"Tin, Abrama chu chhim ram lam pan cheuvin a insawn ta zêl a. Tin, chu mi ramah chuan tâm a lo tla a: tin, chu mi ramah chuan tâm chu a nasat êm avângin Abrama chu Aigupta rama awm rih tûrin a chhuk ta a."(Genesis 12:9-10)
Abrahama kha Lalpa'n, a thinlunga a duh te kha pek a tum a ni, engtik laimahin pek a tum lo ngai lo a, chutiang taka pek a tum pawh chuan, thlalerah khan Abrahama kha a vahvaih a, a vah kual a vah kual a phal a ni.
A awmna hmunah tam a thla a, hmun dangah insawn a ngai hial a, mahse chutiang chu a chunga alo thlen pawhin, Abrahama khan Lalpa a tih tlat avangin Lalpa'n Abrahama duh chu pek a tum reng a.
A chhan chu "A Pathian dan chu a thinlungah a awm a; A pensan ngai lo."(Sam 37:31) a ni.
Hetiang taka, Abrahama Lalpa'n vahvaih a phal nachhan chu, engdang zawng aiin a petu a dah hmasa em tih leh, a duh kha a duh tak tak em tih hi Lalpa'n a hre duh a ni.
Pathian nen i beih tlat chuan, i duh kha pek che a tum reng alawm, i tum ram pawh kha thlen tir che a tum reng alawm, mahse amah i duh tak tak em tih te, a thu i awi tak zet thei zel a ngem tih te, a hnen a i dil kha i duh tak zet zet em tih te kha hriat fiah a duh vangin, thlaler ramah khan i vah vaih ve kha a phal alawm.
Engpawh thleng se, Lalpa vuan la, a hnenah ka duh i tih kha a pek ngei theihna tur che in, a hnen a i dil chu, Lalpa aw ngaithla chungin ngaihven bang suh ang che.
Tin, dang zawng aiin a petu Lalpa a pawimawh zawk a, a pawimawh ber pahnihna ah i dah a nih vaih chuan, engkim i chan ang, chu vangin Lalpa dah hmasa ber zel ang che.
Keini mihring chuan, Lalpa'n min buatsaih sak vanram khi a ropui zia leh, kan tan Lalpa'n lawmman min buatsaih sak nasat zia hi kan hmu thiam lo a, tah chuan Lalpa'n min hruai thlen a tum ber a, chu chu a ngai pawimawh ber bawk a, chu vanram kawng chu kan pen bo san ai chuan, engkim hi kan chan a, vanram kan thlen hi kan Pathianin a phal a, min duh sak zawk bawk a ni.
Chu vanram kawng chu kan Lalpa Isua Krista hi a ni. Kawng dang pakhat mah a awm lo a, Isua Krista kan Lalpa hi engkim ai kan dah hmasa ber tlat tur a ni.
(Tawngtai Dan Tur)
Lalpa, nangchuan i malsawm theih tur mi nghet i zawng thin a, Lalpa keipawh i duh ang mi nghet chu ka nih ve theih nan min zirtir in min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment