"Thirin thir a tihriam a, Chutiang bawkin miin a thian hmêl a tihriam."(Thufingte 27:17)
Thufingte a kan hmuh ang hian mi thate kan hnaih tlat chuan, thirin thir a tihriam angin, kan that phah ve thei a. Mi tha lo kan hnaih tlat chuan kan chhiat phah ve thei bawk ani.
Chuvang chuan"KAN HNAIH TUR MI KAN THLAN FIMKHUR A TUL ANI."
Rinna kawng kan zawh hian, kalpui tur leh kan intihchak pui tawn tur te hi kan mamawh a, mahni a mal kal loh hi a tha a. Kan kal ho hian, kan lo intichak tawn thei thin ani.
Engtik lai pawhin a "Eng zawnga nun thlir thiam mite" bula awm hi a tha a, tunlaiah chuan kan phone hmangin flim, hla, thuziak, video te kan hmu thei vek tawh a, hengah te pawh hian "Pathian thu leh kan BEISEINA min tihchak sak thei thil te" kan thlir tam a tha awm e.
Sualin a hliam te, ruihhlo ti emaw thil dang hmanga sualin a hliam te, kan thlauhthla tur tihna ani lo a. Chung mite chu mahni a buaipui mai loin, Rinna kawnga kan kalpuite nen kan pui tur ani. Chung sualin a hliamte chu, rinna a kan kalpui ten kan buaipui anga an buaipui ve hman lo anih pawhin, kan in tawngtai pui tir a nga, hmasawnna leh harsatna te kan thlen thin bawk ang.
Lalpa, nangmah hi hnaih reng che ila chuan, engkimah ka chak thei tur ani a, i lam hnaih tura min pui theitu tur mi, min pe ang che. Ti ang o.
Download apps at this link http://files.appsgeyser.com/Nungturin_5701356.apk
No comments:
Post a Comment