LALPA ringtu, a rinchhan LALPA ni erawh chu a eng a thawl e. Tui kianga thingphun, lui kama zungkai, Khaw lum lo thleng pawh hlau lo, A hnahte hring reng si, Khawkhen kum pawisa lo. Rah chhuah țhulh chuang si lo ang hi a ni ang. (Jeremia 17:7-8)
Pathian mize ropui tak pakhat chu chatuan mi, danglam ngai lo, kumkhuaa pangngai reng a nihna hi a ni a. Ringtute pawh hi amaha rinna nghata ding nghet (consistent) turin min duh a ni.
Amah ring tlattute chu retheihna/ harsatna/ hlauhna/ thlaphanna/ manganna/ natna/ lungngaihnain emaw, hlimna/ lawmna/ hausakna/ chawimawina/ lalna/ thuneihnain emaw a nun a tidanglam pha ve ngai lo. Chutiang mi chu mi rintlak, Pathianin a rawngbawltu rinawm ni tura a duh te chu an ni.
Daniela te kha lal thupekin an Pathian biak a țulhtir pha lova, ni khata vawi thum an țawngțai an bang chuang lo. Sakeibaknei puk, rawhtuina meipui leh lal ina an chen lai khan an nun a danglam chuanglo, an rin Pathianah an chiang.
Josepha kha khuarkhuruma an paih lai te, tan in hmun thim lai bera a tan lai te, thuneihna leh lalna pek a nih hnu pawhin Pathian laka a rinawmna a danglam lo.
Mi tam tak hi chuan kan dinhmun a zirin kan Pathian rin dan, Lalpaa kan hlimna leh lawmna te kan tidanglam fo țhin, Lalpa erawh chuan lungpui chunga insa turin min ti, eng thil mahina a sawi danglam theih loh turin. I rin Lalpa a ni em, nge a thilpekah zawk i rinna i nghat?
(Tawngtai Dan Tur)
Lalpa, nangma ringtu nget, a hun tawn a zira dang lam ngai lo, nangmaha a rinna chu a harsat ber lai leh a lawm ber lai pawha ngai reng, nangmaha rinna nghat tlat mi i zawnga, chung mite chu chawimawi i duh bawk thin a, chutiang mi chu ka nih ve theih nan Lalpa, nangmah ka rinna kawngah hian ka ngheh theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment