"Dil rawh u, tichuan an pe ang che u; zawng rawh u, tichuan in hmu ang; kik rawh u, tichuan an hawnsak ang che u."(Matthaia 7:7)
Rawngbawltu kan nih angin, tu pawh hi Pathian lama hruai tum tur chu kan ni teh meuh mai, mahse rawngbawlna rilru nena kan hnaih leh ngaihzawnna rilru nena kan hnaih hi chu a dang a, kan inven fimkhur fo hi a pawimawh a ni.
Kan rilrua kan ngaihtuah lawk ngai loh leh hengtiang ang mi hi nei ila, kan tih ngai lem loh te nena, kan in hnimhnaih chhan ber hi chu, Pathian kan rin ngam loh vang a ni ti ila, kan sawi sual awm lo e.
Kristian nula leh tlangval chuan, kan nupui pasal tur te hi Pathian hnenah kan dil vek a, chutianga Pathian hnena kan dil ang ngei chu keini pawh hian i zawng ngam ang u. Chu chu Pathian nena, kawppui zawnna kawng khat pawimawh tak a ni.
Kan Pathian chuan amah ringa beisei chunga ti thinte chu, pakhatte mah ala tih thlawn ngai loh avangin, i kawppui tur Pathian hnena i dil ang ngei kha, amaha innghat chunga i zawn chuan, anin a pe ang che.
(Tawngtai Dan Tur)
Lalpa, i hnena ka dilna min tih hlawhtlinsak hi, keimah bawk hian ka ringlo leh thina, chu vang chuan kawng dangah ka peng hial thin. Nangmaha beiseina nghat chunga, ka tana i duh ang mi ngei kawppuia ka neih theihna tura, zawng turin min pui ang che, Amen. Ti ang o.
Follow tih a hnuaia inziak ah khuan click ang che.
He blog hi ka hlawk pui ber mai, i thu leh hla hian ka thlarau nun a a chawm a, ka nitin nun kaihruaitu a ni reng mai, Lalpan i hriatna te hi hmang țhangkai zel se, i thu leh hla te kei mah ang tho a midangte pawn an hlawkpui ve ngei ka ring a ni, Lalpan thu țha tak tak lo pe zel che rawh se
ReplyDelete