"Ani chuan ahmun thianghlim sâng tak atangin a zuk en a; LALPA chuan van atang khian lei hi a hmu a; Mi tang rum chu ngaithla tûr leh, Thi tûra ruatte chu phelh tûrin."(Sam 102:19-20)
Kan Pathian hian mitin mai hi an dinhmun a hriatthiam sak em em vek mai a. An dinhmun a tleu chante, leh an che chhia a nih chuan an chet chhiat chhante a hre vek a, a hre thiam vek a ni.
Ni e, kan Pathian hian, eng vang pawhin kan sual ngei vang emaw, kan sual vang pawh ni loa dinhmun harsaa kan awm vang emaw a, hreawm tura kan rum zawng zawng hi min ngaihthlak sak vek a ni. A ngaihthla satliah mai pawh a ni loa, kan rumna hmun atang min chhahchhuah a duh a ni.
Chhanchhuahna reng rengah hian, a chhanchhuaha ten an mahni chhanchhuaktute thu an zawm thin a, flim kan en pawhin chhanchhuaha ten an mahnite chhanchhuaktu thu an zawm zia kan hmu thei ang. Tin, chhanchhuah a ten an mahni chhanchhuaktute kawng hriat leh kawng him nia an hriat chu an zawh bawk thin a ni.
Kan Pathian hian min chhanchhuah a duh a, a hnai reng bawk a, kan Pathian chhanchhuahna kan dawn theihna turin, a thu kan theih ang tawpa kan zawma, a nin kan tana tha a tih kawng, kawng min thlansak chu kan zawh a ngai bawk a ni. Tichuan, kan tanna hmun ata hi Lalpan min chhan chhuak ngei ang.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment