He Hla Hian, Chakna A Pek Theih Che Ka Ring "Casting Crowns - JUST BE HELD" (Sawi fiahna)

"Tin, lehkhabu chu a lak veleh Thilnung pali leh upa sawmhnih leh palite chu, tingtang leh rangkachak berhbu rimtuia khat keng theuhvin Beram No hmaah chuan an bawkkhup ta hlawm a; chung rimtuite chu mi thianghlimte tawngtaina a ni."(Thupuan 5:8) 

"Chutichuan, Krista hnenah kaihthawhin in awm ve tawh chuan chung lam, Pathian ding lama thu Krista awmnaa thil awmte chu zawng rawh u."(Kolassa 3:1) 

Dowload "Just Be Held"mp3 @ link: https://sites.google.com/site/nextlineads/nextlineads-com/Casting%20crows%20just%20be%20held.m4a?attredirects=0&d=1

"Just Be Held" hi, ringtu nitin nun atana hla tha tak a ni a, van lal thuthlengah hian, min hmangaihtu kan Lalpa Pathian a thut zia a ti lang a, harsatna kan tawh hian enge Lalpan min zirtir duh tih hi min thlir tir thei hla a ni bawk a, sap tawng thiam tan chuan a hla pangngai hi ngaihthlak fo a tha awm e. Tin, sap tawng thiam lem lo tan pawh a mizoin a hrilhfiahna nen kan rawn dah e.

1) I kiang ami te mamawhna che avangin, chak taka i awm a tul thin a.

Mahse, buaina in a su ta che a, i in ham tang hram hram niin i  hria a tiro!

A chang chuan nasa taka beih hram hram thinna nun chu hahthlak i ti a, nin pawh i ning ani.

Mahse chu nun chu, "ka theih tawk ani i ti thin a", chu nun chuan a thlung bet che tiro.

Ka hnena, engkim nghahna (lungaihna leh enghlehna zawng zawng, Lalpa kuta nghahna nun) ah chuan Zalenna a awm asin.

Thunawn....

Thingthiin theih tawpin ka hnenah i tawngtai a, mahse Chhanna chuan, a Hlat ngawih ngawih che in i hre thin.

Chung hunah chuan, hei hi hre rawh! Nangmah chauhin ka awm tir lo che a, ka awmpui reng che.

I khawvel kha maw! anih loh dan turin a kal lo, anih loh dan turin a kal emaw i tih chhan chu, a nih dan tur ang taka kal tir turin, keiin i nun kha ka rem that vang zawk a ni. (Nghak rawh ala thleng ang, a hun ah.)

Engah nge i mangan, hmangaihna avanga, i tana nun hlan raltu i Pathian hi, Van Lal Thuthleng ah ka thu alawm! Ka thu reng bawk ang.

I hahna leh Natna kha in delhbeh tira, vawn reng loin. 

Ka kuang kuahnaah (ka thlazar hnuaiah , pain a fa thlaphang a pawm angin) i awm tih hi hria la.

Pain fa thlaphang a kuangkuah hian, a fa naupang chuan a him tih pawm duh miah lo se, a thlaphang reng a nga, hmangaihtu leh kuangkuahtu a pa chu a ti hrilhhai zawk ang. Mahse fa chuan a him a ni, amah tihnat tumtu chu, a pa nena an inbeih phawt a ngai ang, tih chu a hriat chuan, a thla a muang thin a, a pa pawh a fa chungah a lawm zawk thin a ni.

2) I lungaihna thlipui kha i thlir reng a, chumi lama i rilru i dah tlat chuan, ka hmangaihna pawh a bo ta emaw i ti thin.

Mahse, KROSS i en chuan, ka Hmangaihna thuk zia i hmu a nga, kross a i tan ka tawrh laia ka hmangaih ang chiah che khan ka hmangaih reng che a, ka hmangaihna lamah i rilru dah la, chu chuan a tichak ang che. (Tichak tur che in i kiangah ka awm reng bawk e.)

I mittui zawng zawng te kha a luan thlawn KA PHAL Ngai LO Ang. 

Hun hi a liam a nga, i la hrethiam ang. 

I hun tawn hreawm leh mawina reng reng awm lo kha. Mawina leh Hlimnain, ka thlakthleng vek zia chu ila hmu ang.

I nunna kha ka kuta awm a ni asin.

Kan nunah hian Lalpan rorel mahsela, zirtir min duh avang te hian harsatna kan tawh a phal thin a, chu harsatna atanga kan inzir chhuah chhuan malsawmna nasa zawkin min vur thin a ni.

3) I lungngaihna tuipui ah khan ban phar la, tawngtaia auin min zawng rawh.

Lungngaihna hmunah chuan ka LAN FIAH thin kha.

Tah chuan kalo VUAN ang che, i thinlung chu kalo vuan mawlh ang.

Ka hnenah rawn kal la, i chawlhna chu i hmu ang.

I Lalpa thlahlo che a, vuan rengtu hnenah hian,

I chawlhna chu i hmu ang.

Engtik lai pawhin, van Lal thutthlenga thu kan Pathian khian, min ngaihsak renga, min vuan reng bawk a ni. 

(Tawngtai Dan Tur)

Lalpa, engang pawhin harsain lungai mah ila, van lal thungthleng, lei leh van zawng zawnga thu neitu sang ber thutnaah chuan, i thu a ni tih hi ka hriat renga, nangmah chauh ka thlir tlat theihna tur chein min pui ang che, Amen. Ti ang o.

Instagram: https://www.instagram.com/nungturin/

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIAIN LO FORWARD VE ZEL ANG CHE.