"Mi fel takte lam tura lo kal ka ni lo va, mi sualte lama simtir tura lo kal ka ni zawk," a ti a, a chhang a."(Luka 5:32)
Bible in mifel a tih thinte hi tu te nge, tih hi han sawi phawt ila, Joba kha mifel chu a ti a, mahse Joba hi Lalpa hmaah nasa takin a vui a, tha a in ti a, Lalpan a zilhhau nghe nghe a ni. Joba 38-41 ah a hmuh theih awm e. Davida ka thinlung ang pu mi a tih lahkha, nasa takin sual a ti bawk a.
Chu ti a nih si chuan, tinge Lalpan fel a thih a, ka thinglung ang pu mi a tih le? Joba kha Lalpa laka nasa taka a vui lai pawh khan, Joba chuan Lalpa a au a, Lalpan a dik lohna a hriat tirin "Vut leh vaivuta thuin ka sim ta e" (Joba 42:6b) a ti a ni. Davida kha Lalpan a sualna a hrilh khan, Davida chu inchhir em em in vaivutah thuin nasa takin thupha chawiin a tawngtai bawk a ni. Mosia te, Jacoba te, leh zawlnei dang eng emaw zah te chu, tihsual nei an ni a, mahse Lalpan mifelah ala chhiar tho a, a chhan chu "Eng ang pawhin tisualsela, Lalpa lam hawi an thulh chuang lo a, an tihsualin nasa takin Pathian hnenah thupha an chawi thin a, an sim bawk thin a ni." Hei vang hian Lalpan mifelah a chhiar tlat zel thin a ni.
Keini pawh hi kan tisual vek tawh ang, tunah pawh kan tisual mek pawh a ni thei e. Kan tisual a nih chuan, Lalpa hnenah i kir ang u, kross a min tlanna thisen chhuak kha, engmahin a pawlh dal theilo, sual nasa ber pawhin Isua Krista min tlanna thisen kha thiltitheiloin a siam thei lo a ni. Mahse, Isua hnena kir duhlo leh Isua thlanglo tu te chu, chhandam an ni thei lo a ni.
Sual ngaihdamna beiseia Isua pantu te chuan, Isua an pan thlawn ngai lo a, "Mi sualte lama simtir tura lo kal ka ni zawk," a ti a ni. FEL PHAWT LAM A NI LO, PAN PHAWT LAM A NI ZAWK, tisual tawh leh tisual chungin Isua hi pan ila, a nin kan sim theihna turin min lo pui zawk dawn a ni.
Isua puihna tel loin tumahin kan sim theilo, mihring tumnain zu emaw, hur emaw kan simthei mahna mahse sual dangin chung mihring simna chu a thlak thin a ni. Ruihhlo a sim atangin pawisa a duh zual tih te, a hur tawh loh atangin mi a sawichhe nasa tih te a awm thin, hetiang simna hi sual simna tak tak a nilo, sual tih mek thlakna a ni.
Sim tur chuan, Isua pan a ngai a ni.
(Tawngtai Dan Tur)
Lalpa, felfamkim phawta nangmah pan tur ti thintu te hi dawt an sawi avangin ngaidam la, tichuan Lalpa kei hian ka awm angin rawn pan che ka duh a, mahse nangmah pan tur che pawh hian ka chak lo a ni, Lalpa nang chu misual te hmangaih tlattu Pathian i ni a, kei misual tan hian he thu hi chanchhin tha ava ni em. Tichuan, Lalpa mifel min tih ve theih nan leh ka sual ka sim theih nan, nangmah ka pan che a, ka thlah tawh ngai lohna tur che in min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment