"Zahngaihna leh thutakin khawlohna chu tlenfai a ni a, LALPA tihnain miin sual a kalsan thin."(Thufingte 16:6)
Kan Pathian hi zah a ngai em em a, amah tih vanga miin sual a kalsan a nih chuan eng anga lo tisual nasa tawk pawh a ngaidam zel thina. An sual kalsan man hlawkna leh malsawmna tam takin ala vur leh zel thin bawk a ni.
Chutiang khawpa tha chu kan Pathian a nia. Chu Pathian tha em em thu zawmin tinge miin sual a kalsan duh chuan loh, kan tih chuan, Pathian a tih tak tak loh vang a ni.
Pathian tih tak taktu chuan sual a kalsan thin a ni.
"Khawngaihna mak mawi leh duhawm" (Amazing grace) hla phuahtu John Newton'a te pawh hi, sal sumdawngna kal puitute hotu a nia, a kutin mi a that lo a nih pawhin, ama hnathawh vanga thi chu mi eng emaw zah an awm ang ti ila, kan sawi sual awm lo e. Chhungkuaa awm tha hle hle laite an man hranga, dam chhunga inhmu leh tawh hauh lo turin, ram hla takah rim tak leh hreawm taka mi hnuaia hna hniam ber thawk turin mi an la chhuak thin a ni.
Mahse, Pathian khawngaihna leh hnangaihna nasa tak chuan Johna chu a khawiha, sual tam tak ti tawh mahsela Pathianin nun thar ala pe duh a ni tih chu a man chhuaka.
Chu Pathian tha em em mai chu a tih taa, a hun laia sumdawnna hlawk ber pawl leh dan pawhin a phal thlap sala sumdawnna chu a kalsan ta a ni.
Pathian khawngaihna leh hmangaihna hmu chiangtute chuan, Pathian an tih thinna avangin, an sualte an kalsan thei thin a ni.
Midang Share ve rawh le!
Midang ten Pathian an hnaih phah thei a ni tih hriain, blog link hi lo share ve rawh le. Lalpan a rawngbawltuah a thlang che sia.
Kan Youtube channel-a video kan dahte hi min lo ensak turin leh min lo thawn darh pui turin, kan ngen a che. (https://www.youtube.com/channel/UCWqdTfBg5jSoeR-nmX3UI3A
No comments:
Post a Comment