Tin, Isua chu Pathian biak inah chuan a va lut a, biak ina englo zuartute leh leitute zawng zawng chu a hnawt chhuak a, tangka thlengtuho dawhkante leh thuro zuarho thutphahte pawh chu a nam thluksak a; an hnenah, " ‘Ka in chu tawngtaina in an ti ang,’ tih ziak a ni; nangni erawh chuan suamhmangte pukah in siam zawk thin a ni," a ti a. (Matthaia 21:12-13)
Tunlaiah chuan biak in leh a chhehvel kan zah thiam tawh em em a. Tuman sumdawn nan emaw mahni tanghma hai nan kan hmang tawh lo a ni.
Nimahsela helaia Pathian biak ina Isua chetzia leh a thinurna hian entir a nei a ni. 1Korinth 3:16 ah chuan "Pathian IN in nih leh Pathian Thlarau nangmahniah a awm reng tih in hre lo vem ni?" a ti a. Pathian in chu kan thinlung chhungril hi a ni tihna a nih chu. Thlarau Thianghlim chu keimahni ah chen a duh em em thin a. Nimahsela Pathian duhzawng nilo, keimahni lampang hlawkna tura dawhkan kan lo hun thin te hian Thlarau Thianghlim chenna tur a dal a, chu chu Pathian in a haw hle a ni.
Isua khan thil lo zuar tute leh an thil zawrh kha thinur takin a nam thluksak a ni. Chutiang chiah chuan kan thinlung hi Pathian in a ni a, thildang reng reng amah aia dah lal kan nei tur a nilo.
Tawngtaina in a ni tur a ni tih hi Isua min zirtir na a ni.
(Tawngtai Dan Tur)
Lalpa, i chenchilhna changtu te chu, khawvel ngam loh, mi vannei ber an ni a, i chenchilh nun chu ka duh ber a ni a, chu nun hlu em em i chenchilh nun chu, ka neih theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment