"Pathianin hlauhna thlarau min pe lo va, thiltihtheihna leh hmangaihna leh rilru fel tak neihna thlarau min pe zawk si a."(II Timothea 1:7)
Hnawl nih i hlauhnate, i thil sawi nghaih thlaksak loh bik nih i hlauhnate, mi enhniam nih i hlauhnate, hlawhchham i hlauhnate leh thildang i hlauhna zawng zawng kha sual hnathawh a ni thei a ni.
Hlawhtlin kan duh theuha, hlawhchham ai hlawhtlin kan duh avang hian, kan inbuatsaih thina, nasa takin kan bei thin reng a. Mahse, hlawhchham hlauh vanga, muttheih lohte, mulehmal nei lo a, hlawhcham hlauh vanga mangan viaute hi sual hna thawh a ni. "Pathianin rilru fel tak neihna thlarau min pe zawk si a."
Mi min hmuhhniam leh mi min hnawl kan hlauh avanga, kan tih duh loh tur kan tih maite leh kan intih hah vakte hi sual hnathawh a ni. Pathian hian, midang ensan nih tum rawh u emaw, mi ngaihsak ber emaw, mi mitla (attented) ber ni rawh u min ti loa, midang hmangaih zawk turin min ti a ni.
Pathian kan hmangaih vang leh a thu a nih avanga, mi chunga hmangaihna tilang turin that kan chhuah a nih chuan, mi ngaihsak loh nih pawh tum ila min ngaihsak tho tho, mi ensan loh pawh nih tum ila min ensang tho tho a ni.
Entirnan, na taka tawngkhum ziahtu che leh i chanchin lo sawi sep septu chungah khan, Pathian hmangaihna lantir tumin, that han chhuah teh, a thinlung i hneh thuai mai ang. Tin, nangmah hre ngai miah lo chungah leh eng thengthawnga ngai miah lotu chungah khan that han chhuah chhin teh, a theihnghilh thei tawh lo hial ang che.
Nun buai nuai nuai kara, "sual hnathawh 'hlauhna' hnuaia kun duh loa, hmangaihna pek chhuah tal leh fel taka ngaihtuah tlatna hi ringtute thiltihtheihna chu a ni."
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment