"Tin, chumi nîah chuan phelhin a awm ta a, ran rual zînga a rethei, mi pawisatute chuan LALPA thu a ni tih an hre ta a."(Zakaria 11:11)
Mahni leh mahni han inbih chiang ta ila, Harsa leh Rethei a kan awm laiin nge Lalpa kan hnaih, kan Nawmsak lai zawkin.
Chik taka ngaihtuah hian, nun a kal tluan pangngai hian, a hranpa takin sual ti em em thin lo mah ila thinlung tak hian Lalpa hnaih hi a har ani. Harsatna hmunah erawh chuan, Lalpa hmaah hian tlawm takin thinlung hi kan hawng thei zawk thin ani.
Rohlu ber chu, "LALPA" ani a, chu rohlu ber kan neih theihna leh kan hnaih theihna chu Harsatna anih si chuan, Harsatna hi Malsawmna alo ni zawk ani.
Mahse, Lalpa'n ami te chu Nun nuam tak nei chung a, amah thinlung taka kan hnaih hi a duh a, chu chu mihring hian kan theih loh avangin, Harsatna hmanga zirtir leh hrilh fiah phawt hi kan lo tul thin ani.
Lalpa, zirtir min duhte ka zirthiam theihna hmun anih avangin, Harsatna ka nun a min pe hi ka lawm e. Heng harsatna atanga Nun nuam zawk min hruai thlen hunah, nang choh ka chawimawi theihna tur che in, min pui ang che. Ti ang o.
No comments:
Post a Comment