Pathian Thu Zawmtu Chu Pathian Hretu A Ni A, Pathianin Engkimah A Hre Thin

"Tin, a thupekte pawm kan nih chuanin chu miah chuan amah kan hria tih kan inhria e."(I Johana 2:3)

Pathian kan hriatna chu, a thu kan zawmna hi a ni a.

A thu zawntu chu Pathianin engkimah a hre thin a, engtik lai mahin a theihnghilh ngai lo a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Malsawmna I Ta A Nih Anga I Hman Theih Nan, Sual Sualin Thungrul Suh

"Sual, sualin thungrul suh ula, hauna haunain thungrul hek suh ula, malsawm hlauh zawk rawh u. He mi avangin koh in ni si, malsawmna chang tur hian."(I Petera 3:9)

Malsawmna chang tura koh kan nia, Pathian malsawmna chu kan ta a ni.

Mahse, kawr mawi tak kan ta sa leh kan neih sa diam pawh hi, a mawina ang taka kan hak theihna turin, nawh mar leh uluk taka hak a ngaih ang hian.

Pathian malsawmna kan ta nisa chu, kan hman theihna turin tih tur a awm a, chu chu sual suala thungrulh loh leh hauna haunaa thungrul loh a, malsawm sak zawk a ni.

Huatna leh khakna eng pawh hi, huatna leh khaknaa kan thungrul ve chuan, hmelma kan insiam thin a.

In hmelmakna reng rengah, malsawmna a hlu thei ngai loa, huatna pai rei phei chuan malsawmna hi a khuhbo hial thei thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Engkima Tha Ber Zel Chu, Lalpa Hnaih Zel Hi A Ni

"Kei atân erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theih nân."(Sam 73:28)

Khawvelah kan awm a, dinhmun a tha reng loa, a chhe reng loa.

Keini aia dinhmun thaa ding mek an awm a, keini aia dinhmun chhiaa ding an awm bawk a.

A chang chuan kan nui hawm hawm a, lai na thumin kan nui a. A chang chuan kan tap hawm hawm, thinlung a nat tak tak phei chuan kan tap fap fap bawk thina.

Engkima nun dan tha ber chu, Lalpa hnaih hi a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan, Ngilneihna Leh Lainatna A Khumtir Thin Che

"Boralna lak ata i nun chu a tlan thin a; Ngilneihna leh lainatnate a khumtir thin chia."(Sam 103:4)  

Kan Pathian hi a rinawm em em a, alam kan hawi loh lai pawh hian kan nunna hi boral phal loin a hum tlat zel a.

A hnena thupha kan chawite leh a hnena kan tluk luhte hian, kan chungah ngilneihna leh lainatna nasa takin a lan tir thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Kan Dawh Hram Hram Lai Hian Lalpa A Hnai Thin A Ni

"In dawhtheihzia mi zawng zawng hriat ni rawh se. Lalpa chu a hnai e."(Philipi 4:5)

Mi thenkhat an nih tur ang an nih phak loh chhan ber chu, an dawhtheih tawk loh vang a ni fo thin.

Pathianin min dah duhna hmunah tak min dah theihna tur leh kan nih tur tak kan nih theihna tur hian, kan dawhtheih a ngai a. Kan Pathian thu chuan mi zawng zawng hriat theih tur  khawpa dawhthei turin min tia.

Kan dawh hram hram lai hian Lalpa a hnai thin a ni.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan A Pui Duh Reng Che A, Lalpa Au Rawh

"Tlâng lamahte khian ka mit ka len chho vang: Khawi lama mi nge mi tanpuina tûr lo thleng ang? Mi tanpuina tûr chu LALPA Lei leh van siamtu hnêna mi a lo thleng ang. Ani chuan i ke chu tihsawn a phal lo vang a: Nangmah vengtu chu a muttlu lo vang."(Sam 121:1-3)

Tanpuitu tur hi kan zawng thina, min thanpui duh rengtu  ropui ber Lalpa chuan min hnaih reng sia.

Ani chuan lei leh van kal hmang zawng zawng a hre ber a, a chhanchu ama siam a nia.

Ani chuan a puihna nghaka amah beiseitute ke chu chhiatnain a tihsawn eih a phal loa, mahse harsatna karah amite chu a zirtir thung thin a.

Chutianga, amite a zirtir lai chuan a ngaihtuah em em a, an lakah a mit a la sawn ngai lo a, mutthilh a mamawh ve loa, a mite chu a thlir reng thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Tan Tia, I Tawrh Hram Hramna Kha, Krista Tawrpuitu I Nihna A Ni

"Krista tuarnaahte tuarpuitute in nihzia ang zelin lawm zawk rawh u; chutichuan a ropuina a lo lan hunah chuan nangni pawh hlim takin in lawm thei ang."(I Petera 4:13)  

Pathian duh zawng a nih avanga, kan tawrh tang tangna hi Krista kan tawrhpuina a ni a, harsa mahsela i bei zel ang u.

Kristan vanah min tawrhpuitu tiin, min la kuangkuah dawn sia.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thil Tha Lama Thahnem Ngaih Hi Hlimna A Ni

"Thil tha lama thahnem in ngaih chuan in pawi khawihtu tur tunge awm ang?"(I Petera 3:13)

Thil tha, Pathian rawngbawlna leh Pathian duh anga nun kawnga thahnem ngaite chu, Pathianin a venga, a humhim bawk a, an pawi khawih ngam leh an pawi khawih duh an awm ngai lo a ni. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Vanga Tuarte Chungah Lalpa A Lawm Thin

"Miin Pathian hriatna avangin tuar loh tur tuarin lungngaihna a tuar hram hram chuan chu chu Pathian lawmzawng a ni si."(I Petera 2:19)

I tuar tur ni hauh lo Pathian duh zawng tia, 

1) midang i puih vanga i tawrhte, 

2) thinrim i insum hram hramnate, 

3) i tlawmngaih hram hramnate, 

4) midang an awm mai mai laia hah taka i thawh tang tangnate 

5) Leplerna, ruihhlo leh mipathmeichhiatna laka i in vawn thianghlim tlatnate kha Lalpan a hriaa.

I tih ve theih reng nuam i tih zawk kalsana Lalpa tih vanga, i nunin nuam a tih loh zawk a tih hian, Lalpa a lawm a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Kan Tisual Emaw Kan Hliam Emaw Lalpa Hnenah I Tlu Lut Zel Ang U

"Ani chuan i khawlohna zawng zawng a ngaidam thin a; I natna zawng zawng a tidam thin a."(Sam 103:3)

Kan khawlohna min ngaidam thin a, kan khawlohna a ngaidam a ni loa, a ngaidam thin a ni. Kan Pathian hi ava tha tak em, sual ti thei, suala tlu leh tur kan ni tih hre rengin min tlan a.

Min ngaidam thin a ni tih hre rengin kan tisual a nih pawhin, a hnenah hian i kir leh zel ang u.

Chu mai pawh chu ala ni lo, sualin min tih natna zawng zawngte leh thil dangin min hliamna zawng zawngte hi, a hnena kan tluk luh chuan, min ti dam thin a ni.

Kan tisual emaw kan hliam emaw, a hnenah i tlu lut zel ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

A Ngilneihna A Kang Ve Ngai Lo

"LALPA chu fak rawh u. Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a."(Sam 106:1)

Nikhat chhung chauha ngilnei a ni loa, sorkarte, roreltute chuan ngilneihna lantir hun chhung an nei thin a, chutiang ang chu kan Pathian a ni ve loa, a ngilneih renga, kumkhuain a ngilneihna a awm reng dawn bawk a ni.

Kan Pathian hi, theih tawpin i fak ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thinglung Chhungril Bera Inngaihtlawm

"Lalpa mithmuhin inngaitlawm rawh u, tichuan a chawimawi ang che u."(Jakoba 4:10)

Pawn lama midang hmuha inngaihtlawm mai hi chu thil har em em a ni lo a. Mahse, thinlung chhunga inngaihtlawm hi a har a, a beih a beih ngial a ngai a.

Kan Pathian hi, pawn lam lan dan aia chhunglam thlir thin Pathian a ni a. Tin, kan chhungril zawng zawng hmutu a nih avang hian, kan thinlung chhungril ber midang hmuh ve miah loha kan inngaihtlawm hi a tul a ni.

Chutianga kan inngaihtlawm phawt chuan Lalpan min chawimawi a duh em em a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan A Veng Che, I Tlachham Lo Vang

"LALPA chu mi vengtu a ni a; ka tlachham lo vang."(Sam 23:1)

Pathian thu hi nun tluang taka kan hman theihna tur leh kan hlawhtlin hial theihna tur hi alo ni tak zet a.

Sam 23:1 te mai pawh hi, ring ngam ila nun pui ila chuan, kan dinchhuah pui thei hial ang.

Rawngbawltu ropui tak, Reinhard Bonnke chuan "Engmah i tih loh chuan,  engmah tih lohnaah Lalpan puihna tur che a nei lo ang.  Isua tan chhuakin, tihtheih loh tih tum la, Lalpan a pui ngei ang che." a ti. 

Reinhard Bonnke hi Africa chhi engtu lian ber pakhat a ni a, Nigera'a a crusade ah te phei chuan, vawikhat inkhawmah mi nuai sawm (1000000) laite an kalkhawm thin a ni. 

Nang pawhin "LALPA chu mi vengtu a ni a; ka tlachham lo vang" tih ring chungin, tihtheih loh leh midang tih ngam loh tur tih han tum teh leh, Lalpa nen in thei ngei ang.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Nen A Theih

"Mi tichaktuah (Kristaah) chuan engkim ka ti thei a ni."(Philipi 4:13)

Thiltha tihduhna nangmaha dahtu kha Pathian a ni. Chu thiltha chu i tihtheih ngeina turin, a pui bawk ang che.

Nangmaha i theih loh kha, Lalpa nen in tithei.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan A Thawh Sak Leh Dawn Che

"Aw ka nunna, LALPA chu fak la, A thiltih that zawng zawng chu theihnghilh suh u."(Sam 103:2)

Kal nghaihna i hriat tawh loh chuan, Lalpan a thawh sak tawh zia che leh a ngaihtuah thin zia che kha ngaihtuah let la, tunah pawh a thawh sak leh dawn che tih hi ring la.

Lalpa chu fak rawh le, a rinawm tlat sia.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Vanah Lawmman Kan Tan A Awm

"Hetah hian khaw hmun nghet kan nei si lo va, khaw lo la awm tur chu kan zawng zawk a ni."(Hebrai 13:14)

Mi tamtak dik lo taka sum an lak luh chhante leh ruihhlote hial pawh an zawrh hreh loh chhan hi, khawvel nun chauh an thlir phak vang a ni thin.

Khawvela kan dam chhung hi a rei loa, vanah lawmman tam tak a awm a, vanram khi he lei ai hian a tak zawk a ni, tih hi hre reng ila. Lalpa tan dik tak leh rinawm takin i nung ang u. Vanah Lalpan lawmman min buatsaih sak si a.

Khaw lo la awm tur vanram khi nitin thlir chungin kan nun i hmang ang u. Chutianga kan nung a nih chuan, he leiah pawh hian Lalpan min ngaihtuah zel a nga, vanduai leh thlachham bika kan awm a phal lo ang.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Mahni Chauha Thawh Ai Chuan, Thawhpui Neih A Tha Zawk

"Pahnih chu pakhat ai chuan an tha zawk, an thawh chhuah that avângin."(Thuhriltu 4:9)  

Mihring hi Pathianin min din danah, mahni chauha awm tur leh mahni chauha nung turin emaw, mahni chauha thilti turin min siam lo a, thawk ho turin, nung ho turin min siam a.

"Midang nen a kan thawh ho hian kan chak zawka, kan tha zawk" tih hi kan pawm a pawimawha, a Pathian thu bawk a ni. Mi nen rawng kan bawl ho emaw, hna kan thawk ho emaw a nih chuan, kan thawhpuite atang inzirna tur kan nei thin a, thawk ho chu kan in zirtir tawna kan in tihhmuh tawn thin a ni.

Chhungkuaah pawh hian, chhungkaw tang rual reng reng rethei an awm ngai lo a ni, an tanrualna avanga malsawmna dawng an nih rualin chu chu an malsawmna dawn chhan ber a ni lo, an malsawmna dawn chhan ber chu, "chhungkua tan rual hi Pathian thu a nia, Pathianin a thu zawmte chu a malsawm thin avang zawkin, malsawmna an dawng zawk a ni," ti ila kan sawi sual awm lo e.

Ringtu maltlat reng reng hi, an kal rei ngai loa, an tlu vat thin a, chutih lai chuan ringtu kal pui nei ngah leh midang nena thawk thiam apiang hi an kal tlat zel thei thin a ni.

Engpawh ti dawn la, nangmah maiin engmah ti lo la, thawhpui tur zawng hmasa phawt zel ang che.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Pathian Khawngaihnaa Awm Reng Theihna Chu, Keimahnia Khakna Zung Thah Zel A Ni

"Fimkhur rawh u, Pathian khawngaihna ata in bo dah ang e, khakna zung eng emaw lo chawra tibuai che uin, chu chuan mi tam tak chu tihbawlhhlawhin an awm ang a."(Hebrai 12:15)  

Khakna zung awmzia chu, sual hnathawh lang lo khawpa te mahse, paih har kan tih leh mi thenkhat tan chuan kan paih hleihtheih lohte hi a ni.

Mi chung emaw kan chhungte chunga kan thinrimnate, dawt var kan tih mai dawt ho te te sawi thinnate, flim leh milem sakruak en chhinnate, phakar tlatnate, mi rel chinnate etc a ni, ti ila kan sawi sual awm lo e.

Khakna zung hi a te em em a, a lang mang lo thin a ni. Mahse, kan paih loh emaw kan sim loh chuan, thing zung hi te hle mahsela a than len zel chuan, rah nei khawpin a thang thin ang hian. Heng sual te reuh tete pawh hi, paih bo a thah a nih loh chuan, a thang lian zela sual lianpui a hring chhuak thei thin a ni.

Chutianga a thang lian a nih vaih chuan, Pathian neitu pawh hi kawng min bo tir thei a, Pathian khawngaihna ata hla takah min dah thei hial thin a ni.

Hawh u, Pathian khawngaihnaa kan awm reng theih nan, khakna zung, sual hote kan chin thin mi hmuh phak loh khawpa lang lo leh te te hi, i sim ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Chauh A Nih Kha, Kristaah Chawlh I Mamawh

"Ka hnenah lo kal ula, keiman ka chawlhtir ang che u."(Matthaia 11:28)

"Ka nghawngkawl chu a nuam a, ka phur pawh a zang a ni, a ti a."(Matthaia 11:30) 

Chhandamtu Isua Krista chuan, ka hnenah lo kal la, ka chawlhtir ang che. Khawvel chuan, pur rit tak tak a phurh tir thin che a, kei man kalo chhawk zangkhai ang che, ka phur chu a zang asin, tiin min sawm reng a.

Isua Krista chu, a hnuaia mite ke sil saktu leh a bawihte phur phurh sak thintu a ni. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Humhim I Duh Chuan, Sual Haw Rawh

"Aw LALPA hmangaihtute u, sual haw rawh u. Ani chuan ami thianghlimte nunna chu a vang tha thin a; Anni chu mi suaksualte kut ata a chhanhim thin."(Sam 97:10)

Sual hian kan nun min laksaka, kan hlimna turte, kan hausakna turte min laksak a, chhungkua hlim taka kan awmna turte min laksaka, khawtlang nun nuam zawk kan neihtheihna turte min chhuhsak bawk thin.

Engtin nge sual hi kan hneh theih ang?

Sual kan hnehtheihna tur chu, huat a ni. Ni e, sual huat hi sual hnehtheihna tur pawimawh ber pakhat a ni. Sualin a hliamte huat ni loin, a suala zawk huata, sualin a hliamte chhanchhuah hi a ni.

Chutianga, sual hua chu, mifelah Lalpan a chhiara, a humhim thin a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Nangmah Dangtu Harsatna Kha Pathian Remruatna Tha Ber Parchhuah Tirtu Tur Zawk A Ni

"Pathian Lehkha Thuin Pharaoa hnenah chuan, “He mi avang ngawt hian ka tungding chia, nangmahah chuan ka thiltihtheihna ka entir theihna tur leh, khawvel zawng zawnga ka hming a than theih nan,” a ti si a."(Rom 9:17)

Pharaoa kha Israelte dang tlattu a ni, Israelte ti retheitu leh an tana mi hlauhawm tak pawh a ni bawk. Mahse, kha Pharoa kha Israelte tana Pathianin a thawhsak nasat zia leh Israelte a awmpui zia ti lang fiahtu a ni.

Kha harsatna nangmah dangbettu leh ti zam rum rum thintu che kha, Lalpan a thawhsak nasat zia che ti lang fiahtu leh i tana a remruat mawi em em, chiang taka parchhuah tirtu tur zawk a nih kha.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpan A Thlahthlam Tawp Lo Vang Che

"In rilru putzia chu tangka ngainatna tel lo ni rawh se; in thil neih chhun chungahte chuan lungawi rawh u; amah ngeiin, “Engtikah mah ka thlahthlam tawp lo vang chia, kal pawh ka kalsan tawp lo vang che,” a ti si a."(Hebrai 13:5)

Sum kan mamawh veka, mahse sum ngaihtuah reng reng emaw, engtin nge kan awm ang tia ngaihtuah reng reng a nun zawng zawng hman hi a that loa, sual hnathawh a ni zawk a hial a, chutih rual chuan hna erawh kan thawk tur a nia, kan nun dan tur te pawh a tawktein kan ngaihtuah bawk tur a ni.

Kan Pathian hian, engtikah mah ka thlahthlam lo ang che u min tia. Hei hi a innghahna tlak em em a, tin ringtu kal hmasa te leh zawlneite leh apostle te kha ei tur nei lo leh tlachhama thi an awm ngai lo ti ila kan sawisual tam lo ang.

Lalpan a rawngbawltu hmasa apostle te leh zawlneite a ngaihtuah ang chiah khan keini pawh hi min ngaihtuah ve a ni tih hre reng ila. A tana nun tha zawk kan neih theih dan tur i lungkham ber zawk ang u. A nin min thlahthlam eih a tum si lo a.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thilpek A Rawngbawl Hi, Pathianin Ti Ngei Tura Min Hrilh A Ni

"Nimahsela, thil tihthat leh thilphal hi theihnghilh suh u; chutianga inthawina chungah chuan Pathian a lungni em em si a."(Hebrai 13:16)

Lalpa rawngbawlna a nih avanga kan thilpekte hi inthawina alo ni reng mai a. Pe rawh u pekin in awm ang tihte alo awm bawk a.

Rawngbawlna pawimawh tak pakhat chu, kan neih ang ang, kan neih phak loh ni loin leh kan neih loh ni loin kan neih ang ang, pek ve hi a ni.

Rawngbawlna atan thawhlawm kan thawh bakah hian, rawngbawlna tur atan midangte hnena thilpek hi i ngaihthah lo ang u.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Thlemna Kha Har Mahse Bei Tal Tal Rawh, Vanah Khian Krista Zara Ngamtute Tan Lal Lukhum Buatsaih A Ni Si A

"Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a."(Jakoba 1:12)

Thiltih har tak titheite tan chuan lawmman, mi nazawng dawn theih loh a awm thin a.

Chutiang ang chiah chuan, thlemna paltlang harsa tak paltlang tura bei tang tanga, Krista zara ngamtute tan chuan, vanah lal lukhum buaitsaih a ni.

Vana kan lal lukhum dawn tur khi thlir chungin, thlemna i bei tal tal ang u.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Sim Tura Min Tihchhan Hi, Pen Khata Hmasawn Tura Min Duh Vang A Ni Thin

"Pathian duhzawnga lungngaihna chuan chhandamna tura simna a thlen a, chu chu inchhirawm lo tak a ni. Khawvel lungngaihna erawh chuan thihna a thlen zawk a ni."(II Korinth 7:10)

Hma kan sawn duh a nih chuan, thil tangkai lem lo leh tha lo kan tih thinte hi paih thla mai ila, hma kan sawn a beisei awm.

Pathianin, kan thiltih thin sim tura min tih chhan chu, rawngbawlna hlawk zawk emaw, dinhmun tha zawk emaw min pek theihnan, hmasawn turin min duh vang a ni thin. 

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Amaha Rinna Ngattute Chu A Hum Thin

"Nangmaha an rinna nghat zawng zawngte erawh chu nangmahah chuan lawm sela, I hum thin avângin hlimin au kumkhua hlawm rawh se: I hming ngainate pawh nangmahah chuan lawm takin awm rawh se."(Sam 5:11)

Pathian a kan phak ang tawk tawka, rinna kan nghah hian a ni chuan min hum thin a ni.

Mahni nun in enlet ta ila, Pathian kan hnaih lai ber hian chhungrila him nia inhriatna (sense of security) kan nei tha ber thin, tih hi kan hre vek awm e. Chhungril himna hi mihring nuna thil pawimawh ber pakhat a ni ti ila kan sawi sual lo ang.

Zaithiam lar leh hausa em em thenkhatte chu him lo niin an inhre tlat thin a, an tal buai phah a, an tlakchhiat phah hial thin a. Chutiang a nih lai chuan, Orisaa Pathian ringtu thenkhatte chu, kawrhak tur leh eitur pawh nei mumal lo mahse, him niin an inhre tlat thung thin a ni. 

Khawvel mithmuhah chuan zaithiam lar leh hausa nun him lo nia inhriate hi an awh awm zawk ngei ang, mahse nun chhungril tak tak en chuan ringtu retheite nun chu an nun ai a nuam zawk ang.

Miin tinge him lo tlata a inhriat thin? Pathian a hlat vang a ni duh chawk thin.

Tinge damlo na lutuk dam rei tawh lo tur tih hriat reng reng leh khawvel damdawi thiamna ten an nun a chhanhim zo dawn lo tih an hriat hnu pawh a him niin an inhriat tla? Ele, Pathian an hnaih vang.

Thihhnu piah lama vanram changtu turte hi, an thinlung chhunga Pathianin ralmuanna a dah chu, khawvelin a laksak thei ngai lo a ni.

Pathiana rinna nghattute chu, an nunah harsatna tawk mahsela, Pathianin himna an chhungrilah a dahsak tlat thin a. Chu chhungril himna atang chuan an harsatna tawhte chu an hneh zel thin a ni.

Pathianin min hum zia a lan tir thina chu, kan chhungriala himna leh thlamuanna min dahsak tlat hi a ni.



Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Hruaitu Lalpa Chu A Rinawm Em Avangin I Hlen Chhuak Ngei Ang

"A thar zêl thin tûk tinin, i rinawmna a ropui e."(Tah Hla 3:23)

Kan Pathian hi a rinawm em avangin, keini hian phatsan thin mah ila anin min chelh reng thin a. A hnena kan kir leh theihna turin kawng min hawnsak zel thin a ni.

Pathian rinawm ropui ber chuan, nang leh kei hi min hruai tlat avangin kan zin kawng hi, kan hlenchhuak a nga, vaninah kan la chawl ve ang.


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

Lalpa Zahngaihna Vang A Ni

"Tihborala ka awm lo hi LALPA zahngaihna a lo ni, a lainatnate chu a kang ngai loh avângin." (Tah Hla 3:22)

Ka thawh rah emaw, keimah tih liau liau vang emaw, ka thiam vang emaw tithei hi kan va awm lo tak em, Lalpa zahngaihna vang chauh a ni.

Mahni nun hniam lai ber leh sual vanga kan tawrh nasat lai berte thlirlet hian, min hruaitu leh min chelh tlattu chu Lalpa ni lo sela chuan, tho leh tur tumah kan awm tawh lo ang.

Kan Pathian hi, a thaa zah a ngai thei em em a, a zahngaihna avang chauh a nung dam theuh kan ni tih hi hria ila, midang chungahte leh kan chhungte chungahte leh kan unaute chungahte zahngaihna lantir turin kan nun hi i ui lo ang u. 


Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.




Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

I Thlemna Thawh Thin Kha I Hneh Chuan Nun Nuam Zawk Leh Hlawhtling Zawk I Nei Ngei Ang

"Amah ngei chuan thlemna tawkin a lo tuar tawh avangin thlemna tawkte chu a tanpui thei a ni."(Hebrai 2:18)

Thlemna leh suala kan tlukna thinte hi, hneh thei zel ila chuan kan nun hi a nuam a nga, a let tam takin hma kan sawn bawk anga. Hna zawng tan hna tha hmuh thuaina a ni a nga, sumdawng tan hlawkna a ni bawk a nga, kawppui zawng tan kawppui tha hmuhna a ni ngei bawk ang.

Thlemna kan tawh hian, sualah kan tlu tihna a ni loa, thlemna kan inhneh tir chiah hian sualah kan tlu tihna a ni zawk a. Thlemna kan tawh thinte hi, hneh thei zel ila chuan, kan nun ava nuam dawn em. Tuna kan dinhmun ai kan hlawhtling a nga, kan thaw a veng bawk ang.

Thlemna hi hneh theih a ni a, thlemna zawng zawngte hi kan hneh theihna turin, thlemna lo hneh tawhtu, tuma la ngam ngai loh, Krista hi kan en reng a pawimawha, chu mai chu ni loin thlemna kan hneh theihna turin a puihna kan dil thin a pawimawh a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.






Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A

A Thleng Dawn Dawn Tawh, Han Dawh Leh Hram Ta Che

"In dawhtheihzia mi zawng zawng hriat ni rawh se. Lalpa chu a hnai e."(Philipi 4:5)

Mi dawhtheite hi mi chan tha an ni duh khawp mai. Mi pangngai thinrimna tura thinrim duh hauh lo mite, dawh leh hram hram thei zel mite hi, mi thaa chhiar an ni fo thin.

Dawhtheihna hi rawngbawltute tan phei chuan, thlaraubo chhanchhuahna atana hmanraw pawimawh tak a ni.

Tin, kan chhungkaw zinga sualin a hliamte hi kan siam that dawn chuan, kan dawhtheih a pawimawh a ni.

Kawppui zawngte tan pawh, Pathianin mi tha a buatsaih sak che i neihna turin i dawhtheih a ngai a, kawppui thlang sual kan tihte hi dawhthei lo leh mahni duhthu te a kal tlatte an ni chawk.

Kan Pathian hi kan thinlungin han thlir theuh ta ila, Pathian dawhthei a nih zia kan hre nghal mai awm e. Kan Pathian a dawhthei a nih chuan, mi zawng zawng hriat khawpa mi dawhthei kan nih hi, amah ringtute nihna tur a ni.

Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.





Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A