Lei (Dirt)

"Lalpa Pathianin leia vaivutin mihring a siam a"(Genesis 2:7 )

Engvangin nge leia siam kher kan nih le? Thil hlu dang rangkachak, lunghlu te pawh a awm sia, enga ti nge min siam nan Pathian hian lei kher a hman le?

Thil engmah nilo atanga a ropuina puanchhuah hi kan Pathian mizia a ni tlat. "He can turn great mess into GREATNESS." - Robert Madu

A dawtah chuan Leiah chiah hian thlai chi a tuh theih a ni. Mitinah hian Lalpa'n chi(seed) a dah a, chu chu kan theihna emaw thiam bikna kan neih theuh hi a ni, a then chu zai thiamna te, a then chu rorel thiamna te, a then chu nui hmel mawi tak te, a then chu thusawi thiamna te, a then chu kut themthiam tak te pawh a ni ang. Chu chu than tir a rah tha tak min chhuah tir theuh a duh a ni.

Johana 15:1 -ah hian Pathian chu huan enkawltu(Gardener) a inti a ni. Keini hi a huan te kan ni. Huan enkawltu chhe tak a nih chu ring suh, chi tha tak tak thehtu a ni kan Pathian hi. I chhungah khan tha taka rah chhuak thei turin chi a tuh ngei a ni. 

2 Korinth 4:7 "Rohlu chu Hlumbelah (lei/dirt) kan vawng a ni"

Hlumbel chu i ni a, nangmahah chi hlu tak, rohlu chu a dah a ni.

1Korinth 3:6 "Keiin ka phun a, Apollovan tuiin a chawm a; nimahsela, Pathianin a thantir"

Chu chi rohlu chu a than nan kan chawm a ngai ve a ni. Thlai reng reng tui peka, leitha vura, a dip tu kan thian fai thin ang hian. I tihtur i part i tih phawt chuan Lalpa'n a tihtur thantir hna chu a rawn thawk em em ang. 

Tirhkoh Paula pawhin Timothea ti hian alo fuih a ni: 2 Timothy 1:6 Chuvangin, ka kut nghah avanga Pathian thilpek nangmaha awm kha chhem alh turin ka hriatpui che a ni.

Matthaia 13:31 "Vanram chu lova ro phum ruk ang a ni"

Leiah vanram nun chen turin  nangmaha chi (seed) ro ang maia inphum ru chu han hai teh le.

(Tawngtai Dan Tur)
Lalpa, leiin min siam a, leiah chuan chi a to thin ang hian, keimah a theihna leh thatna i dah te hi, a tha thei ang berin i duh ang a ka hman chhuah theih nan min pui ang che, Amen. Ti ang o.

Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Hmangaihna Tel Lo Chuan Midang Nun A Siamthat Theih Loh

"Hmangaihnain a dawhthei a, ngil a nei bawk thin; hmangaihnain a itsik lo va; hmangaihna a infak lo va, a uang lo va."(I Korinth 13:4)

"Engkim a tuar hram hram a, engkim a ring a, engkim a beisei a, engkim a tuar chhuak thin."(I Korinth 13:7)

Kan Lalpa Isua Krista chuan, a hmangaihna nasa em em hmangin min thlak vek a nih hi tiro. "Kan Tihsualin min thungrul lo a, keimah nen kan ti a nga i tisual lo mai dawnlawm min ti zawk a," "amah kan hnawlin eng atanmah min ngailo bawk a, eng a tan mah ka ngai biklo tiin min hnawl ngai lo a, min nghak reng a, min sawm reng zawk a.

Kross ah ka tihsak vek tawh a, min la hnawl cheu anih chuan, an thu thu alawm min ti mai lo a, Thlarau Thianghlim leh a Rawngbawltu ten min la sawm reng a, vawi eng zat pawh lo hnawl tawh mah ila min la pawm duh reng zel a.

Tiang taka, A Hmangaihna A Ui Loh Avang Hian Alawm, Kan Lalpa Isua Hian, Hmangaih Let Tu A Ngah Em Em Ni.

Tichuan, keini a hmanrua te hian, midang a lama hruai kan tumna kawngah hian, dawhtheih chin kan nei thin a, beidawn chhin te kan nei thin.

Hei hi kan hriat a ngai a ni, kan Lalpa Isua hian kan nun ah dawhtheih chin leh beidawn chin nei ve ta sela, tlingzo kan awm lo ang. Chuvang chuan, keini pawhin "Midang Isua Hnen A Hruai Kan Tumna Kawngah Hian, Duhtawk Chin Leh Beidawn Chin Nei Lo Ila, I BEI ZEL ANG U."

Kan beihzel theih nan, kan Hmangaih a ngai a, mihring hmangaihna chuan a hmangaih phalo a ni. Isua Krista'n a Hmangaih vang zawkin, midang te hi kan hmangaih tur a ni a, chu hmangaihna atang chuan kan beizel thei ang.

Tin, a hmanrua chauh kan ni a, midang siamtha thei tu tak tak kan nilo tih erawh kan hriat a ngai a, chutih rual erawh chuan, kan tih theih tawkah hian Beidawng loin bei zel ang u. 

(Tawngtai Dan Tur)
Lalpa, min hmangaihna hi ka chhan let theih nan, midang te i hmangaih ang a ka hmangaih theih nan min pui a, kawng bo te i lama ka hruai theih nan bei zel thei turin min pui ang che, Amen. Ti ang o.

Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Hnawl I Nihna Kha I Hlawkna Tur A Ni Asin (GOD BLESS THE BROKEN ROAD & Gain From Rejection)

"Lungchhiate chu a tidam a, An hliamnate chu a tuam thin a."(Sam 147:3)  

Josepha kha a uanu ten an Hnawl (Reject) a ni, mahse kha an duh lohna phenah khan Lalpa'n tum alo nei zawk a. A tawpah phei chuan, Josepha kha'n "Lalpa'n Zir Tura A Tih Te Kha A Zir Zel A," Potiphara nupui chungah pawh phuba ala lo a, a uanute chungah pawh phuba ala lo a, "Nghah theihna Leh Dawhtheihna te,""Ngaihdamna Hi Phuba Lakna Aiin, A Tha Zawk A Ni Tih Te" leh finna nasa tak a unauten an duh lohna atang khan a zir chhuak a ni.

Kha i duh em em in a Rejectna ah che khan, ka thungrul ang tih rilru pu loin, e nge "Lalpa'n He Min Hnawlna Atang Hian Zirtur Min Pek Tih Hi Chhut Zawk Ang Che."

Tin, kawppui zawnna ah hian "Lalpa Hnathawh NGHAH Bang Ngai Suh," Sap thufing ni awmin an sawi a chu chuan,"Thil Tha Chu A Nghaktu Te Chungah A Thleng Thin,"(God Things Comes To Those Who Wait) a ti a. Dawhtheihna Leh Nghahtheihna ila neih loh chuan ila zir thiam tawk lo tihna a ni fo thin. Dawhthei takin, Lalpa hnathawh Nghak leh tlat ang o!

Josepha ang hian, Phuba Lakna Ai Ngaihdamna A That Zawk Zia, te hi, hnawl i nihna atang i zir chhuah hunah chuan, Lalpa a che ngei ngei a nga. Reject tu ai che a, Tha Zawk Leh Rejectu che ai a Dinhmun Tha Zawk Ah Ala Dah Ang Che.

Tun tum chu:
1) Dawhtheihna leh Nghahtheihna
2) Phuba lakna ai Ngaihdamna a tha zawk,
tih pahnih hi zir chhuak ang u o.

 "Bless The Broken Road" hi, Bobby E Boyd, Jeff Hanna leh Marcus Hummon a ten a huho a, an phuah a ni a. 

Bobby E Boyd hian, Marcusa hnenah "Ka nun a, vawi tamtak thinlung na leh tliak taka, ka kalna kawngah hian, Engtin Emaw Pathian Hian, chung ka rilru natna te chu, thiltha zawk tih chhuah nan a hman dan chungchang chu, keimah ah hian a awm a, ka sawi chhuak thiam lo a ti a."

Marcusa, hla phuah thiam em em chuan, "God Bless The Broken Road" tih thu leh a hla intro piano chu reilo te ah a ngaihtuah chhuak a, a thianpa Jeffa hla phuah thiam chu ava hrilh a, tha alo ti ngang mai a, a hla chu an siam chhuak ta a ni.

Bobby R Boyd'a Thinlung Natna atang he hla that em em, khawvel deng chhuak khawp a tha, U.S ah rigawt pawh Maktaduai(million) 3 chuang fe hralh thei, hla chu alo chhuah phah ta a ni. Bobbya te hi Kristian chu an ni a, conservative an nih hmel lem loh a, mahse Bobbya hian"A Thinlung Natna Phenah Pathian Beiseina Chang A Hre Tlat A, Pathianin A Hruai Dan Chik Takin A Chhui Bawk A Ni." Keini ringtu nghet zawk phei chuan, Pathian beisei nachang i hre leh zual ang u.

I Thinlung Natna Phenah Khan, Pathian BEISEI  Tlat La, I Nun Ah Hla Mawi Em Em, Ala Par Chhuah Tir Ve Ngei Ang.

Pathianin Ka Kawng Harsa Leh Hreawm Zawh Hi A Malsawm A, I Hnen Lamah Min Hruai Ta A Ni. (God Bless The Broken Road That Led Me Straight To You)

(Tawngtai Dan Tur)
Lalpa, eng vang pawhin, eng ang pawhin ka rilru na se, nangmah beisei tlat thei tur che in leh nangmah vuan tlat tur che in min pui la, nangmah a ka awm tlat chuan, ka tawrhna phenah malsawmna min dah sak dawn a ni tih hi, ka theihnghilh loh na turin min pui ang che, Amen. Ti ang o.

Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Tantu I Nei

"Tin, ani chuan, “Lalpa, tuman mi chantir lo ve,” a ti a. Tin, Isuan, “Kei pawhin thiam loh ka chantir lo va che; kal la, tun hnuah tisual leh tawh suh,” a ti a."(Johana 8:11)  

Sual chuan alo hliam viau tawh che a ni maithei a, kal ngaihna i hre tawh lo a ni maithei a. I chhungte leh i thiantha te pawhin i lam tang nih an duh tawh lo a ni maithei e. Mahse hei hi lo hria ang che,"Isua I Lamah Ala Tang Tlat Duh Hi."

Uire nu khan lamtang tu mah a nei lo, a chhungte pawhin an man a denhlum an tum khan chhan an tum tawh lo a nih a rinawm. Chu mai pawh ala ni lo, a uire pui pawhin chhan a tum lo a nih hmel bawk. Mahse, Isua'n engtin Nge A Tih Ang, Tiin Lalpa Ke Bul, An Va Hraui Thlen Khan, Lalpa'n Alo Tan Tlat A, KAL LA TISUAL LEH TAWH SUH ALO TI A NIH KHA.

Isua Ke Bul Ah Kal Ve Ta Che, I THLAVANG ALO HAUH A NGA, Alo Tan Ang Che.

Nangmah tan duh tu che Isua hi maw, a namai lo a nia o! Thli leh khawpui chungah thu a nei a ni mai lo, kan ni khi kan lei let maktaduai (million) tel a lian a ni a, kan ni let tluklehdingawn nga a lian (500 Billion) Uy Scuti arsi te pawh khi, thim tawh rawh a tih chuan an thim hmak mai thin. Van Lal Thut Thlengah A Thu A, A THA A TIH CHUAN, TU MAN A THA LO AN TI NGAM LO.  

KROSS A KA TLANNA DANAH CHUAN, A THIANGHLIM,  a tih te chu tumahin a BAWLHHLAWH  an ti ngam lo a, an ti thei lo bawk.

Chu Pathian ropui em em mai chuan, Hun Tha Ila Nei Ka hnenah Lo Kal Rawh, Sual Vanga I Mualphona Zawng Zawng Kha, Chawimawina In Ka Thlak Sak Ang Che Tiin A Sawm Reng Che Asin. 

I mualpho tawhna te kha maw, zawi zawiin mawina in a thlak sak vek ang che, Isua Hnen A Kir Turin, Ka Chhe Tawh Lutuk, Ka Tisual Nasa Tawh Lutuk Ti Suh O. Isua thlak theih loh khawp a chhe tawh, he khawvel pian thirh ata a tawp thlengin an awm ngai lo a, an awm dawn bawk lo. Kha tiang rilru diklo puttir tu che kha sual hnathawh a nih kha!

Isua'n A Tan Duh Che, A TAN TAWH SA RENG CHE, Mahse A Tanna Che Chu A Chan Tir Theih Nan Che, AMAH I PAN A NGAI A, A HMANGAIHNA CHHUNGAH I LUH A NGAI A NI.

Lo Haw Rawh Tiin, Isua'n A Sawm Reng Che.

(Tawngtai Dan Tur)
Lalpa, min tantu nang Pathian ropui ber ka neih che avang hian lawmthu ka hrilh a che, i hmangaihna chhungah hian, ka awm tlat a, ka awm reng theih nan min pui ang che, Amen. Ti ang o!


Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Nungchang Tha (Character)

"Thununna pawm chu nuna kawngah a awm a, Zilhhauna hawisantu erawh chuan a tisual thin."(Thufingte 10:17)

Kan nun hi kan fimkhur alo ngai khawp mai, kan Lalpa pawh hian a zirtir te kha nungchang a zirtir nasa hle in a ni.

Pathianin tunlai a, a mi hman te pawh hi nungchang tha neite an ni tlangpui a, Thinrim theilo emaw tih tur khawpin an thinrim duh lo a, an Inngaitlawm bawk a, thu Diklo leh mi pawi sawi an hlau em em bawk a,  a tirah chuan nungchang tha neitu an ni bik lo a mahse Lalpa'n a hman dawn tak tak ah chuan nungchang tha ahma daih atanga nei tura alo zirtir tawh chu an nei thin a ni.

Nungchang tha kan tih hian, naupang inkuangkuah reng mai te leh ze zawi hi kan mitthla maithei a, nungchang tha Pathian hman theih erawh In sum thei mi, Remna duh mi, mi Inngaithlawm thei, midang Hmangaih thei, mahni Thinrimna hneh thei mi leh ringtu nun ziktluak nei te hi a ni.

Hei hi kan inzawt maithei, He tiang taka nungchang tha neih a ngaih te chuan, tunge Pathian rawngbawltu ni thei ang? Kan ti maithei.



Pathianin min hman hma hian emaw, min chawi kan hma hian, kan nungchang hi amah zawkin min siam that sak thin, tichuan min zirtir duh te chu kan zir hnuah min hmang thin alo ni. Tin, a hman theih loh tur hi kan Lalpa hian, a chawi kang ngai lo tih te pawh hi kan hriat a pawimawh awm e.


Petera leh Mosia te pawh mi rum an ni tih a hriat a, Lalpa'n an nun a thlak sak a, nasa takin a hmang ta a, Isaia pawhin "Hmui bawlhhlawh pu mi ka nih a" (Isaia 6:5) alo ti a, Jacoba pawhin a unau pa a bum a, hmangaih Johana pawh a thin a chhe em em a, sawi tur a tam awm e, Lalpa'n an nun a thlaksak a, nungchang tha a zirtir a, an ni pawhin Lalpa ZIRTIRNA CHU THU AWI TAKIN AN ZAWM A, tichuan Lalpa'n nasa takin a hmang ta a ni.


A pawimawh ta chu, Pathianin Kan Nungchang Min Siam That Sak Duh A, Tichuan Min Hmang Duh A, Pathian Thu Awiin Kan Nungchang Kan Siam That Tir Duh A Ngem? Ti hi a ni.

LALPA DUH ANG A, KAN NUNGCHANG KAN SIAM THAT PHAWT CHUAN, LALPA'N MIN HMANG DUH NGEI ANG.

(Tawngtai Dan Tur)
Lalpa, ka nungchang min siam that sak duh avangin ka lawm e, i thu zawm a, ka nun i thlak duh ang zel a, ka nun ka insiam that theih nan min pui ang che, Amen. Ti ang o.

Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Sual Kan Tih Lai Pawhin Lalpa'n Min Hmangaih.

"Engkimtitheia hnêna i kir chuan tundin i ni ang a, I puan in ata fel lohna i dah bo daih phawt chuanin."(Joba 22:23)  

I Tih Sual Lai Reng Pawh Khan Ka Hmangaih Che Asin.

Lalpa I Thu Zawm Ka Duh A, Min Pui Rawh O, i tih hun kava nghakhlel tak em.

Ka HMANGAIHNA chhungah hian rawn lut la, i tan engkim kalo buatsaih sak tawh che asin, i thinlungin a suangtuah theih bak thil tha pawh kala pe ang che, ka Hmangaihna chhungah rawn lut rawh o! 

Chatuan nunna ka Hmangaihna chhang lettu te tana ka buatsaih, mihring chan theih a thil ropui ber leh mihring hlenchhuah theih sang ber chu, i tan ka buatsaih sak che asin. Duhthlang turin Hun tha i la neih hi, ka kawng nunna kawng chu thlang la,  CHATUAN NUNNA Hi Paih Lul Suh O.  

Sual khan a bum che a sin, nawm hmel takin a lang a, i hriselna, in chhungkaw hlimna, i neih rohlu te, i hmingthatna te leh i neih zawng zawng te nen a lak sak ang che a nga. A tawpah, thihna ah ala hruai lut ang che, "O! Tunah Pawh Khan I INRINTAWKNA A Lak Sak Tawh Che A Nih Kha, ka Fa lo kir ang che o."

Mi mit hmuhah, A Lan Loh Avangin, sual hi sual a nih loh phah chuang lo a sin, sual chuan mahni leh mahni a inbum tir che a nih kha, ka hnenah LO HAW MAI TA CHE.

Tiin, kan sual ber lai leh sual kan tih ruk lai pawh hian, kan LALPA chuan min HMANGAIHNA avangin min sawm reng a ni. Pathian chuan Sual Sim a ngaidam thin a, SUAL SIM LO, SUAL TI LAI MEK PAWH HI, MIN HMANGAIH THUNG A NI.

(Tawngtai Dan Tur)
Lalpa, mi sual he tiang ang taka min hmangaih avangin ka lawm e, min hmangaih a ni tih in hria a, ka nun zawng zawng  hi ka hman tlat theih nan min pui ang che, Amen. Ti ang o.



Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Lalpa'n A Kal Khalh Tawh Che (Mi Hlawhchham Thei Lo Te)

"Tin, i hmahruaitu chu LALPA ani ang a, I hnênah a awm zel ang a, a tithlawn lo vang chia, kal pawh a kalsan tawp lo vang che; hlau suh la, zam hek suh," a ti a."(Deuteronomy 31:8)  

Lalpa a Innghat chunga i kalna tur i pan phawt chuan, I Kalna Hmun Turah Chuan, Lalpa'n Alo Kal Khalh Daih Tawh Zawk ang che.

Joshua khan Mosia ai a awh dawn ta a, Israel fa te Kanaan ramah a hruai lut dawn a ni. Lalpa'n an hma a Hruai ta a, Lalpa'n an Hma A Hruai Awmzia Chu, An Hmaah Lalpa A Kal Zel Tihna A Ni.

Lalpa'n a chhanchhuah theih nan, he nu/he pa hnenah hian Chanchin tha kan hril a nge, lo ti ta ila. A duh zawng a nih avangin, Lalpa'n Kan Hma A Hruai Ngei Ngei A Nga, Chanchintha Kan Hril Rah Chu, Lang Rih Mai Lo Mahsela, Lalpa'n A Chanchintha Kan Hrilna Nu/Pa Chu, Lalpa'n Ala Chhanchhuak Ngei Ang. Amah Ring Chunga A Duh Zawng A, Ke Pentu Ten An Tha An Sen Thlawn Lalpa'n A Phal Ngai Lo A Ni. 

Lalpa duh zawng tih kan tumlo a nih chuan, kan hma min hruaisakin, min dai khalh a beisei awm chuang loh a. Mahni, duham vangin emaw, chapo vangin emaw engthil ah pawh hma lo la ta ang ila, Lalpa'n kan hlawhtlinna turin kan hma hruaiin min kal khalh, a rinawm loh a, mahse hmangaihna a khat a nih avangin, insiam thatna hun min pek theih nan, min venhim erawh a beisei awm a ni.

Chutih rual chuan, kan Nih Tum kan nih te, kan Duh kan neih te hi a phal a, mahse amah kan dah hmasak a duh a, Lalpa kan dah hmasak phawt chuan, kan nih tum leh kan thil duh te neih kan tumna kawngah chuan, Lalpa'n kan hma min hruai sak duh a ni.

Kan hna te, kan zirna te, kan nih tum te, hlenchhuah kan tumna ah hian, Lalpa Nen Ka Bei Tlat Dawn, ti chung a, Lalpa Duhdan Ngai Pawimawh Hmasa A, Kan Tih Tlat Chuan Lalpa'n Kan Hma Min Hruai Sak Ngei Dawn A Ni.

Mi Hlawhchham Thei Lo Te Chu, Lalpa'n An Hma A Hruai Sak Te Hi An Ni.

(Tawngtai Dan Tur)
Lalpa, mi an hma i hruai sakte chu an hlawhchham thei ngai lo a, kei pawh ka hma min hruaisak ve turin ka ngen a che, Amen. Ti ang o.


Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Khawngaih Rawngbawlna (Servant Appointed By Grace)

"Nimahsela Pathian chuan khawngaihna a ngahin a mi hmangaihna nasa tak avang khan, kan bawhchhiatnate avanga thi kan nih lai meuh pawhin Krista rualin min tinung ve a, (khawngaihnaa chhandam in ni ta e,)"(Ephesi 2:4-5)

Kristian kan nih chuan rawngbawlna emaw, rawngbawl theihna emaw kan nei theuh a ni.

Heng te hi rawngawlna vek a ni : Nu in a fa Pathian duh ang a, a enkawlna te, chhungkua Pathian duh ang a in enkawl kan tumna te, kan hna leh kan zirna Pathian duh ang a tih kan tumna te nen, sawi dawn ila sawi tur a tam awm e. 

Ringtu nun zawng zawng hi rawngbawlna a ni a, entir nan, mi thenkhat chuan hna tawhna a Pathian duh ang a tih hi rawngbawlna a ni lo a, Pathian thu zawmna a ni zawk kan ti maithei e. Mahse, rawngbawlna a nihna chhan chu, Pathian duh ang a hna kan thawhna hian, midang te Pathian a pan tir thei a, Pathian neitu ah a siam thei a ni. Chu vang chuan, kan hna thawhte leh kan nitin nun hi, chanchin tha puan darhna (evangilisim) a nih theih avang hian, uluk zawkin engkim i ti ang u.

He kan rawngbawlna hi, "Pathianin Kan Phulo Chunga Min Khawngaihna Avanga Thawk Mai Thei Chauh Kan Ni" tih hi kan hriat a ngai a ni. Khawngaihna avang a ni tih kan hriat loh chuan, kan hriat loh laiin Lansarhna zawn te, Hahdamna zawn te, Ham Thatna zawn te, Mahni Inkhawngaih te a awl thin a. Chu bakah Chapo te a awl bawk thin a ni. Ruihhlo leh hlemhletna a fihlim te pawh hi, heng hmang hian kan hmelmapa'in min bei hneh dawn dawn thin a ni. Heng hmanga min lo tih buai thawh chuan, Kan Rawngbawlna In A Thlen Phak Tur A Thlen Phak Loh Bakah, Kan Rawngbawlna A Ti Hlawk Lo Thin A Ni.

Kan Bible in kohhran a tihna thumal tak hi, EKKLISIA a ni a, chu chu "Ringtu Ho Awm Khawm Sawina A Ni." Mi thenkhat chuan kohhran hi mimal emaw kan ti thin a, Temple hmun Thianghlim angin ringtu chu a thianghlim tur a ni, tih zawngin kan Pathian thu hian ringtu chu Temple angin a sawi a, mahse kohhran chu " Ringtu Ho Awm Khawm, Isua Krista Hna Inlungrual Taka Thawh Hona Hi A Ni."

A HUHO a, Pathian Rawng Kan Bawlna Hi, Mahni A Rawngbawlna Ai A Tha Zawk A, A Chak Zawk Bawk A, hei hi kan hmelma pawh hian a hria a, nasa takin Huho a rawngbawlna hi a bei thin a ni. He mi avang hian, A Huho A Rawng Kan Bawlna Ah Hian Kan Fimkhur Zual A Ngai A. KHAWNGAIHNA AVANG CHAUHIN PATHIAN RAWNG KAN BAWL THEI A NI," tih hi huho a, rawng kan bawlna ah hian, kan hriat reng a pawimawh zual a ni.

Khawngaihna vang a ni tih kan hriat chuan, a hunho a rawng kan bawlna ah hian kan  INREM a nga, Lansarh tumna leh Hotu nih tumna pawh hi kan hneh theuh thei a nga. Kan rawngbawlna chuan, nasa takin Rah a chhuah a nga, Hma a sawn zel bawk dawn a ni.

(Tawngtai Dan Tur)
Lalpa, min khawngaihna avang chauhin i rawgbawl ve thei mai ka ni tih hi hre reng chungin, ka nitin nun ah leh huho a rawng kan bawlna ah te hian, i duh ang a ti tlat thei turin min pui ang che, Amen. Ti ang o.

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Tawngtaina (Thu Tawi Leh Mawi Pt2)

"Tin, engkim ring chunga tawngtaia in dil apiang chu in hmu ang," a ti a, a chhang a." (Matthaia 21:22)
 
I tawngtai hian lei leh vana Lal ber,engkim siamtu hmaah thu i thlen a ni.

I tawngtai hian Van chu tih chetin a awm a ni.

Vana Lal Thutthlenga thu,engkim chunga thuneitu hi i tawngtainain a chettir a ni.

Leia lalte(cm,minister etc) hmaa indinpui mah kan lawm a, Lalte Lal, engkim chunga roreltu hmaa indinpui(in tawngtai sak) aia hlu leh lawmawm a awm lo.

Engkim a kuta enkawl vek tu hian keini mihring ve te mai, kan tawngtaina a ngaithla duh hi thilmak pakhat chu a ni. 

I hmelma pawh i tawngtai sak tlat chuan i haw rei thei lovang, tawngtai tamte nun chu ava awhawm dawn em.

Beidawn tawpah chuan tawngtai chauh lo chu tih theih dang tha zawk a awm reng reng lo.

India president hmu tur chuan security hautak deuh emaw insiam remna paltlang a ngai a, mahse lei leh van Lal ber be tur chuan i pindan emaw khawi hmunah pawh i duhtawkin i dawr thei a ni.

Khawvel ralthuam tha ber ber aiin ringtute tawngtaina hian ram a la tam tawh zawk a ni.

(Tawngtai Dan Tur)
Lalpa, i hnena tawngtai a that zia min hriattir avangin ka lawm e, engkimah tawngtai thei turin ka nun hi min siam sak la, Tawngtai Nun i duh ang ngeiin min pe ang che, Amen. Ti ang o.

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Pathianin A Pasal A Kohna A Hriat Hmasak Tir (Joel Osteen & Victoria Osteen LOVE STORY)

"Mi a hnathawha taima chu i hmu thin ngai êm? Lal hmaahte a awm ang a, Mi naran hmaah chuan a awm lo vang."(Thufingte 22:29 )

Rawngbawltu te hian rawng kan bawlpui theih kawppui kan thlan a ngai a. Rawngbawltu kawppui chu, Pathian kohna dawng ve tho a nih a ngai a ni. Rawngbawltu pui tlata, dawm kang thintu a nihna kha, a kohna dawn chu a ni thei a, Rawngbawltu leh a kawppui hi In Ang Reng A Rawngbawl An Ni, pakhat a lang a pakhat a lang lo mai a ni.

Joel Osteen kan hre theuh awm e, sawiselna dawng ve tak pawh a ni a, mahse a sermon 10 tal kan ngaihthlak loh chuan, sawisel loh a fuh zawk awm e. Kristian pangngaiin Pathian thu kan pawm dan pangngai bak a sawi ngai lo a, a thusawi zawh ah kawmduhtu te leh a thu sawi zawt fiah duh te tan kawm turin a awm thin a, tah chuan harsatna nei te leh Piangthar te fuihin a kawm thin a, a thusawi zawt fiah duhte pawh a hrilh fiah thin a ni. 

A thusawi zawh a, zawhna an zawh bak hi chu chhan a tum lem lo a, media a Pathian thu dik lo a sawi an tih te pawh hian a chhang let ngai lem lo a ni. Mi thenkhat chuan, a thu sawi pumpui niloin a thu sawi kam khat an la chhuak thin a, a tir lama a sawi fiah tawh kha, a thusawi tlem chauh an thlur avangin adik lo an ti mai thin a ni awm e, neih in ang inkawp chungchang ah pawh, bible in a sawi ang hi ka pawm dan chu a ni a ti.  A nupui nen an chungchang ka sawi hmain pastor tha tak a nih thu ka sawi hmasa nise.

Joel Osteen hian, pastor a nih hi a in ring ngai lo a, a pa rawngbawlna te chu, Television Channel ah, tih chhuahna hna a thawk thin a ni.

Joela nupui Victoria zawk hian, Joela hnenah hian, pastor ila ni dawnin ka hria a ti thin a. Joel leh Victoria te chhungkua hi an nun phun a in persan ve hle a, Victoria'i pa hi NASA scientist a ni a, Joela pa Johna erawh pastor a ni thung a, an kohhran hi mi dawr hluiah an tan nge nge a, mahse Pathianin a awmpui a nasa takin Joel leh Victoriai te intawn lai hi chuan, a thang tawh a ni.

Scientist fanu hmeltha em em chuan mipa dang tamtak pawh a thlang thei a nga, mahse amah ang bawka Isua hmangaihtu kristian tlangval chu a thlang ta zawk a, "Isua Dah Hmasa Zelin An Inkawp A, An Innei Ta A." A thu an awi tlat Lalpa chuan, Thil ropui tak, a tihsak ta a ni.

Rei lote an in neih hnu chuan, ni kaht chu Victoria hian  Thufingte 22:29 hi a chhiar a, Joela hnenah chuan hei hi i chungchang thu a ni, pastor ila ni a nga, ram hruaitu hmaah te Pathian thu ila sawi dawn a ti thin a. Vawiin ni ah chuan, tuna an biak in Huston ami ah khuan, ram khat prime minister leh president eng emawh zah an inkhawm fo tawh thin a ni. A pasal "Pathianin A Koh Tluk Zetin A Koh Avangin, A Pasal Pathianin A Kohna Pawh, Lo Dawng Hmasatu A Ni." Isua Krista A I Awm Tlat Chuan I Chungah Hetiang Hi Ala Thleng Thei A Ni."

Tin, tuna an biak in khu, basketball court a ni thin a, an kohhran a lawi an pun zel avangin, hmun lian awm chhun a ni a, chutiang ang hmun to lutuk chu an neih theih dan tur pawh an hre lo. An Nupa In Mi Hriat Loh Laiin, Tuna An Biak In Hi, Tawngtai Chungin An Kal Hual Thin A, Pathian hnenah "He Hmun Hi Biak In Atan Min Pek Dawn Avangin Ka Lawm E" an ti dun thin. "In Ang Leh In Tluk Zeta Koh Dun Nilo Sela Chuan, Hetiang Hian An Tih Theih A Rinawm Loh A Ni."

Kawppui kan zawnna ah hian, kan hma hun kan hrelo a, mahse tih theih kan nei a ni. "Kan Tih Theih Tha Ber Chu Isua Krista A Awm Tlat Hi A Ni," tichuan a nin, kan beisei phakbak a thain ENGKIM MIN RELFEL SAK dawn a ni.

(Tawngtai Dan Tur)
Lalpa, ka hma hun ka hre lo a, tunge ka kawppui tur ka hre lo, mahse nangmah a awm tlat te chu engkim an thatna turin i relfel sak thin avangin, nangmah ah ka awm tlat theih nan min pui ang che, Amen. Ti ang o.

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Malsawmna Dawng Turin Lalpa'n A Buatsaih Thin Che

"Kaina leh a thil hlan erawh chu a lawm ve lo va. Tichuan Kaina chu a thinur êm êm a, a hmêl chu a lo dur ta khup a."(Genesis 4:5)  

Tichuan LALPA chuan Kaina hnênah chuan, “Engati nge i thin a ur? Engati nge i hmêl a lo dur tâk? Thil i tih that chuan lawm i hlawh dâwn lo vem ni? i tih that loh erawh chuan sual chu kawngka bulah a bawk reng a ni: a duhzâwng chu nangma hnên lam a ni ang a, a chungah thu i nei tûr a ni,” a ti a.

Hetah hian Kaina thil hlanah Pathian a lungawi loh avangin Setana'n remchangah la in Kaina chu thinurna in a thlem a ni. 

Thlemna (Temptation) hi Pathian buatsaih a nilo(Jakoba 1:13). Thlemna hi min siamthat nana Pathian ruahman nilo mahse, A hmang tangkai thin. Kan Nungchang (character) siam hi Pathian ngaih pawimawh ber a ni a, Malsawmna alo thlen dawn hian kan dawl zawh nan kan nungchang siamthat phawt hi a tum a ni. 

Kan Bible chang tarlan ah pawh hian Setana'n Kaina chu thinurna in a bei a, mahse Pathian chuan chu sual chu "A chungah thu i nei tur a ni." (Gen 4:7b) a ti. A chunga thu a neih dan tur chu thlemna a dodal khan a ni. Kaina'n thlemna a tawh kha Pathian chuan a character(nunphung/mizia) hmasawnna hun remchang ah hmang turin a ti thung a ni. 

A chhan chu Amah Kaina tan vek hian chu thlemna a do zawh chuan, a dawt chiah ah Pathian Malsawmna (blessings) alo thlen dawn vang a ni. A tana tha tur a ni. "Thlemna ka tawk e, Bung Thar Leh Malsawmna Thar (New Chapter&New Blessings) ka dawng dawn a, Pathian thu kan awih a nge" tih a hnekin a do zo lova, a unaupa a thah phah ta hial a ni. 

Jakoba'n Thlemna in tawh hunin lawmna ah ngai rawh u(Jakoba 1:3) alo tih chhan pawh kha hei hi a nih dawn hi. 

Isua kha engtik atangin nge Thlarau Thiltihtheihna alo neih tih chuan thlalera thlemna a do hneh hnu in. 

Tin, Nungchang Siam (Character Building) hi sawi leh ila. 

Israel mite chu Aigupta bawih ata a hruai chhuah hnu in Thlaler ah kum40 chhung Pathianin a chher phawt. Ramtiam ah lut nghal sela a ram mite kha anva do hneh kher lo maithei, mahse thlalerah Pathianin alo ti chak a, an tisa leh thlarau nun alo thuam phawt a ni. 

Davida chu Samuelan hriak a thih hnu ah a beram venna ah a let leh phawt, chutah chuan a beram rual te chu sakei leh savawm lak atang te alo veng a, ama Ram (Nation) ang maiin alo venghim a, a nunna a thap a ni. Lal tha ni tura Pathianin a chher na tho. Hriak a thih zawh veleh lal thutthlengah thu ta sela Lal tha a ni hauh lo ang. 

Josefa chu mumang a nei a, a unauten chibai an buk a ni. Mahse, a unauten an hralh rual rualin Thuneihna chelh sela a unaute a ngaidam thei kher dawn emaw ni. Thuneihna a chelh hnuah pawh kha malsawmna kha a dawl zawh nan Pathian chuan jail ah kum2 lai tangin alo chher phawt a. Tin, amah hektu Potifera nupui kha a ngaihdam thu lang lo mahse a ngaidam a ni tih chiang takin kan hre thei ang, a chhan chu phuba a lak leh thu Bible ah kan hmulo. Chu chuan jail a tan chhung khan a nungchang (character) Pathianin alo chher char char tih a chiang a ni. 

Chuvangin Malsawmna i dawng duh anih chuan i NUNGCHANG a that a ngai a, i nungchang a that nan chuan Thlemna, Fiahna, Harsatna te Pathian duhdana i hmachhawn thin a ngai a ni.

(Tawngtai Dan Tur)
Lalpa, ka nun a thlemna lo thleng te hi ka hneh theih nan min pui la, i Thu zawmna chu Van lawmman leh Lei malsawmna hlawhchhuah theihna a ni tih hria a, i thu zawm a, i dung ang Nungchang ka neih theih nan min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Isua Chauh En Rawh

Peteran a chhang a, "Lalpa nang i nih chuan tui chunga i hnena lo kal thu mi pe rawh," a ti a. Tin, ani chuan, "Lo kal ta che" a ti a. (Matthaia 14:28-29)

Eng vangin nge Krista hnung ka zui chinah hian buaina ka tawh hma em em le? Tih zawhna hi ka nei thin. 

Khawvel miten an tluan pui kha ka tluan pui ve lova, ka inthlahdah deuhvin ka chungah a rawn let nghal vat zel a. Pathian hi a thinchhe viau a ni ang a tiin ka ngaihtuah thin a ni. 

Mahse chutiang alo ni hauh lo mai. Petera'n Isua a hmuh chiah a, Amah a ni tih a hriat chiah khan, lawng atanga tuia chhuk turin Isua'n a ko a ni.

A entir chu ,chu Tui Hmunah Chuan Isua Chauh I Thlir Loh Chuan Thlipui Ruahpuiin A Nuai Pil Mai Ang Che. Isua hian AMAH CHAUH EN A, AMAH CHAUH FOCUS tura min duh avang hian TUPUIAH min ko thin a ni. Avan lawmawm letling tak em. 

Tin, tuipuiah khan eng vangin nge Petera a koh kher? A chhan chu thlipui a tleh a, an lawng chu thliin a nilo zawngin a nem a, a vawrh a vawrh tawh a ni.(Mat 14:24) 

Hei hi a entir chu a ni: Keinin hima kan hriat hmun hi a him lova, Isua chauh en a ka dinna hmun hi a him ber a ni. Mahse chu hmunah chuan Isua chauh i en loh chuan i pil thuai thin ang. 

Mahse hetah hian ala tawp lo ania aw. Isua ilo en tawh lova, ilo pil tawh a, ilo beidawng tawh  anih pawhin maw Petera khan Isua a auh a, "Lalpa min chhandam rawh" (Mat 14:30) a tih chiah khan Isua'n min en lo vei a nih kha, tiin a hau lova, a zu ban nghal a, a chhanchhuak ta a ni. Mangang Aurawla A Hming I Lam Chuan Kan Lalpa Isua Hian, i tih sual tawh lam a ngaihtuah hmasa tete lova, A Kut Chak Chuan A Rawn Ban Leh Nghal Thin Zawk Che A Ni.

(Tawngtai Dan Tur)
Lalpa, ka nun engkimah, engtik lai pawhin nangmah chauh ka en theihna tur che in min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Tawngtaina (Thu Tawi Leh Mawi)

"Chu mi niah chuan nangnin engmah kei mi zawt lo vang. Tih tak meuhvin, tih tak meuhvin ka hrilh a che u, Pa hnenah engpawh in dil chuan, keima hmingin a pe ang che u."(Johana 16:23)

Zingkara i tawngtai hian khawvel i hmachhawn hma in Pathian i hmachhawn a, chakna i la a ni.

Thil i ngaihtuah nasat lutuk hmain tawngtai thin ang che.

I thil la neih loh pawha lawmthu sawia ilo tawngtai lawkna kha a ni RINNA an tih chu.

I tawngtaina A chhan mai loh chuan Dawhtheihna zir turin A duh che a ni.

I duhzawng hlawhtlin nan nge Pathian in a duhzawng nangmah kaltlanga a tih hlawhtlin nan i tawngtai nasat zawk?

Eng dinhmun ah pawh tawngtai tlat rawh. Tawngtai thin leh tawngtai ngailo a in an theih loh.

Nitin darkar 2 tal i tawngtai ngailoh chuan ka beidawng ti suh ang che.

Tawngtai ngaihna i hriat tawh loh hnua i tawngtai na khan Pathian a chettir ngei ang.

(Tawngtai Dan Tur)
Lalpa, i hnen a ka tawngtai hian, engkim neitu leh engkim min tihsak theitu leh engkim min pe theitu ka bia che a ni, tih hi hria a thahnem ngai taka ka tawngtai fo theih nan min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Isua Leh Nuaiha Game

Tunge fing zawk? 

Nuaiha khan Isua kha a hlau em em a, lawng atang vaukama a rawn chhuk chiah khan nuaiha zawkin Isua ava pan anih kha. 

Nuaiha hian vawk kaw chhunga luh kher a dil chhan chu Isua kha khuaah rawngbawl tumin a kal a ni. Chutah chuan Isua kha hlauin ngamlo viau mahse a rawngbawlna tur tih thuanawp nan Nuaiha khan Isua chhehvela thil awm te tih buai a tum tlat a, vawk kaw chhungah a luh khan vawk te chu tuiah tlan lutin an thi ta a. Vawk vulh tuten khaw chhunga mite anva pun a, Isua chu khuaah lut thei ta lovin anlo dang bet a ni. Nuaiha chu fing inti in hlawh tling a inti viau ang le. 

Ramhuai te hian an hneh lovin an ngamlo viau che a nih pawn, i chhehvela thil awm hmangin tih buai che an tum fo ang.

Nuaiha paitu pa kha alo dam takah chuan Isua zui a tum a mahse Isua'n ruahmanna tha zawk alo nei kiau mai. Amah zui lovin khuaa a luh theih tak lohna ah khan lut a, chanchin tha hril turin a ti daih. Chutah mi tamtakin mak anlo ti ta a nih kha. Khapa kha Isua rawngbawl tluk zeta a chanchin tha hril kha  a effective ka ring. A chhan chu amah kha chanchin tha dampuitu a ni a, a dampuitu khan a sawi thiam ber dawn a ni. Amah kha evidence a ni nghal tlat a ni. 

Sualin i chhehvel a tih buai sak che a nih chuan, i chak lova i chau ta lam a ni lo. Lalpa'n Ruahmanna Dang Tha Zawk A Neih Vang Chauhin Sual Leh Ramhuai Ten An Tih Buai Che A Phal A Ni. 

Ramhuai Ten An Fin Khalh Rual Loh Isua Neitu I Ni.

(Tawngtai Dan Tur)
Lalpa, engkima innghahna thlak Pathian ka neih che avangin ka lawm e, nang chu innghahna tlak i ni tih hretu ni mai lo a, nangmah a innghat tak tak tu ka nih theih nan min pui ang che, Amen. Ti ang o.


Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Pathian Nghah Laia I Tih Turte

Pathian hian thil nghah hun(waiting period) ah min dah fo thin a, chutiang hunah chuan thuthluang tawp lo la, hengte hi i tih ngei tur a ni:

1. I thil dil chu tawngtai'in dil fan fan rawh: "Dil rawh u, tichuan an pe ang che u; zawng rawh u, tichuan in hmu ang, kik rawh u tichuan an hawnsak ang che u." (Matthaia 7:7)

2. Lalpa rawngbawl tlat ang che: "Taihmak kawngah chuan thatchhe suh ula, thlarau kawngah chuan thahnem ngai ula Lalpa rawngbawl ula." (Rom 12:11)

3. Inpawlkhawm/biakina inkhawm thulh suh ang che: "Thenkhat tihdan anga kan inkhawm te bansan lovin, infuih tawn zawk ang u, ni chu lo hnai telh telha in hriatin infuih tawn nasa lehzual sauh rawh u." (Hebrai 10:25)

4. Chi tuh tlat rawh: "Zingah i chi tuh la, tlaiah i kut sum suh, I hre silo a thang tha tur khawi nge, hei hi nge kha kha nge, an tha ve ve dawn." (Thuhriltu 11:6). Thlai chi kan tuhin a thang nghal uak uak ngailo, mahse taima taka kan tuh tauh tauh chuan hun rei vak lo a liam a, hah taka kan tuh man kan tel thin a ni. 

5. Nghet takin ring tlat ang che: "I thil zir leh i thil hriatchianah te chuan awm reng rawh." (2Timothea 3:14) 

Pathian Hi A Tlai Ngai Lova, Amah Beisei Tu Te A Ti Thlawn Ngailo Tih I Hriat Fo Tawh Thin Kha I Rin Tlat A Ngai A Ni. 

Waiting period-a i awm avang khan engmah tilo in awm suh. Kar ding lai hi a khalh theih hauh loh ania, mahse khawl i tih nuna i tlanchhuak tawh anih chuan Pathian in i steering chu a rawn control anga, khawia kal tur nge a rawn hrilh thei dawn che alawm. 

Stay active, don't be passive. ( Bei Tlat Zel Rawh, Engmah A Thleng Dawn Chuang Lo Tiin, Pawm Mai Suh)

(Tawngtai Dan Tur)
Lalpa, nangmah nghaktu te zinga, i khawngaihna avanga min tel tir ve avangin ka lawm e, i duh zawng ti chung leh i rawngbawl tlat chunga nangmah nghak thei tur che in min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Fianrial (Quiet time)

"Nang erawh chuan i tawngtaiin, i pindan chhungrilah lut la, i kawng khar la, i Pa aruka awm hnenah chuan tawngtai rawh; tichuan, i Pa aruka hmu thintu chuan a rul ang che."(Matthaia 6:6)

Fianrial hun Pathian nena in hman thin loh chuan Pathianin i thinlung ah thu a rawn sawi khat khawp ang.

Mite Pathian thu dawn sa ngaihthlak leh chhiar hi a hlawkthlak lutuk a, nimahsela nangmah ngeiin Pathian aw i ngaihthlak atanga i dawn khan i nun a chawm ber ang.

Hei hi kan hriat a ngai. Pathian hi kan nuna thusawi turin kan nghak a nilo a, Amah zawk hian a aw kan ngaihthlak tak tak hun alo nghak reng zawk a ni. I tana tha tur te leh i kawng turte chu kawhhmuh che a duh a. Nimahsela fianrial ah i biak tamloh chuan chutiang a ruahmanna te chu i thinlung ah a dah theilo thin a ni.

Tunlai khawvel ah chuan Pathian biak nana fianrial hun hman hi harsa kan ti tawh em em a. Hna kan thawk nasa tawh si a. A bikin fanau nei tawh tan leh chhungkaw rual deuh tan phei chuan a harsa em em a ni.

Mahse, Susanna Wesley,hmeichhe ngaihsanawm em em chanchin hi kan hrilh ang che. Fa 18 lai a nei a, chuta zinga a fapa John Wesley chuan Methodist Church hi a din a, America ram pumah Christianity a thehdarh nasa em em a ni. A fapa Charles Wesley pawh hian Pathian chawimawina hla(hymns) 6000 lai a phuah a ni.

Chutianga fa 18 enkawl chung chuan engtin nge fianrial hun a hman theih tiin zawhna in nei maithei. Ti hian a biography ah chuan a inziak a: Susanna Wesley chu tlai tin a thutthleng buk thei ngainat ber ah chuan thu in a apron in a lu a khuh ziah a, darkar 1 chutiang chuan a tawngtai thin a ni. Chutianga a tih tawh chuan a fate chuan a nu chu a quiet time tih hria in an bengchheng ngamlo a, an tih buai vaih chuan hremna an tawk ngei dawn a ni tih an hai ngailo. Hemi hi quiet time tih tawngkam lo chhuahna pawh a ni nghe nghe.

John Wesley chuan chu a nu tawngtai thinna chuan a nun a chher viau niin a sawi a. Chutiang taka fianrial hun chu i hlut chuan hun i insiam thei ngei ngei ang. Isua pawh a hranga kalin thlalerah te, tlangah te a tawngtai thin kha. Huho nun hi a pawimawh lo a nilova, intih chak tawnna atan chuan a pawimawh lutuk, mahse "I nuna Pathianin thu a sawi nan fianrial hun ilo hmanpui thin dawn nia."

(Tawngtai Dan Tur)

Lalpa, hun zawng zawng neitu leh ka nunna tura hun leh theihna min petu, nangmah biak nan, hun insiam nachang ka hriat theihna turin min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.

Isua Hmangaihtu Te An In Hip Tawn (MANCHESTER and Love Story)

"Tin, Thoma hnenah chuan, “I kutzungin han khawih la, ka kutte en rawh; i kut han ban la, ka nakah zen rawh; ring lovin awm suh la, ring rawh,” a ti a."(Johana 20:27 ) 

" Tin, Lu Ruh an tih hmun chu an thlenin, chutah chuan kraws-ah an khengbet a, mi sualte nen, a ding lamah pakhat, a vei lamah pakhat."(Luka 23:33) 

Manchester Victoria station ah chuan, Mark Parkera chu, Syria buaina investigation hna an thawh zawh hnuah,  London ah report a pe a, a pek zohin an khua Manchester ah chuan haw turin a rawn thleng a. Thlawhna a, a ho loh chhan pawh a, thianten HS (rail chak chi) in rawn haw turin a tih vang a ni a, station ah an in hmu khawm thei a nga an ti a. Marka hi an thian hoin, u en deuh a an en ani a, an ngaina hlawm em em a. Station ah chuan alo thleng a, an thian pakhat Philip Clarka hian, station cloak room ah, a hna pawimawh document a ken nual avangin, a laptop leh document chu a dah a. Tichuan, "Mark England Knight" tih banner hi a keng a, train atang alo chhuah ve leh lo lawm viau an tum a ni. 

Marka pawh chu alo thleng a, Gieves & Hawkes blazer Londona mi hoin an ram tana fehchhuak anih avangin, an lo present chu a rawn ha a, an thinpa pakhat Sam Kena chuan beer alo in leh hman tawh a, beer nam chhelh chawlh chuan, " you rich baster coat" alo ti a, Marka chuan "Samy zu in hi sim vat la, G&H company pumpui pawh hi, ila lei thei ang a ti a', Sama chuan”company buyout,(lei hmak) a awm thei lo” a ti a, an thian pakhat Peter Bronsea chuan “Samy i thluak that zia hi, i tipsy (kai deuh) pawh hi kan tluk lo vek che a nih hi”a ti a. Sama chuan,"hei ka inkhawm ve tan tawh a, ka paih thla thei mai ang, chuan kan biak in ah, nula pathum hmel tha deuh deuh an awm asin” a ti a. Petera chuan ” you drunk prick, i biak in inkhawmna kha, keini i unau te inkhawmna vek hi alawm, chutiang nula an awm reng reng lo, nula awm chhun te chu, pitar pasal thih san tawh ho an ni mai” a ti a. 

Sama chuan,” ka hmu alawm, zirtawp zanah ka inkhawm a, keimah chiah mipa ka awm leh nghal a, nangni pawh tinge in inkhawm loh, min hau reng rigawt a, ka inkhawm vein hmuh tur in awm bawk silo a” a ti a. Philipa chuan, “ Marka hnung a biru pahin, women fellowship (hmeichhe inkhawm) alawm alo ti ,“ Sama chuan” he tianga fiamthu thawh nan min hman reng te chuan engtin nge ka that theih ang” a ti a. Philipa chuan, cloak room a, a thil dah chu ava la dawn a, mahse a bag chu a hmu lo a, a bag ang chiah chiah hi alo awm a, chu bag neitu chuan Philipa bag chu a bag emaw tiin alo la a. Phila chuan chu bag chu an enkual a, Lora_Karty@blue tih alo inziak a, facebook a a hming dah dan anih dawn hi a ti a, fb ah chuan a zawng ta, alo ni hlauh mai a. A message a, bag chungchang chu a sawi a, station atang Lorai te restaurant awm mekna chu a hla lo a, Phila chuan a thiante chu, bag pek pah chuan va kal ila, thil ei ve nghal ang u a ti a. 

An va thlen chuan, Lorai te thian pathum chu an va hmu a, Sama sawi an biak in a rawn inkhawm nula pathum te kha an lo ni a. Mildred Wildon, Lorai te thian zinga mi leh Sama chu an in hria a, alo bia a, an in hriat chhan pawh Sama a inkhawm tumin thawhlawm a awm dawn tih a hre lo a , 100 pound pakhat chiah hi alo ak a. Mildredi chuan, khawngkhar bulah thawhlawm alo khawn a, Sama’n a zawn a thlen chuan a walet an en a, a thawh ui deuh bawk sia, Mili lah chuan 100 kha thawh mai rawh alo ti a, hmeichhe inkhawm zana a inkhawm chut avangin alo bawl deuh a, Sama chuan, a ui si, i pound 1 khat kalo puk a ti a, Mili chuan thawh a ngai kher chuang lo pawh ti lem lo chuan, a pound 1 chu alo puk tir a. 

Restaurant a an han in hmuh chuan, Samy ka pound 1 chu alo ti a, Sama chuan” cheque in ka pe ang che a pawi em a ti a, a cheque a phawrh a, ama personal cheque pawh chu alo ah loh avang chuan an industry cheque ah chuan cheng khat chu a ziak a, a pe a.” An vai chuan an nui dur dur a, Easther Jams'i an thiannu tho chuan” Diet Pepsi lei sak mai rawh” alo ti a. Mildredi chu a uang a” Diet Pepsi te chu cent 70(pawisa) chauh a nia” a lo ti a. Lorai chuan”in ho e mai, Samy cheque hi la la, kan biak in a in ang tho a, Sunday ah pawisa nawi chu lo keng la i pe dawn nia” a ti a, an in then ta a. 

Sunday ah chuan an inkhawm ta a, biak in hi an hlat deuh hlawm avangin an kohhran chuan Sunday tin refreshment an sem thin a. Marka lo haw ni kha, zirtawp a ni a, inrinni a an khaw chanchinbu ah “Marka Manchester khua ti hming tha tu” tiin Marka chu an lo chhuah a. Lorai chuan, kawm a chak rilru khawp mai a, an in hmuh leh hun a, a thil zawh tur te chu alo ngaituah lawk a. Refreshment an sem lai chuan, Lorai chuan hla deuh hlek atangin Marka va pan a tum a, mahse Marka chuan “Lora Karty'i te chhungkua chu, chhungkaw zahawm an ni tih a hria a, Lorai pawh hi Oxfort ah kum eng emawh zah lehkha zir a, lo awm tawh anih avangin, han kawm bawrh bawrh nghal mai chu, a hreh deuh a.” Chu vang chuan, an nel ngam deuh ber Mildredi chu, Lorai'n Marka rawn pan a tum mek lai chuan, Marka chuan biak tumin a lam a pan a. Lorai chuan, Marka’n Mildredi biak a tum a, a lam chu en pawh a en lo tih a hmuh chuan, Lorai chu a insit phah deuh a, bookworm ho hi chuan hmeichhe hmeitha pangngai hi kan tluk lo a nih hi, Oxford ka lo haw san kher kher chu a ti riltu a. 

Mildredi chu Marka’n be tura ava pan lai tak chuan Sama hla deuh hlek a ding chu”Samy pound 1 chu aw ava ti a.” Marka chuan, “ Mi, nel hi tinge ka hlawh ve theih reng reng loh le?” a ti a, nuam lo a ti hle a. Marka leh Lorai te dik loh lampang pawh ani lo a, an dik em em zawk a, England khawilai ah pawh kal se, Pathian an zah pui ngai lo a, chu vang pawh chuan Pathianin a chawi mawi a, mi zahawm takah a siam ve ve a. Midang an dik lo zawk a, Mildredi chanchin sawi ta ila” lekha thiam thei deuh mai a ni a, mahse a nun a hlauh ta hlauh mai a, lehkha a thiam em avangin, zan chhuak reng a, pharvar taka nung chungin Manchester University ah tha takin PG a zo thei a. Tichuan, Pathian khawngaihna avangin a piangthar a, a nun a inthlak ta a, mahse a nun alo hman dik tawh loh avangin, Pathianin a ngaidam tih hretho mahse, a inhmu hniam tlat a, Marka te Philipa te ang hi chu eng ang pawhin a chungah tha mahsela, a zah tlat a,a pawh hleithei lo a ni.

Lorai hi biak in an hlat vak loh avangin, zan lamah biak in ah a tawngtai thin a, nilai zan leh inrinni tukah erawh zing atlan thin a, a tlan pahin zingtawngtai inkhawmah a kal thin a. Marka hi, sipai nichiah lo mahse defence lam anih avangin zing lamah a tho hma thin a, zing tawngtaiah chuan a kal thin a, Manchester lui River Irwell bulah chuan a tlan thin a. Nilai tukkhat chu, zingtawngtai inkhawm ah chuan an inhmu a, Lorai leh Marka chauh chu thalai an nih avangin an langsar hle a, Marka chuan a zah deuh avangin leh Lorai chuan Marka'n a beng khawn ngai chuang lo a, a hriat avang chuan an in be lem lo a, an in ral khat hui ringawt a.

Tichuan, luikamah chuan an tlan ve ve a, hmun khatah an tlan tih pawh an in hre hran lo a, luikama thutthlengah chuan, Lorai tlan chu alo hahchawl a, Marka chuan ava hmu hlawl a, a be ta a"Lora research i ti bawk sia, i buai awm sia, exercise te i la hman alo" ava ti a. Lorai chuan a haw lek lek a, a hma a alo ngaihsak vak loh avang khan "Mark The Hero, bookworm ho te hian, kan taksa kan in dah fit loh chuan, kan ngaihtuahna a hriam thei bik lo a" a ti a. Marka a chuan "Researcher smart deuh te pawh zingkar karah in mud a fuh lo ve thei a nih hi," a ti a. Lorai chu kristian nula a nih avangin a in thiam loh a, an pahnih chuan "ka tih palh lutuk an ti dun a," Marka chuan, e nge thil awmzia "i rilru a hah ami" a ti a, Lorai chuan,"engmah a ni lo, mi hian min be ve duh mai ngai lo a, min avoid(pumpelh) riauin ka hria" a ti a. Marka chuan "kei pawh hi ka ni tho alawm, mi hian min chibai min chibai a, mahse min kawm duh tak tak loin ka hria" a ti a, Lorai chuan"nangte chu minin an lawm em che hi, Manchester United leh Manchester City derby inkhelh tum pawhin, naupang pakhat hi line hnung lutuk ah a awm a, Mark Parkera cousin ka ni a, a ti a. Ticket an lak hmasak tir an tih kha" a ti a, Marka chuan "club'in in promote nan, Media hnenah thu belh chian dawllo huat thla la awm silo, eng emaw thawn thu hi an zawng reng thin alawm," a ti a. Lorai chuan, "ani kher dawn mi? Nang te chu, United ah pawh front seat i tan an reserve sak che kha" a ti a. Marka chuan"kha pawh kha promotion tho anih duh hmel, in thian ho leh kan thian ho inkhel la en ho ila" a ti a.

Lorai chuan"stadium a luh leh chhuah chhung hi a rei lutuk a, Mark ka kal pawt mai ang," a ti a an in vai liam ta a. Mildredi leh Sama pawh chu an lo in nel hle tawh a, a thiante hnenah an chanchin a hrilh a. Eastheri chuan"Mil tinge, Phila emaw, Marka emaw pawh an awm reng a, tinge Sama rui reng chu i duh tlat a" a ti a. Mildredi chuan " ka hria alawm, mahse Sama pawh awmthat a tum tawh a, that a tum tak tak in ka hria, bakah ka hun kal tawh te avangin, Phila leh Marka te ang mi tha lutuk chu ka pawh theih ka ringlo,' a ti a. Lorai chuan,"Mil Isua Krista Thisen'in I Nun Hlui Zawng Zawng Kha A Tleng Fai Tawh Alawm, A Hmangaihna Avangin Mi Thar Leh Mi Thianghlim Ah Pathianin A Pawm Che Alawm" a ti a. Mildredi chuan" Lora ka hria alawm, kohhranah te rawng ka bawl ngam chhan chu, Isua hmangaihna vang a ni a, mahse a tir atanga nun tha leh kawng dik chauh zawh te hian, min hriatthiam tak tak ka ring theilo a, ka ngaihdan mai pawh a ni thei a, bakah nangni nun ngil taka nung te nen hian in inhmeh zawk ang," a ti a.

Inrinni tuk a ni a, Lorai zing tawngtai kal ni a ni a, Marka pawh chuan inbe lemlo thin mahse Lorai'n zing tawngtai kal a hmuh thin avangin, a zing tawngtai kal hun a ni tih a hria a, hmuh a in beisei a, mahse a rawn kal lo hlauh mai a. Tichuan, a tlanna thin, River Irwell kamah chuan ava kal leh ta a, Victoria Bridge bull lawka step ah chuan Marka chu a thu hahchawl a, tu emaw hian, an rawn koh tlatin a hria a, Lorai alo ni a, tho phang zet mai hian,"nizan ka tawngtai rei deuh hlek a, ka tlai zo vek, titi pahin walk ila," a ti a. Marka chuan, Lorai chu a nuih a nuih a, Lorai chuan "tinge i nuih i nuih a, bookworm tlai i hmu ngai lo ami" a ti a. Marka chuan "naupang i ang em a, i chau a nge, i thawhna ala rei loh chuan, hmanhmawh suh, hun ala awm alawm" a ti a. Lorai chuan" kal pahin chhang ka rawn hmawm hmiah a, tui tello in, ka tuiin a hal hle mai a" a ti a. Marka chuan"hun i neih chuan, i tuiin a hal bawk sia, cereal va ei ila" a ti a, restaurant pan chuan an kal ta a.

An hahdam deuh hnu chuan, Lorai chuan"tinge, college captain tha ber an ti si che a, football i khelh tlang loh a," a ti a, Marka chuan "captain tha ber chu ka ni lo ang" a ti a, Lorai chuan,"english kan nih hi, manchester ah awm lo mah ila kan veng, football chanchin chu ka hre ve ziah, Salfort University kha i captainna hnuai ah an champion kha." Marka chuan ti hian a sawi a" kapa in, kan college team a ka tlin loh hnuin, bible thuin min fuih a 'Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin'(Rom 8:28) kha min hrilh fiah a, kan tawngtai dun a, ka thatna turin squat ah min tello anih hi tih chu ka pawm ta a. Chumi hnu chuan Phila nen charity team din ila kan ti a, ka pa thianpa Pu Williama kha kapa in, kan coatch ni turin a ngen a, Pu Willa chuan practise hmain ka Pathian thu sawi an ngaihthlak peih chuan ka coatch a nga a ni mai alawm a ti a.

 Phila nen kan team ho chu kan hrilh a, midang pawhin pawi an ti lem lo a, Pu Willa chuan Pastor Rick Warren'a lehkhabu"Purpose driven life" kha nitin chapter khat zel bible a chhiar zawh ah, a sawifiah thin a, a mak khawp mai kan rilru a tifim tak tak a ni. Tichuan, kan inkhelh apiangin, chak chauh kan tum a, mi tihnat emaw, lanmawi bik emaw tumahin kan tum lo a, Manchester'a kan rualpui min tum duh apiang, kan tum thin a, Samya pa in min sponsor bakah a thiante winner price money tumturin a sawm a, chung company ho chu, kan inkhelh apiangin banner kan tar sak a, chuan pawisa kan hmuh apiang midang puih nan kan hmang thin a. Kan college team hoin inkhelh puiah min rawn sawm a, 5-2 in kan hneh a, tichuan, college team a discipline nei tha lo apiang an cutoff a, kan charity team member kan college a kal te chu, kan college team ah chuan min tel tir ta. A tir ah chuan kan college team captain ka nilo a, tournament first match ah, first 11 poh ka ni lo a, first match ah chuan an rough em em a, ka position ah ciah hian Petera hi a awm a, a thin chhe lutuk chu coatch chuan, min thlak tir a, halftime hnua kan lut leh tur chu kan captain'in i rilru a fim zawk ang, min ti a, band chu min pe a. 2-0 a min hneh tawh hnuah, tumah thinrim lo turin ka hrilh char char a, 3-2 in kan leh thal ta a. Kan inkhelh zawhah chuan, team ho ka message vek a"nang tluka tha hi, ka la khelhpui lo a, khelhpui tur pawh ka hre lo, kan inkhelh leh hunah chuan Chak Choh tum tawh ila" ka ti a, ole an rawn ti vek a. Confidence nei lo deuh te chu, an in ah ka tlawh a ka tawngtai pui bawk a, captain chu min nih tlang tir ta bawk a. Tournament a kan chak chhan ber chu "kapa Pathian thu min hrilh vang kha ani ber mai, keimah ah hian vawiin ni thlengin ala nungin ka hria" a ti a.

Lorai chuan" i pa hi chu, ka pa hian, a sawi ve ziah asin, vawikhat phei chu, kan bazar dun a, i pa coat ang, lei a tum tlat a, a ha chhin a, coat nghawng chu i pa tih thin angin a pawt chho chhin zel a sin" a ti a. Marka pawh chuan" ka pa pawhin, i pa ang a thiamna nei turin min ti thin asin, football khelh ai a, analysis hna ka thlan chhan pawh hi, kapa'in i pa ang a, thiamna hmanga kan ram tan hnatawk tura min tih vang a nia, kan ram hian research pawimawh min tihsak turin ramdang mithiam kan lei reng thin te pawh hi kapa chuan, pawi a ti thin khawp mai, kan ram chuan football kan ti kan ti a, ram dangin an finna in min hneh daih tawh si a, a ti thin a" a ti a. Marka leh Lorai chu, an inngaina chho zel a, a tawp ah phei chuan an innei ta hial a ni.

Mildredi chu fel em em mahse, a nun a hlui chuan a den nat tawh em avangin a beiseina a hlauh tawh a, mi tha zawk neithei mahse Sama zu a buai chu a neih phak tawkah a ngai tlat a. He tiang ang chiah hian" Kan THIANGHLIMNA Kan Hlauh Tawh Chuan, Pathian Hmangaihna Chu Ngai Reng Mahse, Kan Beiseina Tamtak Hi Kan Hlauh Tawh Thin A. Chuvang chuan "Virgin leh Thianghlim taka nun hman hi a pawimawh ani."

Marka leh Lorai te hi a tirah chuan an inngaihna mai lo a ni. Mahse, hmangaih dun tlat pakhat an nei a, an hmangaih dun tlat Isua tan theih tawpin NGIL TAKIN an nung a, a tawpah chuan "ISUA AN HMANGAIH DUNNA CHUAN A IN HIP TAWN TIR TA A NI." 

Isua a kuta an kilhbehna lai kha a na em em a, Lung a khawih a ni. Chutiang ang chiah chuan, "Isua Hmangaihna Inchhun Tlang Tirtu Te Chu, Isua Ah Chuan An In Tawng Thei Thin A Ni." 

Isua Hmangaihna Inchhun Tlang Tir Zel Ila, Isua Hmangaihna In A Chhun Tlang Ve Bawk Nen, Isua Thinlungah Chuan Kan  La In Tawng Ngei Ang.

(Tawngtai Dan Tur)
Lalpa, min hmangaihna avanga uluk taka ka nun hi hmang tur ka ni tih hi, ka hriat reng theih nan min pui la, i hmangaihna a ka awm reng chuan, i hmangaihna a awm ve tlat nen, i hmangaihna chuan min in hip tawn tir dawn a ni tih hi, ka theihnghilh ngai lohna turin min pui ang che, Amen. Ti ang o.

Download Nungturin apps at this link
http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.