"An chungah zaidawh rih mah sela a mi thlan, achhun azana amah kotute phuba chu Pathianin a laksak lo vang em ni?"(Luka - 18:7)
Lalpa hi kan duh anga, phuba min laksak tur a beisei chi chu a ni lo ang a. Mahse, he thu hian Lalpan min ngaihtuah zia leh kan thlavang a hauh zia a ti lang awm e.
Amaherawh chu, phuba chu min lak sak chiang alawm, mahse mihring beisei ang erawh chuan a ni lo thung.
Lalpan phuba min laksak kan duh chuan, Lalpa dopuitu kan nih erawh a ngai a ni.
Hetiang thawnthu hi, mi chanchin kan hre thin:
1. An pa emaw, an fanu emaw, an fapa emaw an chhungkaw zing ami chu, sualin nasa takin, a khawih buai a, mahse Lalpa hnenah an thlen tlat a, a tawp a tawpah chuan, an chhungkua a sual ber chu Lalpa rawngbawltu a ni ta tih hi!
Lalpa dopuitu te chuan, hetiang result hi an hmu reng ang chu! Lalpan phuba a laksak miau alawm, mihring duh ang erawh chuan Lalpan phuba a laksak lo a ni, sual hmanrua ni thin kha, sual ata la chhuakin, sual dona hmanruaah a hmang let ve leh thung thin a ni.
Mihring rilruah chuan, i sual e mai, min tihah bawk nen, kan han vawthu teng che, tih te pawh hi a lang thin awm e. Lalpa chuan hetiang zawng hian, a thlirlo a, sual hmanrua hi ka hmangaihna in ka la let a nga, an chhungkaw rilruah pawh hmangaihna ka tuh sak a nga, he sual hmanrua leh an chhungkaw ti na tu leh ti hah tu hi, sual vuakthluk nan kan hmang zawk a nge, a chhungte ti hahdamtu ah pawh kan siam zawk a nge a ti thung thin a ni.
2. Sual vanga retheina tawk te kan awm thin, retheih hi sual a ni lo a, hausak hi Pathian duh zawng a ni kher lo bawk. Mahse, sualin mihring theihna hi a ruksak thin avangin, kan retheih phah thin a ni. Kan tih theih reng, kan tih duh reng, hlawhtling pawh hlawhtling ngei tur kha, sual hnathawh vangin kan ti ngamlo thin a, sual hnathawh vangin kan ti peihlo thin a, chu chuan tih theih reng ti lo tu ah min chhuah a, kan lak luh tur leh kan thawh chhuah tur kan thawh chuah loh chuan, kan retheih nak loh ah le.
Chu tianga, sualin a beih vanga retheihna leh harsatna tawk te chu, Lalpa hmaah theih tawpin an kun a, Lalpan an tan a thawhsak thin a. Heng huna Lalpa thawh dan pawh hi mihring beisei ang chu a ni lo.
Mihring chuan, tu emaw thinlungah Lalpa thawk se, kan mamawh engkim min pe se kan ti thin. Hetianga Lalpan min tihsak zel chuan, kan piangsual zo vek a nga, ringtu apiang kan harsa mai dawn alo ni.
Mahse, Lalpa chuan che lo thei loin, thawk lo thei loin min siam a, min chettir min chettir a, huaisenna thar kan rinna avanga kan chetna atang min siam sak zel a, chu chuan rinna thar min pe zel bawk thin a. Tichuan, retheii leh retheia te chu, harsa zawk te hnena, pe chhuaktua leh pe chhuaktui min lo nih tir thin ta a ni.
3. Rilru natna nei te leh taksaa natna neite pawh hetiang bawk hian, Lalpan an natna lakah phuba a laksak a, midang an mahni anga na ve te tanpui tuah a hmang thin a ni.
4. Nulat tlangval lai a, lera leh leri te pawh kha, chhungkaw hlawhchham an dinhnuah emaw, an inneih hmaa harsatna an tawh hnuah emaw, Lalpa lam an hawia, Lalpa ka thiam loh a ni min ngaidam ang che, tiin Lalpa hmaa an kun tlata Lalpa do puitu an nih phawt chuan, Khristian chhungkua, chhungkaw hlawhtling ber neitu leh rawngbawltu tha tak tak tu leh fa neitu ah an tang leh thin a. Chung an tu leh fa te chuan, kristian chhungkua chu an mahni in an din bakah, midang te pawh kristian chhungkua din turin an pui bawk thin a ni.
Lalpa dopuitu nih hi ava tul tak em, Josepha kha a rethei em em a, Lalpa tan a rinawm tlata, Lalpa dopuitu a ni tlat a, Lalpan a chawisang a, rethei te puitu ropui tak a ni ta a. Davida kha mi nu tih luihna in, tenawm takin a uire a, a pasal tihna turin ruahmanna a siam bawk a, mahse Lalpa hmaah thupha a chawi a, Lalpa lamah a kir a, Lalpa a dopui ta a, a uire pui ngei hmeichhia nen chuan Solomona lal ropui tak an nei ta a ni.
Lalpa dopui tu chu engtin nge kan nih tak ang?
Theih tawpin Lalpa hmaah kan tawngtai ang. Tawngtaina tello chuan Lalpan ti tura min tihte chu, a hriat theih si loh a.
Lalpa thu kan zawm ang.
Lalpan tirawh a tih apiang kan ti ang.
Tichuan, a bak zawng chu, indo thiam ber, tumahin an la ngam ngai reng reng loh, kan "Lalpan" a rawn hneh vek mai dawn a ni.
(Tawngtai Dan Tur)
Lalpa, i mite chauh phuba i laksak thin a, nangmah ngai em em thintu te leh, lungchhira i hnena rawng kir thin te, i tello chuan ka theilo ti a nangmah au lawm lawm thintu te chu, ka mite i ti a, i mite zingah chuan ka nun a tluan laiin emaw, ka nun a hrasat lai pawhin, chhiar tel ka nih zel theih nan i tan engtik lai pawhin, ka rinawm theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment