He mia ni sarih hi tlingtla rih la, tichuan kum sarih dang ka
rawng i bâwl leh tûr aiah chuan mi dang pawh chu kan pe ang che," a ti a.
Tichuan Jakoba chuan chutiangin a ti a, a ni sarih chu a tlingtla a: tichuan a
fanu Rakili chu a nupuiah a pe ta a. (Genesis 29:27-28)
Jakoba hian Labana fanu naupang zawk Rakili chu a hmangaih a neih a dil a. Labana hnenah kum sarih i rawng ka bawl anga i fanu Rakili min pe ang che a ti a ni. Mahse Labana chuan Jakoba a bum a, a fanu upa zawk Leaii zawk chu a neih tir ta a. Jakoba'n a hriatchhuah chuan Labana chu a chhuahchhal a, mahse Leaii chu a lo pawl hman tawh si a. Ni zarih tlingtla la, tichuan Rakili i nei a nga, a man ah kum 7 dang ka rawng i bawl leh a nga a ti a. Tichuan, an inremsiam thei ta a ni.
Leaii hi a mit a pawl a inti a, sap tawng bible-ah chuan a mit chu a weak (chaklo) a ti a, Rakili ve thung chu ti tuai nalh tak leh hmeltha tak a ni a, Jakoba pawhin a hmangaih zawk a ni.
An hnam danah chuan fa u zawkin pasal a neih hma chuan fa nau zawkin a nei thiang lo tiin Labana chuan a sawi a. Chupawh lo ni ta tehreng sela Labana hian heng zawng zawng hi a tira Jakoba hnenah a hrilh loh avangin a bum a ni. Chuvangin Rakili nei tur chuan Leaii a neih hmasak zet a ngai a ni.
Hei hi kan kawppui te kan hmangaih dan tur chu a ni: Eden huanah bumna avangin mitin hian keimahniah thatlohna lai emaw Leaii lai kan nei theuh a, nimahsela thatna lai Rakili lai kan nei bawk a. Chutah chuan kan kawppui te hi an mahnia Leaii (tha lo) lai zawng zawng nen nei tel ila, an mahnia Rakili (tha lai) zawk chu a lo chhuak dawn a ni.
Inneih dawna thutiamah pawh a nuamah leh a hrehawmah kan tih ang chiah hian kan thatlohna leh tlin tawk lohna thleng hian kan kawppui te hmangaih ila, an mahnia a tha lai chu a lo chhuak mai thin dawn a ni.
Rakili nei tur chuan Leaii i neih tel a ngai a ni.
I kawppui tur i tawn dan tur atanga, in inneih hun tur te, kristian chhungkua indin dan tur te, thatni leh chhiatni intawn dun dan tur zawng zawng te leh nun in hman dun dan tur zawng zawng chu, Lalpa kutah nghat la. Lalpa tello a, nangman ngaihtuah chhuah veka, engkim siam rem vek tum suh. Lalpa a innghat chungin che la, i kawppui mek/tur thatna chu nasa zawkin i chhar chhuak ang.
Leaii hian fapa Jacoba hi a hrinsak tam zawk a, Jacoba mi chakah an siam a. Rakili hian Jacoba hmangaih bik leh amah tilawmtu bik, fapa pahnih a hrinsak a Josepha leh Benjamina te an ni a. Tiang chiah hian, i kawppui that lohna lai khan a ti chak ang che, a tullai taka a puih duh loh che emaw, i ngaih em em laia a ngaihsak loh thinna che khan mi chakah a siam ang che, i kawppui thatna khan a tilawm thin ang che a nga, i nun a tihahdam bawk ang.
Kan hrit tur chu, Rakili fapa te hi michak (fighter) an ni lo a, mi thianghlim leh nun nem nei mi an ni a. Leaii fapa te erawh michak leh rawva tak tak te an ni thung. Leaii fapa te hi an rawva avang hian Jacoba nun pawh an ti hreawma mahse an rawva avangin an chhehvela miten Jacoba an ngam lo a ni. Chutianga Leaii faten Jacoba an tih hah lai chuan Rakili fate erawhin Jacoba an tihahdam thung a, Rakili fate chauh hi Jacoban fa nei se, Jacoba hi an bul hnaia hnamte hian an duh duhin an ti maithei a ni. Lalpa kutah Jacoba chu a tir atang, a innghah avangin a nupui tur tak leh a fa tur tak Lalpan balance in a pe a ni.
Hei ang chiah hian Lalpa kuta i innghah a, a pek che kawppuia i neih chuan, i kawppui that lohna chuan a tichak che a nga, engtir nan, i kawppui telloin ei i zawng thei ang, office i dawr ngam ang. A thatna chuan a tihahdam che a nga, entirnan, i chawhmeh duh zawngte a ngaipawimawh a nga, i nalh lohte a hlau a nga, a ngaihtuah bawk che a nga, chu chuan i nun a ti nuam dawn a ni. Lalpan in inkar a balance sak dawn che u a ni.
Tin, Jacoba hi Lalpa kuta innghat leh awm a nih vang hian Lalpan a enkawl (handel) theih nupui leh fa a pe a, an vaiin a thu an zawm tlat a ni.
Lalpa kuta i innghaha a thu i zawm chuan, i enkawl (handel) theih tur kawppui a pe ang che a nga, i kawppui thatna leh chhiatna pawh chu i handel thei dawn a ni.
Lalpa kutah innghat leh phawt mai ang u.
(Tawngtai Dan Tur)
Lalpa, kawppui ka hmangaih tluantlin
tur/ ka kawp lai mek ka hmangaih tluantlinna turin, i kut a engkim kawl tir a,
i duh anga ka kawppui nen kan inkara engkim tih hi a ni tih min hriat reng tir
la, kawppui tur a min pek chu/hi a thatna ah leh a that lohna ah, i duh anga ka
hmangaih tlat theih nan, min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment