"Mi thinnel chu mi chak aiin a tha zawk a. A rilru thunun hneh chu kaw latu aiin."(Thufingte 16:32)
Kan bible hi Pathian thu a ni a, kan Pathian hian mahni inthunun theih hi a ngai pawimawh a ni.
Eng lakah nge mihring hi kan inthunun ang.
1) Thinrimna: Kan thinrim mai hian, mi kan hneh thei ngai lo a, kan rilru fim leh fing kha kan hmang thei thin lo a, kan tih theih tur kan tih theih loh phah thin a ni.
2) Luhlulna: Tunlaiah chuan, zing kan tho tlai a, kan nun a tlai zo vek a, hun kan in daih lo a, hei hi kan luhlul vang a ni. Zan mut hma a, thawhhma a tha kan ti vek, mahse kan ti duh miah lo chu chu kan luhlul vang a ni. Engkim a tha, mi zaidam, mi thuawi thei, tawngkam thiam mi, mi taima pawh ni ila kan luhlul a, thil tha tih kan hriat reng kan tih duh loh chuan, mi tha kan nih theih ang kha kan ni thin lo a ni.
Thil tha tih kan hriat reng mahse kan tih duh lohna hi, Luhlulna chu a ni. Sim ila hma kan sawn vek dawn a ni.
3) Zelthelna: Luhlulna leh Thinchhiatna aiin zelthelna hian min tichhe zawk a ni, tih tur tha a awm tih kan hria a, kan ti hman reng, kan ti thiam reng, kan ti thei reng, mahse kan zelthel tlat a, kan ti peih lo a. A tawpah phei chuan, mi laktlak loh ah he zeltheilna hian min siam thin a ni.
Kan zelthel chuan, mi dawhthei pangngai kan ni tawh a, tang deuh hlek ila chuan, mipuitling tak kan ni thei mai dawn a ni.
4) Ngahtheih lohna leh Dawhtheih lohna: Nghak hlek ila chuan, kan nghak chhuak mai thin tur hi a nia, lehkha zir rei peih deuh hlek ila chuan lehkhathiam kan ti mai tur a nia, hreawm tlemin tuar leh hlek ila chuan kan dingchhuak mai tur a nia, kan ti thin.
Mihringin kan nun a thil tha a thlen theih nan hian, kan nghah rei lutuk hi alo ngai ngai lo a, lehkha zirah han chhut ta ila kum 3 emaw kum 4 emaw dawh leh hlek ila chuan kan graduate dawn alo a ni a, kum 2 dawh leh hlek ila chuan post graduate kan ni mai dawn a alo ni a. Kum 5 chhung vel kan dawh leh hlek hian mi tha zawk ah min lo va siam thei tak em, mihring nun ah hian a bikin kum 30 hma lamah hian eng tak tak mah hi kan lo ti hman ngai chuang lo a sin.
Tin, lehkha zir loh lamah pawh midang dawh lehhlek ila chuan, kan that phah zawk mai dawn te alo ni thin. Kan chhungte leh midangte pawh an insiam that theih nan nghak thei leh hlek ila chuan, Kristian chhungkua kan suangtuah ang thin kha kan nei mai tur a nia, kan rawngbawlna in rah a nei ve mai dawn alo nia. Ngahtheih leh Dawhtheih hi ava pawimawh em.
Sawi tur a tam dawn em a, insum theihna ah kal mai teh ang.
5) Insuam theihna tlakchhamna: Insuam thei hlek ila chuan mi sawisel kan kai lo mai tur a nia tih te, insum thei hlek ila chuan mi rawn tlak kan ni mai dawn a nia tih te, insum thei hlek ila chuan kan hlawhtling mai tur a nia tih te, insum thei hlek ila chuan ruihhlo bawi kan ni lo mai tur a nia tih te, insum thei hlek ila chuan biak in hawngin kawppui kan nei mai tur a nia ti te in kan sawi thin.
Insum theih hlekna hian, kan nun pumpui ah hian ngawng tha hi ava nei thui thei tak em.
(Tawngtai Dan Tur)
Lalpa, kross ah khan miin thunun thei lo mi chauh ni turin min chhandam lo a, miin thunun thei leh i hna tangkai tawk thei tur leh mi bik ni turin min chhandam zawk a. Chuvangin i duh ang a, ka inthunun theih nan min pui ang che, Amen. Ti ang o.
Instagram: https://www.instagram.com/nungturin/
Download Nungturin apps at this link
MAMAWH DANG AN AWM THEI TIH HRIA IN LO FORWARD VE ZEL ANG CHE.
Tha hle mai����
ReplyDelete