"Tin, upa zinga pakhat chuan ka hnenah, “Tap suh; ngai teh, Sakeibaknei, Juda hnama mi, Davida Bulpui khan lehkhabu chu hawng tur leh a chhinchhiahna pasarih phelh turin a hneh ta,” a ti a."(Thupuan 5:5)
"Tin, “Keimah hi ka ni,” a tih veleh an hnungtawlh a, leiah an tlu hlawm a."(Johana 18:6)
Kan Lalpa Isua Krista hi, sual thawina atana thuthlunghlui lam a an hman thin "Beramno" ang a, tehkhin a ni thin a, kross a kan aia a tuarna leh kan sual man min tlaksakna thlir hian, sual thawina "Beramno" ang a thehkhin a nih hi a awm a, kan bible hmun hrang hrangah pawh beramno ang a tehkhin a nihna hi tar lan a ni. “Beram No talh tawha hi Thiltihtheihna te, hausakna te, finna te, Chakna te, chawimawina te, ropuina te, Malsawmna te hmu tlak a ni e,” an ti a.(Thupuan 5:12b)
Sakeibaknei anga tehkhin a ni bawk a, a sakeibaknei zia chu Getsemani a man an tum khan a lang chiang awm e. Sipai tlahtum te, hriamhrei te leh inbeihna hmanrua keng thiaute khan, kan Lalpa Isua chu man an tuma, Isua chuan alo biaa, tunge in zawn alo ti a. An ni chuan, Isua an zawn thu an sawi a, kan Lalpa chuan "Keimah hi ka ni" a tih zawng khan, hmanraw keng thiau sipai 30 vel kha an tlu dual a nih kha!
Van Lal fapa engkim siamtu, mihring anga a len lai pawhin engtik lai pawha vantirkoh "sangruk hmun sawm leh hmun hnih"(Mat-26:53) kohthla thei, a tlawmthei ang ber a, awm chunga, keimah hi Isua chu ka ni, a tih zawng ringawt pawh a sipai 30 an tluk phah theihna khawpa chakna nei chu, kan tan inngaitlawm takin, Beramno engmah ti thei lo ang mai in, kross ah kan chhandamna min hlawh chhuah sak a ni.
Isua neitu, "Kristaa a nihna hre mi" kan nih chuan, sakeibaknei zia kan nei tlat tawh a, a chhanchu min chenchilhtu hi huaisen ber, chak ber, thiltithei ber a nih tlat vang a ni. Mi dang nen thil ti ho ta ila, engtin emaw tak tih theih bikna emaw chak bikna i nei ang (thil zawng zawngah a ni kher lo a nga). Mi i biakin emaw, thil i sawiin emaw engtin emaw tak hriat bik leh chhinchiah bik a ni ang ( thil sawi zawng zawng ah a ni kher lo a nga).
Kha i sakeibaknei zia i chak bikna tak kha, Lalpa Isua beramno ang a, tlawmtak leh engmah titheilo ang mai a, i tana in hlan raltuin, i tan alo tih hmasak tawh angin. A hming lo ropui nan a tan, i chak bikna kha, Tlawmna leh Inremna siam nan Beramno nunnem tak ang mai in hmang ve rawh le.
Hei hi kan hriat fuh loh lai chu a ni thin, "kan chakna, kan sakeibaknei zia hi chu sualin a bei thiam em em a, mahse kan beramno zia hi chu sualin a bei thiam lo a ni." Chak zawk, thiam zawk, fing zawk kan nihna hi chu sual hian, a duh duh danin a kuai let thiam, mahse Krista avanga chak zawk i nih reng lai pawh a, chak lo zawk i nih theihna te, Thiam zawk i nih laia thiam lo zawk i nih theihna te, Fing zawk i nih laia finglo zawk i nih theihna te kha, sualin a bei thiam lo a ni.
Kan Lalpa Isua Krista Beramno Ropui, Finna Leh Chakna Hi, Sualin Engtikah Mah A Ngam Dawn Lo A Nih Hi.
Kan Fak A Che Lalpa.
(Tawngtai Dan Tur)
Lalpa, i hniakhnung zuitu te chu, sual an ngam theihna turin finna thuk tak leh chakna nasa tak i pe thin a, kei pawh sual ka ngam theihna turin finna leh chakna ka neih theih nan, i hniakhnung zuitu rinawm ni turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment