"Aw ka nunna, LALPA chu fak la, A thiltih that zawng zawng chu theihnghilh suh u."(Sam 103:2)
"BEISEINA NEIH RENG A HAR THIN A, THLEMNA HNEH A HAR BAWK THIN, CHUNG HUN AH CHUAN PATHIAN A KAN LAWMNA LEH A HNEN ATANG THIL THA KAN DAWN TAWHTE LAM CHU, I NGAIHTUAH NASA ZUAL SAUH ANG U, CHU CHUAN MIN TI CHAK THEI SI A"
Mipa khat chuan Pathian rawng a bawlna ah, midang kawm te a thiam lo a, thusawi pawh a thiam lo em em a, sum thawh lamah theih a nei tlem em em bawk a. Mahse, zai leh music a thiam hle thung a.
Chu pa chuan a theih loh te chu ka thei lo tiin a indawm kun reng duh lo a, Lalpan theihna a pek lamah chuan, a in sawr bing a, thiam leh zual turin a theih tawp a chhuah ta zawk a. Tawngtai chungin Pathian fakna tur hla te a siam a, mi dang hla te pawh tha takin a rem khawm sak thin a, chu pa chu "Ray Bolz" Thank you for giving to the Lord, hla ropui em em Mizoram thleng pawh a hla lar em em, thinlung khawih tak phuah tu kha ani.
Raya hian thusawi te, mikawm te ka thiam silo Lalpa rawngbawl tlak ka nilo ti se chuan, Lalpa tan a tangkai lo ang. Mahse a theih lohna chuan a rilru a tih buai tir duh lo a, a theihna chu a tipung vak zawk a, a theihna lam chu a pun nasat em avangin, a theih lohna zawng zawng chu a khuh bo vek ta a, zai lama Lalpa rawngbawltu ropui bik an sawina ah chuan, an sawi tel ziah tawh tur a ni.
Kei ni pawh hi, a beisei awm lohna te, a Harna te HRE LEK LO khawp hian, Lalpa a "KAN LAWMNA TE LAM AH RILRU DAH VAK ZAWK TA ILA", Lalpa Chawimawiin Fak tlat zel ang u. Chu chuan nasa takin min ti chak a nga, kan CHAKLOHNA LEH HARSATNA te chu a khuh bo mai dawn ani.
Kan Pathian hian, kan theih lohna zawnah leh kan damchhunga harsa kan tih tur, lama a rawngbawl tur hian, min ti ber lo a. Aman theihna min lo pek tawhna zawn zawkah hian a rawngbawl turin min koh zawk thin a ni.
(Tawngtai Dan Tur)
Lalpa, ka tana thil ropui tak tak te min tihsak nasat tawh zia hi theihnghilh ngailo turin min pui la, harsatna ah pawh nangmahah ka alwm theihna turin i rinawm zia hi, ka hriat reng nan min pui bawk la, min kohna leh theihna min pekna zawnah i duh ang taka i rawng ka bawl theih nan min pui bawk ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIAIN LO FORWARD VE ZEL ANG CHE.
No comments:
Post a Comment