"Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a, thinlunga ngaihtuah leh tumte hi a hre nghal thei a ni."(Hebrai 4:12)
Thim Chu Engin Hneh A Ngai Thin.
Kan thil chin tha lo sim kan duh a ni, ruihhlo te, ler te, inneihna kar nilo a sex hman thin te, flim tha lo en te, dawt sawi te, ei ruk te a tam awm e.
Heng sual te hi kan tih thin(addict) chuan, rilru a ti CHAWMAWLH zo a, sim a har tawh em em thin a.
He rilru chawmawlhna atanga chhuah dan tha ber chu, Pathian Thu leh Hla a tam thei ang ber a ngaih thlak a ni. Tin, Pathian Thlarau awmna kohhran inkhawm leh Pathian hminga inpawl khawmna a tel tam a pawimawh em em a ni.
Keimahniah Thim leh Sual hnathawh aiin, Eng leh Pathian Thu Nung, a tam zawk chuan, sual kan chin thin(addict) te hian keimahni a Eng leh Pathian Thu Nung chu an ngam dawn lo a ni.
Indona ah pawh hian, hmelma runtu ten, an run a te hi an chaw lakna dan chhahsak phawt a, chaw an neih mumal loh a, an chak loh hnuah an ram laksak an tum thin a ni.
Hetiang ang chiah hian, sual chuan kan chakna Pathian Thu Nung kan dawnna chu min tih chhiat sak a tum thin a. Hemi avangin, tlema sual kan tih hlek, (a pawi lo e kan tihna lam ni loin) tluk pawh kan la tluk hma hauh, tih sual zeuh kan neih atang hian, sual chuan natnain min man ang mai hian, kan chaw Pathian Thu Nung chu min chak loh tir nghal thin a ni.
He Sual hnathawh hi hrethiam ila, sual kan lo ti palh anih chuan nasa thei ang berin Pathian Thu Nung dawn tum ang u. Tichuan, keimahni a thim chu Pathian Thu eng chuan a hneh a nga, sual chuan min ngam dawn lo a ni.
Hei hi rawngbawltu te pawhin kan hriatthiam a pawimawh awm e, mi lo tisual palh kan hriat chuan, Hmangaih sauh zel ila, hnaih sauh tum ila, Pathian Thu Nung fah tal tum ila, mi tam tak kan chhan chhuak thei mai dawn a ni.
A tawp ber ah chuan, rawngbawlna chanvo chelh chunga sual chin thin neih hi thih miah loh tur a ni a, mihring ai Pathian a hlauh awm zawk a. Chutih rual chuan, miin sual ti reng chunga inkhawm leh heng kohhran rawngbawlna hnatlang, zaikhawm, zingtawngtai etc. a ngaih pawimawh a, a tel tam hian, nun chawh pawlh ti lo ang u, a dam chhuah nan a chaw a ei hram hram a ni si a.
(Tawngtai Dan Tur)
Lalpa, i thu hi damna leh thiltihtheihna a ni tih hi ka hriat reng a, i thuah nasa thei ang ber a, inchiah nachang ka hriat theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
No comments:
Post a Comment