtante hnena kal turin kei leh Barnaba chu inpawlna kut ding lamte min pe ta zawk mah a."(Galatia 2:9)

He thu atang hian, Paula leh tirhkoh dangte kha a huhoin hun eng emaw chen rawng an lo bawl phawt tih a hriat theih a. Tichuan, Lalpa'n a kohna a dang ta a, Jakoba, Petera(Kipha), Johana te chu Israel ho hnenah rawngbawl turin, Paula leh Barnaba chu Jentailte hnen lam a rawngbawl turin a koh a, an in then hnu pawh hian a malin ala koh chuang lo, rawngbawlpui tur a ruat sak zel ani.

Solomona, Pathian atanga finna dawng pawhin "Thirin thir a tihriam a, Chutiang bawkin miin a thian hmêl a tihriam."(Thufingte 27:17). Tiin alo ziak a, kal rual pui kan lo neih hian kan lo in ti hriam tawn reng alo ni.

Sadhu Sundar Singh'a pawhin, mahni a kal ai chuan ati a, vurram kawng chhengchhia ah, mi pakhat chau a let a hmuh chu, a pua a, an in nawt luma khawvawt karah an dam chhuah phah a. An kawng kalna chiahah mahni chauh a kal, midang chu khawvawt tuar loin a thi a. Hei hian, Keimahni buaipui ngai zawk nen a kal dun pawh hi, mahni chauh a kal ai chuan a tha zawk" tih hi a ti lang ani.

Mahse, hei erawh kan hriat a ngai, Kan rawngbawl ho na ah, engemaw thil bik mahni a buaipui ngai bik thil erawh a awm tih hi.

Rawngbawlna Ah Midang Nen, Thawhho Har Kan Ti Anih Chuan, KAN IN SIAM THAT A NGAI tihna ani.

Mahni Chauh A Pathian Rawngbawl Tum Te Chu, Thui An Kal Hman Ngai Mang Lo Ani.

Kan Ti Fuh Zawk Ang, "Lalpa Nghak Ila"

"LALPA nghaktute erawh chuan an chakna chu an siam tha leh ang a; mupuite angin thlain an thlawk chho vang a; hah lovin an tlan ang a; chau lovin kein an kal ang."(Isaia 40:31)

LALPA NGHAKTU LEH BEISEI TU CHU, CHAU THIN MAHSE LALPA'N A CHAKNA A SIAM THAR SAK LEH THIN.

Lalpa nghak lo hian Mihring hi kan nghak fo thin a, Mihring kan nghak lo anih pawhin, Hun inthlak danglam kan nghak a, anih loh pawhin kan zirlai kan zawh hun te kan nghak a. Lalpa Rorel Dan Erawh Nghah Nachang Kan Hre Lo Fo Thin.

Lalpa nghaktu te chu Lalpa'n a awmpui thin a, an dinhmun pawh a chawisan sak thin ani.

Eng dinhmun ah pawh ding ila, Lalpa nghak chungin, Lalpa a beiseina nghat chungin engkim hi hmachhawn ila, Lalpa'n A Chak Zia A Lan Tir Fo A Beisei Awm Ani.

Kan nun ah hian Lalpa vawi tamtak a chet loh chhan chu, Lalpa a chet hmain kan lo chet khalh thin  a. Lalpa nghah chuan, chet muan tur lam tihna anilo a, Pathian hnen a kan hlan chuan keimahni pawhin "hun kal hret se hei chu a tha ang a" kan ti thin. Mahse, mihring rilruah hian thil nawr zung zung duhna te a awm thin a, Pasal emaw nupui emaw neih vut vut duhna te, Hausak nghal vut vut tumna te, Hmingthat thuai duhna te, a tam awm e. 

He tianga kan hmanhmawhna hi sual chuan hmanruaah a rawn hmanga thil Dik lo leh Tha lo lamah min bum luh nan hmanruaah a hmang thin ani. 

Lalpa'n a hun taka engkim a thlen tir hi, a tha ber a, a hlu ber a, dawh thei taka Nghah tum tlat ila, thutlukna tha ber kan siam tihna alo ni mai dawn ani.

Mihring hi, "engkim Lalpa thu ti a kan nghahna kawngah hian kan lo chak lo thin a". Mahse, Lalpa'n amah nghaktute chu an chakna a siam thar sak leh thin a, Lalpa kawnga kal Nget tawh te phei chu Lalpa Besei Chungin Hahdam Takin An Kal Tawh Thin Ani.

Engmah Ngaihtuah lo a tal ai chuan, Lalpa Nghah thlang ila, kan ti fuh zawk ang.

Mihring a beiseina nghah ai chuan nghah rei ngai thin mahse, Lalpa ah kan beiseina Nghat ila, kan lawm a kim zawk ngei ang. 

LUNGLENNA

"Ka nu leh ka pa chuan mi kalsan ta si a, Nimahsela LALPA chuan mi la pawm ang."(Sam 27:10)

LALPA'N A KALSAN PHAL LO CHE.

Nu leh Pa in an fa te an thlauhthla anih chuan mak kan ti thin. Nu in a kalsan anih pawhin, Pa in a enkawl tal a, chutiang bawk in Pa in a kalsan anih pawhin Nu in a enkawl tal thin.

Nu leh Pa an pahnihin fa te kalsan hmiah chu, khawvel sual ah pawh hian a vang viau ani. Chutianga kalsan tawk Fa pawh chu Lalpa'n a pawm tlat thin ani.

Kan Lalpa hi chu o! Kalsan te Pawmtu, Misual te Pathian, Thinglunga amah hnaihtu te Vuan thlattu, Amah pantu te hnar ngai lo Pathian ani.

LUNGLENNA HI RINGTU NUN A KAN HMELMA HMACHHAWN LIAN TAK PAKHAT ANI A. Pathian hnung kan zui chiah emaw, kan pianthar hlim phei hi chuan lunglenna hian min bei nasa em em a, mi tamtak khawvela an kir lehna hmahruaitu chu, Lunglenna Hneh Lohna Hi Ani.

Lunglenna a inchiah vang vang chuan tu mahin kan hneh lo ang. Mahse, Thlanbo san a, Inchhiah duh mih loh chuan, engtik lai mahin lunglenna in min hneh lo thung ang.

Chu tianga ti tur chuan Lalpa puihna kan mamawh a, lunglenna emaw, nunhlui ngaihna emaw, kan thian hlui leh kan ngaihzawng hlui emaw, ngaihzawng duh huam huamna kan rilru a, a awm fo chuan, Pathian hnena thlen a puihna dil vat a tha ber mai.

Tichuan, Pathian neitu a kan hriat, biak vat a tha, pakhat biak a min chhan mai loh chuan a dang biak leh mai tur ani, kan biak ngai loh pawh Pathian neitu chu an biak theih vek a, inthlahrun duh loh tur ani.

Biak tur kan hre thlawt lo anih chuan, SAM bu hi chhiar vak mai tur ani, SAM bu hi kan Bible ah hian chhiar a nuam ber a, chhiar nuam ber chu chhiar mai a tha awm e, Matthai, Marka, Luka, Johana te pawh a pawi awm lo e.

Tumah I Nei Lo Emaw I Tih Chuan, "Lalpa I Nei Reng A," A Vuan Reng Che Ani, tih hria ang che.

Ringtu Kal Kawng Hi Beih Fat Fat A Ngai Thin A, Mahse Kawng Tha ber Tawpna Duhawm Tak Nei Ani Tlat Si Ani.

Bei zel ang le.

Isua Khawngaihna Hi A Chak Ani.

"Khawngaihna avang a nih chuan thiltih avang a ni tawh lo vang; chuti a nih loh chuan khawngaihna hi khawngaihna a ni tawh lo vang."(Rom 11:6)

Isua Ang Reng Hi An Awm Lo Ani.

Ni e, an awm loh chhan tak chu, Tual That te, Rukru te, Uire te, Hurna chen te, Ruihhlo ti te, Dawtsawi te, eng ang a sual pawh ni se a la pawm duh zel a, a HMANGAIHNAIN a sawm reng hi ani.

A Pawm Thei Mai Ani Lo A, An Nun A Thlak Sak Thei Zel Hi, Kan Isua Ang Reng An Awm Lo Ani.

Inchhira Sim Duh chu a ngaidam duh ani, mahse i sim hleithei lo tiro, i sim phawt a ngai lo, i awm ang khan Isua hnenah tlu lut rawh, A NIN ALO SIAM THAR ANG CHE !

Kan thil tih that hian mi tha ah min siam lo a, thiltih vanga chhandam kan ni lo bawk a, "Rinna Avanga Khawngaihna A Chhandam" kan ni zawk ani. 

"CHU KHAWNGAIHNA AVANG" chuan, kan Thinlung a siam thar a, chu thinglung thar atang chuan Isua vangin thil tha a chhuak tawh zawk thin ani. Chhungril a that chuan, kan thil tih chhuah pawh alo tha mai thin ani.

ISUA KHAWNGAIHNA NGENIN, ISUA HI AU ANG U.

Min Thlak Danglam Theitu A Ni Si A.

Isua i thlang dawn nge, i hnawl dawn?

"Tin, mi tin inte emaw, unaute emaw, farnute emaw, pa emaw, nu emaw, fate emaw, ramte emaw ka hming avanga kalsan apiang chuan a leh za an hmu ang a, chatuana nunna an la chang bawk ang."(Mathaia 19:29)

Isua Hi Thlan Man A Awm Ani.

Isua kan thlan avanga kan tuar tur a awm ani, Isua kan thlan avang hian kawng zawng zawng a ngil vek dawn ani reng reng lo. Mahse, Isua nen chuan harsatna zawng zawng hi a paltlang theih a, a hneh theih ani. Harsatna a awm dawn lo tihna ni lovin, harsatna chu a paltlang theih tih na zawk ani.

Isua Thlan Loh Man A Awm Ani.

Isua kan thlan loh chuan, kawng hi a mam uar mai, Tisa in a chak zawng zawng a ti a, a tir ah chuan a nuam ani, sum hmuh pawh a awl, thian pawh an tam. Harsatna lo kal te pawh awlsam takin a kawh liam theih, thil hi ani duak duak a, kan nun ah kan thu em em ani. Mahse, a rei a rei a, a in belh khawp ta a, Harsatna kawh liam mai te kha a rawn let leh a hneh zawh rual ani thin lo, mahni duh dan dan a talna chuan engmah thiam lo ah min siam bawk a, a tawpah phei chuan Isua Hnawl Man Chu Thihna Ani.

Isua thlan chuan a bum boh e, mahse harstana leh buaina tak tak ah chuan Lalpa thatna a lang leh mai thin a, khawvel ngam chi ani lo a, A Tawp Ah Chuan Chatuan Atan Van Innuam A In Hawng Ani.

Isua hnawl chuan a mam em em a, a hahdam a, a awl sam a, mahse a nghawng chu thawh ngaihna awm tawh lek lo a tluk sawp na ani a, a tawp a Chatuan Atan Thih Na Ani.

He khawvel a, Isua vang a chan ngam chu, he khawvel ah pawh Lalpa'n nasa takin malsawmnain a vur thin a, chutiang a lang taka a vur loh pawhin Nun Thlamuan Rukna leh Chawlna a pe thin a, Isua neitu harsa em em leh khawsakna a mangang em em te hi, thian tha te, chhungkhat laina te, inkawm hlimpui tur an nei tlat thin ani, Lalpa hian eng tin tin emaw hian, Amah tih tu chu an hlimna tur a pe tlat thin ani. 

Isua neih chu, A Ninawm Hmel, A Vanduai Thlak hmel, mahse a tak tak ah chuan A Khamawm Loh, A Hlimawm Veng Veng Bawk.

Isua neih loh chu, A Phurawm Hmel, A Vanneihthlak hmel tunlai tawngin Luck hmel, mahse a tak tak ah chuan A Ruak Ani, A Ninawm ani.

Kan Nitin Nun Ah Hian Isua Thlang Tu Ni Zel Ang O!

Mamawh tawk chiah

"Ni tin kan ei khawpin chaw min pe ang che."(Luka 11:3)

Nitin ei khawp hi a tlem rengrawng ani, mi then khat chuan taksa mamawh ang zawng a, thlir tur anilo, thlarau ang zawng a thlir tur te an tia, dik pawh a dik ang. A pahnih a thlir ve ve hi a tha ber chu anih ka ring.

Taksa leh Thlarau hi lak hran theih loh, inzawm leh in belhbawm ani a.

Taksa a mamawh bak kan neih chuan kan thlarauin alo tuar thin. Neih chuang liam kan neih chuan, eng emaw kawng talah in thlah dah a awl thin. Ngaihtuahna pawh a tawi duh deuh a, Tawngkam dik chiah lo hman palh pawh a awl ani. Rilru hi a fim anih pawh in, rilru Fim Fir em em, harsat lai a kan neih ang hi neih a har ani.

Chu tianga kan awm chuan, kan Thlarau nun in a tuar leh a, nun ruak leh khawharah min siam thin a, chu chuan tisa lamah pawh tlakranna a thlen leh thei thin ani.

Davida beram vengtu anih lai te, a tlanchhiat lai te a, Pathian hnaih em em reng tu leh Lalpa a chakna nei mi kha. Lal niin nuamsa taka a awm kha chuan, a nun alo in thlahdah a mi nu a ui re anih kha.
Mahse, Davida chu a insiam tha leh a, keini pawh kan tisual anih pawhin kan insiam tha leh thei ani.

Davida ang deuh hian, kan nun Tisa taka a harsat lai hian Lalpa Ah Kan Chak Thin A. Davida kha a harsat lai pawh khan, a tlachham tak tak chuang lo, Lalpa'n a nghei a phal miau lo a.

Nitin Nghei Silo A, Kan Ei khawp, Kan Lo Nei Hi, Malsawmna Hlu Ber Alo Ni.

Thlarau lamah pawh nimin ami kha rin chi ani lo a, hman loh a dawn khawl chi pawh anilo.

Dik lo taka hausakna chuan man a nei leh thin a rulh zawh har tak ani, a kum a kum chhungkaw ral muang lo taka min mut tirtu te, chhungkaw ro in chuhna te a thlen thin ani.

Hausak emaw, Neih nun emaw hi Sual ani lo a, Lalpa nen a hlawhtling ngat phei chu an awhawm a, mahse Nitin Kan Eikhawp kan neih lai hi, kan muttui ber lai leh, Chhungkua kan in pawh ber lai te leh Thiantha kan ngah ber lai te ani duh hle ani.

Mahse, mi Hlawhtling tak, Ni Tin Eikhawp Chiah Nei Te Inngaihtlawm Ang A, Inngaitlawm Thin Lalpa neitu te an awm. Chutiang mi kan nih chu Lalpa hian a duh zawk a ngem? Pathian leh keimahni inkar bikah dah ila a tha a nge!

Engpawh nise, eng dinhmun ah pawh ding ila.

LALPA'N I AWMNA CHIN A HRIA A, A KALSAN NGAI LO ANG CHE.

Rinna nei lo te leh Misual te Pathian ani.

"Tin, Thoma hnenah chuan, “I kutzungin han khawih la, ka kutte en rawh; i kut han ban la, ka nakah zen rawh; ring lovin awm suh la, ring rawh,” a ti a. Thomah a hnenah, “Ka Lalpa leh ka Pathian i ni,” a ti a, a chhang a."(Johana 20:27-28)

RINNA I TLACHHAM EM?

Nih leh, RINNA TLACHHAM I MI HNAIHTE ZINGAH AN AWM EM?

Kan Lalpa Isua Krista hian rinna nei mi leh mi huaisen, englai pawh a, amah tan ngam chu a Hmangaih a, a Lawm bik deuh pawh a awm ani. Ni e, lawm pawh a lawm ang, tichuan rinna nei lo mi chu, a rinna neih loh ang ang in a dah hniam thin emaw! Kan ti a nge!

Rinna nei lo ten Rinna an neih nan alawm, Isua kha alo kal.
Thoma hi a zirtir te zinga mi ani, Thoma'n Isua a pan lo, Isuan Thoma a pan zawk ani. Kan Lalpa hian rinna kan neih a duh a, rinna nei lo ber kha zirtir te awm khawm zingah khan a pan anih kha!

RINNA I NEIH TLEM AVANGIN ISUA'N A HNAWL LO CHE. I hmaah harsatna awmin i hria a, Rinna nei tlemin i in hria em? In chhungkaw zing ami, a tha thei lo em em a, i Rinna a kang zo dawn tawh in i hria em? I thil duh leh i tum ngar ngar, Lalpa nen kan nih chuan ka Hlawhtling ang i tih kha, a thleng har a, i Rinna i hlauh tan em?

Beidawng suh

RING NAWN LEH RAWH!

Beidawn tir che a, mihring zia tih lan tir che a, sual a hnuh luh tumtu che kha hmelma anih kha, "MI BEIDAWNG CHU SUALIN A ZUAM THIN ANI" beidawng suh..

Kan Pathian hi Rinna Kan Neih Loh Ber Lai Leh Sual A Kan Tluk Chhiat Ber Lai Pawhin Kan Pathian A Nih Ngaiin A Ni Reng Ani. Jacoba, Bumtua Pathian nih kha a hreh lo a ni a thlang ani, Rinna nei tlem Thoma Pathian nih pawh a hreh lo ani.

"Isu, Rinna Ka Nei Lo Ani, MAHSE KA PATHIAN NIH ILA Thlan THO AVANGIN KA LAWM E. I Kawng Hi Ka Zawh Theih Nan RINNA Min Pe Ang Che. Isua hmingin ka dil e. Amen"(Hetiang zawng hian tawngtai thin ang che)

Hun Taka Mut leh Ei In ngaih pawimawh hi, a Pathian thu ani.

"Tin, ngai the, dil chu nasa takin a lo fawn ta a, chutichuan tui fawnin lawng chu a vur hlup hlup mai a, ani erawh chu a muhil a."(Mathaia 8:24)

Isua hian kum thum bawr vel chhung rawng a bawl niin mithiam te chuan an sawi a. He kum thum chhung ah hian tih tur a ngah a, tlawh tur pawh a ngah ani. 

Chutiang taka tih tur ngah te chu, thawk mawp mawp reng se, Pathian ani bawk a, mu loin, chaw ei lo pawhin a thawk thei awm tho si a, te a tih theih awm e.

Mahse, kan Lalpa hian Tha Taka Mut Hahchawlh Hi, mihring taksa in a mamawh avangin, tha a tih loh pawhin pawi a tih loh ka ring ani. A chhan chu, thuifawnin lawng vur hlup hlup khawp a, tui fawn a nat pawh a, muhil khawpin a mu nget a, zirtirte an mangan tawh hial hnu pawhin kaihthawh a ngai ani. 

Tin, tiang taka a mut tui theih chhan hi, tui fawn kha a thu hnuaiah a awm reng tih hi a hriat vang pawh ani bawk ang. 

Chutiang a, thil ti thei leh Thlarauthinghlim a khat pawh chu a mut chuan, keini pawh hian mut kan mamawh ani.

Mahse, kan mamawh kan tih vang hian, tawngtai inthlahdah phah khawp a mut ngaih pawimawh tur lam ani lo a. A hun taka mut a, a hun taka tawngtai hian taksa leh thlarau a inzawm avang hian, kan fim zawk thin ani.

Tin, ei leh in kawngah pawh kan Lalpa hi a uluk hle in a hriat a. Vawi tamtak miin ah, chaw a ei thu te, Chhang a la a, mal a sawm a, a phel a, a sem thu te. Chhang per 5 leh sangha 2 leh chhang per 7 leh sangha tlem azawng a tih pun thu te pawh kan hmu bawk awm e.

Rawngbawltu kan nih hian, Bible leh Tawngtai a, kan Thlarau lam tih chhak ringawt hi, ngaihtuah a awl em em a, kan ngaih pawimawh tur pawh ani a. Mahse, thui tak kan kal theih nan,  " A Hun Taka Mut leh Ei Tur Mumal Taka Ei" hi kan ngaipawimawh tur ani.

Mi mal a Pathian nen kan in dawrh lai hun a, Chaw nghei leh Tawngtai tlaivar, nasa taka kan tih hun a awm thei a, chutiang lam chu Pathian nen a kan inkar bik ni sela.

Mihring kan nih phung hrim hrim ah hian, Mu tur leh Ei tur a Pathian siam kan ni a, a hun taka mut leh ei tur pangngai taka ei hi a Pathian thu ani. Pathian min siam dan hi ngaipawimawh lo a, Pathian nen a inpawl tum tlat hi, Pathian duh dan ani ber lo thei ani.

A pawimawh ber erawh" ISUA NEN A INKUNGKAIHNA NEIH HI ANI". Chu nun chu kan neih nan kawng engkima theih tawp kan chhuah  hi, kan tih tur tul ber ani thung ani.

Pathian tan i tih chuan, pui tur che in a che ve ngei ang

"Ani chuan, "Ngai teh u, mi pali phelha mei laia vei vei a, na hauh lovin ka hmu a, a palina landan phei chu pathiante fapa ang a ni," a ti a."(Daniela 3:25)

Sadraka te, Mesaka te, Abednagoa te, kha Pathianin lal Nebukadnezzara milim kha chibai buk suh u a ti lem lo, buk rawh u pawh a ti chuang lo. Mahse, Sadraka te, Mesaka te, Abednagoa te  khan Pathian tan tih an duh ani, kha milim chibai buk loh kha, Pathian tana an rinawm zia leh Pathian lo chu, tuma hmaah an kun dawn lo tih kha Lalpa tan tih lan an duh ani.

Lalpa tan an phak ang tawk chu an ti a, Lalpa'n a en liam lo khawp mai, " nangni thian ho chu in thu thu in ka tan in ti ve ngawt a, in awm awm in lo awm rawh u" Lalpa'n a ti hauh lo. 

Ama tan a, mahni phak ang tawk lo titu te, an phak ang tawk a, Lalpa lo tantu te Sadraka te, Mesaka te, Abednagoa te kha, an beisei phakbakin a thawh sak anih kha.

Pathian chuan mei kha a kan tir lo ringawt thei, mahse chu mai pawh chu duh tawk loin an mahni awmpui turin a vantirhkoh a tir hial anih kha.

LALPA TAN HEI HI KA HAN TI VE A NGE, TAWRH A TUL PAWHIN KA TAWRH PHAH MAI ANG, KAN TI VE THEI A NGEM?

Lalpa, tan a kan ti anih chuan, Lalpa A Che Khawp Ang.

Mahse, hei erawh chu kan hriat a ngai, Pathian tana kan tih tur kha Pathian thu nen a in mil a ngai ani. Sadraka te, Mesaka te, Abednagoa te pawh hian thu sawm pek hmasa ber "pathian dang i nei tur ani lo" tih kha an zawm ani.

Pathian tan, ringlo mite leh sual ti thin te hi kan vaw chiam teh ang, tih te hi Pathian thu nen a in mil lo a, tih chi anilo.

Pathian tan, Thatna in kan hneh a nge, harsa mahse Pathian tan thilpek kan pe a nge, Pathian tan kan rinawm a nge, Pathian tan kan inngaitlawm a nge, Pathian tan mangang te kan pui a nge, tih te hi a Pathian thu em em ani.

In khawngtlangah leh inchhungkua a misuala i ngaih leh mi harsa a i ngaih te chungah khan that chhuah thin ang che.

In Do Thiam Ropui Ber Isua

"Tin, Isuan a hnenah, "I khandaih kha a dahnaah dah leh rawh, khandaih ruaitute zawng zawng chu khandaih vekah an thi dawn si a."(Mathaia 26:52)

Kan Lalpa Isua hi INDO a thiamna em em pakhat chu a BEIH A HRIA ani, Mihring nen an in Bei lo a Mihringte Chhanchhuaktu tur ani tih a in hre chiang em em a. Setana leh a hnathawh te chu ani a beih tur chu ni tih a hria a, a zirtir te pawh sual in a hmang thei tih pawh a hria a, a in veng reng anih kha.

KAN BEIH HI HRE VE ANG U.

Isua man tumtu te khan, mihring leh sual hmanrua, Hriamhrei leh Talhtum te an keng a, Petera thinlungah pawh mihrinna a rawn lang a, a mihring hmanrua chuan alo chhang let ve a, man tumtu te zing ami beng a sahthlak sak anih kha.

Isua, chuan Petera a khap a, a beng Petera'n a sahthlak sak a chu a ti dam leh ani. Isua khan nawmnah takin a man tute hian an la hruai kual dawn tih a hre reng mahse, a hmanraw hriam ber HMANGAIHNA leh NGILNEIHNA hmangin, thatna alo lan tir ani.

Isua chuan Hmangaihna leh Ngilneihna hi, vawi lehkhat ah thawk mai lo mahse, Tharum leh Khandaih ai, nasa takin nghawng ala nei dawn tih a hria a, Sual hnehna hmanraw hriam ber ani tih pawh a hria ani.

Kan nun ah hian, Thinrimna hi thinrimna in, Tawngkam vin hi tawngkam vin vekin, Deusawhna hi deusawhna vek in, Min Laksak tu chu laksakna vekin kan in bei let thin. Chak zawk kan awm thei lo a, kan in ti chhe tawn a, Sual hna chu nasa thei ang berin kan thawh sak a, Sual zawk a chak a, sualin min hneh zawk ani.

Kan chunga Tawngkam vin leh Hmuhsitna tawngkam te hi Zawldawhna in chhang ila, kan chunga That lohna chu Thatna in chhang let ila, Sual chu kan hneh dawn ani.

In chhungkua ah emaw, in nupa karah emaw, i thawhpui te ah emaw, i unau ah emaw, engang pawhin, i chunga that lohna lan tir thintu kha Hneh Tak Zet I Duh Chuan, Kan Lalpa Isua Hmanraw Hriam Ber "Hmangaihna Leh Ngilneihna" Hmang hian bei let ve rawh le.

LALPA HMANRUA I HMAN CHUAN, LALPA'N I CHAK LOH A PHAL NGAI LO ANG.

Tawngtaina leh Pathian fakna Thiltihtheihna hi, sual leh mihring do hneh phak ani lo

"Nimahsela zan laiah Paula leh Sila chuan Pathian hnenah an tawngtai a, hla an sa a, mi tangten an ngaithla a; tin,thawklehkhatah lir nasa takin a lo nghing a,chutichuan tan in lungphumte lam chu a nghing a; tin, kawngkhar zawng zawng a inhawng nghal a, mi tin kawl bunte chu a lo inphelh ta vek a."(Tirhkohte 16:25-26)

Pathian fakna hi chuan thil a ti thei ani, Lalpa ka fak a che, kan ti mawlh mawlh emaw "Aw ka nunna Lalpa chu fak la" tiin bible chang kan sawi emaw, Pathian fak nan hla kan sa emaw, Pathian kan fak anih chuan a Tha em em vek a, Thil a ti thei vek ani.

Paula leh Sila te chungchang han sawi ta ila, tanin a an khung ni khang, hun hreawm tak an tawng a.

A hmasa ber ah Paula'n ramhuai zawl aienthiam, Kawchhung atang ramhuai a hnawt chhuak a, chu nu pute pawisa hmuhna anih avangin an thinrim a, dawtin an hek a, bible chuan an puan an phih hlih sak a vawi tam tak an vua a ti a, an kawr an phelh sak a nasa takin an vua tihna ani a, rukru leh tual that pawh nilo kha, rip chhungah an la khung deuh deuh a, an ke ah thing kawl an la bun tir lehzel bawk ani.

Paula leh Sila te hi, an taksa a nat ka ring a, an rilru pawh engemaw chen chu a nat ka ring bawk, kha tiang zozai tuar turin engmah an ti si lo a, mut pawh an mu hleithei lo ani. 

Mahse, an TAWNGTAI A Pathian fakin an Zai a.

Pathian neitu leh a rawngbawltu pahnih in thurual a, an Tawngtai leh fak hla an Sa dun chuan, Lalpa a chet tir a, tanin kalhna leh kawlte chuan a tuar lo a, a in hawng ani. In lungruala kan Tawngtai ho na leh Pathian kan Fakna hian thil ava ti thei tak em.

I kianga awm hnaivai emaw, i hlat a awm, khawdang daih a awm pawh nise. Tawngtaina kawnga thawhdun pui tur nei ang che. 

Kan nunah hian engang pawhin Hnualna leh Rilru hliamna tawk pawh ni ila. Tawngtai tlat chungin Lalpa fak ang che!

I rulru hah vang leh nat vangin zan i mu hlei thei lo ani thei, chung hunah chuan Tawngtai la  Lalpa Fak Ang che. 

Tichuan, Lal Engkim Ti Thei a Chu I Nun ah a Rawn che ang.

Paula leh Sila te kha an Tawngtai a, Pathian an faka, tanin leh an kawl te alo in phelh mai bakah khan. Tanin vengtu leh Tanin a, tang mek ten Pathian an neih phah ani.

Tawngtaina leh Pathian fakna chuan eng lai pawhin, kan harsatna lak ata min Chhanchhuak thei a, chu bakah kan bul hnai ami leh kan thiante leh kan chhungkua te tan, Pathian hnaih tirtu ani thei bawk ani.

Pathian Hmangaihna a Hlawhchham Ngailo a, Ban zai a Rel Ngailo

"Engkim a tuar hram hram a, engkim a ring a, engkim a beisei a, engkim a tuar chhuak thin. Hmangaihna hi engtikah mah a reh lo vang."(I-Korinth 13:7-8a)

PATHIAN HMANGAIHNA HI A REH THEI LO.

Pathian hmangihna chuan a tuar hram hram a, amah kan thlan a Ring tlat a, a kawng kan Zawh a Beisei tlat a, chu Hmangaihna chuan a Tuar chuak thin.

Mihring hi chu sual hmaah hian kan mualpho thin, kan bawhchhia a, kan tisual thin ani. Mahse, Pathian Hmangaihna Hlawhchham ngai lo chuan Keimahni ah a Hlawhchham ngai lo a. Min Hmangaih hi bansan a tum ngai lo a, a ban san ngai lo bawk ani.

Kan tisual tawh ani thei e, Pathian Hmangaihna ala ngai reng Pathian a Kir leh na Hun ala tlai lo, Kir Leh Rawh!

I nun tawp hun tur i hre lo, i nun tawp thleng a Pathian Hmangiahna i hnawl anih chuan Hmangaihna Hlawhchham ngai lo chu, a tawp thlengin i hnawl tihna ani dawn a. Hmangaihna chu awm reng mahse, a hnawltu in a hnawl reng chuan, Hmangihna a changlo anilo a, Hmangaihna chu a hnawl miau avangin, awm ze awm lo in a tawptlengin a siam tihna ani.

Mi eitur pe ta la, eitur chu pe reng la, a duh hun huna a ei theih turin pe reng la, mahse a ril tam tawk khawk, a tih dawn thleng pawhin ei duh chuang lo sela, i eitur pek chu amah ah a thawk lo ang. Mahse, eitur pe tu chu a hlawhcham lo, a tih tur a ti reng, a ei tu tur zawk chu a hlawhchham zawk ani, a ei theih reng pawh a ei duh lo a.

Hmangaihna Hlawhchham ngai lo, Lalpa ka thei lo mahse, i kutah ka innghat e, min hruai rawh ti la, a Hmangaihna chu a rawn che ang. Chu a hmangaihna chuan amite pawh a rawn tir thin ang, mahse i hnawl ngar ngar anih chuan, barh luih lo ang che, bakah hmangaihna chuan a ti lui ngai lo a, Ngeinei leh Zaidamin a sawm reng zawk ani.

Nih leh chu Hmangaihna chu i chang a, i pawm a, A Hmanrua i ni ve em.

In Chhungkuaah te, i Hnathawhna ah te, i Kalna a piangah, PATHIAN HMANGAIHNA HMANRUA NI VE BAWK ANG CHE.

Hriak Tih Te Kal Kawng

"Mi dotute mit hmuhah ka hmaah hian dawhkan i buatsaih thin a: Ka lu hi hriak i thih tawh a, ka novah hian a liam reng a."(Sam 23:5)

Engmah tihsual i nei silo a, i chungah thil tha lo a lo thleng ringawt tawh em?

Engtinmah i ti silo a, miin an do ringawt tawh che em?

I tliltih sual vang nilo, i thiltih that avangin miin an haw tawh che em?

Lungngai reng reng suh Lalpa en tlat la, nangma Thinrimna rilru atang engmah chhuah tir suh ang che.

LALPA'N A CHAWIMAWI NA TUR ZAWK CHE ANIH KHA.

He thu ziak tu Davida khan, a hna a thawk felfai em avangin Saula khan a hua a, thah a tum a, a tlan chhia a tlan chhia anih kha.

TLAN CHHIA TLAN CHHIA VE ANG CHE.

Hei hi lawm HRIAKTHIH te kal kawng chu.

A Hun Ah Lalpa A Che Thin A, A Tlai Ngai Lo Bawk.

A Hun Ah Davida Kha lal ah a thut tir a, a Hun Takah lal Thuttleng ah a thu ani.

Nghak fan fan La, Lalpa en fan fan La, Lalpa a Tlai Dawn Lo.

Tuna I Kawng Kha Hriak Thih Te Kawng Anih Avang Alawm A Har Em Em.

Nangmah do tu sual mithmuh hma ah ngei khan Lalpa'n ala chawimawi ang che.

Pathian tana kan tih thin te chu, Ti Zel Ang

"Tichuan thil tha tih i ning suh ang u; kan inthlahdah loh zawngin a hun takah chuan kan seng dawn si a." (Galatia-6:9)

Kan nun ah hian thil tha tih thin kan neih theuh a, tawngtai tlat te, mi puih thin te, thinrim duh lohna te ani. A dang dang pawh a awm ang a.

Heng thil tha kan tih te hi nin a awl em em ani, mahse ning lo ang u. A hun takah Lalpa vanga thil tha ti kan nih ngat chuan " Lalpa'n Lawmman Min Pek a Theih Nghilh Lo Ang."

Inkhawm bansan mai te a awl em em a, Tawngtai pawh hi awm zia awm ang a a lan loh chuan beidawn mai a awl thin.

Awmzia a awm tawh lo ni a, a lan hun pawh a tawngtai tang tang te bawk hi tawngtai hlawhtling, an tawngtaina chhan a awm thin te chu an ni.

Pathian hian mi beidawng zung zung emaw, rilru thlak zung zung te hi, thil lian tham ti atan hian a koh mawh khawp mai a. 

Mi Nget leh Ti Tang Tang Thin Mi Hi, Thil ropui leh Thil Lian Tham ti tur chuan a ko thin ani.

MI NGET NGE I NIH MI NGET LO LE?

I thil Tha tih thin kha i tawp tawh a nih pawhin, TITHA LEH RAWH, TAN THA LEH RAWH.

Lalpa'n min hre reng che

"Mihring hi eng nge maw a nih a, i hriat reng thin ni? Mihring fapa pawh hi eng nge maw a nih a, i kan thin ni?' ka ti thin."(Sam 8:4)

Pathianin a hria che a, a kan thin che tih hi rin, har i ti em?

Ti hian han sawi fiah ta ila, i hmelhriat ngaimiah lohin phut let nei  miah loin a pui tawh che em? A pui tawh che tiro!

I hmelhriat ngai miah loin, a duhsak em em ringawt tawh che em? Chutiang  pawh chu i tawng tawh tiro!

Nih leh hmun hlauhawm ah, thlamuan rukna riau emaw, nangmah awmpui tur mi i tawng hlawl tawh em.

A hun tak a in pui tawn tur chiah chiah te, puih kan ngaih lai takin min puitu tur te, kan din hmun a hniam lai takin min duhsaktu tur te, Lalpa'n kan hnenah a rawn tir thin  ani.

Pathian lama i hniam lai takin emaw, i rinna i hlauh lai takin emaw, i thu mamawh tak Lalpa'n mi dang hmangin a rawn pe thin che tiro. 

Lalpa'n Ngaihtuah Loh Lai Che a Nei Lo.

Engkim hi, Lalpa rawn chungin ti la, i duh anga i hlawhtling rih lo anih pawhin, Kawngthar emaw rahbi thar emaw i kai theihna turin a hlangkai zel ang che.

He tiang taka Pathian ropui, arsi kan lei ai a let maktaduai fe a lian chhiar sen loh a siam a, arsi bawm lian em em eng chakna in thlawk pawh ni ila, kan dam chhung pawh a kan fan chhuah zawh loh tur Galaxy a siam a, chung Galaxy maktaduai tel fe awmna Universe a siam leh a, mihring finna in a thil siam te hi a chhutichhuak zo lo a. Kan lei te tak te a, a thil dah pawh hi mihring zawng zawng hian kan la chhui chhuak zo lo hial ani. 

Chung zawng zawng leh thil awm zawng zawng dintu hian, Nang leh Kei min hre reng hi a mak ani.

Ngawih ThlangTu Isua

"Mi dang mah a tidam thin a, mahni a intidam thei si lo. Israel lal a ni alawm tunah hian kraws ata chu lo chhuk ang hmiang, tichuan amah chu kan ring ang."(Mathaia 27:42)

Kan Lalpa Isua Ngawih Theihna hi ava ropui tak em. 

A tawngkam khat pawhin, Thlipui leh Tuifawn a hau reh a, A Tawng hma pawhin ramhuai ten an hlau a, Natna ten an ngam ngai lo a. Chu mai ani lo, Van atang mei pawh a duh chuan a au thla thei ngei ang.

Kross bula amah rawn deusawhtu te kha tawngkam khatin anchhia lawh se chuan, thih pawh an thi hial ang. Mahse, Lalpa chuan ngawih a thlang ani.

Engtin nge rilru fim a put thei le? A kut pahnih leh a ke te kross a kilh beh ani, kha an kilhna lai tak kha ruh leh ruh inkar thapui awmna lung fankhawp a tha pawimawh awmna ani a, thawk zawng rigawt pawhin an kilhna hmun ang a kilh kha chu, na zawk zawk tur ani.

Hlinglukhum khum tir ani bawk a, kross kha thing thap mangkheng ani a, a taksa nasa taka vuak hliam kha thing thap nen a in nawk a nga. Tin, an la ti el huai huai bawk nen.

Mahse, kan Lalpa chu a Ngawi Tlat Ani.

"A Tum chu Thah emaw, Tihchhiat emaw ani ngai lo a, CHHANDAM ANI."

Kan Awmna Hmunah Leh Kan Tun Dinhmunah Hian Eng Nge kan tum ve le.

Dawhtheihna, Lalpa vanga neitu, a mualpho ngai lo.

"In dawhtheihzia mi zawng zawng hriat ni rawh se. Lalpa chu a hnai e." (Philippi 4:5)

Dawhtheihna hi ava pawimawh tak em.

Dawhtheih hi a Pathian thu ani.

Dawhthei zawk chuan a tawp ah chuan a mi dawh a chu a thu hnuaiah a dah leh nge nge thin.

Ringtu leh Rawngbawltu phei hi chuan, Dawh chunga midang dawmkan kan tum a tul ani.

Mahni, uanu te, fa te, kan nupui pasal te pawh hi dawh an har em em a. Kan hnathawhna ah emaw, kan rawngbawl hona ah pawh Dawhtu nih hi a har ani. A chhan ber chu, sual hian "Dawhtheihna Thiltih Theihna Hi" kan hriat emaw kan neih emaw a phallo a, kan hman leh lek phei chu a huphurh em em ani.

Dawhtheitu a awm chuan inremna a awm thin a, Remna Pathian chu kan Lalpa ngei hi ani. Remna letling chu, Inremlohna (in huatna, in dona, in sualna) ani a, he inremlohna theh darhtu chu Sual ani.

Sual hneh kan duh chuan, Dawhtu zawk nih tlang ang O!

Pathian vanga mi dawh thin, "Mi Dawhthei" chu an mualpho ngailo a, Chawimawiin an awm zawk thin ani.

Misual te Pathian, nih a hreh lo.

"Pathian hnena min hruai theih nan Krista chuan sualte avangin vawi khat a tuar bawk si a, mi fel chuan mi fel lo aiin a tuar a, tisaah chuan tihthihin a awm a, thlarauvah erawh chuan tihnunin a awm ta a."(I-Petera 3:18)

Kan Pathian hi mi zawng zawng Pathian ani a, Thil awm zawng zawng Pathian ani bawk.

Ka lawmna em em leh kan Pathian ropui ka tihna chu "Misual te Pathian" nih a thlang hi.

Isua a thawh leh hnu khan, amah phatsantu Petera ngei chu ava pan a, a thlan ngaiin ala thlang reng a, Peter min phatsan bawk a, a ti reng reng lo. Tin, Petera'n Isua a pan lo a, ngaidam theitu zawk khan, a ngaihdam tur a pan zawk ani. Isua'n Petera a pan zawk ani, hei hian misual leh bawhchhe thin, phatsan thintu pawh ala thlang zel thin tih hi a ti chiang ani.

Min ngaidam tur hian Lalpa'n min lo pan reng ani.

LALPA KAVA LAWM EM, MISUALTE PATHIAN I NI DUH HI.

I tisual ani thei e, i tih sual te kha midang hriatah pawh i sawi chhuak hreh pawh ani thei. Tin, kum eng emaw zat i tisual reng tawh pawh ani thei! Hei hi hria ang che "Lalpa chuan I Pathian nih Ala Thlang Cheu Ani."

I sual chung chung khan pan rawh alo pawm ang che.

I awm angin Isua pan la, I sualna ata "ZALENNA DAR A VUAK SAK ANG CHE."

Lalpa hmu fiah tur chuan zawng tak zet a ngai ani.

"Tin, mi zawng ang a, in thinlung zawng zawnga mi zawn hunah chuan mi hmu ang."(Jeremia 29:13)

Thil kan duh hi kan zawng thin, hna hmuh duh chuan a zawng a, hmu turin a naupan tet atang lehkha a zir bawk a, hna sang zual leh hna bik leh tha bik zawng phei chu, an hun zawng zawng leh an theihna zawng zawng sawm khawmin an zawng thin. Sum zawng pawh chu ti tho, Larna zawng pawh, politician ho phei chuan an bei nasa thei em em ani. Nupui pasal pawh nasa takin a tha hmutur chuan kan zawng vek anih hi maw!

Pathian erawh hi chu, man awmlo(Free), tha leh zung pawh seng loin, neih kan tum a, chutiang mai a neih theih ani si lo a.

Ni e, a sum leh pai zawng chuan a free teh meuh mai, mahse Thinlung leh Rilru pek a ngaihna zawng a chhut chuan neih zawng zawng, kan Thinlung leh kan Rilru neih zawng zawng a man a pek a ngai thung ani.

"In thinlung zawng zawnga mi zawn hunah chuan mi hmu ang" a ti a. Kan hmelhriat te, i dammaw tih paha kan chibai thuak(Hi/Bye) ang chauh a, Pathian tan kan tha leh zung kan sen loh chuan Lalpa hi kan hmu lo ang a, CHATUAN NUNNA pawh hi kan chang lo ang.

Ava Khirh Ve, kan ti maithei! Ni e, khirh tak ani, a thlamuanna leh amah a chawlhna hmuchhuak tur phei chuan, lungngai taka tahna hmun atanga zawn emaw, hmun hlauhawm atanga zawn emaw a ngai hial ani. Chu tia, khirh kan tih rual in, mi thil ti thei tih lungawi tum ai chuan a khrih lo zawk asin.

A khrih lohna chu, Zingah tho la Tawngtai a, Bible nitin chhiar la, Inkhawm a hunah inkhawm tlat la, I Hlim niin Tawngtaiin midang ai Lalpa hrilh hmasa ber la, I lungngaihni pawh in chutiang bawk chuan a hnenah thlen hmasa ber la, Puih i mamawh pawhin puih i dilna hmasa ber ni sela, i nun engkima hmasa ber a i dah ni sela. Chu zawng te chu ani mai!

Mahse, heng zawngte hi mihring sual a kan pianna kan mihrinna hian, a tai thei lo a, chu tak chu a harna lai leh kan beih a, kan hneh a ngaihna lai tak chu ani.

A har ani thei e, hei hi kan hriat tlat a ngai " LALPA I NEI ANIH CHUAN HAHDAM TAKIN, CHAWL CHUNGIN I NUN I HMANG TAWH ANG."

I Chawlh Theih Chhan Tur Chu, HLAUHAWMAH LEH HARSATNA AH A VENG TLAT ANG CHE NGE A THLAMUAN ZEL ANG CHE.

Lalpa Chu Van Lal Thutthlenga rorel a Thu chu ani.

KROSS KAWNG HI A REH RENG LO.

"Tin, Isua kraws kiangah a nu leh a nu laizawn, Mari, Klopa nupui leh Mari Magdalini an ding a." (Johana-19:25) 

Kross kiangah khan Isua hmangaihtu te an kal khawm a, khaw hran hran ami pawh ani ang, an chhuahna leh an dinhmun pawh a in ang lo ang mahse, Isua an hmangaih theuh a, hmangaih inang chu "Isua an Khenbehna Hmun Kross" kiangah khan an kal khawm ani.

Isua hi kan thlan ber ani tawh ta rau rau, Kross kiangah hian awm tlat ang o.

Isua Kross kiangah chuan Isua hmangaih ve thotu, kan hmangaih thuhmun pui tur Pasal emaw, Nupui emaw a rawn la kal ang, Thawhpui tur te, Thian tha te, Chhungkua te, Engkim mai Lalpa'n mamawh min tih apiang chu KROSS KIANGAH chuan a rawn kal ngei ang.

Mi tamtak an tlukna chhanchu an Lunglen vang ani thin, Isua hnena kan nun kan pek hian kan awmna hmun a inthlak avangin, kan nun hlui leh kan thian hluite, kan nun dan te ngaih a lunglenna a awm duh em em a, chu lunglenna hmanga beihna chuan mi tam tak chu a hneh thin ani.

Hei hi hria ang! Kross kawng hi hreawm vek emaw, Lunglen thlak char char emaw, Mal rengna hmun emaw, min tih tir tu hi sual ani, min bum a tumna mai ani.

KROSS KAWNG HI A REH RENG LO.

Khawvel pek theih loh thil tha engkim awmna zawk ani.

Isua chuan, Harsatna ah leh Engtik lai pawhin MIn AWMPUI reng.

"Thu ka pek zawng zawng che u pawm turin zirtir rawh u. Tin, ngai teh u, kei kumkhuain, khawvel tawp thleng pawhin, inhnenah ka awm zel ang," a ti a."(Mathaia 28:20)

Isua'n min awmpui reng ani, kan han mangang a, khawiah nge Lalpa hi le, kan ti ti fo thin. Mahse, kan hlim ber ni a kan kianga a awm ang chiah khan kan kiangah a awm reng si a. 

Isua hi, kan kiangah a awm reng ani tih kan hriat loh chhan chu, kan HARSATNA kha Isua kan en ai kan en tam zawk vang ani fo thin.

Thlemna kan hneh loh chhan ber pawh hi, Isua en lo a kan chak zawng te leh, min thlemtu leh, min thlemna hmanrua kan en nasat zawk vang ani. 

Tunah khan i lungngai a, i thinlung a tap ani thei, eng vang pawhin a ni thei e, hei hi hria ang che. "ISUA I BULAH A AWM RENG" a puih theih nan che a tan kawng hawn sak ang che. Kawng i hawn sak theih dan tur chu, tawngtai ani. 

LALPA I HENAH KA RAWN IN HLAN E, MIN PUIH DAN TUR I HRIA E, MIN PUI ANG CHE. Ti ang che.

Lalpa awmpuina leh a puihna chu, tu ma dan chah theih ani lo. Khawvel mihring zawng zawng pawh hi tang rual mahsela an dang chat zo chuang lo ang.

Lalpa chhanchhuahna dawng thintu te chu, Amah au tlat thin tute hi an ni.

Amah au tlattu te zingah chuan tel ve ang che.