Ka Fa, I Thatlohna Kha Min Pe La, Thatna Ka Pe Thung Ang Che

"Sual lamahte thi tawhin felna lamah kannun theih nan amah ngeiin thingah khan a taksain kan sualte a phur a; amah vuakna vualte chuan tihdamin in awm ta a."(I Petera 2:24) 

Kan Lalpa Isua Krista chuan, kan sual vangin kan tawrh ai a tuar a, min tawrh sak tawh avang chuan, kan sual vanga kan tawrh ve leh kher a ngai lo a ni. Chu mai bakah chhandam fate, "Fa takte" chanvo chu kan chanpual a ni. Fa tak chu, mikhual a niloa, fa tak chu ramhla takah pawh awm sela fa tak a ni tho, fa tak chuan a pa ro a luah thin bawk a ni.

Isua Krista atanga kan chan theih leh kan chanvo hi chan phal  chi a ni lo, chu chanvo ropui tak kan chan theihna tur chuan, Isua Krista chu Lal leh Chhandamtua kan pawm a, a duh ang leh a hruaina hnuaia kan nun zawng zawng hi kan hman a ngai thung a ni.

Kan Lalpa Isua Krista chuan, "min pan la, kalo chhandam ang che, i tihsual zawng zawng te leh i thatlohna zawng zawng te kha ka hnenah nghat la, keiin thatna kalo pe ve thung ang che" tiin engtik lai pawhin min sawm reng a ni.

Krista chhandamna nei a chang tawh te pawh kan tlu thin, tlu ngailo leh tlutheilo ringtu kan awm lo a, kan tluk chiah hian kan Lalpa Isua Krista chuan " i sual thupha ka hnenah chawi la, ka ngaidam ang che, ka chawlh tir bawk ang che, ka hmangaihna chuan ngaihdam theih chin a nei ve lo, lo kir rawh" min ti reng thin a ni.

Isua Krista hnenah hian kan him ber a ni. 

(Tawngtai Dan Tur)
Lalpa, nangmah pantu i hnawl ngai lo a, tisual thin tu chuan i hnena thupha a chawi zel chuan, nangin i ngaidam zel thin a ni tih hi ka hriat reng a, engtik lai pawha ka pan zel theihna tur chein min pui ang che, Amen. Ti ang o.

Instagram: https://www.instagram.com/nungturin/

Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIAIN LO FORWARD VE ZEL ANG CHE.