I Hlawhtlin Ngei Theih Nan, I Thinlung Enfiah Rawh

"Aw LALPA, ka lungpui leh mi tlantu, Ka kaa thu chhuakte leh ka thinlunga ngaihtuahnate hi i mithmuhah lawmtlak takin awm rawh se."(Sam 19:14)  

Rawngbawlnaah emaw, eizawnna lamah emaw, lehkha zirna lamah emaw, fa enkawl kawngah emaw, kawppui zawn kawngah emaw, eng kawngah pawh hlawhtlin kan duh a nih chuan, Lalpa duh angin kan tum leh duh chu, nei turin kan bei em tiin kan thinlung hi kan fiah thin a pawimawh a ni.

Lalpa hmaa thinlung dik pumi hlawhcham an awm ngai lo ti ila kan sawi sual awm lo e.

Lalpa hmaa thinlung dik pumi chu:

1) A tlawm thei thin a,

2) A bei leh hram thei thin,

3) A innghahna Pathian chu a ngheh em avangin, a ngheta, a rinawm bawk thin.

4) Inngaitlawm mahsela, Pathian fa a ni tih a hriat avangin, hmachhawn tul apiang a hmachhawn ngam thin a.

5) Mahni a inchawimawi ngai loh avangin, Pathianin ngaihno beina a pea, a lang mawi thin.

6) A taimaa a thawh loh rah a seng duh ngai lo.

7) Thui tak a thlir a, hreawmna hmuh kanin hlawhtlinna ni a hmu thin.

8) Mi chaklohna a hriatthiam thin avangin, thawhpui tur a tlachham mang ngai lo. etc

Thinlung, Lalpa lawm zawg ngei kan neih theihna turin, kan thinlung hi enfiah fo ang u.

(Tawngtai Dan Tur)

Lalpa, i duh ang thinlung ka put theihna turin min pui la, chu thinlung dik leh thianghlim i duh zawg chu ka neih theihna turin, mahni leh mahni in enfiah thin nachang ka hriat theih nan min pui ang che, Amen. Ti ang aw.

Follow tih a hnuaia inziakah khuan i click dawn nia.