Kan bible ah hian, kan nun dan tur zawng zawng hi alo awm a,
mahse kan sawi tam lo em em a, chutih rual chuan a pawimawh ber kan Lalpa Isua
Krista min chhandamna thu leh kan mamawh tak kohhran pawimawhna leh Ringtu te
hna pui ber chanchintha puan dar tulna te, nasa takin kan in zirtir thung a.
Heng thu te hi mizo ringtu te hian bel takin inzirtir nachang kan hria
hi, kan vannei hle pawhin a hriat a.
Pathian thu hi a ropui em em a, kan zawm phawt chuan ringtu hi mi zahawm ber leh mi hlawhtling ber leh mi hlim ber min nih tir thei a ni.
Hengte hi kan sawi tam lutuk loh kan ngaih pawimawh tlat tur te a ni.
Malsawmna dawn theihna:
Sawm a pakhat ka biak
bukah rawn la rawh u a ti a, a biak buka kan dah chuan kan eizawnna leh a
rawngbawlna kan in thlun zawm tihna a lo ni dawn a, chutiang a Lalpa nen kan
inthlun zawm a nih ngat chuan, kan tlak chham a phal ngai lo ang. He thupek hi
kan Lalpa hian, min malsawm duh avangin amah zawm turin min tihna a nih
bakah, ei leh bar kawngah eng dinhmunah pawh ding ila amah kan chawimawi
tlat tur a ni a tihna a ni bawk.
"Ka inah eitûr a awm theih nân sâwma pakhat zawng zawng chu thawhlawm inah rawn la rawh u,Vân tukverhte chu hawnsak che uin Malsawmna dawn sên loh khawp hial ka vûr dawn che u nge dawn lo, mi han fiah teh rêng u, Sipaihote LALPA chuan a ti."(Malakia 3:10)
Hna tawh dan tur:
Kan hna Lalpa kawl tir kan
tih hian, mahni awm awl a awm mai mai lam a ni lo a, mi thil kan kawltir pawh
hian, an duh ang angin an lo hmang thin a, Pathian duh ang taka kan tih hian
Pathian hnenah kan hna kan kawltir tihna a ni. Kan bible ah hian Thawhrimna leh
Taimakna hmuh tur a tam hle a, that chhiatna hi Pathian duh loh zawng a ni tlat
bawk a. Pathian duh angin, taima takin kan hna te kan thawk tur a ni.
"I hnate chu LALPA kawltir rawh. Tichuan i thil ruahmante chu tihnghehin a awm ang."(Thufingte 16:3)
"Thawhrimna zawng
zawngah hia hlawkna a awm a, Ka sawi mai mai erawh chuan tlakranna mai a thlen
a ni."(Thufingte 14:23)
Ram leh Hnam dinchhuahna tur:
He thu hi social gospel
pawh a tih theih awm e, keimahni angin midangte kan hmangaih chuan, mi rethei
an awm lo a nga, lehkha zir phalo an awm lo bawk a nga, hriselna tha kan nei vek
bawk a nga, rukru leh tual that pawh an awm lo bawk ang. He thu hi a har em em
a, kan vengte hi hmangaihna tak tak a kan hmangaih theih loh pawhin hmangaihna
zia, an chungah kan lan tir mai tur a ni
"A dawttu chu hei hi a ni, ‘Nangmah i inhmangaih angin i vengte pawh i hmangaih tur a ni,’ tih hi. Heng aia thupek ropui zawk reng reng hi a awm lo," tiin a chhang a."(Marka 12:31)
Nu leh Pa thu awi:
Pathian hian nu leh pa te
thu zawmtu hi a lawm a, nu leh pa te thu zawm hi Pathianin a malsawm bawk thin
a ni. 'Thu pek tiam neih' a ti leh a, a awm zia tak chu, he thu hi a zawmtu
apiang chu Pathianin lawmmam pek a tiam tihna a ni
"Naupangte u, engkimah in nu leh in pate thu zawm rawh u, chu chu Lalpaah chuan a lawmam si a." (Kolassa 3:20)
“I nu leh i pa
chawimawi rawh,” chu chu thupek tiam nei hmasa ber a ni."(Ephesi 6:2)
Fate enkawl dan:
Ti thinur suh u a tih awm
zia tak hi chu, Pathian thu nen awmzia nei takin enkawl rawh u, sawi tur an
neih chuan ngaihthlak sak rawh u, fate thil tih a dik loh chuan a dik lohna
zawn mumal takin hrilh fiah rawh u, in duh dan danin Pathian laka in
rochhan te hi innawr kualin in cheibawl mai mai tur a ni lo (chu chu fa petu
che, Pathian pawi sawina a ni thei) a tihna a ni.
Pate u, in fate tinuar suh u, chutilochuan an bei a dawng dah ang e. (Kolassa 3:21)
"Tin, nangni pate u,
in fate tithinur suh ula, Lalpa thununnah leh zilhnaah chuan enkawl zawk rawh
u."(Ephesi 6:4)
Nupui ten an pasalte tana an awm dan tur:
Nupui te chuan Pathian thu
a nih avangin, (Adama pui turin Evi a siam) an pasalte tan nung rawh se, a
tihna a ni ber a, 'a awm tawk ang zelin' awm zia chu, chhiah hlawh emaw bawih
ang niloin, a kawppui (partner) angin awm rawh se a tihna a ni.
"Chutichuan, kohhranho Krista hnena an intulut ang bawk hian nupuite chu engkimah an pasalte hnenah intulut rawh se."(Ephesi 5:25)
"Nupuite u, Lalpaa a
awm tawk ang zelin in pasalte hnenah intulut rawh u."(Kolassa 3:18)
Pasal ten an nupuite tana an awm dan tur:
Pasal chuan a nupui chu a
hmangaih tur a ni a, a thatna tur a zawn sak tur a ni a, a enkawl tur a ni.
Nupui 'lakah vin suh u' a tih awm zia chu, Pasal chuan a nupui chu nawmnah
takin a tawngkhum emaw , a chhawr emaw, a kut a thlak emaw, a ti nawmnah tur a
ni lo, a tihna a ni. A chhan chu a kawppui (partner) a ni a, thawk dun an nih
avangin, a kawppui chu a chak loh chuan a chak thei bik dawn lo a ni.
"Pasalte u, in nupuite hmangih ula, an lakah vin suh u."(Kolassa 3:19)
"Pasalte u, in
nupuite hmangaih rawh u, Kristan kohhranho a hmangaih a, an aia mahni a inpe
ang khan." (Ephesi 5:25)
(Tawngtai Dan Tur)
Lalpa, i thu ah hian i
cheng a, finna leh hriatna tamtak i dah a ni tih hi ka hriat tlat a, i thu hi
theih tawp a ka zir a, ka zir thiam theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment