Pathian Thu:
"Chutichuan rinna chu hriatna avangin a lo awm thin a, tin, hriatna chu Krista thu avangin a lo awm."(Rom 10:17)
Pathian thu a kan chen tam chuan, rinna min pe a rinna chuan min ti chak thin a. Entirnan mount everest lawn tumtu zawng zawng te hian an lawn hmain an lawn thei ang tih an ring vek a, chutiang tur chuan an in buatsaih a, an lawm thin a ni. Hetiang ang chiah hian Pathian thu a kan chen tam a kan hriat tam hian rinna min pe a, chu chuan Isua vangin Thiam kan zia te, Theihna kan ngah zia te, Hmangaih kan nih zia te min hriat tir a, nasa takin min ti chak thin a ni.
Pathian Fakna:
"Nimahsela, aw nang Israel-ho faknaa cheng thin, Nang zawng i thianghlim a ni."(Sam 22:3) Isua Krista atang, Pathian hnamthlan, rinna avanga a thlante kan ni tih hre ta ila.
Pathian fakna hla kan sak tam a, kan ngaihthlak tam hian, Thlarau Thianghlim'in min hnaih thin mai bakah min chenchilh thin a, chu chuan min ti hahdam a, Pathian atang chakna min chantir thin a, Pathian min hmuh fiah tir thei thin a ni.
Thiltih:
"Thlarau tel lovin taksa chu thi a ni, chutiang bawkin thiltihte tel lovin rinna pawh chu thi a ni."(Jakoba 2:26)
Rinna hi thiltih tello in a thi, a lo in ti hial a, Pathian rinna Pathian thu kan hriat atang kan nei ta a, Pathian fakna a kan chen avangin chakna kan lo neih phah bakah, kan rinna chu keimahni ah alo nung ta em em a, chu rinna nung chu a taka Kan Chet Chhuah Pui A Kan Tih Chiah Khan Rinna Tak Tak Chu Alo Ni Dawn A Ni. A taka kan tihna tak kha kan rinna hlawhtlinna chu a ni bawk a ni.
Pathian Thu, Pathian Fak, Pathian rin avanga Thiltih te hi a eng amah thlahthlam loin, kan nunpui chuan, ringtu thiltihtheihna nei kan lo ni dawn a ni. A eng a pawh kan thlahthlam chuan, kan chak tur angin kan chak thei dawn lo a ni. Chu vang chuan, rual khai tak leh thahnem ngai takin heng pathum te hi i ti tlat zel ang u.
(Tawngtai Dan Tur)
Lalpa, i thu ah ka chen tlat theihna turin leh, banglo a nangmah ka fak tlat theih nan leh ka rinchhan chu nangmah i nih zia ka tih lan theih nan, thiltih ka ban lohna turin min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment