"Nimahsela puithiam lalte chuan mipuiho chu Barabba chhuahsak zawk dil turin an fuih pawrh a. Pilata chuan an hnenah, "Judate lal in tiha hi engtin nge ka tih tak ang le?" tiin a chhang leh a. Tin, anniho chu, "Krawsah khengbet rawh," tiin an au leh a."(Marka 15:11-13)
Isua khenbeh a nih khan, hmangaihna lian em em leh mawi em em mai, Kristaa inpho chhuak chuan sual hnathawh chi hrang hrang a hmachhawn a, chung sualte chu a tlan ta a ni.
Barabba kha misual a ni a, a sual pawh a lang a, a langin pawi pawh a khawiha, a langin hrem pawh a ni a, thah tura a chungthu rel a ni nghe nghe a.
Puithiamte kha, mifel angin an langa mahse "thikna leh ngamthlema" sual lang loin, an ni ho kha a man thung a ni.
Pilata kha roreltu a nia, mahse "dawizepna leh midang tihlungawi duhna" sual lang loin a ni pawh kha a hneh a, Isua kha mitha a ni tih a hre renga, mahse thiltha a hriat chu a ti ngam lo a ni.
Mipuite an awm leh a, mipuite sualna ber chu thiltha leh tha lo an hre vek tawh a, puithiamte hlemhletna pawh an hre tawh a, chutih rual chuan Isua that zia te, mithi a kaihthawh ziate, dam lo a tih dam zia pawh an hre vek tawh a ni. Chu an thil hriat atang chuan, thutlukna an siam duh loa, "a tam lam lama kal duhna sualin" mipui ho kha a man ve thung, ti ila kan sawi sual awm lo e.
Nang leh kei leh mi tam takte hian, kan hlauh ber chu sual zawng zawnga hneh awl ber "Sual Lang" hi a niin i hre ve em? Sual lang maithei a tlu hi chu kan tam lo em em a, mahse sual lang thei loa tlu erawh kan tam hle a ni.
Eng sual berah nge ilo tan ve le? Eng sualah pawh tang la, Kristan a chhandam tawh che a, a hmangaih bawk che, beidawng suh.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment