Kei Alpha leh Omega, a hmasa ber leh a hnuhnung ber, a bul leh a tawp ka ni. (Thupuan 22:13)
Tin, Pathian in, "Eng lo awm rawh se" a ti a. (Genesis 1:3)
Pathian atanga thuchhuak kan hmuh hmasak ber chu thil ruak leh chhia ngawta eng thlen a ni. Thil tha lo a thaa thlak leh a thim lai tih en a ni.
Hei hi Pathian mizia langsar ber a ni, a chhia pawh a thaa thlak hi.
Tichuan a tira eng lo awm rawh se ti tu hi a Bul leh a Tawp a nih chuan a tawp thlengin eng hi lo awm rawh se a tihna a ni.
Tha taka bul tansaktu che hian i tawpna tur pawh thil tha tak a ruahman a, a bul leh a tawp inkarah tak hian Pathian chu i rin ngam a ngai a ni.
Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat a ni. (Philippi 1:6)
Bul tansak tu che hian tawpsan mai che a tumlo. Mihringin an tawpsan che a nih pawhin Pathian engkim ti thei, tawpsan ve ngailo tur che a awm a ni. I lo ti sual a nih pawhin i tihdik hun a nghak reng a ni.
(Tawngtai Dan Tur)
Lalpa, kei mah leh ka nun hi i siam a ni a, nangmah lo chu tumah innghahna tlak an awm lo a, chu chu hre reng a, engtik lai pawh a, nangmah a innghat tlat thei tur che in minpui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment