"Ama lawmzawng atana tih tum tur leh bei tura nangmahnia thawktu chu Pathian a ni si a."(Philipi 2:13)
In ngaihzawnna inkar ah hian 'A laiah Isua' tih hi kan sawi uar ta viau a. Mahse enge a laia Isua dah awmzia tak tak kan sawi dawn a ni.
A laia Isua dah tih awmzia chu thil thalo tlansan hi a ni a, mahse hei hi a tawk lo. Thil thalo tlansan bakah thil tha kan ti ngei tur a ni.
Kan ngaihzawng nen thil tha kan ti tur a ni. Thil tha kan tih chuan siloh chuan thil thalo tlanchhiat san reng hi a harna chen a awm alawm.
I kawppui nen a fala in awmin bible chhiar dun rawh u. Tawngtai dun rawh u. Emaw in harsatna tawh te kha in share ula, Pathian hnenah in thlen sak tawn ula. Chutianga thil tha in tih loh chuan thil thalo hi tlansan a har a ni.
Bible'a, a in tarlan ang hian, thil tha min tih duh tirtu hi Pathian a ni thei a a ni ngei bawk thin a, chuvang chuan thiltha tih kan duhna hi zahpui loh a tih hlawhtlin ngei tum a tha ber a, chu chu Lalpa kan zahpui lohna tak pawh chu a ni thei a ni.Thil tha hlir ti ila, a thalo chu amah leh amahin (automatic) hian alo kiang mai dawn a ni.
Mite awhtham law law in a laiah Isua dah ang aw tiin i kawppui nen thutlukna in siam dawn nia.
(Tawngtai Dan Tur)
Lalpa, ngaihzawng ka neihna ah hian, lo lal ber la, nang chu ro min rel saktu lo ni la, kan pahnih (i bialnu emaw, bialpa nen) hian i rawng bawl dun tlat tur kan ni tih hi kan hriat reng a, i duh ang a thil tangkai leh tha ti dun thei turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment