" Tin, buhto zawng tûra a thawh leh chuan, Boaza chuan a tlangvâlte hnênah, "Buhphal zinga mite pawh hi char zel sela, hau suh ang che u. Tin, a tela mite pawh, pawh chuahsak ula, hnutchiah zel ula, chhar sela, hau suh u," tiin thu a pe a."(Ruthi 2:15-16)
Bohazar chuan, Ruthii a hmuh ve leh a chhiahhlawhte hnenah, tu nge a nih a zawt a, a dinhmun an hrilh a, Naomi nula/monu Moab ram atanga rawn zui ve tu ani tih an hrilh a. Bohazara chuan, Ruthii chu Lalpa kawnga kal ani tih a hrethiam nghal ani, a hriat dan chu "Israel ho hian kalphung an nei a (sawi vek lo mai ila an kalphung chu), chu kalphung chu Naomi'n a zawm a, Ruthii'n Naomi zawm angin a zawm ve tih a hrethiam nghal a" chuta tang chuan, Ruthii chu mi tha ani tih a hre nghal ani.
Bohaza Lalpa kawnga kal ngar ngar, Israel te zawm tura thu Lalpa'n a pek te zawm thintu chuan, Ruthii nungchang atang Ruthii chu Lalpa kawnga kal ani tih a hriathiam ang mai hian, Lalpa kawnga kal te chuan, an in hre pawh thiam thei thin ani.
Tichuan, Bohaza atanga zirtur tha deuh mai chu, Ruthii chungah that a chhuah nghal hi ani, a ler zawngin engtin mah a ti mai lo a, a lang leh lang lo ah pawh that a chhuah nghal ani. Mi tamtak chuan, kawppui kan zawn hian a ler zawngin kan che nghal thuai thuai thin a, Lalpa duhdan kan lo kalpelh phah thin a, mi tha ve ve pawh kan in kawp hleih theih loh phah thin ani.
Ruthii chuan, Naomi hnenah Bohaza'n a chunga that a chhuah dan chu a hrilh ta a, Naomi'n Ruthii a fuih a, zanah Bohaza ke bula va mu turin a hrilh a. Naomi tih ang chuan, Ruthii chuan ava ti a, zan a Bohaza thangharhin a han hmuh chuan tunge i nih a ti a, Ruthii chuan "I chhiahhlawh Ruthii ka ni, i puan min zawn rawh ka laichchin bul i ni si a" a ti a.
Ruthii hian, Bohaza kha mipat hmeichhiat hman puiah a sawm ani lo a, Israel danah chuan unau nupui te hi an unaupa hming a bo loh nan chi an thlahsak thin a, Ruthii pasal te unau an thi ve ve si a, an chhungkua hnai vaiin chutiang ang dinhmun ah chuan chi an thlahsak thin ani. Chutiang ang taka ti turin Ruthii chuan Bohaza chu ava hrilh a, a bula tuma hriat loh a hmeichhe awm chu, tumahin min hmu lo bawk a, kan mutpui a nge a ti lo chiang hle mai. Bohaza tawngkam chhuak hmasa ber chu"Lalpa'n malsawm che rawh se" tih ani, tlangval i neih mai loh danah hian a tir ai tunah hian mitha i nih zia alang ani a ti nge nge.
Tichuan, i mutna ngaiah khan zing thleng mu phawt la, naktukah keimah ai a, inlam hnai zawk an awm a, an tih tur chu an tih duh leh duh loh ka bia a nga, an tih duh loh chuan keiman ka ti ang a ti a. Bohaza leh Ruthii hi an DAWHTHEIH zia leh an NGHAHTHEIH zia a lang ani.
A tir berah Ruthii Dawhtheihna leh Nghah theihna a lang a, Moab ah khan pasal nei leh maithei ani a, chungchu hnawlin Naomi Lalpa kawng a zawhna lamah Lalpa kawng chu thlangin a kal ve a. Bohaza Dawhtheihna leh Nghah theihna a lang leh a, Ruthii a lo'a a hmuh ve leh tunge a nih tih a hrechiang phawt a, Israel danah chuan mi rethei zawkte hian a neinung zawk te thlai lak bang hi an la thei hrim hrim a, tah khan an chipui Elimeleka mo ani tih a hre tawh a neih mai alo tum lo a, Ruthii chu chik zawngin a thlir leh a tlangval a neih mai loh dan te a hre chiang leh a, a dinhmun Bohaza'n a chik danah hian, Ruthii hi hmeichhe hmeltha tak Bohaza mit la tak anih a rinawm.
Bohaza Dawhtheina leh Nghahtheihna hi, chu mai pawh chu ala nilo, amah ai a Ruthii te lamhnai an awm leh awm loh a chhui chiang a, Ruthi'in min neih hi kan kalphunga i tih tur ani a tih pawhin keimah ai a hnaih zawk in nei a, ka rawn phawt a nge ala ti ani. Tichuan, an lamhnai chu a rawn a, an tih tur an lo tih duh loh avangin Ruthii chu Bohaza'n a nei ta a, kan Lalpa Isua Krista mihringa a lo pianna tur atana, tlahtu te an lo ni hial ta ani.
Ruthii leh Bohaza te atanga kan zirtur te chu:
1) Pathian kawng zawh: Ruthii chuan Pathian kawng a zawh avangin, Bohaza a tawng a, Bohaza chu Pathian kawng a kal reng anih tawh avangin Ruthii chu a tawng ve bawk a, tunge anih, eng ang mi nge anih tih pawh a hre nghal thei a.
2) Pathianin Tunge kan kianga a dah hriat: Ruthii leh Bohaza hian ral dang deih ami, an nghak lo a, an chungah pawh that an chhuah lo ani. Pathian in an hnena a rawn dah hnaih te ani, an nghah ni. He tlai tak hi a hnial theih viau awm e, "i duh theih tur i kiang a an awm mai loh chuan Lalpa hnena thlen chungin, Lalpa remruatna chu nghak leh mai ang o."
3) Thatna chhuah: Ruthii khan a pasala nu, Naomi chungah thatna a chhuah avangin leh a thu a zawm avangin Bohaza a nei a. Bohaza pawhin Ruthii chunga thatna a chhuah avangin Naomi leh Ruthii thinlung a hneh a, chu mai bakah mi tamtak chunga thatna chhuah thin mi a nih avangin Pathian malsawmna pawh a dawng ani.
4) Dawhtheihna leh Nghahtheihna: Kan sawi tawh bakah khain Ruthii hian Naomi pawh hi nasa takin a dawh a rinawm. Tin, Bohaza mi fimkhur lutuka thu pawh kha a zawm a, "a ke bula ava mut zan khan Ruthii hi hmeichhe hmeltha tak anih ve phei chuan neih tur an tam emai tih te pawh a awl ang, mahse Bohaza'n Pathian duh ang a, nun a tum dan zawng zawng chu a Nghak zel ani." Bohaza phei hi chu, a insum thei tel bawk a, chu pawh chu dawhtheina leh nghahtheihna a neih vang ani. "A tir ber atang Bohaza hian, an inkar mumal taka in kawp zawngin nge inkawp lo zawngin an awm dawn tih a nghak phawt a, an hnam dan zawng zawng a zawh kim vek bawk phawt ani."
Pathian thu kan zawm a, a kawng a kan kal phawt chuan, kan Pathian hian kan tan hian remruat fel tak a nei ngei ani.
Pawimawh em em chu, Pathianin mitin hi "DUHTHLANNA" min pe a, kan pian hma atang kan kawppui tur A RUAT NGHAL LO A, tu emaw piang ta se "Chu pa chu a piang ta, he nu hi a nupui tur ani," a ti lo a. Duhthlang theia min dah avangin, a hmasa berah a kawng kan thlan a ngai a, Lalpa kawnga kan kal chuan, Lalpa kawng chhung a kal ve bawk te nen kan in hnaih a nga, kan in tawn phah ang. Kan hnaihte chuan min Thlan theih nan, Thatna chhuah te, Dawhtheihna leh Nghahtheihna te kan neih a ngai bawk ani.
Lalpa, kawppui ka zawnna ah hian, i duh ang chauh a zawng thiam thei turin min pui ang che. Ti ang o.
Download Nungturin apps at this link http://files.appsgeyser.com/Nungturin_5701356.apk
No comments:
Post a Comment