Thil 5 Nupui Leh Pasal Neih Hmaa Hriat Tur Te (Dr. Myles Munroe teaching translated)

"Chutiang bawkin nangni pasalte u, in nupuite nen in khawsak danah bel keh awlzawk an nih hrethiam ula, khawngaih thilpek nunna chanpuitu che u an nih hriain chawimawi rawh u, tichuan in tawngtainate dal a ni dawn lo nia."(I Petera 3:7)

1. Pathian in Adam a siam khan Eden ah a dah a ni (Gen 2:8). Eden tih hi Hebrai tawng a ni a, Hmun Nuam Leh Hlimna Hmun (Delightful Spot) tihna a ni. Chu chu Pathian chenchilhna (Presence of the Lord) sawi nana hman a ni. Adama kha Pathianin Evi a pek hma in ama chenna hmun(eden) ah a dah phawt a ni. Chuvangin, mipa chuan nupui a neih hma in Pathian chenchilhna chu a dawn hmasak a ngai a ni. Pathian nena intawnna nei lo leh a chenchilhna chang lo chuan nupui neih loh tur a ni. 

2. Lalpa'n Adama chu hmeichhia aiin 'Hna' a pe hmasa. Huan enkawl leh ven hna(Gen2:15). Nupui neih hma in hna neih phawt chu, mipa in a mamawh a ni. 

3. Huan chu 'Enkawl'(tend, cultivate) turin a ti a ni. A awmzia chu huan chhunga thil awm zawng zawng: thing, thlai, ramsa leh hmeichhia chu cultivate(hmasawn tura enkawl) vek turin a ti a ni. Rah duhawm tak chhuah turin hmeichhia chu mipa in a ENKAWL thei phawt tur a ni. I duhthusam hmeichhia chu i rilru ah chauh a awm, Lalpa'n hmeichhia a nih dan tur taka ni (finished product) a pelo ang che, siam that theih leh siam rem theih (raw material) in a pe ang che. I enkawl(cultivate) anga, i duhthusam ah chuan hmeichhia chu i siam dawn a ni. Entir nan: I nupui kha a thau deuh em? Zingah kaitho rawh, exer lakpui rawh, cultivate rawh, amaha a tha ber kha phawrh chhuahsak rawh. 

4. Huan chu 'VENG'  turin a ti leh a ni. Mipa chu hmeichhia te veng(protect) tu tur an ni a. Chumi avang chuan ruangam khauh zawk leh thahrui tam zawk Pathianin a pe a ni. Hmeichhia te hi abuse tur an nilo, mipa te venhim tur an ni. 

5. A chhia leh a tha hriatna thing kha eilo turin Lalpa'n mipa chauh a hrilh(Gen 2:17). A awmzia chu mipa chu Pathian nen an inbe pawp thei tur a ni a, Pathian atang thu te a dawng thin tur a ni. Ti chuan hmeichhia chu a 'ZIRTIR ' thei ve ngei tur a ni. 

"Tin, Lalpa Pathian chuan, "Mihring amah chauhva awm hi a tha love, amah tanpui tur a kawppui awm mi ka siamsak teh ang" a ti a."(Gen2:18).

Zawhna: Eng ang mipa maw amah chauhva awm tha lo a, kawppui nei tlak chu? 

Chhanna: Mipa, Pathian chenchilhna (presence) a awm tawh, hna thawk mek, hmeichhia enkawl a veng thei leh zirtir thei bawk mi chu. Heng thil pangnga te hi mipa in ala neih loh chuan Amah chauhva awm chu a tha rih zawk tihna a ni.

Hmeichhe tan pawh hei hi pasal tur thlan na tehfungah hmang ila kan tihsual a rinawm loh a ni.

(Tawngtai Dan Tur)

Lalpa, nangmah aia ngaih pawimawh tumah neilo turin min pui la, ka nunah i lal ber chuan, nangin engkim min pe zawk dawn a ni tih hi ka hriat tlat theih nan min pui ang che, Amen. Ti ang o.

Instagram: https://www.instagram.com/nungturin/


Download Nungturin apps at this link

http://files.appsgeyser.com/Nungturin_5701356.apk

MAMAWH DANG AN AWM THEI TIH HRIA IN LO FORWARD VE ZEL ANG CHE.