Sual Do

"Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e."(Ephesi 6:12) 

Sual do emaw, Sual hnathawh beih let kan han tih hian, THARUMA han beih chiam tur pawh hi a awm hran lo a. Kan tawngkam hman hi, a rum lutuk a, rum deuh a beih tum tawk te pawh kan awm fo thin.

Sual do dan tha deuh chu :
  1) Inkhawm: Kan inkhawm hian, thu tha kan rilruah tuhin a awm thin a. Tin, Thlarau Thianghlim chu fakna ah a chen thin avangin, kan inkhawmna a Pathian fakna hla kan sak vang leh Pathian thu kan sawi bawk thin avang hian, kan inkhawmna ah hian Thlarau Thianghlim a cheng tlat a, kan hriat kher loh pawhin kan inkhawm phawt chuan Thlarau Thianghlim'in engtin emaw tak min lo khawih thin ani. 
                      Sual lama mi a tluk dawn hian, a hmasa berah a inkhawm peih lo thin a, sual chuan a chaw dawt pakhat tih chhum phawt a, zawi zawi a tiah dar a tum thin ani.

2) Tawngtai: Inkhawmna atang bawk hian, tawngtai dan tur kan inzirtir thin a, engpawh nise Tawngtai dan kan hriat ang apianga kan tawngtai a pawimawh ani. Hmanhmawh taka tawngtai pawh hi Lalpa'n a hria a, chhan pawh a chhang thin a, kan hman emaw hman lo emaw, a rem emaw rem lo emaw, rilru tawngtaina kan neih reng hi a pawimawh ani.
                      Pathian aw hriat tum tak zet a tawngtaina chuan, min ti chak thei hle a, mahsela kan rilru a min lapeng theitu a tam avang hian, Pathian aw hretur chuan tawngtai rei deuh a ngai thung a, minute 15 atang darkar 3 te mi chuan Pathian aw hre turin an lo tawngtai thin a, a thla a thla te pawh an lo inkhung hrang thin ani.

3) Bible chhiar: Bible chhiar pawh hi, inkhawmna atang bawkin chhiar dan tur kan zir thin a, Bible hi Pathian thu leh Pathian zia kan hriat theihna ani a, chuvang chuan Bible hi a tam thei ang ber a kan chhiar a ngai ani.

4) Nun phung tha: Thawh hun a thawh te, Mut hun a mut te, Ei tur pangngai taka ei te, kan Taksa tha taka Enkawl te, Tawngkam tha chauh hman te leh Nungchang Tha leh Chindan tha kan hriat apiang anga kan nun hian, Sual'in min beih theihna tur kawng tam takah, kan in veng reng tihna ani.

Nun Phung Tha a kan nun hi a pawimawh em em ani.

Depression hnehtu pakhat chuan, ka INKHAWM tam vangin depression nei mah ila ka kal tlat zel thei a.

Ka TAWNGTAI vangin depression chu, keimah ah a che hleithei lo a.

Bible KA CHHIAR TAM avangin, Beiseina ka Ngah phah a, Beiseina chuan depression a ti dam a.

NUN PHUNG THA ka neih atangin, MI HLAWHTLING ka nih phah ta ani, a ti.

Lalpa, Sual Do thiam thei turin min pui ang che. Ti ang o.

Download Nungturin apps at this Link   http://files.appsgeyser.com/Nungturin_5701356.apk